Ambasadori i Sllovenisë, Millan Predan, vlerëson se një vendim pozitiv në dhjetor që do të bëhej formale në janar është i mundur nëse së shpejti në Bullgari do të kemi Qeveri të re.

“Ne ende jemi optimistë, por patjetër ta pranojnë se ende nuk ka qeveri në Bullgari, por edhe shumicë të qartë parlamentare këtu. Që të arrihet deri në zgjidhje duhet dyja vendet të jenë më aktive. Shpresojmë se Shkupi dhe Sofja do të arrijnë kompromis për çështjet bilaterale. Në ditët në vijim, do të ketë dialog të ri mes grupeve të ekspertëve. Ka mundësi për vendim në dhjetor, e cila do të bëhej formale në janar, por vetëm nëse Bullgaria formon Qeveri”, ka thënë Millan Predan, ambasador i Sllovenisë në RMV.

Ambasadori i Çekisë, Mirosllav Toman, vendi i të cilit duhet të marrë kryesimin e BE-së në gjysmën e dytë të vitit të ardhshëm, deklaroi se prioritet do ta kenë zgjerimin.

“Ne do ta marrim kryesimin në korrik. Por do të dëshironim që më së shumti të fokusohemi në çështje të tjera, se në mbajtjen e konferencës së parë ndërqeveritare me Maqedoninë e Veriut dhe Shqipërinë. Për shkak se dëshirojmë që kjo të ndodhë sa më shpejtë që është e mundur”, u shpreh Mirosllav Toman, Ambasador i Çekisë.

Ambasadori i Sllovakisë Henrik Markush, vlerëson se pasojat për zvarritjen e zgjerimit të BE-së, vijnë nga reformat dhe metodologjia e presidenti francez Emanuel Makron.

“Në të ardhmen do të shohim nëse metodologjia e re do të jetë instrument efikas, por ne besojmë se në tetor të vitit 2019 duhet të sillet vendim për hapjen e negociatave, ndërsa metodologjia e re të zbatohet paralelisht. Ajo ishte gabim i madh dhe sot i shohim pasojat shumë të këqija nga ajo”, pohoi Henrik Markush, ambasador i Sllovakisë.

Optimizmin që diplomatët evropianë e shprehën në një tribunë për perspektivën evropiane, e zbehu presidenti bullgar Rumen Radev. Gjatë takimit në Strasburg me presidentin e Gjermanisë, Frank Valter Shtajnmajer, Radev ka kërkuar që Maqedonia e Veriut të dëshmojë pjekuri evropiane.

“Fqinji jonë jugperëndimor, duhet të dëshmojë pjekuri evropiane dhe respekt të vlerave të BE-së, duke ndërmarrë aktivitete konkrete për ndalimin e gjuhës së urrejtjes ndaj Bullgarisë në librat e historisë, në institucionet shtetërore dhe shkencore, mediat publike, të ndalojë me falsifikimin e trashëgimisë kulturore dhe historike të Bullgarisë, e në veçanti ti respektojë të drejtat e qytetarëve të saj, të cilët hapur e shprehin identitetin e tyre bullgar”, tha Rumen Radev, President i bullgarisë.

Pala bullgare disa herë ka bërë të ditur se nuk e konteston identitetin dhe gjuhën maqedonase, por kërkon që zyrtarët e Maqedonisë së Veriut të pranojnë se bëhet fjalë për gjuhë dhe identitet të ri, të krijuar pas vitit 1945, dhe se para kësaj periudhe ato kanë pasur prejardhje bullgare. Pala bullgare kërkon gjithashtu që Maqedonia e Veriut në kushtetutë të bëjë përfshirjen e pakicës bullgare./ Alsat.mk

The post Ambasadorët e BE-së optimistë: Këtë muaj, Brukseli mund të sjellë vendim pozitiv për Maqedoninë e Veriut appeared first on Albeu.com.

Komentet ata i bënë nga Korça, ku kanë qenë të pranishëm në një ceremoni përkujtimi për ushtarët francezë dhe gjermanë të rënë në këtë qytet gjatë luftës së dytë botërore, ku bashkë me të rinjtë korçarë vendosën edhe lule në varret e tyre.

Sipas tyre shqetësimi më i madh që kishin ishte një Europë e bashkuar dhe mbajtja e konferencës së përbashkët ndërqeveritare mes Shqipërisë dhe Maqedonisë së Veriut.

Ambasadori gjerman: Është një kënaëqsi për mua të kthehm sërish në Korcë dhe të jem i pranishëm në këtë ceremony. Siç e tha edhe zonja ambasadore kjo tregon miqësinë që kemi ne në sajë të së cilës ne arritëm të ndërtojmë një Europë të qëndrueshme dhe në paq. Ishte edhe rasti për të kujtuar traditat e lashta që Franca I ka lënë trashëgimi.

Ambasadorja franceze: Dua të theksoj faktin se përvec nesh kanë bashkuar edhe të rinjtë e qytetit të cilët kanë vendosur lule në varrest e disa prej ushtarëve francezë të rënë në këtë qytet. Fakti që shohin së bashku ambasadorin e Francës dhe të Gjermanisë së bashku është shumë mirë

Qëndrimi juaj nëse Berisha merr drejtimin e partisë Demokratike?

Ambasadorja e Francës: Pyetja që më shqetëson më tepër është organizimi i konferencës së parë ndërqeveritare të për Shqipërinë dhe Maqedoninë e Veriut. Duke shpresuar që të arrihet një marrëveshje me Bullgarinë.

Ambasadori gjerman: Ne po punojmë që kjo konferencë të mbahet gjatë mandatit të presidencës sllovene.

Nëse nuk zgjidhet problemi Maqedonisë së Veriut me Bullgarinë a do të ketë një datë veçmas për vendin tonë?

Ambasadorja franceze: Kjo nuk është cështja që shtrohet, ne duam që vetëm të punohet që të arrihet kjo konferencë për të dy vendet gjatë presidencës sllovene./albeu.com/

The post Çfarë qëndrimi do mbajë BE nëse Berisha bëhet kryetar i PD? Si u përgjigjën ambasadorët e Gjermanisë dhe Francës appeared first on Albeu.com.