Como po punon për të mbyllur marrëveshjen, duke zhvilluar bisedime intensive me përfaqësuesit e lojtarit.

Morata pritet të largohet nga Galatasaray pas një periudhe të shkurtër dhe të pasuksesshme në Turqi.

Pavarësisht spekulimeve për një rikthim te Milani, Morata nuk do të vazhdojë karrierën me kuqezinjtë.

Oferta e Comos shihet si serioze, ndërsa të dyja palët janë të hapura për arritjen e një akordi.

Fabrizio Romano konfirmon: “Como i ka dërguar një propozim zyrtar Alvaro Moratës, dhe negociatat janë duke vazhduar”, ka shkruar Romano.

Për momentin, Morata po shqyrton ofertën, me rikthimin e tij në Itali që duket gjithnjë e më i mundshëm.

🚨🔵 Como have sent official proposal to Álvaro Morata as negotiations are now underway.

Morata will leave Galatasaray and won’t stay at AC Milan with Como now in talks with the Spanish striker.

Deal on. 🇪🇸 pic.twitter.com/RW5fO8EDgZ

— Fabrizio Romano (@FabrizioRomano) June 25, 2025

The post Alvaro Morata drejt rikthimit në Serie A, në kontakte zyrtare me klubin italian appeared first on Albeu.com.

Sipas Marca, kërcënimet u bënë në rrjetet sociale menjëherë pas finales së Ligës së Kombeve, ku Spanja u mposht nga Portugalia pas penalltive.

I riu kishte postuar komente kërcënuese drejtuar Moratës dhe fëmijëve të tij, pas humbjes së penalltisë nga ana e sulmuesit në serinë vendimtare. Në atë ndeshje dramatike, e cila përfundoi 2-2 në kohën e rregullt dhe shtesë, Portugalia triumfoi 5-3 me penallti, falë pritjes së Diogo Costas ndaj gjuajtjes së Moratës në setin e katërt.

Tentativa për të fshehur gjurmët

Dy ditë pas publikimit të komenteve, 19-vjeçari paraqiti një kallëzim në policinë e Malagas, duke pretenduar se llogaria e tij në rrjetet sociale ishte hakuar nga persona të panjohur.

Megjithatë, hetimet e Departamentit të Krimeve Kibernetike zbuluan mospërputhje në deklaratat e tij dhe provat e mbledhura konfirmuan se ai kishte sajuar këtë histori për të krijuar një alibi dhe për t’u distancuar nga ngjarja.

Morata: Ata nuk e dinë si është të jetosh me kërcënime

Pas incidentit, Alvaro Morata reagoi me trishtim dhe shqetësim për sulmet e vazhdueshme që ai dhe familja e tij kanë përjetuar në rrjetet sociale.

“E kuptoj që më kritikojnë që nuk shënoj gol, por dua që njerëzit ta vendosin veten në pozicionin tim. Ata nuk e kanë idenë se si është të marrësh kërcënime si unë dhe të lexosh: ‘Shpresoj që fëmijët e tu të vdesin’. Kur ndodh një tragjedi, ata thonë: ‘Ai ishte një fëmijë i mirë’. Ajo që më shqetëson më shumë është ajo që i thonë gruas sime, fëmijëve të mi”, deklaroi Morata për mediat spanjolle.

Autoritetet kanë konfirmuar se hetimet për incidentin janë ende në vijim, ndërsa lojtari dhe familja e tij po marrin mbështetjen e nevojshme psikologjike dhe ligjore.

The post Një 19-vjeçar është arrestuar për kërcënimin me vrasje të Moratas dhe familjes së tij appeared first on Albeu.com.

Sulmuesi i Kombëtares spanjolle do të vazhdojë të jetë i huazuar në Turqi deri në janarin e vitit të ardhshëm nga Milani.

Por në një intervistë për mediat spanjolle, Morata është shprehur se dëshiron rikthimin në kombin e tij, duke lënë të hapur një lamtumirë me Milanin.

“E ardhmja ime? Do të doja të rikthehesha në Spanjë dhe do të thoja tek Getafe.

Por kam ende gjashtë muaj huazim te Galatasaray, nuk e di se çfarë do të ndodhë. Do të doja të kthehesha në Spanjë. Do të zgjedh atë që do ta bëjë familjen time më të lumtur”, u shpreh 32-vjeçari.

The post Morata mendon lamtumirën përfundimtare me Milanin: Do të doja të kthehesha… appeared first on Albeu.com.

Përpara ndeshjes së sotme të Kupës së Turqisë kundër Bolusporit, disa tifozë të Galatasarayt, të cilët konsiderohen jashtëzakonisht fanatikë, nuk e njohën futbollistin e ardhur në klub si një yll të madh.

Ai ka kaluar pranë tyre në mënyrën më normale dhe nuk ka shkaktuar ndonjë reagim të veçantë, siç shihet në videoklipin mëposhtë.

Kampioni aktual i Evropës me kombëtaren spanjolle pati një paraqitje fantastike për klubin e tij të ri në ndeshjen e sotme, teksa goditi rrjetën e portierit kundërshtar në minutën e 21-të të takimit.

Morata ka luajtur për Real Madridin, Juventusin, Chelsean, Atletico Madridin, Milanin dhe Galatasarayn, të cilët i pagoi kuqezinjtë gjashtë milionë euro për huazimin e tij.

Ai luajti 84 ndeshje për kombëtaren spanjolle dhe shënoi 37 gola. /Telegrafi/

The post VIDEO / Tifozët e Galatasaray-it nuk njohin transferimin e ri të klubit, ai kalon afër tyre dhe nuk shkakton asnjë reagim appeared first on Albeu.com.

Dy klubet kanë arritur marrëveshje për një huazim me detyrim blerje për rreth 10 milionë euro.

Morata u largua nga Italia në orët e para të pasdites dhe arriti në Turqi, pasi shënoi 5 gola në 16 ndeshje në ligë dhe një në Champions League në shtatë paraqitje. Në vend të tij, Milani siguroi Gimenez nga Feyenoord.

“Faleminderit që më dhatë mundësinë të vesh këtë fanellë. Milani është një klub i jashtëzakonshëm dhe njerëzit që punojnë atje janë akoma më shumë. Faleminderit të gjithëve”, është mesazhi publikuar, mbivendosur mbi një foto të tij me fanellën e kuqezinjve teksa përshëndet publikun, nga Alvaro Morata.

The post Morata zyrtarisht te Galatasaray, formula e transferimit dhe shifrat appeared first on Albeu.com.

Me një ndjenje që nuk lulëzoi kurrë, Alvaro dhe Milan me sa duket po përcaktojnë detajet përfundimtare, me spanjollin që mbyll periudhën me kuqezinjtë, për të hapur një tjetër në Turqi. Dhe do të kishte një optimizëm të madh rreth operacionit, me Galatasarayn që me ardhjen e Moratas mund të heqë dorë edhe nga Osimhen pas jo-së së Napolit për ofertën 65 milionëshe.

Gjithçka me kusht që ndërkohë Santiago Gimenez të mbërrijë në Milanello, një kusht që Ibra & Co. e konsideron vendimtar përpara se të japin OK-në përfundimtare për transferimin e spanjollit.

Hipotezë e cila për momentin duket se është përshpejtuar pavarësisht dëmtimit të sulmuesit të Feyenoord në Champions League dhe mundësisë për ta parë klubin holandez të çiftuar me kuqezinjtë në play-off nga shorti i së premtes. Lëvizje që mund të mos ndikojë në dialogun mes Milanit dhe Feyenoord për sulmuesin.

The post Morata te Galatasaray, Milani në sulm për Gimenez appeared first on Albeu.com.

“Pas disa kohësh reflektimi, unë dhe Alice morëm vendimin për të ndarë rrugët tona. Një marrëdhënie e mrekullueshme dhe respektuese në të cilën ne e donim dhe ndihmuam shumë njëri-tjetrin. Ishin vite të mrekullueshme, fryti i të cilave ishin katër. Fëmijët, të cilët janë padyshim gjëja më e mirë që kemi bërë ndonjëherë. Është një vendim i dhimbshëm, ndaj kërkojmë respekt dhe ndjeshmëri. Alice do të ketë gjithmonë një vend të veçantë në zemrën time. Gjithçka që kaluam së bashku ishte e pabesueshme, një përvojë e shkëlqyer mësimi”, shkruan ai në postim.

Futbollisti Álvaro Morata (31 vjeç) dhe influencuesja dhe biznesmenja italiane Alice Campello (29 vjeçe) u takuan në vitin 2016, kur futbollisti luante për Juventusin dhe u martuan më 17 qershor 2017 në Venecia. Çifti, i cili ka katër fëmijë, rinovuan betimet e dasmës në një festë të madhe më 2022.

The post “Gjithçka që kaluam, një përvojë e shkëlqyer mësimi”/ Alvaro Morata ndahet nga Alice appeared first on Albeu.com.

Qeveria e Gjibraltarit përshëndeti njoftimin e UEFA-s për rezultatin e hetimit për thirrjet thellësisht fyese dhe diskriminuese kundër qytetarëve të Gjibraltarit nga lojtarët e kombëtares spanjolle Rodri dhe Alvaro Morata.

“Vendimi i UEFA-s është një mesazh i qartë për të gjithë ata që përziejnë sportin me politikën. Justifikon vendimin e Federatës së Futbollit të Gjibraltarit për të ndërmarrë veprime. Dhe, ndoshta edhe më e rëndësishmja, me të drejtë nënvizon se kënga në fjalë e dëmton reputacionin e futbollit – tha guvernatori Fabian Picardo në një deklaratë -. Gjibraltari i përket popullit të tij dhe asnjë këngë apo asgjë nuk do ta ndryshojë këtë”.

The post Koret kundër Gjibraltarit: UEFA skualifikon Moratën dhe Rodrin appeared first on Albeu.com.

La Roja u kurorëzua kampione e Evropës pasi mposhti Anglinë 2-1 në finalen e këtij viti.

Megjithatë, gjatë festimeve, dyshja u panë duke brohoritur ‘Gjibraltari është spanjoll’, gjë që i ka futur në ujë të nxehtë.

Gjibraltari, një ish territor spanjoll i vendosur në skajin jugor të Spanjës, ka qenë nën sundimin britanik që nga shekulli i 18-të.

Që atëherë, spanjollët kanë kërkuar kthimin e saj dhe në vazhdim të së njëjtës, Morata i kërkoi turmës të bashkohej me këngën.

Pas këtyre veprimeve, federata e Gjibraltarit paraqiti një ankesë në UEFA dhe tha: “Vërehet natyra jashtëzakonisht provokuese dhe insinuate e festimeve rreth fitores së ekipit kombëtar spanjoll të meshkujve në Euro 2024. Futbolli nuk ka vend për sjellje të një natyre të tillë”.

Duket sikur thirrjet shkelnin rregullin e UEFA-s kundër përdorimit të ngjarjeve sportive për manifestime të natyrës jo sportive. Tani, organi i kontrollit, etikës dhe disiplinës i organizatës qeverisëse (CEDB) do të vendosë për këtë çështje.

BREAKING: Rodri and Alvaro Morata have been charged by UEFA following their "Gibraltar is Spanish" chants at the #euro2024 trophy celebration in Madrid. pic.twitter.com/nPMBi5Cyzu

— City Xtra (@City_Xtra) July 23, 2024

Rodri dhe Morata të dy patën sukses në kampionatin evropian, me këtë të fundit që shërbeu si kapiten dhe kontribuoi me një gol dhe një asist. Ndërkohë, mesfushori i Manchester Cityt u vlerësua Lojtari i Turneut pasi shënoi një gol në gjashtë paraqitje në garë.

Rordi konsiderohet gjithashtu në garë për çmimin e Topit të Artë të këtij viti. /Telegrafi/

The post Rodri dhe Alvaro Morata shpallen fajtorë nga UEFA për incidentin në fitoren e Spanjës në Euro 2024 appeared first on Albeu.com.

“AC Milan ka kënaqësinë të njoftojë se ka fituar përfundimisht paraqitjet sportive të futbollistit Álvaro Borja Morata Martín nga Club Atlético de Madrid. Kapiteni i kombëtares spanjolle, me të cilën sapo është kurorëzuar si kampion Europe, Morata ka nënshkruar kontratë me klubin kuqezi deri më 30 qershor 2028 me opsion edhe për një vit tjetër”.

Pas largimit të Olivier Giroud, Milani ishte në kërkim të një sulmuesi dhe javët e fundit emri i spanjollit Morata ishte ngjitur në krye të listës së drejtuesve të kuqezinjve.

Dëshira e lojtarit për t’u larguar nga Atletico Madrid ishte vendimtare, pavarësisht deklaratave të dashurisë së fundit dhe kostove të ulëta të operacionit: Milan pagoi klauzolën e lirimit prej 13 milionë euro për të liruar sulmuesin spanjoll.

Ish-sulmuesi i Juventus dhe Atletico do të mbajë veshur fanellën me numrin 7. Yacine Adli (që do të mbajë numrin 94) do ti lejojë numrin 7 sulmuesit të ri kuqezinjve.

Fakti që numri 9 mbetet ende i pazbuluar, ndoshta do të thotë se po vjen edhe një tjetër sulmues, me shumë mundësi Fullkrug.

The post Morata, sulmuesi i ri i Milanit appeared first on Albeu.com.