Një shkëmbim i ashpër fjalësh dhe sfidash ka shpërthyer në rrjetet sociale mes dy boksierëve shqiptarë, Amarildo Bakaj dhe Drilon Rama. Edhe pse deklaratat e Bakajt, ku e përshkruante Ramën si një boksier të vockël dhe e krahasonte me një femër, datojnë më shumë se një vit më parë, thirrjet për një përballje fizike mes tyre janë ndezur sërish me forcë.

Drilon Rama publikoi mbrëmë një video-mesazh në profilin e tij, ku sfidonte hapur kundërshtarin. “S’jam ndonjë Rambo interneti që gjuan thumba kot, mos e prit këtë prej meje. Dua ta mbyllim këtë çështje si dy sportistë të vërtetë. Më i forti le të triumfojë; nëse e ke gati, të pres. Ti vetë the që gjithkush heziton të hedhë hapin e parë, por këtë bisedë e nise ti, e do ta përmbyll unë,” shprehet Rama në videon e tij.

Reagimi i Amarildo Bakajt nuk vonoi aspak. Me nota të dukshme ironie, ai shkruan se Rama në të vërtetë nuk ka kurajën e mjaftueshme për t’u ndeshur realisht. Në fund të komentit të tij, boksieri lezhjan, ndonëse shpreh bindjen se dy shqiptarët nuk duhet të luftojnë kundër njëri-tjetrit, jep dakordësinë për duelin për shkak të ngulmimit të kundërshtarit.

“Po të boksoje për flamurin shqiptar, do të thosha ‘të qoftë turp’, se ne jemi një. Por ti, nga Google e ngado, shihet qartë se lufton për flamurin gjerman, ndaj do të jap një mësim të mirëfilltë shqiptar,” e mbyll reagimin e parë Bakaj.

Më pas, Bakaj ka vazhduar me postime të tjera, duke treguar se ai vetë e ka kontaktuar Ramën, por pretendon se ky i fundit nuk i ka kthyer përgjigje.

Deklarata e plotë e Drilon Ramës ishte: “Amarildo Bakaj e di fare mirë se çfarë ke thënë kur unë isha në BBVK, prandaj po përgjigjem shkurt. Edhe unë kam gjak shqiptari në vena dhe jam krenar për këtë. Nuk dua të përlahem me shqiptarë, por nuk lejoj askënd të flasë kundër meje pa u përballur. Meqë jemi të dy boksierë, le ta zgjidhim këtë temë si dy sportistë të mirëfilltë; le të përcaktojmë datën, mënyrën dhe vendin.”

Ndërkohë, përgjigjja e plotë e Bakajt ishte e mbushur me thumba dhe fjalë të rënda: “Ngrihet një burrë 72 kilogramësh, sa një femër, dhe i kërkon ndeshje një boksieri 87 kilogramë. Në publik bën të fortin, por në privat, po ju betohem në Zot, ka një orë që i kam shkruajtur e s’ma ka çelur as mesazhin. E di se do t’ia bëj kockat copë për 10 sekonda. Nëse e sjell peshën në nivelin tim, të jap fjalën që t’ia jap shansin. Për fjalët që ke thënë, je Rambo vetëm në internet. Unë po ta premtoj se do të të dal përpara; ti je ende foshnjë dhe nuk i njeh pasojat e rrugës, por te unë do të japësh provimin e parë. Do të kap me video që ta shohin të gjithë burrërinë tënde live.”

The post “Hajde përballemi në ring!” – Amarildo Bakaj i përvishet ashpër Drilon Ramës: 72 kilogramë burrë si grua, unë do të të mësoj si bëhet shqip appeared first on Albeu.com.

Megjithëse Noizy nuk i ka vendosur gishtin askujt në dëshminë e tij ai ka treguar se i vetmi konflikt që ka është ai me Cllevion por nuk mund ta fajsoj atë për vënien e tritolit pa pasur prova.

Mirëpo së fundmi në lidhje me këtë ngjarje ka reaguar boksieri shqiptar Amarildo Bakaj i cili ka bërë deklaratën e fortë në lidhje me reperin.

Ai është shprehur se fajtor për këtë veprim nuk është Cllevio apo miqtë e tij por vetë Noizy. Sipas boksierit Klevisi e di shumë mirë që nese do i shpërthente lokalin do ia kishte bërëvetes dhe Rigelsi nuk do e linte pa ia hedhur paq.

Sipas tij Noizy e ka vendosur vetë tritolin pasi e di që do fitojë dyfish para nga sigurimet për dëmet e lokalit dhe për ta dënuar Cllevion sa më shumë, pasi ai momentalisht ndodhet në burg dhe me akuzat e ngritura kundër tij ai mund të dënohet për rreth 3-4 vjet.

Rikujtojmë se Klevioli u arrestua pasi kishte thyer masën e sigurisë “arrest shtëpie” dhe në një postim në Instagram zyrtar të tij shkruhet se po keqtrajtohet.

Në shkrimin në rrjetin social të Keviol Ahmetaj thuhet se ai është me të vjella dhe prej 4 ditësh në grevë urie, por nuk iu ofrua mjekim.

The post Boksieri shqiptar “zbulon” kush e vuri tritolin në lokalin e Noizyt: Nuk ju shkon mendja, ma besoni (VIDEO) appeared first on Albeu.com.

Florian Marku, Luan Krasniqi, Ilir Latifi, Alban Beqiri, Kreshnik Qato etj, janë shumë emra në botën e boksit të cilët kanë bërë dhe po bëjnë bujë të madhe në ring.

Një “yll” i ri është duke shkëlqyer në qiellin e errët të botës së boksit. Ai është djaloshi 22-vjeçar nga Malësia e Madhe, Amarildo Bakaj. Po të shikoni videot e tij, do të habiteni se sa shpejtë i lëshon grushtat në drejtim të kundërshtarit apo në drejtimin e thesit të boksit. Zakonisht, boksierët njihen për grushta të fuqishëm, por Amarildo i ka të dyja, shpejtësi dhe forcë. Bakaj ka 43 ndeshje në boksin amator dhe 7 ndeshje në boksin profesionist, ku të 7-ta ndeshjet i ka të fituara me K.O.

Ai në moshën 14-vjeçare zgjodhi të emigrojë në drejtim të Gjermanisë për një jetë më të mirë dhe për të siguruar të ardhura për veten e tij dhe për familjen. Nuk zgjodhi rrugën e shkurtër e të errët, por zgjodhi sportin e boksit.

Në një intervistë ekskluzive për gazetarin e Abc News, Hergi Llupi, Amarildo ka rrëfyer ëndrrën e tij, idhullin e tij në sportin e boksit dhe jo vetëm.

Pse zgjodhe pikërisht boksin?

Boksin e zgjodha sepse është një nga sportet më të vështira, një sport që kërkon forcë, mentalitet dhe trimëri. Boksi është një sport burrëror dhe unë dua të provoj veten time se sa vlej këtu.

Cili është synimi yt në karrierën e boksit?

Synimi im është të fitoj titullin e kampionit të botës dhe të flas shqip midis ringut botëror. Dua të bëj krenar familjen dhe të gjithë shqiptarët.

Si është dita e Amarlidos?

Dita ime është sa e thjeshtë por edhe e zënë. Unë çohem herët në mëngjes, dal për vrap. Kur kthehem nga vrapi ushqehem shëndetshëm, pjesën e mbetur të ditës e kaloj me familjen time, dhe në dark realizoj stërvitjen time në palestrën e boksit. Kryej një stërvitje intensive, rreth 12 herë në javë.

A ke ndonjë boksier si shembull?

Sigurisht, çdokush ka një idhull në çdo sport të mundshëm. Idhulli im është Mike Tyson. Duke parë videot e tij, jam frymëzuar shumë dhe kam praktikuar gjithmonë stilin e tij. Deri më tani ka funksionuar duke më dhënë fitoret.

Çfarë mendon se të bën ty ndryshe nga boksierët e tjerë?

Nga boksierët e tjerë mendoj se më bën të jem ndryshe vetëbesimi dhe lidhja e madhe që kam me shqiptarët. Unë jetoj në Gjermani, rri me shqiptarë dhe në ring prezantohem si shqiptar, dhe për këtë gjë urrehem nga kombësitë e tjera. Por unë do të vazhdoj të mbaj mbi shpatulla flamurin e kombit tonë dhe asnjë shumë monetare nuk do të më ndryshonte mendjen që të përfaqësoja një komb tjetër, një shtet tjetër.

Për çfarë do që të mbahesh mend në fund të karrierës tënde?

Dua që emri im të shënohet në listën e kampionëve, dua të mbahem mend si një shembull dhe frymëzim për të gjithë rininë shqiptare që merret apo do të merret me boksin.

Supozojmë se ke vetëm një ndeshje, kë do zgjidhje si kundërshtar?

Nëse unë do të kisha vetëm një ndeshje të mbetur në karrierën time, do të zgjidhja djalin e Arkanit, Veljko Ražnatović.

I kam kërkuar shumë herë të bëjë një ndeshje me mua, menaxherët që kam unë i kanë telefonuar disa herë dhe i kanë bërë oferta të ndryshme por ai se ka pranuar asnjëherë të ndeshet./

The post I frymëzuar nga Mike Tyson, rrëfehet boksieri Amarildo Bakaj, i riu që sfidon djalin e Arkanit appeared first on Albeu.com.