Zonja e Parë, Armanda Begaj, ishte pjesë e festës tradicionale të Abetares në shkollat e kryeqytetit: “Qemal Cena”, “Bashkim Berisha” dhe “Lasgush Poradeci”.

Ndërsa kremtoi këtë ditë të shënuar me të vegjlit, mësuesit dhe prindërit e tyre, Zonja Begaj i falënderoi nxënësit për gëzimin që sollën me programet e tyre festive tradicionale të përfundimit të Abetares.

Ajo i përgëzoi nxënësit e klasave të para për mbylljen e një etape të rëndësishme për shkrimin dhe leximin e gjuhës shqipe.
Bashkë me urimet për përfundimin e librit të parë shkollor dhe dhënien e certifikatave të Abetares, Zonja Begaj dhuroi libra edukativë dhe argëtues për të vegjlit në vijim të nismës për nxitjen e leximit shqip.

Gjithashtu, ajo shprehu falënderime ndaj prindërve për përkushtimin dhe ndaj mësuesve për pasionin në ushtrimin e detyrës, duke inkurajuar vijimin e kësaj fryme edukimi dhe mësimi edhe në të ardhmen.

Vizita në shkollën “Bashkim Berisha” në Ndroq ishte një premtim i mbajtur për Zonjën Begaj. Ajo u takua herën e parë me këta fëmijë në nisje të vitit të ri shkollor dhe, sikurse u kishte premtuar më 11 shtator 2023, shkoi sërish për të ndarë me ta gëzimin e festës së Abetares.

Mamografi lëvizëse falas në Vaun e Dejës, Zonja e Parë thirrje grave të kontrollohen

Xh — Thu, 07 Dec 2023 17:22:57 +0000

Zonja Armanda Begaj ishte sot në Bashkinë e Vaut të Dejës, nga ku bëri apel për depistimin e grave dhe vajzave për kancerin e gjirit.

Përmes mamografisë lëvizëse, në Vaun e Dejës dhe 6 njësitë administrative të kësaj bashkie, gratë dhe vajzat kanë mundësi për kontroll falas për mamografinë e gjirit.

Kjo gjë u realizua me kujdesin e Presidentit të Republikës në bashkëpunim me Ministrinë e Shëndetësisë dhe Mbrojtjes Sociale dhe Institutin e Shëndetit Publik pas kërkesës nga Bashkia e Vaut të Dejës për të ndihmuar gratë dhe vajzat në zona të largëta.

Zonja Begaj falendëroi specialistin e mamografisë, infermierët, përfaqësuesit lokalë dhe aktivistet që u bënë pjesë e këtij aksioni.

Në tri ditët e para, vetëm në Bushat e kryen depistimin 40 gra dhe vajza, ndërsa mamografia do të shkojë përgjatë 10 ditëve në vazhdim në Vaun e Dejës, Vig-Mnellë, Hajmel dhe Temal.

Gjatë qëndrimit në Vaun e Dejës, zonja Begaj mori pjesë edhe në panairin e Krishtlindjeve të “Caritas Doqezan Sapa”, një aktivitet bamirës për fëmijët me aftësi ndryshe.

Ajo bisedoi me nënat e tyre, misionarët fetarë dhe vullnetarët e kësaj qendre, të cilët i falëndëroi për vullnetarizmin dhe bashkëpunimin në këtë mision.

Nismës për bamirësi iu bashkua i gjithë komuniteti i zonës. Banorët blenë punimet e veçanta të kryera nga fëmijët me aftësi ndryshe për t’i ndihmuar ata dhe për të zbukuar shtëpitë për festat e Krishtlindjeve.

The post Mamografi lëvizëse falas në Vaun e Dejës, Zonja e Parë thirrje grave të kontrollohen appeared first on Albeu.com.

amanda begaj Archives - Albeu.com

Zonja Begaj me “miqtë e saj të vegjël” në festën e Abetares

Mamografi lëvizëse falas në Vaun e Dejës, Zonja e Parë thirrje grave të kontrollohen