Gjatë fjalës së tij, Dumani theksoi rëndësinë e bashkëpunimit të frytshëm me agjencitë partnere dhe shkëmbimin e shpejtë të informacionit:

“SPAK ka kaluar nga një agjenci që kryesisht merrte informacion, në një institucion që furnizon partnerët ndërkombëtarë me të dhëna të verifikuara dhe operacionale, duke u shndërruar në një kontribues të vërtetë të sigurisë”, tha Dumani.

Në kuadër të këtij takimi, Dumani zhvilloi takime bilaterale me homologët e Paraguajit, Perusë, Kilit, Brazilit, Kolumbisë, Republikës Domenikane dhe Ekuadorit.

Gjithashtu, SPAK nënshkroi pesë memorandume mirëkuptimi me prokuroritë e Brazilit, Kilit, Kolumbisë, Republikës Domenikane dhe Paraguajit.

Qëllimi i këtyre marrëveshjeve dhe takimeve bilaterale është forcimi i bashkëpunimit në luftën kundër krimit të organizuar, veçanërisht trafikut të lëndëve narkotike.

Këto aktivitete u zhvilluan brenda kuadrit të një eventi më të gjerë tre ditor, më i madhi i organizuar ndonjëherë nga EUROJUST, me partnerët e vendeve të treta, ku morën pjesë, veç vendeve të Bashkimit Europian, Ballkanit Perëndimor dhe Amerikës Latine edhe ato të Lindjes së Mesme dhe Afrikës së Veriut.

Fokus i këtij eventi ishte forcimi i bashkëpunimit operacional mes këtyre rajoneve dhe Bashkimit Europian.

The post SPAK nënshkruan pesë memorandume mirëkuptimi me vendet e Amerikës Latine appeared first on Albeu.com.

Pjesë të trupit të saj u zbuluan më 9 qershor nga punonjës të një impianti të trajtimit të ujit në Lima, të futura në çanta plastike pranë objektit. Identifikimi u bë përmes tatuazheve që kishte në trup, përfshirë shkrimin “Love me for who I am”.

Më 15 dhe 19 qershor u gjetën pjesë të tjera të trupit, por disa ende mungojnë. Policia dyshon se ajo është mbytur përpara se të copëtohej, ndërsa ka shenja që sugjerojnë torturë, përfshirë djegie me cigare në këmbë.

Hetimet po ndjekin dy pista kryesore: njëra lidhet me trafikimin e qenieve njerëzore, një problem në rritje në Lima; tjetra me hakmarrje të mundshme, për shkak të rrethanave të dyshimta të vdekjes së partnerit të saj, Mayner Giménez Castrillo, me të cilin Caicedo u zhvendos në Peru në vitin 2022. Ai vdiq disa muaj më vonë dhe familja e tij ka ngritur akuza të rënda ndaj të ndjerës.

Autoritetet dyshojnë se ajo është joshur natën e krimit nga persona të njohur, dhe po analizohen pamjet e kamerave të sigurisë. Deri tani nuk ka arrestime dhe nuk janë bërë publike emra të dyshuarish.

Ngjarja ka ngjallur shqetësim të gjerë dhe i ka rikthyer vëmendjen mbi sigurinë e grave të reja emigrante në qytetet e mëdha të Amerikës Latine.

The post Ngjarje tronditëse/ Ishte zhdukur prej ditësh, gjendet trupi i 19-vjeçares appeared first on Albeu.com.

Në raportin e SPAK thuhet se grupet kriminale shqiptare janë pozicionuar mjaft mirë në disa shtete të Amerikës së Jugut, duke arritur të konkurrojnë edhe organizatat kriminale vendase.  Jo vetëm kaq duket që kanë arritur të korruptojnë dhe të kenë akses në nivele të larta qeverisëse, të korruptojnë segmente të agjencive ligjzbatuese dhe të krijojnë mekanizma mbrojtës efektiv.

E ndërsa Franca është shfrytëzuar si vend strehimi nga drejtues të organizatave kriminale të rëndësishme, të cilët i janë fshehur ndjekjes penale në Shqipëri, Në Spanja grupet kriminale po investonë paratë e ardhura nga aktiviteti kriminal.

Gjermania po përdoret si destinacion i përzierjes së drogave të forta. Tendencë e rëndësishme është dhe shtrirja e aktivitetit të këtyre grupeve në vendet skandinave siç është Danimarka, Norvegjia dhe Suedia.
Vihet re se, Porti i Durrësit po përdoret edhe nga grupe kriminale të Maqedonisë së Veriut për trafikimin e sasive të konsiderueshme të kokainës në Itali dhe më pas në shtete të tjera të BE-së.

Pjese nga raporti i SPAK 

Amerika e Jugut
Siç edhe u citua më lart, grupet kriminale janë të pozicionuara në Amerikën e Jugut ku më pas, përmes lidhjeve me grupet kriminale shqiptare të aktivizuara në tregjet kriminale të BE-së, Britanisë së Madhe dhe Ballkanit Perëndimor, ato arrijnë të eksportojnë sasi të konsiderueshme të narkotikëve dhe të një cilësie të lartë për grupet shqiptare, por dhe ato të kombësive të tjera. Këto grupe kriminale kanë arritur të pozicionohen mjaft mirë në disa shtete të Amerikës së Jugut dhe me sukses po konkurrojnë edhe organizatat kriminale vendase. Vihet re se, grupet kriminale shqiptare, kanë arritur të korruptojnë dhe të kenë akses në nivele të larta qeverisëse, të korruptojnë segmente të agjencive ligjzbatuese dhe të krijojnë mekanizma mbrojtës efektiv.

Bashkimi Evropian
Grupet kriminale shqiptare janë mjaft aktive në tregjet e trafikut të narkotikëve në BE, kryesisht në trafikun e kokainës, heroinës, marijuanës dhe hashashit, por dhe në tregje të tjera kriminale si, në trafikimin e mallrave të kontrabanduar dhe kryerja e transaksioneve me anë të mashtrimit kompjuterik (call center).

Itali
Grupet kriminale shqiptare janë aktive thuajse në të gjitha rajonet e Italisë, dhe nga hetimet e kryera në bashkëpunim me agjensitë partnere, gjatë vitit 2023 janë evidentuar aktivitete kriminale, të cilat kryheshin në Puglia, Toskana, Lombardi, Piemonte dhe Friuli-Venecia Giulia.

Beneluks
Edhe gjatë vitit 2023, janë evidentuar aktivitete të grupeve kriminale shqiptare në Belgjikë dhe Holandë. Ajo që vihet re është se, këto grupe kanë lidhje ose janë zgjatues të grupeve kriminale shqiptare, të cilët janë rezident në Amerikën e Jugut dhe i përdorin portet e zonës së Beneluksit për të trafikuar më pas kokainën në BE dhe Britaninë e Madhe. Vihet re gjithashtu se, grupet kriminale shqiptare vijojnë të jenë aktive edhe në rritjen e plantacioneve me kanabis, kryesisht në Belgjikë, në zonat Saint-Josse-Ten-Noode dhe Antëerp. Në Holandë, grupet kriminale shqiptare janë më aktive në Roterdam, për shkak edhe të portit më të madh hyrës në Beneluks.

Francë
Sipas hetimeve të përfunduara në vitin 2023, u evidentua një grup kriminal shqiptar me një strukturë të organizuar dhe të sofistikuar, i cili operonte në territorin e Francës dhe Shqipërisë në trafikimin e mallrave të kontrabanduara dhe pastrimin e parave. Struktura e këtij grupi kriminal tregon se, edhe tregjet kriminale në Francë përbejnë interes për grupet kriminale shqiptare. Vihet re se, territori i shtetit francez është shfrytëzuar gjithashtu si një vend strehimi nga drejtues të organizatave kriminale të rëndësishme, të cilët i janë fshehur ndjekjes penale në Shqipëri.

Spanjë
Një vend tjetër i BE-së, ku grupet shqiptare kanë qënë aktive është edhe Spanja. Gjatë vitit 2023, janë evidentuar grupe shqiptare të përfshira kryesisht në trafikun e kanabisit dhe në fushën e kryerjes së transaksioneve me anë të mashtrimit kompjuterik. Spanja ka shërbyer gjithashtu, si një nga pikat kyçe të lëvizjes së kokainës nga Amerika e Jugut për në tregjet kriminale të BE-së. Kryesisht grupet shqiptare garantojnë sjelljen e sasive të kokainës nga Ekuadori në portet e Spanjës, (p.sh. portin e Algeciras), duke e fshehur atë në ngarkesa produktesh të ndryshme (p.sh. frutash ekzotikë, banane, peshk etj.). Spanja është një ndër vendet, ku gjithashtu, grupet kriminale shqiptare, në bashkëpunim edhe me grupe të tjera kriminale, po investojnë në pastrimin e produkteve kriminale.
Gjermani
Grupet kriminale shqiptare janë aktivë në trafikun e narkotikëve dhe kryesisht atë të kokainës. Nënvizohet se, një ndër portat hyrëse të sasisë të kokainës është dhe aeroporti i Frankfurtit. Gjermania përveç importit të kokainës dhe heroinës, vijon të shërbejë edhe si destinacion I përzierjes së drogave të forta, të cilat trafikohen më pas në të gjithë BE-në. Vihet re gjithashtu se, ndër viktimat kryesore të aktivitetit kriminal të transaksioneve me anë të mashtrimit kompjuterik janë edhe shtetas gjerman.

Vendet skandinave
Një tendencë e rëndësishëm e shtrirjes së aktivitetit të grupeve kriminale shqiptare në BE, janë dhe vendet skandinave. Grupet kriminale shqiptare në këto vende janë poli-kriminale, por më shumë të fokusuara në trafikun e narkotikëve (kokainë dhe marijuanë) duke u vendosur në një prej këtyre shteteve, siç është Danimarka dhe duke e shtrirë aktivitetin e tyre më pas edhe në tregjet kriminale të Norvegjisë dhe Suedisë. Kryesisht, struktura drejtuese e grupeve që operojnë në këto tregje është hierarkike dhe bazohet në lidhjet familjare dhe shoqërore të cilët kanë funksione vendimmarrëse në organizatë dhe mbikëqyrin anëtarët e tjerë me role dytësore.

Britani e Madhe
Grupet kriminale shqiptare kanë një aktivitet të konsiderueshëm, kryesisht në fushën trafikut të kokainës dhe kanabisit në Britaninë e Madhe. Mendohet se, disa nga këto grupe kriminale mund të konsiderohen ndër ato grupe që kanë influencë shumë të rëndësishme në tregun e kokainës në këtë vend. Në vitet e fundit, grupet kriminale shqiptare janë përfshirë edhe në rritjen e kanabisit në të ashtuquajturat “shtëpitë e barit”, ku bëjnë pjesë një numër i konsiderueshëm të rinjsh. Ajo që është vënë re, nga rastet që ka ndjekur Prokuroria e Posaçme, është rritja e përdorimit të dhunës së grupeve kriminale të përfshirë në rritjen e kanabisit, qoftë në rastin e grabitjeve, por dhe në atë të larjes së hesapeve.

Lindje e Mesme
Vihet re, një prirje e grupeve kriminale shqiptare në zgjerimin e hartës së tyre të tregjeve kriminale edhe në Lindjen e Mesme. Kështu, në të paktën një rast, hetimet treguan se grupi kriminal shqiptar kishte siguruar “kokainë”, “heroinë”,“marijuanë” dhe “risinë”, në Siri, Turqi dhe vende të tjera të Lindjes së Mesme, për ti trafikuar ato më pas drejt Shqipërisë dhe nga Shqipëria drejt Maqedonisë së Veriut, Greqisë, Italisë e vendeve të tjera të BE-së.

Rajoni
Grupet kriminale shqiptare po përdorin disa porte si pika kyçe hyrëse të kokainës, e cila vjen nga Amerika Latine për të hyrë në rajon dhe për t’u transportuar më pas në BE. Në hetimet e vitit 2023 është evidentuar se, kokaina vjen me kontenier e fshehur në ngarkesa të ndryshme si p.sh. “pleh organik”, e cila transportohet nga Kolumbia nëpërmjet Portit të Pireut, në Greqi, në drejtim të Portit të Tivarit, në Malin e Zi. Ngarkesat futen në Shqipëri nëpërmjet transportit në rrugë tokësore , për t’u marrë më pas nga personat e specializuar të transportit dhe magazinimit të kokainës, për të bërë ekstraktimin e saj, duke ruajtur pastërtinë maksimale. Vihet re se, Porti i Durrësit po përdoret edhe nga grupe kriminale të Maqedonisë së Veriut për trafikimin e sasive të konsiderueshme të kokainës në Itali dhe më pas në shtete të tjera të BE-së. Zhvillimi i linjave të reja të kokainës nëpërmjet Shqipërisë nga grupet kriminale të Maqedonisë së Veriut tregon se, për këtë trafik po përdoren linja që dikur njiheshin si rrugët e trafikut të heroinës.

The post Grupet kriminale shqiptare në Amerikën e Jugut akses në nivele të larta qeverisëse, konkurrojnë dhe vendasit! Po shtrihen dhe në Lindjen e Mesme e vendet skandinave appeared first on Albeu.com.

260 kilogramë kokainë u gjetën në një anije mallrash që po transportonte sojë nga Amerika e Jugut.

Nëse do të hidhej në treg, sasia e kokainës do të sillte rreth 10 milionë euro.

Zbulimi i kokainës ndodhi më 14 mars, kur oficerët e sigurisë vunë re dy zhytës të cilët po përpiqeshin të nxirrnin pesë valixhe brenda një depozite uji.

Policia ndaloi dy personat, një shtetas brazilian dhe shqiptar, tashmë në paraburgim.

Nuk është hera e parë që në portin e Koperit kapet një sasi kaq e madhe lënde narkotike, ajo zakonisht gjendet në kontejnerë apo në motorët e anijeve tregtare, por asnjëherë brenda një depozite uji.

The post Kapet 260 kg kokainë që vinte nga Amerikan Latine në Slloveni, në pranga një shqiptar dhe një brazilian appeared first on Albeu.com.

Do të luhen të paktën 5 miqësore deri në nisjen e Europianit dhe 3 prej tyre zhvillohen në muajin mars. FSHF ka zyrtarizuar miqësoren e parë e cila do të jetë me Suedinë më 25 mars në Stokholm, por kjo do të jetë e dyta për nga rradhitja.

Testi i parë miqësor për Sylvinhon dhe kuqezinjtë do të jetë më 21 mars dhe kundërshtari do të jetë Kili. Ishte vetë presidenti Armand Duka i cili në prononcimin pas shortit zbuloi bisedimet me 2 herë fituesin e Copa America.

Ndeshja do të zhvillohet në fushë asnjëanëse, kërkesë e stafit teknik, dhe do të luhet në Bologna. Mbetet vetëm zyrtarizimi nga FSHF dhe Federata e Kilit për të finalizuar miqësoren. /newsport.al/

The post Miqësore me gjigantët e Amerikës Latine, zbuloni testin e parë të Shqipërisë para Euro 2024 appeared first on Albeu.com.

Sipas mediave në Çeki, hetimi nisi pas sekuestrimit në dy vitet e fundit të 1 ton 490 kg kokainë në arkat me banane të një rrjeti marketesh.

Operacioni i kryer në bashkëpunim me Interpolin, bëri të mundur edhe arrestimin e Jiri G, drejtuesin e departamentit të importit të fruta-perimeve në supermarket, raportojne mediat.

“Anëtarët e grupit të organizuar kontrabanduan kokainë në arka bananeje nga vendet e Amerikës së Jugut nëpërmjet Hamburgut”, tha kryeinspektorja Lucie Smoldasová, e cila theksoi se “ai ndoshta ka ndërmjetësuar lidhjen me dy të huaj të tjerë”.

Po ashtu u arrestua dhe një tjetër shtetas çek, Petr H, ndërsa personi i tretë i arrestuar është një shtetas shqiptar, i cili ishte ndërkohë nën hetim për trafik droge nga autoritetet.

Grupi kriminal mësohet se drejtohej nga një person, i cili jetonte në Pragë prej kohësh dhe ishte dënuar për trafik droge.

The post VIDEO/ Trafik kokaine nga Amerika Latine drejt vendeve të BE-së me arka banane, arrestohen tre persona në Çeki, mes tyre edhe një shqiptar appeared first on Albeu.com.

Abdelwahab Guerni ka qenë një nga aktorët më të rëndësishëm në tregtinë e kokainës në Belgjikë që nga fillimi i këtij shekulli. Thyerja e sistemeve të enkriptuara të bisedave Sky ECC dhe Encrochat tani e sjell atë dhe 123 të pandehur të tjerë para drejtësisë. Jo më pak se 124 burra dhe gra janë sot në gjyq në Evere. Mes tyre, një algjerian, dhe një numër i madh djemsh të ashpër shqiptarë, por edhe një oficer policie nga zona Bruksel-Jug që kërkonte informacione konfidenciale për ta. Gjykata në Bruksel ishte shumë e vogël dhe kështu gjyqi u zhvillua në godinën Justitia në Evere, ku u zhvillua edhe gjyqi për sulmet në Bruksel dhe Zaventem.

Asnjë bandë e madhe nuk është në gjyq, por një grumbull bandash të ndryshme, disa prej të cilave u përfshinë në trafikun e kokainës nga Amerika e Jugut dhe kanabisit nga Maroku. Kriminelët (shqiptarë, marokenë, belgë dhe gjithashtu kolumbianë) punuan së bashku në një kontekst të lirshëm. E zakonshme gjatë gjithë historisë është se kriminelët përdorën aplikacione chat që konsideroheshin të pahakueshme për vite me radhë. Së pari Encrochat, por kur ai aplikacion u godit nga hetuesit holandezë dhe francezë në 2020, më vonë Sky ECC. Por ai sistem doli gjithashtu të mos ishte i papërshkueshëm, dhe kështu kriminelët që përdornin emra si ‘Zidane’, ‘Mbappé’, El Chapo dhe Escobar në komunikimet e tyre u ekspozuan dhjetëra herë në të njëjtën kohë. Hetuesit mblodhën prova se shumë ton kokainë nga Amerika e Jugut u sollën në laboratorët në Bruksel nëpërmjet porteve të Antwerp, Roterdam, Le Havre dhe Hamburg, por edhe me avionë privatë.

“Ndrangheta”

U zbuluan gjashtë laboratorë ku ishte prerë dhe paketuar kokaina, si dhe dy ‘lavanderi të kokainës’. Një nga teknikat e përdorura nga bandat e drogës për të trafikuar kokainën në Evropë është fshehja e saj në produkte të tjera, si tekstile, përmes proceseve kimike. Heqja e kokainës nga atje kërkon përsëri trajtim me produkte kimike, si acetoni. Pasi u nxorr kokaina, ajo u pre dhe e u ngjesh në blloqe. Më pas transportohej jashtë vendit me vagona me hapësira të fshehura të ndërtuara në të, duke përfshirë në Itali, Suedi dhe Gjermani. Hetuesit dyshojnë se ka lidhje edhe me organizatën kriminale italiane “Ndrangheta”.

Gjatë hetimeve, hetuesit sekuestruan dhjetëra armë, 67 automjete, 1 milion euro cash dhe shumë ora luksoze. Bisedat treguan se banda kishte sjellë dhjetëra tonë kokainë në Evropë gjatë viteve. 1.2 ton kokainë u gjetën në Liège dhe disa dhjetëra kilogramë të tjerë në laboratorë. Hetimi belg çoi gjithashtu në sekuestrimin e dhjetë tonë hashash në Marok.

Shumë nga të dyshuarit që po gjykohen janë shqiptarë. I akuzuari kryesor është shqiptari Eridan Guerrero, 50 vjeç. Por ajo që tërheq më shumë imagjinatën është kumbari algjerian Abdelwahab Guerni, 56 vjeç. Prej vitesh ai konsiderohet si një nga trafikantët më të mëdhenj të kokainës që ka njohur Belgjika. Në vitin 2004, Guerni u kap me 493 kilogramë kokainë në një garazh në Charleroi, një sasi e madhe në atë kohë. Guerni më pas gjatë hetimeve ka rrëfyer se më parë kishte futur në Belgjikë katër ton kokainë. Megjithatë, ai dhe dhjetë të dyshuar të tjerë u liruan në gjykatë në vitin 2006 për shkak të një gabimi procedural. Më vonë ai ishte ende në burg në Itali. Guerni ka qenë njeriu që kishte kontakte të drejtpërdrejta me kartelet kolumbiane, si dhe me klientët italianë që thuhej se ishin pranë “Ndranghetës”.

Pronar i dyqanit të çipave

Dosja tregon gjithashtu qartë se sa të ndërthurura janë bota e drogës në Bruksel dhe Antwerp. Disa të dyshuar në dosje janë shfaqur më parë në dosje të tjera kryesore të drogës. Për shembull, Abdelmalek A. u gjykua në Antwerp në vitin 2020 për gjoja se kishte ndihmuar në rrëmbimin e dy liderëve nga bota e drogës në Antwerp. Abdelkader Bouker, i njohur ndryshe si “çifuti”, u zhduk pranë shtëpisë së tij në Schelle në korrik 2016 dhe nuk është parë që atëherë. Youness E.B, vëllai i vogël i bosit të njohur të drogës Othman E.B. i cili drejton biznesin e tij nga Dubai, u rrëmbye më 15 nëntor 2016 teksa po dilte nga një klub fitnesi në Antwerp. Ai mbijetoi dhe u rishfaq në Paris një muaj më vonë. Abdelmalek A. u dënua me nëntë vjet burg në Antwerp për rolin e tij në dy rrëmbimet. Por gjykata e apelit më vonë e shpalli të pafajshëm për mungesë provash. Maati K. është gjithashtu i njohur në mjedisin e drogës Antwerp. Ai është pronar i një numri dyqanesh të çipave në Deurne dhe Wilrijk që kanë qenë subjekt i sulmeve vitet e fundit.

The post Trafikonin tonelata kokainë nga Amerika Latine, Sky ECC zbulon “Kumbarin” që bashkëpunonte me shqiptarët “Mbape” e “Zidane” appeared first on Albeu.com.

Në periudhën 12 mars – 2 prill, autoritetet kanë konfiskuar 203 tonë të kokainës dhe drogave tjera – vlera e të cilave arrin në rreth 5.7 miliardë dollarë.

Përgjatë operacionit janë konfiskuar edhe mbi 8.200 armë të paligjshme dhe 305.000 fishekë.

Operacioni është thënë të jetë zhvilluar në 15 shtete.

Në total, autoritetet kanë ndërprerë veprimtarinë e 20 grupeve kriminale, përfshirë sindikatën braziliane të krimit, Primeiro Comando da Capital, bandën e të rinjve të Salvadorit, Mara Salvatrucha dhe Kartelin e Ballkanit, që është aktiv edhe në Amerikën Jugore.

“Fakti që një operacion i konfiskimit të armëve ka rezultuar në kapje të një sasie kaq të madhe të drogës, dëshmon se këto krime janë të ndërlidhura”, ka thënë Sekretari i Përgjithshëm i Interpolit, Jurgen Stock.

“Rrjetet e krimit të organizimit, me të gjitha aktivitetet e paligjshme, e kanë vetëm një prioritet, profitin. Ne, si zyrtarë për zbatim të ligjit, duhet të tregojmë vendosmëri për t’i shkatërruar këto grupe në çdo rajon të botës”, ka thënë mes tjerash Stock./REL/

The post Megaoperacioni me mbi 14 mijë të arrestuar, Interpol: Më shumë se 200 ton drogë të konfiskuara në Amerikën Latine appeared first on Albeu.com.

“Kemi raporte për një balonë që fluturon mbi Amerikën Latine. Ne besojmë se ky është një tjetër balonë spiune kineze”, tha zëdhënësi i Pentagonit, Pat Ryder, pa dhënë një vendndodhje specifike.

Ministria e Jashtme e Kinës e quajti aksident hyrjen e një balone në hapësirën ajrore të SHBA-së. Në të njëjtën kohë, Pekini akuzoi politikanët dhe mediat në Shtetet e Bashkuara se kanë përfituar nga incidenti për ta diskredituar.

“Kina ka respektuar gjithmonë ligjin ndërkombëtar, sovranitetin dhe integritetin territorial të të gjitha vendeve”, tha Ministria e Jashtme kineze në një deklaratë.

Më herët gjatë ditës së djeshme, Sekretari amerikan i Shtetit, Anthony Blinken, foli në telefon me homologun e tij kinez Wang Yi për ta informuar për shtyrjen e vizitës së tij në Kinë, duke përmendur veprime të papërgjegjshme dhe shkelje të qartë të sovranitetit të Shteteve të Bashkuara.

Pekini shprehu keqardhjen e tij për këtë hyrje të paqëllimshme të balonës në hapësirën ajrore të SHBA-së, duke pretenduar se ajo shërben për qëllime kërkimore, kryesisht meteorologjike. /albeu.com

The post Një tjetër balonë “spiune”kineze shfaqet në qiell, këtë herë mbi Amerikën Latine appeared first on Albeu.com.

Fjala “mafia” është një term gjithnjë e më i njohur në Amerikën Latine.

Por çfarë e bën një strukturë kriminale të quhet “mafia”?

Për dy dekada, organizatat kriminale shqiptare kanë bërë biznes fitimprurës me kartelet në Amerikën Latine.

Shqiptarët  kanë krijuar kontakte me grupet e trafikut të drogës në vende si Kolumbia, Ekuadori, Meksika dhe Peruja, pa pasur nevojë për komandim të shumë burrave dhe armëve të kalibrit të lartë, si kartelet e Amerikës Latine.

Në qershor 2022, Policia Peruane Kundër Drogës sekuestroi 2.2 ton kokainë që do të dërgohej nga deti në Holandë.Droga ishte e kamufluar në kanaçe me asparagus që do të transportoheshin në një kamion nga Trujillo në Callao.

Shtatë peruan u arrestuan dhe u urdhërua kapja e dy shqiptarëve:  Franc Malo dhe Gentjan Meta, të cilët hynë ilegalisht në vend përmes Huaquillas, në kufi me Ekuadorin, në nëntor 2021.

Raporte të ndryshme në shtyp, duke cituar informacione nga kabineti i sigurisë së qeverisë meksikane, tregojnë se “el mayo” Zambada krijoi një shoqatë për qëllime pastrimi parash me anëtarë të klanit të vëllezërve Hysa.

Me ndihmën e tij ata krijuan kompani për pastrimin e parave, kazino, restorante dhe një kompani eksporti në shtetet e Baja California, Quintana Roo dhe Sonora, sipas dokumenteve të inteligjencës.

Por kriminelët shqiptarë jo vetëm që kanë lidhje të forta me “el mayo” Zambada, por edhe me Kartelin Jalisco Nueva Generación (CJNG) , sipas burimeve të inteligjencës, duke sugjeruar një rritje të operacioneve të paligjshme në Amerikën Latine./Albeu.com/ 

The post Trafikantët shqiptarë të drogës konkurrojnë për pozicione në Ekuador, i përfshirë dhe klani Hysa, si i fshihnin paratë e “pista” appeared first on Albeu.com.