Në një reagim zyrtar, ambasada thekson se kusht kryesor për rrugën evropiane është goditja e korrupsionit edhe në nivele të larta.

Ambasada thotë se presin që në raste të tilla, ndjekja penale të vijojë shpejt dhe pa pengesa, referuar lëvizjes së socialistëve.

“Pritshmëria jonë e qartë është që edhe në këto raste ndjekja penale përmes drejtësisë të mund të realizohet shpejt dhe pa pengesa. Prej politikës shqiptare vazhdon të kërkohet ende që ta garantojë këtë proces”, thekson ambasada.

REAGIMI I PLOTË I AMBASADËS

Lidhur me vendimin e sotëm të Parlamentit shqiptar rreth heqjes së imunitetit Ambasada Gjermane deklaron:

Gjermania mbështet procesin e integrimit të Shqipërisë në Bashkimin Evropian në përputhje me dëshirën e shqiptarëve.

Kusht i domosdoshëm për të bërë progres në këtë proces të bazuar në merita është ndjekja penale me efektivitet e korrupsionit edhe në raste të rangut të lartë. Pritshmëria jonë e qartë është që edhe në këto raste ndjekja penale përmes drejtësisë të mund të realizohet shpejt dhe pa pengesa. Prej politikës shqiptare vazhdon të kërkohet ende që ta garantojë këtë proces.

RRËZIMI I KËRKESËS NË KUVEND PËR HEQJEN E IMUNITETIT TË BALLUKUT

Maxhoranca rrëzoi me forcën e kartonit kërkesën e kërkesën e Prokurorisë së Posaçme (SPAK) për heqjen e imunitetit të Belinda Ballukut dhe hapjen e rrugës për arrestimin e saj. 82 votuan pro rrëzimit të kërkesës, 47 vota të opozitës ishin kundër rrëzimit të kërkesës së Prokurorisë. Ajo që u vu re është fakti se në votim mungonin dy deputetë të PS, Elisa Spiropali dhe Fatmir Xhafaj.

The post PS rrëzoi kërkesën e SPAK për arrestimin e Ballukut, reagon Ambasada gjermane: Goditja e korrupsionit në rangun e lartë, kusht për integrimin, ndjekja penale të realizohet shpejt dhe pa pengesa appeared first on Albeu.com.

Më tej thekson se, e drejta për protestë dhe demonstrim nuk justifikon dhunën kundër njerëve apo pronës. Në fund, Ambasada Gjermane nënvizon se udhëheqësit politikë kanë përgjegjësi për një bashkëjetesë paqësore në demokraci.

Reagimi i Ambasadës gjermane:

“Ambasada Gjermane mbështet fuqimisht deklaratën e delegacionit të BE-së kundrejt dhunës së papranueshme gjatë protestave të fundit. Protesta politike dhe e drejta për të demonstruar nuk mund të justifikojnë kurrë dhunën kundër njerëzve ose pronës. Udhëheqësit politikë duhet të përmbushin përgjegjësinë e tyre për bashkëjetesë paqësore në një demokraci.”, shkruan Ambasada.

The post Ambasada gjermane reagon për protestën: Udhëheqësit politikë kanë përgjegjësi për bashkëjetesën paqësore appeared first on Albeu.com.

“Urime drejtuesit të ri të zgjedhur sot të Prokurorisë së Posaçme SPAK, Klodjan Braho.

Lufta e vendosur kundër korrupsionit dhe krimit të organizuar ka një rëndësi të jashtëzakonshme nga këndvështrimi i Gjermanisë për procesin e anëtarësimit të Shqipërisë në BE, të cilin ne e mbështesim.

Për punën e rëndësishme të SPAK-ut mbeten thelbësore integriteti, pavarësia dhe respektimi i standardeve më të larta të shtetit të së drejtës.

I uroj shumë sukses Klodjan Brahos dhe të gjithë punonjëseve e punonjësve të SPAK-ut në detyrën e tyre ambicioze, si dhe një bashkëpunim të frytshëm me institucionet shqiptare dhe ato ndërkombëtare.

Mirënjohja ime sot shkon edhe për Këshillin e Lartë të Prokurorisë për procesin transparent të zgjedhjes dhe për të gjitha institucionet e drejtësisë në Shqipëri, të cilat çdo ditë kontribuojnë për shtetin e së drejtës”, shkruhet në njoftimin e ambasadës gjermane.

The post Zgjedhja e Brahos në krye të SPAK/ Ambasadori i Gjerman: Mbështetje për pavarësinë e standardeve më të larta të drejtësisë appeared first on Albeu.com.

Ambasada Gjermane ka deklaruar për mediat se thekson pavarësinë gjyqësore si një gur themeli i sundimit të ligjit.

“Ambasada Gjermane në Prishtinë thekson rëndësinë e pavarësisë gjyqësore si një gur themeli i sundimit të ligjit. Ne u bëjmë thirrje të gjithë aktorëve politikë dhe institucioneve në Kosovë që të respektojnë pavarësinë e Gjykatës Kushtetuese dhe të gjithë gjyqësorit dhe të përmbahen nga çdo ndërhyrje, përfshirë sulmet personale”, deklaron ambasada.

Ky vendim vjen dy ditë pasi Kurti, kritikoi Kushtetuesen për vendimet që i ka marrë gjatë mandatit të tij qeverisës, dhe ato të muajve të fundit lidhur me konstituim të Kuvendit dhe një ditë pas reagimit të gjykatës kushtetuese. Nga ana tjetër vet gjykata ka shprehur pakënaqësitë dhe shqetësimin ndaj deklaratave të pamatura të zyrtarëve të lartë shtetëror.

Kushtetuesja reragoi edhe zyrtarisht duke thënë “Çdo përpjekje për të ushtruar presion mbi gjyqtarët kushtetues përbën cenim të parimit themelor të ndarjes së pushteteve dhe minon besimin e qytetarëve në sundimin e ligjit dhe në vetë demokracinë”

The post Albin Kurti “sulmon” kushtetuesen, reagon Ambasada Gjermane appeared first on Albeu.com.

Deputetët e Bundestagut kanë votuar në favor të ndryshimit të ligjit që do t’i hapë rrugë mundësisë për dyshtetësi.

Ligji thotë se personat që kanë qenë rezidentë në Gjermani për pesë vjet do të kenë të drejtën për pasaportë gjermane.

Ata po ashtu do të mund ta mbajnë edhe shtetësinë e tyre.

Redaktori i Deutsche Welle, Bahri Cani ka treguar disa detaje të cilat sipas tij duhet t’i dijë çdo qytetarë i Kosovës apo Shqipërisë që synon të marrë pasaportën e Gjermanisë.

“Shtetësia gjermane tani merret brenda 5 vitesh dhe jo brenda 8 vitesh siç ka qenë tani. E në raste të integrimit shumë të mirë, merret madje, madje, edhe pas 3 vitesh. Integrimi i mirë do të thotë nëse dikush bën ndonjë punë tepër të mirë, shkollë tepër të mirë, punë vullnetare e të tjera. Ata që krijojnë probleme nuk mund ta marrin shtetësinë fare”, ka deklaruar Cani.

Pyetje: Nëse një 20 vjeçar niset nga Kosova edhe shkon në Gjermani. Dikush e ndihmon për të gjetur punë, shtrohet në punë, avash-avash mëson edhe gjuhën gjermane, se nuk mund t’i bëjë dot të gjitha përnjëherësh, dhe kaq mjafton për 5 vjet?

Bahri Cani: Shiko, për të marrë shtetësinë gjermane duhet të jetosh të paktën 5 vjet në Gjermani, siç thuhet, me punë të rregullta dhe me dokumente të rregullta. E dyta, duhet ta mësosh gjuhën, duhet të mësosh gjërat elementare për gjermanishten që jepet si mini-test dhe duhet të kesh para të mjaftueshme për të jetuar për veten dhe për familjen tënde.

The post Ligji i ri për shtetësinë gjermane/ Ja se cfarë duhet të dini appeared first on Albeu.com.

Raportimet e mediave për largimin e 200 kompanive gjermane nga Kosova, ambasadori i Gjermanisë në Prishtinë, Jorn Rohde i ka quajtur krejtësisht të gabuara.

Ambasadori Rohde ka shkruar në Twitter se “Mosrespektimi i standardeve gazetareske: As Shoqata Gjermano-Kosovare e Biznesit dhe as Ambasada Gjermane nuk janë pyetur nëse kjo është e vërtetë. Ajo që është e vërtetë është se: Kompanitë janë të shqetësuara për zhvillimet aktuale, siç thuhet këtu”.

Ambasadori Rohde ka ripërsëritur deklaratën e tij dhe të Odës Ekonomike Gjermano-Kosovare për deeskalim të menjëhershëm të situatës në veri

Këtë thirrje ditë më parë ambasadori Rohde e kishte ndërlidhur në aspektin ekonomik, pasi që sipas tij, dëmet janë shqetësuese për perspektivën ekonomike të Kosovës, duke dëmtuar reputacionin dhe potencialin e saj edhe përball komunitetit të biznesit.

“Dëmet shqetësuese për perspektivën ekonomike të Kosovës janë tashmë në horizont, duke dëmtuar reputacionin dhe potencialin e saj edhe përballë komunitetit të biznesit. E ripërsërisim këtë thirrje nga Shoqata Gjermano-Kosovare e Bizneseve për shtensionim të menjëhershëm”, ka shkruar Rohde në Twitter.

Ai ka përsëritë thirrjen e Odës Ekonomike Gjermano-Kosovare të bizneseve për shtensionim të menjëhershëm të situatës në Kosovë.

Deklaratë e OEGJK për ndikimin e zhvillimeve politike në marrëdhëniet ekonomike gjermano-kosovare:

Oda Ekonomike Gjermano-Kosovare (KDËV-OEGJK) po ndjek me shqetësim të madh zhvillimet aktuale në veri të Kosovës, si dhe zhvillimet e fundit politike në vend. Si përfaqësuese e 198 kompanive anëtare, përfshirë kompani gjermane dhe kosovare, investitorë potencialë dhe kompani anëtare, që punojnë ngushtë me kompani gjermane, OEGJK në baza ditore dëgjon shqetësimet në rritje nga ankesat e pranuara.

Anëtarët e OEGJK-së janë të shqetësuar se kompanitë gjermane mund të heqin dorë nga investimet në Kosovë, ose të ndërpresin aktivitetet ekzistuese. Lajmet për paqëndrueshmëri politike dëmtojnë besimin e klientëve dhe investitorëve gjermanë në mënyrë të konsiderueshme. Kjo ndikon negativisht në marrëdhëniet ekonomike gjermano-kosovare dhe i shkakton dëm Kosovës, si lokacion për investime dhe biznes.

Lehtësimi i tensioneve dhe nxitja e zhvillimit të një mjedisi të qëndrueshëm janë faktorë të rëndësishëm për krijimin e një klime të mirë të të bërit biznes. U bëjmë thirrje vendimmarrësve politikë në Kosovë që të ndërmarrin hapa për rivendosjen e një mjedisi të qëndrueshëm politik.

Tensionet mes Kosovës e Serbisë nisën më 26 maj, kur kryetarët e rinj shqiptarë të komunave në veri, nën asistimin e Policisë së Kosovës, hynë në ndërtesat komunale, mes kundërshtimeve të serbëve lokalë.

Tensionet kulmuan më 29 maj, kur në Zveçan, protestuesit serbë u përleshën me pjesëtarët e misionit të NATO-s në Kosovë, KFOR. Nga përleshjet janë lënduar dhjetëra persona nga të dyja palët.

Po ashtu, më 13 qershor, Policia e Kosovës kreu një aksion në Mitrovicë të Veriut, ku arrestoi Millun Millenkoviq. Ministri i Punëve të Brendshme, Xhelal Sveçla, tha se i arrestuari dyshohet se ka qenë një prej organizatorëve të ngjarjeve në Zveçan më 29 maj./monitor

The post Ambasada Gjermane: Nuk është e vërtetë se janë larguar 200 kompani nga Kosova appeared first on Albeu.com.

Nuk është e qartë nëse dikush është vrarë apo plagosur në sulm.

Ministria e Jashtme Gjermane në një postim në Twitter, ka konfirmuar se në godinë nuk ka qenë askush pasi nuk përdorej.

Kujtojmë se një numër i madh raketash goditën qendrën e Kievit herët të hënën, me shpërthimet e para të shënuara në një shesh lojërash dhe pranë Universitetit Kombëtar të Kievit.

Të paktën tetë persona janë konfirmuar se kanë vdekur në sulme, por mendohet se ky numër mund të rritet.

The post Raketat ruse godasin Ambasadën gjermane në Kiev appeared first on Albeu.com.

Sipas Ambasadës, mund të aplikoni për një praktikë me pagesë tre deri në gjashtë muaj në një kompani lider gjermane në Gjermani duke filluar nga data 3 korrik 2023.

“Bashkohuni me Programin tonë të Internshipit të Biznesit Gjerman për Vendet e Ballkanit Perëndimor dhe bëhuni mbajtës i bursave të gjeneratës 2023. Aplikoni për një praktikë me pagesë tre deri në gjashtë muaj në një kompani lider gjermane në Gjermani duke filluar nga data 3 korrik 2023”, thuhet në njoftim.

Gjithashtu sipas Ambasadës Gjermane, thirrja për aplikim është e hapur nga 1 tetori deri më 16 nëntor.

“Thirrja për aplikim është e hapur nga data 1 tetor deri më 16 nëntor (11:59 pasdite) 2022”, thuhet në njoftim./albeu.com/

The post 3 deri 6 muaj punë në Gjermani, Ambasada me detaje për kosovarët e interesuar appeared first on Albeu.com.

Njoftimi i plotë:

Informacione mbi certifikatat e gjuhës në procedurën e vizave.

Ju lutemi të keni parasysh se Ambasada Gjermane nuk pranon  certifikata të falsifikuara të gjuhës në procedurën e vizave. Nëse dorëzoni një falsifikim (me, apo pa vetëdije), aplikimi Juaj jo vetëm që do të refuzohet, por do të regjistroheni edhe në “dosjen ndërinstitucionale të paralajmërimit për viza”. Përveç kësaj, ofruesi i certifikatës së gjuhës do të informohet se Ju keni paraqitur një certifikatë të falsifikuar në Ambasadë. Kjo mund të rezultojë me ndalimin e dhënies së provimeve deri në një vit.

Ju lutemi paraqituni për një provim vetëm në shkollat e licencuara të gjuhëve dhe mos lejoni të mashtroheni nga premtimet e rreme për një provim më të lehtë ose certifikata false që duken si të vërtata.

Kini kujdes: Certifikatat e falsifikuara të gjuhës kanë pasoja serioze për aplikimin Tuaj për vizë dhe për aplikimet në të ardhmen!”/albeu.com

The post Ambasada gjermane jep informacion të rëndësishëm për ata që kanë aplikuar për vizë appeared first on Albeu.com.

“Sektori i vizave do të qëndroj i mbyllur nga sot 24.01.2022, deri më 28.01.2022. Të gjithë aplikuesit, të cilëve për fat të keq u anullohet takimi, do të njoftohen me E-Mail. Ne shpresojmë që takimet e anuluara të mund t’i zëvendësojmë sa më shpejt në muajt shkurt ose mars. Dorëzimi i pasaportave të martën pasdite dhe të premten paradite do të zhvillohet si zakonisht.

Ditën e mërkurë nuk do të ketë legalizime. Lutemi për mirëkuptimin tuaj! Ju lutemi, kini parasysh, që nuk mund t’ju përgjigjemi pyetjeve mbi stadin e aplikimit”, njofton ambasada./albeu.com

The post Aplikimi për vizë, vjen njoftimi i rëndësishëm i Ambasadës Gjermane appeared first on Albeu.com.