Kryetari i Lidhjes Demokratike të Kosovës, Lumir Abdixhiku, zhvilloi sot një takim me ambasadorin e Gjermanisë në Kosovë, Rainer Rudolph.

Biseda u përqendrua te zhvillimet e fundit politike në vend, veçanërisht te situata e krijuar pas refuzimit të propozimit për Presidentin e Republikës së Kosovës.

Abdixhiku e cilësoi mospranimin e kandidatit të propozuar nga LDK-ja dhe dështimin për ta përmbyllur procesin institucional si zhvillime të pafavorshme për stabilitetin politik dhe funksionimin demokratik të institucioneve të Kosovës.

Gjatë takimit, kreu i LDK-së nënvizoi edhe rëndësinë e mbështetjes nga partnerët strategjikë të Kosovës për ruajtjen e stabilitetit institucional, forcimin e demokracisë dhe avancimin e agjendës euroatlantike të vendit.

Palët vlerësuan rëndësinë e raporteve të afërta mes Kosovës dhe Gjermanisë, si dhe bashkëpunimin e vazhdueshëm në çështjet që lidhen me zhvillimin demokratik dhe integrimin evropian të Kosovës.

Abdixhiku shprehu në përfundim mirënjohje për mbështetjen e vazhdueshme dhe të palëkundur që Gjermania i ka ofruar Kosovës ndër vite, duke e cilësuar atë një nga partnerët strategjikë më të rëndësishëm të vendit.

The post Abdixhiku diskuton me ambasadorin Rudolph situatën politike pas mosmiratimit të kandidatit për president appeared first on Albeu.com.

Kryetari i Aleancës, Ardian Gjini, është takuar me ambasadorin e Gjermanisë në Kosovë, Rainer Rudolph.

Takimi u zhvillua në një atmosferë miqësore dhe gjatë tij u diskutua për zhvillimet politike në vend.

Gjini bëri të ditur përmes një postimi se e falënderoi ambasadorin Rudolph për angazhimin e tij personal, si dhe Gjermaninë për mbështetjen e vazhdueshme që i ka dhënë Kosovës.

“Biseda me Ambasadorin Rudolph u përqendrua te zhvillimet politike në vend. E falënderova për përkushtimin e tij personal dhe për mbështetjen e Gjermanisë ndaj Kosovës, e cila mbetet një prej partnerëve tanë më të rëndësishëm dhe përkrahëse e vazhdueshme e zhvillimit të vendit tonë”, ka shkruar Gjini.

The post Ardian Gjini zhvillon takim me ambasadorin gjerman, në fokus politika në Kosovë appeared first on Albeu.com.