Mediat në Maqedoninë e Veriut raportojnë se mbetet akoma e pazbardhur vrasja e reperit shqiptar Amar Ismani.

Ministria e Brendshme thotë se ka ndërmarrë të gjitha masat dhe aktivitetet së bashku me Prokurorinë Publike për gjetjen e autoreve dhe zbardhjen e këtij incidenti të armatosur.

Ndërkohë që dy personat që mbetën të plagosur në këtë incident janë jashtë rrezikut për jetën. Gjendja e të riut 19-vjeçar O.B i plagosur në incidentin në rrugën e plastikave është e qëndrueshme por vazhdon të mbetet në respirator në Klinikën “Nënë Tereza” në Shkup. Sipas mjekëve, ai ka marrë lëndime në pjesën e kraharorit, në pjesën e stomakut, dhe në këmbë.

“Gjendja e djaloshit 19 vjeçar të cilit i bëmë intervenime kirurgjikale në natën kritike është stabile por vazhdon të jetë në kujdesin intenziv, në respirator por parametrat vitale i ka të kënaqshme dhe brenda 24 orëve në vijim shpresoj se do të lirohet nga respiratori, mbështetja e aparatit për frymëmarrje. Ka lëndime të shumta, në pjesën e kraharorit, në pjesën e stomakut, dhe këmbën, do të ketë intervenime tjera në pjesën e ekstremiteteve por tash për tash, rezultati, analizat dhe gjendja e tij është në nivel të pritshmërisë”, u shpreh Nexhati Jakupi, drejtori i Klinikës për Kirurgji Torakale dhe Vaskulare.

Ndërkohë i plagosuri tjetër 24 vjeçari T.A është goditur me një plumb dhe ka marr lëndime në pjesën e pasme të gjoksit, goditja ka përfunduar pranë shtyllës kurrizore dhe fatmirësisht pa asnjë dëmtim në vetë palcën.

“Tek ne është sjellë një pacient 24 vjeçar me lëndime nga armë zjarri me lëndime në pjesën e pasme të gjoksit, plumbi ka përfunduar afër palcës së shtyllës kurrizore dhe për fat të mirë pa ndonjë lëndim të palcës, është bërë menjëherë ndërhyrje kirurgjikale dhe tani është në gjendje stabile dhe mendoj se gjatë kësaj ditë do të transferohet në repartin e spitalit”, deklaroi Luben Arsenov, rejtori i Klinikës për Sëmundje Kirurgjike “Shën Naumi i Ohrit”.

The post Vrasja e reperit shqiptar në Maqedoninë e Veriut mbetet ende mister, si paraqitet gjendja e të plagosurve appeared first on Albeu.com.

Në përplasjen me armë janë përfshirë disa persona, ndërsa raportohet se kanë mbetur të plagosur 3 prej tyre.

Këngëtari, i cili nuk u mbijetoi dot plagëve të marra, mësohet se ishte fejuar disa ditë më parë.

Pak para se të vritej ai kishte publikuar një foto me partneren e tij në “Instastory” nga festa e fejesës.

Gjithashtu më 25 prill publikoi disa imazhe ku tregoi se i kishte propozuar për martesë të dashurës së tij.

“Gjithçka që kam nevojë në këtë jetë, jam unë dhe e dashura ime”, shkruante ai.

Ende nuk dihen arsyet e përplasjes me armë në Shkup, që i morën jetën të riut.

The post FOTO/ Ishte fejuar disa ditë më parë, ja çfarë publikoi këngëtari i njohur shqiptar pak para se të vritej appeared first on Albeu.com.

Sipas informacioneve të para që ka arritur të siguroj Klan Maqedoni, në këtë përleshje me armë ka vdekur blogeri i njohur dhe këngëtari Amar Ismani.

Aty janë përfshirë disa persona ndërsa ka janë plagosur edhe 3.

“Në ora 23:45 më spitalin e qytetit në Shkup ‘Sh.Naum Ohridski’ është sjellë qytetari i plagosur T.A (24-vjeçar) nga Shkupi. Disa minuta më vonë në kompleksin e klinikave ‘Nënë Tereza’ të plagosur janë dërguar dy persona, O.B (19- vjeçar) dhe A.I (29-vjeçar), që të dy nga Shkupi. Disa minuta pas dhënies së ndihmës së parë, A.I ka ndërruar jetë” thonë nga MPB.

Më shumë detaje Ministria e Brendshme do të njoftoj gjatë ditës.

The post Ky është 29-vjeçari që mbeti i vrarë gjatë përplasjes me armë zjarri në Shkup appeared first on Albeu.com.