Në një mesazh shpërndarë nga Ambasada amerikane në Facebook, Yuri Kim thotë se ky burg është dëshmi e qartë e ligësisë .

Kim thekson se është takuar atje me ish të burgosurin Zenel Drangu, i cili i ka treguar për ashpërsinë e përditshme që u shkaktohej njerëzve aty: rrahjet, puna skllavëruese, nxjerrja në kushte ekstreme të motit, keqinformimi, ngjallja e dyshimeve të ndërsjella, aktet imorale të sadizmit, të gjitha të krijuara për t’i zhveshur njerëzit nga dinjiteti, logjika dhe shpresa.

“Iu bashkova disa Ambasadorëve sot në një vizitë në kampin e burgut politik në Spaç (“Reparti i Riedukimit 303”). Ky vend është dëshmi e qartë dhe e tmerrshme e ligësisë – nuk ka fjalë tjetër përveçse “ligësisë” – së Enver Hoxhës dhe komunizmit. Ish i burgosuri Zenel Drangu, i cili kaloi 18 vjet në Spaç sepse ishte arratisur në Jugosllavi, na tregoi për ashpërsinë e përditshme që u shkaktohej njerëzve aty: rrahjet, puna skllavëruese, nxjerrja në kushte ekstreme të motit, keqinformimi, ngjallja e dyshimeve të ndërsjella, aktet imorale të sadizmit – të gjitha të krijuara për t’i zhveshur njerëzit nga dinjiteti, logjika dhe shpresa. Spaçi duhet të ruhet, në përputhje me statusin e tij si një monument kombëtar shqiptar, për të kujtuar ata që vuajtën, për të nderuar ata që luftuan dhe për të na kujtuar të gjithëve ne se nuk duhet të lejojmë që kjo ligësi të ndodhë më kurrë”, shprehet ambasadorja Yuri Kim, ndërsa falënderon ambasadorët e Zvicrës, Adrian Maitre, dhe atë të Suedisë, Elsa Hastand, për “organizmin e vizitës së sotme të rëndësishme”, shkruan ambasada./albeu.com

The post “Dëshmi e qartë e ligësisë”, Yuri Kim viziton burgun famkeq të Enver Hoxhës (FOTO LAJM) appeared first on Albeu.com.