Basha thotë se, kushdo që meriton të largohet nga politika duhet të largohet, nuk ka rëndësi demokrat, socialist apo të ndonjë partie tjetër.

“I lind detyrimi që të dalin haptas para shqiptarëve. Duke pranuar këto propozime i mbyllim derën tranzicionit me vetëdijen se kushdo që meriton të largohet nga politika duhet të largohet nga politika, nuk ka rëndësi demokrat, socialist apo të ndonjë partie tjetër.

Çdo alibi vetëm sa nxjerr zbuluar qëllimin e llumit të tranzicionit për ta mbajtur Shqipërinë peng të një klase të ndryshkur dhe të dalë nga vetja. Ne refuzojmë të jemi pjesë e asaj klase. Nuk ka masakër zgjedhore të na heqë ne nga misioni i zhvillimit. Ndryshimi do bëhet me çdo kosto”, është shprehur Basha./albeu.com

The post Basha: Kushdo që e meriton, demokrat apo socialist, do të largohet nga politika (VIDEO) appeared first on Albeu.com.

Bardhi tha se nesër, amendamentet do të depozitohen në Kuvend.

“Grupi parlamentar i PD dje vendosi që gjatë javës të depozitojë disa amendamente kushtetuese; spastrimi i politikës nga të korruptuarit, rikthimi i legjitimitet të zgjedhjeve, përmes ndryshimeve kushtetuese dhe një reformë të re territoriale. Sot autorizoi anëtarët e Komisionit të Ligjeve për të finalizuar amendamentet. Sot u ra dakord për të gjitha çështjet nga grupi se këto çështje që nuk janë çështje për PD, por në interes të shqiptarëve. Ka ardhur momenti që të sigurohet që në institucionet më të larta shtetërore të kemi persona të palidhur me krimin dhe nuk janë të korruptuar. Nesër do të njiheni dhe me propozimet tona të plota. Grupi i punës sot ka autorizuar depozitimin e amendamenteve nesër.”, tha Bardhi.

I pyetur nëse janë konsultuar me ndërkombëtarët, Bardhi tha se PD gjithmonë ka një proces informimi për partnerët ndërkombëtare.

“Patjetër që ka pasur, ka dhe do të ketë një proces informimi të partnerëve ndërkombëtarë mbi çdo propozim të bërë nga PD, e rëndësishme është që nesër do të depozitojmë në Kuvend këto tre amendamente”, tha Bardhi./albeu.com

The post Bardhi: Jemi konsultuar me ndërkombëtarët për 3 amendamentet kushtetuese, nesër i depozitojmë në Kuvend appeared first on Albeu.com.