Rritja e numrit të udhëtarëve ka krijuar radhë të gjata në pikat kufitare dhe kolona në autostradat kroate, ka bërë të ditur Ambasada e Republikës së Kosovës në Zagreb. Për këtë arsye, qytetarëve u është kërkuar që vonesat t’i përfshijnë në planet e tyre të udhëtimit.

Në Karasovići, pikë kufitare ndërmjet Kroacisë dhe Malit të Zi, koha e pritjes për të hyrë në Kroaci shkon deri në katër orë, ndërsa në dalje janë krijuar kolona disa kilometra. Rreth katër orë pritet edhe për dalje në pikën kufitare Vitaljina.

Ndërkaq, në Bajakovo, në kufirin Kroaci-Serbi, udhëtarët përballen me pritje që mund të zgjasin deri në tre orë.

Për menaxhimin e kësaj gjendjeje, Ambasada po mban kontakte të vazhdueshme me autoritetet policore përgjegjëse për zonën kufitare përmes atasheut të Ministrisë së Punëve të Brendshme, Sefadin Kuçi. Sipas njoftimit, policia ka konfirmuar se po merr masa për ta lehtësuar qarkullimin dhe për ta administruar situatën.

Bllokimet kanë bërë që kryetari i Komunës së Konavlës të aktivizojë Shtabin e Mbrojtjes Civile, ndërsa banorëve u është kërkuar të mos udhëtojnë me automjete nëse nuk është e nevojshme. Policia po e devijon një pjesë të qarkullimit drejt rrugëve alternative, kurse banorët e zonës po u japin ujë udhëtarëve dhe po ua mundësojnë përdorimin e tualeteve.

Radha të gjata janë regjistruar në pothuajse të gjitha autostradat e Kroacisë dhe problemet në trafik kanë ndikuar edhe në transportin publik. Bashkatdhetarët e nisur nga Stacioni i Autobusëve në Zarë kanë njoftuar për vonesa deri në tri orë.

Ambasada u ka sugjeruar udhëtarëve dhe kompanive transportuese që, para nisjes, të marrin në konsideratë kufizimet e tanishme në qarkullim dhe kohën shtesë të pritjes.

The post Ambasada e Kosovës: Pritje deri në katër orë në kufijtë e Kroacisë appeared first on Albeu.com.

Pas shqetësimeve të shprehura më herët nga Bashkimi Evropian dhe Ambasada Gjermane në Prishtinë, edhe Ambasada e Britanisë së Madhe në Kosovë ka reaguar lidhur me rrënimin e ndërtesave pranë Liqenit të Ujmanit.

Përmes një komunikate, zyra diplomatike njofton se po i ndjek me vëmendje ngjarjet dhe ka nënvizuar domosdoshmërinë e respektimit të plotë të sundimit të ligjit, si dhe procedurave të ndershme e transparente.

Në reagim theksohet se sundimi i ligjit kërkon procese korrekte dhe të hapura, të cilat u japin hapësirë personave të prekur të mbrojnë interesat e tyre.

Një pikë e veçantë shqetësimi për ambasadën janë njoftimet se veprimet për zbatimin e vendimeve kanë vijuar, edhe pse procedurat ligjore nuk kanë marrë ende formë të prerë.

Ambasada rikujton se ligji duhet të zbatohet në mënyrë të njëtrajtshme dhe të paanshme në gjithë territorin e Kosovës.

Ajo u bën thirrje autoriteteve kosovare që të angazhohen me banorët e zonave të prekura, të trajtojnë shqetësimet me transparencë dhe të përmbahen nga çdo veprim i mëtejshëm që mund të cenonte besimin e publikut apo mirëbesimin ndërmjet komuniteteve.

The post Ambasada e Mbretërisë së Bashkuar ngre shqetësime për shembjen e vilave pranë liqenit të Ujmanit appeared first on Albeu.com.

Shqetësimit të shprehur nga Bashkimi Evropian në lidhje me shembjen e banesave buzë Liqenit të Ujmanit i është bashkuar edhe Ambasada e Italisë në Prishtinë. Përmes faqes së saj zyrtare në Facebook, kjo përfaqësi diplomatike ripublikoi reagimin e mëparshëm të bllokut evropian.

Aksioni për rrëzimin e 11 objekteve banimi në breg të liqenit, në territorin e komunës së Zubin Potokut, filloi më 24 korrik. Arsyetimi i dhënë nga autoritetet ishte se këto ndërtesa ishin ngritur pa leje në pronën e administruar nga Ndërmarrja Publike Hidroekonomike “Ibër-Lepenci”.

Bashkimi Evropian shprehu shqetësimin se në këtë rast, si dhe në disa ngjarje të tjera të ndodhura në veri të Kosovës që prej muajit shkurt, nuk u zbatua një proces i rregullt ligjor. Thirrja e bllokut ishte e qartë: kërkoi ndalimin e menjëhershëm të çdo shembjeje, dëbimi me forcë apo konfiskimi të mëtejshëm, deri në adresimin siç duhet të çështjeve që lidhen me procesin e rregullt, proporcionalitetin, të drejtat e pronësisë, të drejtat e njeriut dhe mjetet efektive juridike.

Në vijim të reagimit, BE-ja theksoi domosdoshmërinë që institucionet të bashkëpunojnë pa vonesë me qytetarët dhe komunat e prekura, duke synuar gjetjen e zgjidhjeve brenda kornizës ligjore.

Operacionet e shembjes u zhvilluan me përkrahjen e Policisë së Kosovës, për të cilën BE-ja vuri në dukje se roli i saj në veprime të tilla duhet të mbetet rreptësisht në përputhje me mandatin ligjor, i bazuar në urdhra apo vendime të mirëpërcaktuara nga autoritetet përkatëse dhe i dokumentuar në mënyrën e duhur.

Në deklaratë u theksua gjithashtu se masat e zbatimit që janë të pakthyeshme, të ndërmarra gjatë zhvillimit të procedurave dhe pretendimeve të kontestuara mbi pronën, ngrenë pikëpyetje serioze mbi sundimin e ligjit. Duke iu referuar rrugës evropiane të Kosovës, BE-ja pret që autoritetet t’i qasen këtyre shqetësimeve me urgjencë e transparencë dhe të garantojnë se veprime të ngjashme nuk do të përsëriten.

The post Ambasada italiane bën jehonë të shqetësimit të BE-së për prishjen e banesave pranë liqenit të Ujmanit appeared first on Albeu.com.

Përfaqësia diplomatike e Mbretërisë së Bashkuar në Kosovë ka shprehur miratimin për emërimin e Zejnullah Gashit në krye të prokurorisë së shtetit. Në një njoftim publik, ajo e uroi atë dhe theksoi rëndësinë e zbatimit të masave që do të garantojnë një sistem prokurorial të pavarur, transparent dhe të përgjegjshëm.

Sipas postimit, ambasada mirëpret këtë emërim pas një periudhe të gjatë pa një kryeprokuror të përhershëm. Ajo i uroi Gashit sukses në ndërmarrjen e reformave të nevojshme në mënyrë që prokuroria e Kosovës të ushtrojë funksionet e saj në mënyrë efektive dhe efikase, të forcojë sundimin e ligjit dhe të japë kontribut në luftën kundër krimit të organizuar dhe korrupsionit, në të mirë të të gjithë qytetarëve.

The post Ambasada britanike përshëndet emërimin e Gashit si kryeprokuror: Synohet sistem prokurorial i pavarur, transparent dhe i përgjegjshëm appeared first on Albeu.com.

Kolona e protestuesve përshkoi disa nga arteriet kryesore të Tiranës, mes tyre edhe rrugën e Kavajës, ndërsa për pak çaste u ndal në hyrje të zonës së njohur si Rruga e Ambasadave.

Gjatë marshimit, ata ngritën akuza ndaj qeverisë, duke e cilësuar atë të korruptuar dhe duke kërkuar ndryshim politik.

Aktivisti Visar Dalipi, duke folur me megafon, iu drejtua pjesëmarrësve dhe u bëri thirrje qytetarëve që pohojnë se janë kërcënuar të shkojnë pranë ambasadave.

“Të gjithë ata që ndihen të kërcënuar dhe janë kërcënuar, duhet të bëjnë kërkesën në ambasadë”, u shpreh aktivisti.

The post Marshimi në Tiranë ndalet pranë Rrugës së Ambasadave, protestuesit kërkojnë largimin e Ramës: I korruptuar! appeared first on Albeu.com.

Në njoftimin e saj, ambasada sqaron se disa prindër udhëtojnë drejt Shteteve të Bashkuara me vizë turistike me synimin që të sjellin në jetë fëmijën atje, duke shfrytëzuar programin Medicaid për të paguar shpenzimet shëndetësore.

Sipas ambasadës, këto shpenzime rëndojnë mbi taksapaguesit amerikanë, ndërsa personat që përfshihen në një praktikë të tillë rrezikojnë të hasin probleme kur të kërkojnë rinovimin e vizës në të ardhmen.

“Shumë prindër shqiptarë me viza turistike udhëtojnë drejt Shteteve të Bashkuara me qëllim për të lindur atje dhe përdorin programin Medicaid për të mbuluar kujdesin mjekësor. Këto shpenzime u kalojnë taksapaguesve amerikanë, dhe ata prindër mund të mos kenë të drejtë t’i rinovojnë vizat e tyre në të ardhmen”, thuhet në mesazhin e Ambasadës Amerikane.

Autoritetet amerikane e kanë theksuar edhe më parë se viza turistike nuk mund të përdoret për qëllime që bien ndesh me kushtet e saj, ndërsa aplikantët duhet të tregojnë saktë arsyen e udhëtimit dhe të zbatojnë rregullat e emigracionit.

The post Ambasada e SHBA-së u bën thirrje shqiptarëve: Mos përdorni vizën turistike për të lindur në Amerikë appeared first on Albeu.com.

Ambasada e SHBA-së në Kosovë ka bërë thirrje që institucionet e vendit të krijohen në përputhje me Kushtetutën dhe vendimet e Gjykatës Kushtetuese, pas një pyetjeje drejtuar të Ngarkuares me Punë, Anu Prattipati, mbi zhvillimet aktuale politike në Kosovë.

Në përgjigjen e zëdhënësit të Ambasadës Amerikane në Prishtinë thuhet se “Udhëheqja politike e Kosovës duhet të punojë së bashku për të formuar institucione në përputhje me Kushtetutën dhe vendimet e Gjykatës Kushtetuese”.

Sipas ambasadës, qytetarët e Kosovës presin që drejtuesit politikë të veprojnë në dobinë më të madhe të shtetit.

“Populli i Kosovës pret që udhëheqësit e tyre të përmbushin angazhimin e tyre për të punuar në interesin më të mirë të vendit”, ka thënë zëdhënësi.

Ambasada amerikane ka theksuar gjithashtu se ngërçi politik po i kushton Kosovës me humbje mundësish.

“Ky bllokim i vazhdueshëm politik po rezulton në mundësi të humbura për Kosovën. Është koha që udhëheqja të përparësojë progresin dhe stabilitetin në dobi të të gjithë qytetarëve”, vlerësojnë nga ambasada amerikane.

The post Ambasada e SHBA-së kërkon ngritjen e institucioneve në harmoni me Kushtetutën appeared first on Albeu.com.

Në njoftimin e publikuar më pas, ambasada vuri në pah praninë e pjesëmarrësve dhe theksoi se atmosfera e krijuar e shndërroi festën në një ngjarje të veçantë.

“Faleminderit të gjithëve që na u bashkuan dje në Ambasadën Amerikane në Prishtinë, për të festuar 250-vjetorin e Pavarësisë së Amerikës! Prania juaj e bëri këtë festë historike vërtet të veçantë”, thuhet në njoftimin e Ambasadës.

Po ashtu, ambasada ndau edhe disa nga çastet kryesore të mbrëmjes dhe i ftoi pjesëmarrësit të shpërndajnë kujtimet dhe fotografitë e tyre nga festa.

“Shijoni disa nga momentet kryesore të mbrëmjes dhe ndani momentet tuaja të preferuara duke përdorur #Liria250. #250Dita e Pavarësisë”, thuhet më tej në njoftim.

The post Ambasada amerikane në Prishtinë falënderon të pranishmit për festën e 250-vjetorit të Pavarësisë appeared first on Albeu.com.

Sipas një njoftimi të ambasadës, kjo ceremoni simbolike bën pjesë në aktivitetet që paraprijnë këtë jubile të rëndësishëm në historinë amerikane.

“Në Ambasadën e SHBA-së në Prishtinë, me krenari e shfaqëm flamurin ndërsa përgatitemi të festojmë 250-vjetorin e Amerikës”, thuhet në njoftimin e ambasadës.

Shtetet e Bashkuara do të kremtojnë 250-vjetorin e shpalljes së pavarësisë më 4 korrik 2026, përvjetor që do të shoqërohet me shumë aktivitete dhe ngjarje në të gjithë vendin, si edhe në përfaqësitë diplomatike amerikane në botë.

The post Ambasada amerikane në Prishtinë nis përgatitjet për 250-vjetorin e pavarësisë së SHBA-së me ngritjen e flamurit appeared first on Albeu.com.

Sipas njoftimit, protesta pritet të zhvillohet përgjatë Bulevardit “Dëshmorët e Kombit”, në segmentin mes Sheshit “Skënderbej” dhe Sheshit “Nënë Tereza”, me grumbullimin e protestuesve pranë godinës së Kryeministrisë. Nuk përjashtohet mundësia që tubimi të shtrihet edhe në zona të tjera përreth.

Ambasada thekson se pritet prani e shtuar e Policisë së Shtetit, mbyllje rrugësh dhe bllokime të qarkullimit në orët para dhe gjatë zhvillimit të protestës. Sipas autoriteteve shqiptare, protestuesit mund të bllokojnë kryqëzime të ndryshme në qendër të qytetit.

Personeli i Ambasadës Amerikane është këshilluar të shmangë zonën e protestës, ndërsa qytetarëve amerikanë u rekomandohet të ndjekin mediat lokale dhe udhëzimet e autoriteteve ligjzbatuese për informacione të përditësuara.

Në njoftim theksohet se edhe pse protestat dhe tubimet e mëdha shpesh nisin në mënyrë paqësore, situata mund të ndryshojë shpejt. Për këtë arsye, Ambasada këshillon shmangien e zonave ku zhvillohen protesta dhe qëndrim vigjilent për sigurinë personale.

Mes rekomandimeve për qytetarët amerikanë janë:

-Shmangia e pjesëmarrjes apo pranisë në protestë

-Vëmendje ndaj rrethinës

-Kufizimi i shpërqendrimeve si përdorimi i telefonit apo kufjeve në ambiente publike

-Ndjekja e mediave lokale

-Pasja e një plani emergjence ose strategjie daljeje

-Mbajtja e një profili të ulët në publik

Ambasada nënvizon rëndësinë e marrjes së masave paraprake për sigurinë personale gjatë kësaj periudhe.

The post Nesër protesta kombëtare e PD/ Ambasada e SHBA thirrje qytetarëve amerikanë në Tiranë: Shmangni pjesëmarrjen në tubim appeared first on Albeu.com.