Siç shihet dhe në këtë pamje, zona mes selisë së grupimit demokrat të drejtuar nga Lulzim Basha dhe Ambasadës së Serbisë, është rrethuar me shirita paralajmërues.

Në vendngjarje, shihet dhe njësia Antieksploziv e Policisë së Shtetit, e cila po kryen të gjithë procedurën e nevojshme për kualifikimin e rrezikut, nëse ka vërtet bombë apo alarmi është fals, shkruan newsbomb.al.

Paraprakisht, është e vështirë të përcaktohet nëse kemi të bëjmë me një alarm për bombë pranë Ambasadës së Serbisë, selisë së Partisë Demokratike, e cila u vendos pas dy kullave kur drejtohej nga Lulzim Basha, apo selive të tjera diplomatike që ndodhen në të njëjtën rrugë.

Gjithashtu, në këtë zonë ndodhet dhe Kryesia e Kuvendit të Shqipërisë, si dhe një spital privat.

The post Njësia Antieksploziv rrethon zonën, paralajmërim për bombë mes PD-së së Bashës dhe Ambasadës Serbe appeared first on Albeu.com.

Sipas kësaj ministrie, pezullimi i llogarive “u bë pa asnjë sqarim dhe pa asnjë njoftim paraprak që do të tregonte për ndonjë shkelje të mundshme të rregullave të komunikimit në këtë rrjet social”.

MPJ e Serbisë tha se “kjo është e papranueshme për misionet diplomatike të një shteti demokratik që nuk është subjekt i asnjë sanksioni”.

“Disa prej llogarive të pezulluara janë hapur së fundmi dhe nuk kanë qenë aktive, ndërkaq të tjerat nuk kanë asnjë përmbajtje që mund të konsiderohej e papërshtatshme”, u tha në njoftim.

Ministria e Jashtme tha se Serbia është e përkushtuar për anëtarësim në Bashkimin Evropian dhe respekton liritë “sipas standardeve më të larta evropiane”.

“Është absurde që një numër i misioneve tona diplomatike dhe konsullore të censurohen në median sociale që promovon demokracinë dhe pluralizmin e mendimit”, u tha në njoftim.

Serbia ka kërkuar nga kompania Twitter që të zhbllokojë këto llogari. Ministria e Jashtme serbe po ashtu tha se shpreson se pezullimi i llogarive “nuk është pjesë e përpjekjeve për të heshtur Serbinë në luftën për të vërtetën”, veçmas për situatën lidhur me Kosovën.

Tensionet midis Kosovës dhe Serbisë u rritën pasi më 31 korrik dhe 1 gusht, serbët lokalë, bllokuan rrugët në veri të Kosovës për të kundërshtuar vendimin e Qeverisë në Prishtinë për targat dhe dokumentet serbe.

Radio Evropa e Lirë ka dërguar pyetje në kompaninë Twitter, por nga kjo kompani nuk janë përgjigjur menjëherë lidhur me deklaratat e MPJ-së së Serbisë.

Më 18 gusht, Twitter kishte pezulluar llogaritë e dhjetëra ish-deputetëve dhe anëtarëve aktualë të Partisë Përparimtare Serbe në pushtet, por edhe të një zyrtari qeveritar.

Më 19 gusht, nga Twitter thanë për REL-in se kanë zhbllokuar llogaritë dhe se pezullimi ishte bërë gabimisht./ REL

The post Twitter bllokon llogaritë e ambasadave serbe në disa shtete, reagon Beogradi: E papranueshme appeared first on Albeu.com.