Kështu ka thënë ambasadori gjerman të mërkurën në një intervistë në Rubikon të Klan Kosovës.

The post Ambasadori gjerman: Fatkeqësisht bashkëpunimi ynë me Kosovën është zbehur në disa sektorë appeared first on Albeu.com.

Gjatë fjalës së tij, Zingraf bëri thirrje ndërkohë të gjitha kompanive gjermane që të vijnë dhe të investojnë në Shqipëri.

“Gjermania do të vazhdojë të jetë një mbështetëse e fortë e Shqipërisë në rrugën e saj drejt BE. Ne mbështesim ardhjen e kompanive gjermane për të ardhur dhe për të investuar këtu në Shqipëri.”, u shpreh ndër të tjera ambasadori Zingraf.

Zingraf u ndal gjithashtu te deputetët e Kuvendit të Shqipërisë duhet të paguhen në mënyrë dinjitoze.

Mes të tjerash ai theksoi se e rëndësishme është dhe niveli i përgjithshëm i pagave.

“Pagesa e parlamentarëve është një çështje delikate me këto karakteristika. Kush i ruan ata që ruajnë? Deputetët janë ata që vendosin për buxhetin, ndaj nuk dua të përzihem më një pyetje të tillë. Mendoj se deputetët e parlamentit të paguhen në mënyrë dinjitoze, si çdo parlamentar, që duhet të kryejnë një punë të mirë. E rëndësishme ama është dhe niveli i përgjithshëm i pagave. Qeveria shqiptare planifikon që të rrisë pagat në sektorin publik. Kjo lidhet dhe me debatin e emigracionit. Shqipëria duke pasur parasysh dhe rajonin, ka nivelin e pagave më të ulta në rajon. Pyetja konkrete diskutohet në mënyrë kontroverse në shoqëri të ndryshme, por debati i rëndësishëm në shoqërinë shqiptare është se sa ndikojnë te shoqëria.”, tha ambasadori.

The post “Mbështesin rrugëtimin e Shqipërisë drejt BE”, ambasadori gjerman: Deputetët e Kuvendit të paguhen në mënyrë dinjitoze appeared first on Albeu.com.

Ai shkroi në Twitter është mirë që përfaqësuesi i posaçëm i BE-së, Miroslav Lajçak, ka më shumë kohë që të punojë me palët për të gjetur një zgjidhje. Me kërkesë të Shteteve të Bashkuara, kryeministri i Kosovës, Albin Kurti, pas mesnate vendosi ta shtyjë për 48 orë zbatimin e fazës së dytë të vendimit për riregjistrimin e makinave me targa ilegale serbe në RKS – Republika e Kosovës.

Faza e dytë ka paraparë shqiptimin e gjobave prej 150 eurosh për qytetarët që qarkullojnë me targa të tilla. Para shtyrjes së vendimit, Policia e Kosovës kishte planifikuar që vendimin për gjobat ta zbatonte nga mëngjesi i 22 nëntorit. Faza e parë ka paraparë qortimin, e dyta parasheh gjobën dhe më vonë parashihet të vendosen disa targa provuese. Serbia – e cila lëshon targa të paligjshme për serbët e Kosovës që nga paslufta më 1999, e kundërshton këtë plan – duke insistuar në targa neutrale ndaj statusit të Kosovës.

Si pasojë e tensioneve të ngritura, serbët e veriut të Kosovës – ku qarkullojnë kryesisht makinat me targa të paligjshme – kanë dhënë dorëheqje nga institucionet e Kosovës. Ata, po ashtu, kanë paralajmëruar se do të kundërshtojnë shqiptimin e gjobave nga autoritetet e Kosovës. Kosova dhe Serbia kanë nisur negociatat për normalizimin e marrëdhënieve më 2011, me ndërmjetësimin e Bashkimit Evropian.

Më 21 nëntor, takimi në Bruksel mes kryeministrit Kurti dhe presidentit serb, Aleksandar Vuçiq, rezultoi pa marrëveshje. Procesi i negociatave pritet të përfundojë me marrëveshje ligjërisht të detyrueshme. Ndonëse Kosova deklaron se kjo marrëveshje duhet të përfshijë njohjen e ndërsjellë, Serbia nuk pranon, duke insistuar në “zgjidhje kompromisi”.

Marrë nga REL

The post Ambasadori gjerman: Absurde të rrezikohet përshkallëzimi për shkak të targave appeared first on Albeu.com.

Ai theksoi se Kosova dhe Serbia duhet të marrin vendime të vështira politike, sepse nuk ka më kohë për shtyrjen e problemeve të pazgjidhura. Qeveria gjermane, thekson ambasadori Rohde, e ka vendosur në prioritet dialogun Kosovë – Serbi, ndërsa po punon që Kosovë marrë së shpejti liberalizimin e vizave.

Radio Kosova: Këto ditë Gjermania shënon Ditën e Bashkimit. Çfarë do të thotë kjo ngjarje për Gjermaninë, Evropën, Ballkanin?… Çfarë simbolike përçon Dita e Bashkimit të dy Gjermanisë?

Jörn Rohde: Po nisem nga ana personale. Për mua bashkimi gjerman, do të thoshte se unë kisha mundësi t’i takoja shumë më shpesh njerëzit e mi të afërm. Para bashkimit, vizitat ishin të lidhura me shumë procedura burokratike. Për më tepër, për të afërmit e mi, kjo datë ishte shumë e rëndësishme, sepse për ta kishte ardhur demokracia dhe liria. Pra, liria e udhëtimit ishte shumë e rëndësishme, sepse qytetarët e ish Republikës Demokratike të Gjermanisë (DDR) nuk mund të udhëtonin të lirë. Bashkimi është një ngjarje me fat në historinë e Gjermanisë, sepse ne ishim pjesë e strukturave evropiane. Kishim fqinj, që na mbështetën për këtë ditë. Gjermania kishe fqinj të rinj, që i kishte njëkohësisht edhe miq. Mendoj se rasti i Gjermanisë dhe miqësisë me fqinjët e saj, duhet të jetë një leksion i rëndësishëm edhe për vendet e Ballkanit, që fqinjët të bëhen miq, që të arrihet pajtimi, që të shikohet drejt së ardhmes, siç bën Gjermania me fqinjët e saj, Poloninë, Çekinë, siç bëri pas Luftës së Dytë Botërore me Francën. Mendoj së është shumë me rëndësi për Ballkanin perëndimor, që narrative e historisë që ka sjellë aq shumë vuajtje të mos riciklohet, por që rinia të shohë të ardhmen në Evropën e Bashkuar. Evropë nuk është e plotë për sa kohë që Ballkani perëndimor nuk bëhet pjesë e saj. Shpresojmë për këtë, dhe në këtë funksion është procesi i Berlinit, ku punohet që ju, pra Kosova dhe Ballkani perëndimor të bëhen pjesë e familjes evropiane.

Radio Kosova: Zoti Ambasador, Qeveria gjermane ka emëruar zotin Manuel Sarrazin të dërguar të posaçëm për Ballkanin, kurse këto ditë Kancelari i Gjermanisë, zoti Olaf Scholz, ka emëruar këshilltarin e tij për siguri, të Dërguar për dialogun Kosovë – Serbi. A do të thotë kjo se zgjidhje e problemit të Kosovës në raport me Serbinë është kthyer në prioritet të qeverisë gjermane?

Jörn Rohde: Së pari dua të theksoj se Qeveria gjermane ka vendosur dhe e ka cilësuar si prioritet përmirësimin e gjendjes dhe situatës në Ballkanin perëndimor si dhe dialogun midis Kosovës dhe Serbisë. Javën e kaluar, në Kosovës ishte përsëri i dërguari i posaçëm i Ministrisë së Jashtme të Gjermanisë për Ballkanin perëndimor, zoti Manuel Sarrazin, ndërkaq, vizita e zotit Jens Plötner, këshilltarit për politikë të jashtme i Kancelarit gjerman bashkë me të dërguarin e Presidentit francez Makron dhe të dërguarin për dialog të Bashkimit Evropian, Mirosllav Lajçak, vetëm sa e dëshmon këtë prioritet. Ju sigurisht e keni parë deklaratën tonë ku kemi theksuar se vizita e z Plötner dhe zotit Bonne, në shoqëri të zotit Lajçak ka pasur për qëllim që t’ua bëjë të qartë të gjitha palëve se duhet të merren vendime të vështira politike, sepse më nuk ka kohë për shtyrjen e problemeve të pazgjidhura. Jemi duke jetuar në një kohë të jashtëzakonshme, kur kemi një luftë që po zhvillohet në Evropë dhe pikërisht nga kjo arsye, tani duam që situatë të përmirësohet këtu dhe pikërisht kjo është arsyeja përse zoti Sarrazin ishte javën e kaluar këtu, pra për të shtyrë përpara këtë proces.

Radio Kosova: Mediet këto ditë raportuan se zoti Plötner dhe zoti Bonne, gjatë vizitës në Kosovë, kanë sjellë një plan për një kornizë të re të dialogut. Nga raportimi i medieve, thuhet se plani parashikon që Serbia të pranojë pavarësinë e Kosovës, pa e njohur atë formalisht. Zoti ambasador, mund të na thoni ju diçka më shumë rreth një plani të tillë?

Jörn Rohde: Nuk mund të them asgjë më shumë nga ajo që është thënë në demantet e Qeverisë Federale, të cilat, besoj i keni lexuar, përfshirë dhe demantet që kanë ardhur nga Bashkimi Evropian, prandaj nuk kam se çfarë të shtoj asgjë më shumë.

Radio Kosova: Kryeministri Albin Kurti, thotë se në qendër të dialogut me Serbinë duhet të jetë njohja reciproke. Si e shihni ju zhvillimin e procesit të dialogut tutje dhe si e shini fundin e këtij dialogu?

Jörn Rohde: Shpresojmë se fundi i dialogut do të sjellë me vete edhe fundin e të gjitha problemeve ekzistuese aktuale. Gjatë vizitës së Kancelarit gjerman Scholz në Kosovë, ai theksoi ato që Qeveria gjermane i ka nënvizuar gjithnjë; se të dy vendet synojnë anëtarësimin në Bashkimin Evropian, ndërsa është e paimagjinueshme që Bashkimi Evropian të pranojë dy vende që nuk e njohin njëri-tjetrin. Pra, është plotësisht e qartë se njohja reciproke, duhet të jetë rezultati përfundimtar i procesit të dialogut dhe kjo është e qartë për ne. Tani si do të vije deri te ky përfundim? Unë mund të them se ka shumë rrugë që na shpien në krye.

Radio Kosova: Nga një shtatori kemi një marrëveshje që ka filluar të zbatohet mes Kosovës dhe Serbisë lidhur me dokumentet e udhëtimit. Zoti Ambasador, a pritni ju që deri më 1 nëntor, zoti Kurti dhe zoti Vuçiq të gjejnë zgjidhje edhe lidhur me targat e makinave?

Jörn Rohde: Shpresoj. Pres, është fjalë e gabuar! Shpresoj, që të dyja palët të përdorin të gjitha energjitë që kanë, për të zgjidhur problemet ekzistuese në interes të qytetarëve të të dyja vendeve. Të dy vendet janë pajtuar për mobilitetin e ndërsjellë. Në procesin e Berlinit, që Qeveria federale e ka përtërirë, njëri nga elementet kryesore të këtij procesi është lëvizja e lirë e qytetarëve dhe shpresoj që në këtë drejtim të bëhet përparim edhe më tej. Ne e kemi bërë të qartë se çështja e dokumenteve të udhëtimit dhe lëvizjes së lirë është në harmoni me marrëveshjen e arritur në Bruksel.

Radio Kosova: Pala serbe kërkon një Asociacion për komunat me  shumicë serbe me kompetenca ekzekutive. Sipas Qeverisë së Kosovës,  kjo do të ishte një lloj “republike serbe” në Kosovë. Këtë kryeministri Kurti e thekson, duke u thirrur në vendimin e Gjykatës Kushtetuese për Asociacionin?

Jörn Rohde: Besoj janë më shumë se dhjetë intervista ku unë kam folur për këtë temë, prandaj edhe këtu po them atë që shpesh e kam përsëritur. Pak më parë përmenda Marrëveshjen e Brukselit për njohjen e kartave të identitetit. Ne e kemi bërë të qartë se edhe njohja e targave të makinave, është në harmoni me marrëveshjet e arritura në Bruksel gjatë procesit të dialogut. Mirëpo, me marrëveshjen e Brukselit, Kosova ka marrë për obligim edhe themelimin e Asociacionit të komunave serbe, prandaj ne presim që edhe kjo marrëveshje të zbatohet në praktikë. Natyrisht, në harmoni me Kushtetutën kosovare dhe natyrisht që Asociacionit të mos fokusohet si një republikë serbe. Në Evropë ka shumë modele sipas të cilave mund të bësh zgjidhjen së problemeve të tilla dhe ne presim nga Qeveria kosovare që ti qaset zgjidhjes së këtij problemi, pra të themelojë Asociacionit, që është një obligim i ratifikuar edhe nga Parlamenti i Kosovës!

Radio Kosova: Siç e dimë Serbia, Shqipëria dhe Maqedonia e veriut kanë krijuar iniciativën “Ballkani i Hapur”, por Kosova refuzon të bëhet pjesë e kësaj iniciative. Ju si e shihni iniciativën “Ballkani i Hapur”?

Jörn Rohde: Përgjigjen në këtë pyetje e gjeni tek Procesi i Berlinit, i cili është themeluar në vitin 2014 dhe në mesin e pikave ka themelimin e një tregu të përbashkët rajonal,  mobilitetin, apo lëvizjen e lirë të njerëzve, të fuqisë punëtore dhe mallrave në rajon, njohjen reciproke të diplomave dhe profesioneve, me qëllim krijimin e lehtësive për këmbime tregtare, etj. Kancelari Scholz ka ftuar për fillimin e muajit nëntor takimin e ri të Procesit të Berlinit. Në vigjilje të samitit, do të ketë edhe një takim të ministrave të jashtëm. Vizita e zotit Sarrazin javën e kaluar ishte pikërisht në funksion të përgatitjes së këtij samiti, dhe nëse këto takime do të kenë sukses, atëherë nga pikëpamja ime, janë realizuar vetvetiu shumë nga propozimet që janë diskutuar në kuadër të iniciativës Ballkani i hapur.  Ballkani hapur deri më tani, sipas pikëpamjes sime, është pranuar vetëm nga tri shtete, ndërsa procesi i Berlinit përfshin të gjashtë vendet e Ballkanit perëndimor.

Radio Kosova: Siç e përmendet edhe ju, Kancelari gjerman Olaf Scholz e ka ringjallur Procesin e Berlinit. Tani, si mund ta ndihmojë Kosovën tutje Procesi i Berlinit dhe ta mbajë stabile paqen dhe sigurinë në rajon? Kryeministri Kurti kohëve të fundit ka folur për mundësinë e një lufte të re, që do të ishte diçka e pakuptimtë?

Jörn Rohde: Procesi i Berlinit ka për qëllim të sjellje përmirësime praktike për qytetarin. Prapa një tregu të përbashkët qëndron për mendimin tone, një ide politike, sepse kur funksionon një treg i përbashkët, atëherë kjo është një sinjal për Bashkimin Evropian, se fqinjët po kuptohen me njëri-tjetrin, pra është një shenjë e mirë për procesin e integrimit evropian. Prandaj, ne kemi investuar shumë kapital politik në këtë proces. Ministrja ime e Jashtme ishte këtu, Kancelari gjerman ishte këtu për vizitë. Kosovën po e viziton i ngarkuari për Ballkanin perëndimor. Këshilltarët për politikë të jashtme të Kancelarit gjerman dhe Presidentit francez ishin këtu. Të gjithë këta janë pjesë e vizitave të personaliteteve të larta politike, që shërbejnë për t’ua bërë të qartë të gjithë aktorëve, se rajonin e shohim si pjesë të Evropës. Por, në anën tjetër, vetë vendet e Ballkanit perëndimor duhet t’i kryejnë detyrat e shtëpisë dhe ne presim prej tyre, që të gjithë energjinë politike që kanë, ta orientojnë dhe ta përdorin për të arritur përparime, dhe këto përparime në radhë të parë, duhet t’u shërbejnë njerëzve këtu, pra duhet të bëhen për ta ashtu siç është udhëtimi i lirë dhe pa pengesa me dokumente personale. Këtu mund të flitet pastaj edhe për mesazhe të qarta drejtuar kryeministrave të vendeve gjegjëse, për të treguar një fleksibilitet maksimal në qëndrimet e tyre.

Radio Kosova: Një pyetje për bashkëpunimin mes Gjermanisë dhe Kosovës, me theks të veçantë në fushën e ekonomisë. Pyetja shtrohet: si duhet të veprojmë, apo të themi, t’i joshim, t’i tërheqim bizneset gjermane, që të vijën për të investuar në Kosovë?

Jörn Rohde: Ju thatë vetë se kemi marrëdhënie të veçanta. Diaspora më e madhe e Kosovës jeton në Gjermani. Kemi marrëdhënie shumë të ngushta. Kosova është në rrugë të mirë për tu kthyer në një model mjaft popullor. Aktualisht ka shumë sfida, siç është kriza energjetike. Këtu kemi një Odë Ekonomike Gjermano-Kosovare shumë aktive, që bën një punë shumë të mirë. Unë mendoj se investitorët vijnë nga disa arsye: Mund të vijnë sepse aktualisht në vendet tjera të botës ka probleme dhe kriza shumë të mëdha. Kosova, ndërkaq, ka monedhë zyrtare euron, që është lehtësi për pagesa në tregun evropian, ka ligje atraktive për investime, nivel atraktiv pagash për investitorët e huaj, por është detyrë e Qeverisë që të krijojë kornizë të kushteve për investime. P.sh., si duket mundësia e investimeve në fushën e energjisë? A janë investimet e siguruara? Si janë proceduara burokratike, a jepen shpejt lejet për punë dhe investime, dhe në këtë aspekt ka nganjëherë çalime. Të shprehem ashtu, burokracia duhet të punojë më shpejt dhe të jetë më efektive!

Radio Kosova: Kosova, ende mbetet vendi i vetëm në rajon, që nuk ka liberalizim vizash. Qeveria gjermane thotë se Gjermania mbështet heqjen e vizave. Cilat janë shanset që Kosova të marrë këtë vit liberalizmin e vizave?

Jörn Rohde: Dua të theksoj atë që tashmë e kam thënë edhe javën e kaluar, t’i referohen deklaratës se shefave të qeverisë së Trekëndëshit të Vajmarit:  Francës, Polonisë dhe Gjermanisë, ku konfirmohet qëllimi i liberalizimit së shpejti të vizave për Kosovën. Këtë vjeshtë do të mbahet një takim në Bruksel. Personalisht, dua të jem i përmbajtur, e kam thënë edhe nëpër intervista të shumta, që kam dhënë për televizione, por unë do të jem ambasadori i fundit gjerman në Kosovën me regjim vizash. Besoj se liberalizimi do të ndodh shpejt, por edhe nëse vendimi merret këtë vit, kërkohet pak kohë për të filluar zbatimi i vendimit, pra dy-tre muaj. Unë besoj se nëse gjithçka shkon ashtu siç duhet, në pranverën e vitit të ardhshëm nuk do të flasim më për këtë temë.

The post Ambasadori gjerman paralajmëron: Kosova e Serbia duhet t’i marrin disa vendime të vështira appeared first on Albeu.com.

Zengraf i kujton Ramës, dhe qeverisë së tij, në një intervistë, se në vitin 2020 ishte Shqipëria ajo që nuk ishte gati për Integrimin, dhe Maqedonisë iu desh që të sakrifikonte në njëfarë mënyre.

Tashmë ka ardhur koha e ‘shpagimit’, dhe sipas tij Maqedonia meriton solidaritetin e plotë, deri në zgjidhjen e çështjes dypalëshe me Bullgarinë.

Sa i takon nismës së qeverisë shqiptare, për të kërkuar ndarjen nga Maqedonia e Veriut në procesin e Integrimit, ambasadori gjerman u shpreh: Dua të rikujtoj se të gjitha shtetet anëtare janë shprehur, se kushtet ishin plotësuar, dhe si Shqipëria dhe Maqedonia e Veriut duhet të kishin nisur negociatat.

Pikërisht kjo është pjesë e pozicionit të Gjermanisë, që një çështje dypalëshe si ajo mes Bullgarisë dhe Maqedonisë së Veriut u bë pjesë e procesit, ne do të përpiqemi që të bëjmë sa më shumë për afrimin e palëve.

Në vitin 2020 Maqedonia u desh që të priste Shqipërinë, dhe tani kemi një situatë të ndërsjelltë, të gjithë po punojmë që të kapërcejmë këto pengesa, mendoj se Maqedonia e Veriut e ka merituar që të pritet dhe të tregohet solidaritet ndaj saj.

A është Berlini i shqetësuar për shtimin e influencës ruse? A ka një plan për zbehjen e kësaj influence?

Ambasadori: Dua ta nis përgjigjen me një falenderim ndaj Shqipërisë për linjën e qartë që ka mbajtur, Shqipëria ka treguar se është një partner i besueshëm. Sikurse ju e theksuat, në vendet e tjera të rajonit, situata nuk është e qartë kaq sa këtu, ne ndjekim me vëmendje mënyrën se si përhapet propaganda ruse në rajon, punojmë me forcë që Balkani Perëndimor të bëhet sa më parë pjesë e Unionit.

The post Ambasadori gjerman i “tërheq veshin” Ramës: Në 2020 Maqedonia u sakrifikua për shkak të Shqipërisë, tani radha juaj appeared first on Albeu.com.

Rohde iu bashkua një proteste në Prishtinë, të hënën, për ta dënuar agresionin rus mbi Ukrainën. Edhe Beogradi protestoi, të premten mbrëma. Këtu, nuk u sha e kritikua, por u mbrojt e u lëvdua Rusia. Presidenti i saj, Vladimir Putin, të cilit iu bë një mural këtu, u quajt vëlla.

Ngjarja në Serbi, që dikush në Berlin e cilësoi të neveritshme, turpëruese dhe pështymje në vlerat evropiane, nuk e shqetësoi kështu shumë edhe ambasadorin në Prishtinë.

“Janë 7 milionë serbë dhe 2 mijë prej tyre në rrugë, kështu që, sipas meje, disa njerëz që bëjnë thirrje të papërgjegjshme dhe shpërndajnë urrejtje nuk do të thotë që po e shfaqin qëndrimin e gjithë popullit serb”, tha Rohde për Klan Kosova.

“Unë besoj në arsyeshmëri, një parandalim të arsyeshëm dhe, siç e dini, të gjithë duan të jenë pjesë e Bashkimit Evropian dhe mendoj se i tërë rajoni i përket BE-së, kjo është ajo që edhe qeveria ime e re e ka shprehur. Ky është prioriteti ynë dhe për këtë arsye do të ketë edhe vizita zyrtare së shpejti në Kosovë”.

Rohde komentoi edhe situatën e sigurisë në Kosovë, pas luftës që nisi Rusia.

“Sikur e dini shumë mirë, ne jemi partnerë të fuqishëm të Kosovës, KFOR-i është këtu duke e monitoruar situatën dhe unë ju garantoj se tani për tani nuk ka ndonjë shenjë rreziku”./express

The post Ambasadori gjerman: Kosova s’rrezikohet, KFOR-i është këtu appeared first on Albeu.com.

Ai tha se Kosova i ka plotësuar kushtet për liberalizimin e vizave, por theksoi se brenda BE-së nuk ka unanimitet për këtë çështje.

“Problemi qëndron te disa shtete skeptike. Ne, sikurse edhe Komisioni Evropian, e dimë që Kosova i ka plotësuar të gjitha kriteret e nevojshme. Është mirë që qeveria tani është angazhuar edhe me shtetet skeptike dhe mendoj se do të vijë. Ka zgjedhje në disa shtete evropiane dhe unë mbetem optimist”, tha ambasadori Rohde.

Diplomati gjerman siguroi mbështetjen ndaj qeverisë Kurti, ndërsa theksoi se kjo e fundit duhet të bëjë hapa konkretë sa i përket çështjes së dialogut me Serbinë dhe të mos mbetet vetëm në kuadrin e deklaratave.

“Mendoj se Përfaqësuesi Special Lajçak po bën ç’është e mundur për të ndërmjetësuar një marrëveshje dhe ne u kërkojmë të dyja palëve të ulen në tavolinë, të përpiqen të gjejnë një kompromis, sepse në fund të fundit, qytetarët duan rezultate. Kjo është edhe arsyeja pse u zgjodh kjo qeveri, për rezultate, jo deklarata”, u shpreh diplomati gjerman për Euronews Albania.

Diplomati gjerman komentoi edhe nismën ‘Open Balkan’, e cila, sipas tij, nuk është gjithëpërfshirëse, ndaj në këto kushte ai e mbështet Procesin e Berlinit.

“Procesi i Berlinit është përfshirës. Nëse i tillë është edhe ‘Open Balkans’ nuk e kam parë këtë ende. Kam parë që tri shtete nuk marrin pjesë dhe kjo është një çështje e hapur. Kryesore është që Procesi i Berlinit është proces përfshirës. Fatkeqësisht, nuk ka prodhuar ende shumë përparim, edhe për shkak të konfliktit në mes Kosovës dhe Serbisë dhe ne po shpresojmë ta tejkalojmë këtë”, u shpreh ambasadori gjerman./Express

The post Ambasadori i Gjermanisë jep detaje për çështjen e vizave: Kosova i ka plotësuar kushtet, por ka shtete skeptike appeared first on Albeu.com.

Do të jetë Policia gjermane ajo që do të ndihmojë Policinë shqiptare me logjistikë dhe ide të reja, në mënyrë që të jetë e aftë në përballimin e luftës kundër krimit.

Ambasadori i Gjermanisë, Peter Zingraf, në një takim me Çuçin i ka dorëzuar këtij të fundit raportin e Policisë Federale gjermane.

“Sot pata kënaqësinë që takimin e parë pas betimit si Ministër i Brendshëm në kabinetin e ri qeveritar ta kisha me ambasadorin e Gjermanisë në Tiranë z.Peter Zingraf. Më dorëzoi zyrtarisht raportin e Qeverisë Federale për riorganizimin e Policisë Kriminale dhe reformimi që do të bëjmë në tërësi në Policinë e Shtetit. Sikundër e bëra me dije në Kuvend kur prezantova Programin për Sigurinë, do të fillojmë menjëherë punën me partnerët gjermanë për ta çuar përpara edhe këtë prioritet. Raporti që më dorëzoi ambasadori është një udhërrëfyes me vlerë tejet të rëndësishme”, shprehet Çuçi.

Asistencën e Policisë Federale ministri Çuçi e përmendi edhe në Kuvend teksa po mbahej seanca për votimin e qeverisë së re. Ai evidentoi gjithashtu 4 elementë që sipas tij do të jenë fokusi i këtij mandati të tretë në Programin për Sigurinë: Mbrojtja e territorit, forcimi i rendit dhe i sigurisë, ofrimi i shërbimeve sa më cilësore dhe thellimi i luftës kundër çdo forme të krimit të organizuar dhe fenomeneve të jashtëligjshme. Për kriminalitetin tha Çuçi, objektivi është që të ulet nën mesataren e vende të BE-së. Ndërkohë që në çdo kryqëzim rruge do të vendosen kamera sigurie, të cilat do të sigurojnë një kontroll më të lehtë e të sigurt të territorit/albeu.com

The post Çuçi nuk humb kohë, nis reformën në Polici! Çfarë i dorëzoi ambasadori gjerman (FOTO LAJM) appeared first on Albeu.com.

“Është një pyejte 1 milion dollarshe, ne donim, do të punojmë me prtnere dhe ende  shpresojme që do të jete ajo dritarja e mundësisë, ne e kemi të nevoshme, ne duam t’i respektojmë premtimet tona si Bashkim Europian por nuk varet nga ne, dhe po ne duam të shkojmë atje dhe të bejme gjithcka që mundemi me partneret”, tha ai.

Pyetje: Dje u mbushen 5 vjet nga miratimi i reformes ne drejtesi, a ka ardhur koha per rezultate ne luften kunder korrupsionit te zyrtareve te nivelit te larte?

Ambasadori gjerman: “Kjo është gjithmonë një çështje, ne e kemi parë që reforma ka efektet e saj dhe ka nevojë për kohë që të ece përpara, reforma kërkon të gjithë mbeshtetjen, me mbështetje mund të arrihet. Qasjetet pragamaike dhe praktike  mund të ndihmojnë instiucionet që të vendosin të çojnë përpara arkitekturen e re te reformes, dhe ka nevoje  te vazhdoje te ece perpara.”

Pyetje: Opozita në shtator do të kërkojë në parlament një reforme te re territoriale e zgjedhore, a duhet mazhoranca dhe opozita te punojnë së bashku për këto reforma?

Ambasadori gjerman: “Unë e kuptoj që do të kemi një parlament ndryshe përsëri pas rikthimit të opozitës në parlament dhe të dy partneret kanë thënë  që reforma zgjedhore duhet të vazhdoje pasi ka gjera që nuk janë zgjidhur vitin e kaluar dhe secili partner është shprehur që do të shkojnë  pas asaj çfarë ka mbetur mbrapa, unë do të mirëprisja vazhdimësinë e procesit të kësaj reforme, kjo është çfarë i përket parlamentit”./albeu.com

The post A do të hapen negaociatat për Shqipërinë këtë vit? Përgjigjet ambasadori gjerman appeared first on Albeu.com.