Debati mes Çitakut dhe Gjuriçit erdhi pasi tenisti serb Novak Gjokoviq njoftoi se i është dhënë leja për të garuar në Australian Open duke bërë një përjashtim mjekësor nga vaksinimi.

“Të gjitha kafshët janë të barabarta, por disa kafshë janë më të barabarta se të tjerët”, ishte një postim i nënkryetares së PDK-së, Vlora Çitaku, që nisi përplasjen me Gjuriçin.

Mirëpo, së fundmi pjesë e këtij debati është bërë edhe këngëtarja me famë botërore, Dua Lipa.

Gjuriç, e ka quajtur “bashkëkombëse të tij”, këngëtaren kosovare.

“Duke lënë komentet urrejtëse anash, jam shumë krenar për bashkëkombësen tonë të dashur Dua Lipa (flamur i Serbisë) edhe pse ajo mund të mendojë ndryshe për çështjet politike”, ka shkruar Gjuriç në Twitter.

Të menjëhershme kanë qenë reagimet nga përdorues në Twitter që kanë shpërndarë fjalimet e Lipës që flet për vuajtjet e Kosovës e se sa krenare është që është shqiptare.

The post Ambasadori i Serbisë provokon me deklaratën, quan Dua Lipën “bashkëkombase” appeared first on Albeu.com.

Ambasadori i ndjerë tashmë, 71-vjecar, ka qenë më parë edhe analist ushtarak dhe gazetar.

Ministria ka thënë se ai ka “vdekur papritur”, mirëpo mediat serbe kanë cituar disa zyrtarë duke thënë se ai ka pasur sulm në zemër.

“Dedikimi i tij, përkushtimi dhe devotshmëria si ambasador i shtetit tonë, do të kujtohet ashtu sikurse shumë aktivitete me qëllim të përmirësimit të bashkëpunimit dhe miqësisë në mes të Serbisë dhe Rusisë”, ka thënë Ministria përmes një deklarate.

Llazanski është emëruar si i dërguar i Beogradit në Rusi, në korrik të vitit 2019.

Ai ka qenë gazetar për të përditshmen serbe, Politika, dhe analist ushtarak që ka raportuar nga zonat e konfliktit në Irak, Iran, Afganistan, Çeçeni, Afrikë dhe Lindje të Mesme.

Llazanski po ashtu ka raportuar gjatë luftërave të Ish-Jugosllavisë në vitet 1990, si dhe nga Krimea e Ukrainës, të cilën e ka aneksuar Rusia më 2014.

Ai ka qenë edhe komentator i shpeshtë për organizatën shtetërore ruse, Sputnik.

Presidenti serb, Aleksandar Vuçiq, ka shprehur ngushëllimet e tij për humbjen e, siç ka thënë ai, një “njeriu të madh”.

“Serbia ka humbur një burrë të mrekullueshëm, ambasadorin e saj në Federatën Ruse, një nga ekspertët më të mirë të mundësive gjeopolitike, strategjisë ushtarake dhe taktikave, një gazetar i jashtëzakonshëm, një publicist, dhe mbi të gjitha, një burrë të mirë”, ka thënë Vuçiq.

Në korrik të vitit 2020, në raportin e grupit Bellingcat për ndërhyrjen ruse në Maqedoni të Veriut, hulumtuesit e kanë lidhur Llazanskin me përpjekjet e Moskës “për të krijuar një rrip të vendeve ushtarakisht neutrale” në Ballkan.

Bellingcat ka thënë se zyrtarë rusë dhe serbë të inteligjencës kanë “krijuar lidhje” me Llazanskin dhe kanë pohuar se “kundërzbulimi maqedonas ka përfshirë Llazanskin si një nga propagandistët më të mëdhenj pro-Kremlinit në këtë shtet”.

Ministria e Jashtme serbe ka thënë se ceremonia e varrimit të Llazanskit do të zhvillohet në Beograd më 6 gusht./REL

The post Vdes “papritur” në Beograd ambasadori i Serbisë në Rusi appeared first on Albeu.com.