Ambasada e Mbretërisë së Bashkuar në Kosovë ka shprehur mbështetjen për familjet e personave që rezultojnë ende të zhdukur nga lufta e viteve 1998-1999, duke theksuar nevojën për t’u dhënë përgjigje pas shumë vitesh pasigurie.

Në reagimin e saj, Ambasada Britanike ka vlerësuar veprimet e institucioneve të Kosovës në komunën e Zubin Potokut, ku po kryhet nxjerrja e mbetjeve mortore, si edhe ekzaminimet mjeko-ligjore dhe testet e ADN-së për identifikimin e tyre.

“Mbretëria e Bashkuar qëndron pranë familjeve të atyre që ende janë të zhdukur nga konflikti i viteve 1998-1999 dhe mbështet përpjekjet për të gjetur përgjigje për ta pas shumë vitesh pasigurie. Ne mirëpresim punën e autoriteteve të Kosovës për nxjerrjen e mbetjeve mortore në komunën e Zubin Potokut dhe kryerjen e ekzaminimeve forenzike dhe testeve të ADN-së për identifikimin e mbetjeve”, thuhet në reagimin e Ambasadës Britanike.

The post Ambasada Britanike mbështet familjet e të zhdukurve dhe procesin e identifikimit në Zubin Potok appeared first on Albeu.com.

Përfaqësuesit diplomatikë të Mbretërisë së Bashkuar në Prishtinë kanë shprehur shqetësim të thellë lidhur me shembjen e banesave në afërsi të Liqenit të Ujmanit, duke bërë me dije se po monitorojnë situatën më kujdes.

Ambasada vuri në dukje se zbatimi i sundimit të ligjit nënkupton zhvillimin e proceseve të drejta dhe transparente, duke u siguruar personave të prekur mundësinë e plotë për të realizuar të drejtat e tyre ligjore.

Një pikë kyçe e shqetësimit të theksuar është informacioni se masat për ekzekutimin e urdhrave janë ndërmarrë në një moment kur gjykatat ende nuk e kanë dhënë fjalën përfundimtare.

Për më tepër, misioni diplomatik ritheksoi nevojën që normat ligjore të aplikohen pa dallime dhe në mënyrë të paanshme në çdo cep të territorit kosovar.

Në reagimin e saj, ajo i kërkoi institucioneve të Kosovës që të nisin një dialog të hapur me popullatën e prekur, të adresojnë brengat e tyre në mënyrë transparente dhe të mënjanojnë çdo veprim që mund të cenonte besimin e qytetarëve ndaj ligjit, si dhe harmoninë mes grupeve të ndryshme shoqërore.

The post Ambasada Britanike ngre shqetësimin për veprimet në Ujman gjatë proceseve të hapura ligjore appeared first on Albeu.com.

Ambasada britanike ka shprehur dënim të prerë për deklaratat e ministres serbe Snezana Paunovic, duke veçuar referencat e saj ndaj spastrimit etnik në Kosovë, të cilat i ka cilësuar si “krejtësisht të papranueshme” dhe të papërshtatshme për kohën e sotme.

Sipas njoftimit, në një moment kur shtetet e Ballkanit Perëndimor synojnë të ndërtojnë një të ardhme paqësore, të qëndrueshme dhe me bashkëjetesë mes etnive, pohime të tilla kërcënojnë të risjellin përçarjet historike dhe të ushqejnë tensione.

“Udhëheqësit politikë me përgjegjësi duhet ta hedhin poshtë një retorikë të tillë në mënyrë të qartë dhe pa mëdyshje,” theksohet në deklaratë.

Njëkohësisht, ambasada britanike ka evidentuar se presidenti serb Aleksandar Vuçiq është distancuar nga komentet e ministres Paunovic.

The post Britania e Madhe dënon ashpër deklaratat e ministres serbe appeared first on Albeu.com.

Nëpërmjet një reagimi në “Facebook”, Spitali Amerikan vlerëson bashkëpunimin dhe mbështetjen e dhënë për Chevening Scholarship.

Ky bashkëpunim ka kontribuar në formimin e studentëve shqiptarë në Mbretërinë e Bashkuar, të cilët sot janë profesionistë të suksesshëm dhe kontribuojnë në zhvillimin e vendit.

Postimi i Spitalit Amerikan:

🇦🇱 Jemi krenarë të vazhdojmë partneritetin tonë me Ambasadën Britanike në Shqipëri, duke mbështetur Chevening Scholarship edhe për 3 vitet e ardhshme. 🤝

Gjatë viteve të fundit, ky bashkëpunim ka kontribuar në formimin e studentëve shqiptarë në Mbretërinë e Bashkuar, të cilët sot janë profesionistë të suksesshëm dhe kontribuojnë në zhvillimin e vendit.

Ne besojmë fuqishëm në edukimin, mundësitë dhe investimin tek brezat e rinj.

Faleminderit për besimin dhe partneritetin e vazhdueshëm. Presim me entuziazëm kapitullin e radhës të këtij bashkëpunimi.

Spitali Amerikan, përqafoje jetën!
—

🇬🇧 We are happy to continue our partnership with American Hospital, supporting Chevening Scholarship for the next 3 years. 🤝🎉

For the past three years, this partnership has helped send talented students to the UK, students who have since grown into skilled professionals now giving back to our country.

Our sincere thanks to American Hospital for your ongoing belief in the power of education and opportunity. We’re looking forward to the next chapter of this partnership.

The post Spitali Amerikan vazhdon partneritetin me ambasadën Britanike në Shqipëri për të mbështetur studentët shqiptarë për studime në Britani appeared first on Albeu.com.

Siç ka njoftuar dhe Këshilli i Lartë i Prokurorisë, intervista me katër kandidatët që kanë shprehur interes për të qenë pasues të Altin Dumanit, do të zhvillohet më 11 Dhjetor. Më pas, do të zgjidhet dhe drejtuesi.

“Zgjedhja e Drejtuesit të SPAK është një hap i rëndësishëm në përparimin e Shqipërisë për forcimin e shtetit të së drejtës dhe luftën kundër korrupsionit. Është e rëndësishme që Këshilli i Lartë i Prokurorisë ta realizojë këtë proces në mënyrë të lirë, të drejtë dhe transparente.

Mbretëria e Bashkuar pret me padurim të bashkëpunojë me këdo që do të zgjidhet, për të vazhduar dhe forcuar marrëdhënien tonë të shkëlqyer”, thuhet në njoftimin e shpërndarë nga Ambasada e Britanisë së Madhe në Tiranë.

Altin Dumani është zgjedhur në krye të SPAK më 18 dhjetor 2022 dhe është prokurori i dytë që ka drejtuar SPAK që nga themelimi i Strukturës së Posaçme, pas Arben Krajës. Mandati i kryeprokurorit është 3-vjeçar dhe pa të drejtë rikandidimi.

Elvin Gogaj, Adnan Xholi, Doloreza Musabelliu dhe Klodian Braho janë 4 prokurorët e SPAK që kanë dorëzuar aplikim në Këshillin e Lartë të Prokurorisë, si kandidat për postin e kreut të Strukturës së Posaçme Kundër Korrupsionit dhe Krimit të Organizuar (SPAK).

The post SPAK zgjedh nesër pasuesin e Altin Dumanit, Ambasada Britanike: Ne do të bashkëpunojmë me këdo, pavarësisht emrit! appeared first on Albeu.com.

Në një reagim, britanikët thonë se molotovi nuk ka vend në demokraci.

“Skenat jashtë Bashkisë së Tiranës sot dhe përdorimi i koktejve molotov nuk kanë vend në demokraci. Ambasada Britanike dënon përdorimin e dhunës dhe aktet e frikësimit. Mbretëria e Bashkuar vazhdon të kërkojë që të gjitha mosmarrëveshjet dhe konfliktet të kryhen përmes proceseve demokratike, pa dhunë dhe se duhet respektuar sundimi i ligjit” – deklaron Ambasada e Mbretërisë së Bashkuar

The post Edhe britanikët dënojnë tensionet para bashkisë: Molotovi nuk ka vend në demokraci! 
 appeared first on Albeu.com.

Kreshnik Hoxha është studenti ekselent i Cili ka përfituar bursë nga Spitali Amerikan se bashku me programin Chevening te akorduar nga CEO i spitalit Dr.Klodian Allajbeu, për të vijuar studimet master në University College London në Britaninë e Madhe.

Kjo mbeshtetje vjen falë bashkëpunimit të shkëlqyer 3-vjeçar që Spitali Amerikan ka me Ambasadën Britanike në Shqipëri në kuadër të programit ndërkombëtar të bursave Chevening.

Falë këtij programi shumë studentë të ekselencës mund të përfitojnë bursa studimi në universitetet më prestigjoze në Mbretërinë e Bashkuar, një mundësi shumë e mirë jo vetëm për të përfituar njohuritë dhe përvojën e vendeve më të zhvilluara, por edhe për t’i implementuar ato më pas në vendin e tyre.

Spitali Amerikan, përqafoje jeten

Spitali Amerikan, përqafoje jetën!
#spitaliamerikan

The post Lajm i mirë! Spitali Amerikan dhe Ambasada Britanike ofrojnë bursa për studentët ekselentë të mjekësisë appeared first on Albeu.com.

Lajmin e ka konfirmuar vetë Sali Berisha në konferencën për shtyp. Ai është shpallur “non grata” nga Mbretëria e bashkuar pasi akuzohet për lidhje të qarta me grupe të krimit të organizuar dhe kriminelë.

Sali Berisha ka deklarua se akuzat e Britanisë së Madhe për shpalljen e tij “non grata” janë bazuar në shpifje.

Ndërkohë Ambasada e Britanisë së Madhe në Shqipëri, në një përgjigje për ABC, njofton se Britania e Madhe nuk synon asnjë parti apo grup politik. Kjo është një qasje e balancuar. Bëhet fjalë për individët dhe lidhjet e tyre me kriminalitetin dhe korrupsionin. Këto vendime merren në mënyrë të pavarur, për interesat kombëtare të Britanisë së Madhe.

Reagimi i Ambasadës për ABC:

“Shumë faleminderit që më kontaktuat. Më poshtë keni përgjigjet e pyetjeve tuaja.
Këtë javë ne kemi ndërmarrë veprime ndëshkuese ndaj disa individëve shqiptarë të publikuar gjerësisht dhe që janë të dokumentuar që kanë lidhje në veprimtari kriminale dhe korrupsioni .Është politika e Home Office që të mos komentohet mbi statusin e imigracionit të individit. Prandaj, ne nuk mund të konfirmojmë emra. Britania e Madhe nuk synon asnjë parti apo grup politik. Kjo është një qasje e balancuar. Bëhet fjalë për individët dhe lidhjet e tyre me kriminalitetin dhe korrupsionin. Këto vendime merren në mënyrë të pavarur, për interesat kombëtare të Britanisë së Madhe. Por sigurisht, ne i diskutojmë me një gamë të tërë partnerësh tanë të ngushtë, përfshirë Shtetet e Bashkuara.”

The post Berisha “non grata”, Ambasada e Britanisë së Madhe: Vendim i pavarur kundër individëve të lidhur me krimin e korrupsionin appeared first on Albeu.com.

Lëvizja vjen pasi rruga ku ndodhet ambasada amerikane u riemërua me emrin e Republikës së vetëshpallur Popullore të Donetskut – një kundërpërgjigje jo dhe aq delikate ndaj kundërshtarëve të Rusisë.

E ashtuquajtura Republika Popullore e Donetskut dhe Republika Popullore e Luhanskut janë zona të Ukrainës të kontrolluara aktualisht nga separatistët pro-rusë.

Rusia është i vetmi vend që ka njohur rajonet e shkëputura. Vendimi për të riemërtuar zonën erdhi pasi Rusia shpalli fitoren në rajonin e Luhanskut, duke marrë nën kontroll qytetet e saj kryesore./albeu.com

The post Provokon Moska, emërton zonën pranë ambasadës britanike si Republika Popullore e Luhanskut appeared first on Albeu.com.

Ambasada thekson se zbatimi i reformës në Drejtësi është thelbësor për një sistem drejtësie të pavarur dhe efikas për të ardhmen e Shqipërisë.

“Zbatimi i reformës në drejtësi është thelbësor për një sistem drejtësie të pavarur dhe efikas si dhe për të ardhmen e Shqipërisë. Ne inkurajojmë Kuvendin e Shqipërisë të mbështesë zgjatjen e propozuar të vetingut. Procesi i rivlerësimit i të gjithë gjyqtarëve dhe prokurorëve duhet të bëhet në mënyrë të drejtë dhe të barabartë. Kjo do të ndikojë në konsolidimin e mëtejshëm të reformës dhe në përgjithësi në rritjen e besimit në sistemin e drejtësisë”, thuhet në njoftimin./albeu.com

The post Ambasada britanike thirrje Kuvendit: Votoni zgjatjen e organeve të Vettingut appeared first on Albeu.com.