Departamenti Amerikan i Shtetit ka vlerësuar disa prej aktiviteteve të organizuara nga Ambasada e Kosovës në Washington me rastin e 250-vjetorit të pavarësisë së Shteteve të Bashkuara të Amerikës.

Ambasada e Kosovës e ka mirëpritur këtë vlerësim, duke nënvizuar rëndësinë e përkujtimit të këtij përvjetori historik së bashku me miqtë amerikanë.

“Kemi kënaqësinë dhe e çmojmë vlerësimin nga Departamenti Amerikan i Shtetit për disa nga aktivitetet e Ambasadës sonë për nder të 250-vjetorit të pavarësisë së Shteteve të Bashkuara të Amerikës!”

“Jemi të nderuar ta shënojmë këtë moment historik së bashku me miqtë tanë amerikanë, si dhe të kremtojmë miqësinë e qëndrueshme dhe vlerat e përbashkëta që i lidhin kaq ngushtë Kosovën dhe Shtetet e Bashkuara.”

The post Departamenti Amerikan i Shtetit vlerëson veprimtarinë e Ambasadës së Kosovës në Washington appeared first on Albeu.com.

Arian Gashi, kryesues i Këshillit Prokurorial të Kosovës (KPK), zhvilloi sot një takim zyrtar me përfaqësues të Ambasadës Britanike në Kosovë. Në takim morën pjesë zëvendësshefja e Misionit, Agnes Allens, shefja e Sundimit të Ligjit, Margaret Belof, dhe Zyrtarja për Zbatimin e Politikave për Sundim të Ligjit, Altina Besimi.

Bisedimet u zhvilluan në një atmosferë pozitive dhe bashkëpunuese, ndërsa në qendër të tyre ishin zhvillimet e fundit në sistemin prokurorial të Kosovës, fuqizimi i mëtejshëm i sundimit të ligjit dhe ruajtja e bashkëpunimit të ngushtë ndërinstitucional me partnerët ndërkombëtarë.

Palët trajtuan gjithashtu angazhimin e vazhdueshëm të Këshillit Prokurorial për ndërtimin e një sistemi prokurorial gjithëpërfshirës. Në këtë drejtim, sigurimi i përfaqësimit të drejtë të të gjitha komuniteteve mbetet ndër prioritetet kryesore të institucionit.

Gashi njoftoi se së shpejti do të hapet konkursi për pranimin e prokurorëve të rinj, me synimin që të përparojë përfaqësimi i drejtë i tyre brenda sistemit prokurorial të vendit.

Përfaqësuesit e Ambasadës Britanike, ndërkaq, konfirmuan sërish gatishmërinë për ta vijuar mbështetjen për Këshillin Prokurorial të Kosovës dhe institucionet e drejtësisë, në funksion të çuarjes përpara të reformave dhe konsolidimit të mëtejshëm të sundimit të ligjit në vend.

The post Gashi takohet me përfaqësuesit e Ambasadës Britanike, diskutojnë reformat në drejtësi appeared first on Albeu.com.

Gazetarja e Top Channel, Elda Menga, ka raportuar se në takim kanë marrë pjesë deputetët, Jorida Tabaku, Oerd Bylykbashi, Tomorr Alizoti, Helidon Bushati dhe Kreshnik Çollaku.

Opozita ngriti shqetësim për zgjedhjet, përdorimin e pushtetit, ndikimin ne procesin elektoral, ndikimin e krimit te organizuar, hapësirën e opozitës ne kuvend, uzurpimin e çdo hapësire legjislative, pavarësinë e institucioneve veçanërisht te drejtësisë, dhe nevojën për Qeveri Teknike!

The post Pas deklaratës së ambasadës së SHBA, reagon PD: Takuam Van Horn, ngritëm shqetësimin e përdorimit të pushtetit në zgjedhje, kërkuam qeveri teknike appeared first on Albeu.com.