Florian Qehaja, ambasador i Kosovës në Maqedoninë e Veriut, deklaroi se nisja e ndërtimit të autostradës Shkup–Bllacë është rezultat i një periudhe të gjatë angazhimi dhe avokimi.

Duke folur për mediat, ai theksoi se kjo rrugë do t’u mundësojë qytetarëve të Kosovës lidhjen me Korridorin 8.

“Sot po përurohet një nga objektivat kryesore të bashkëpunimit tonë, që ka të bëjë me ndërlidhjen dhe mobilitetin. Më saktësisht, pas shumë vitesh angazhimi, avokimi dhe lobimi edhe nga ana jonë, po shënojmë fillimin e punimeve për autostradën Shkup–Bllacë. Ajo do të bashkohet me pjesën përfundimtare të autostradës ‘Arbën Xhaferi’ dhe do t’i lidhë qytetarët e Kosovës me Korridorin 8…”, tha Qehaja.

Ai shtoi se ky segment i autostradës ka rëndësi të veçantë edhe për raportet dypalëshe ndërmjet dy shteteve.

The post Nis autostrada Shkup–Bllacë, Qehaja: Qytetarët e Kosovës do të lidhen me Korridorin 8 appeared first on Albeu.com.