Pas aktgjykimit të shpallur sot nga Dhomat e Specializuara të Kosovës për Hashim Thaçin, Kadri Veselin, Jakup Krasniqin dhe Rexhep Selimin, Ambasada e Republikës së Kosovës në Hagë ka dalë me një reagim.

Përfaqësia diplomatike e Kosovës e ka pritur me zhgënjim verdiktin, ndërsa ka shprehur bindjen se vendimi mund të ndryshojë gjatë shqyrtimit në shkallën e apelit.

Ambasada bëri të ditur se e ka përcjellë me shqetësim të madh vendimin e dhënë sot nga Dhomat e Specializuara të Kosovës në çështjen që përfshin udhëheqësit e UÇK-së, z. Hashim Thaçi, z. Kadri Veseli, z. Jakup Krasniqi dhe z. Rexhep Selimi.

Sipas reagimit, verdikti ka sjellë me të drejtë një zhgënjim të thellë në të gjithë Kosovën dhe është një lajm jashtëzakonisht zhgënjyes për të gjithë. Ambasada theksoi se Ushtria Çlirimtare e Kosovës zhvilloi një luftë të drejtë, të nevojshme dhe në vetëmbrojtje, duke shtuar se këtë të vërtetë nuk mund ta ndryshojë askush, asnjëherë.

Në deklaratë shprehet besimi se aktgjykimi përfundimtar në shkallën e apelit do të ndryshojë si interpretimin, ashtu edhe vendimin e dhënë. Në këto çaste, ambasada shprehu solidaritet me familjet e z. Hashim Thaçi, z. Kadri Veseli, z. Jakup Krasniqi dhe z. Rexhep Selimi.

Njëkohësisht, Ambasada e Republikës së Kosovës u kërkoi qytetarëve kosovarë që gjenden në Hagë të tregojnë maturi dhe të qëndrojnë të qetë. Ata u ftuan të mos u nënshtrohen provokimeve, të zbatojnë rregullat dhe kushtet mbi bazën e të cilave Komuna e Hagës ka lejuar protestën, si dhe të tregojnë respekt për shtetin mik, Mbretërinë e Holandës.

Ambasada nënvizoi se dhuna nuk është e lejueshme dhe se ruajtja e paqes, dinjitetit dhe respektimi i ligjit janë përgjegjësi e përbashkët e të gjithëve.

The post Ambasada e Kosovës në Hagë u bën apel qytetarëve të ruajnë qetësinë appeared first on Albeu.com.

“Për datën e hyrjes në fuqi të kësaj Marrëveshjeje, ambasada e jonë do të ju mbanë të informuar në kohë. Deri atëherë, qytetarët e vendit tonë, para se të nisen në Emiratet e Bashkuara Arabe , janë të obliguar që të pajisen me viza hyrëse”, thuhet në njoftimin e Ambasadës së Kosovës në Emirate.

Pas liberalizimit të vizave me Europen , Kosova dëshmon se po ecën me ritme mjaft të shpejta duke arritur një tjeter sukses të merituar , siç është ky sot, ku qytetarët e Republikës së Kosovës së shpejti mund të lëvizin pa viza edhe në Emiratet e Bashkuara Arabe.

The post Vendimi për heqjen e vizave nga EBA me Kosovën nuk ka hyrë ende në fuqi appeared first on Albeu.com.