Chelsea po tregon interes të madh për të mbyllur transferimin e mbrojtësit të majtë Álvaro Carreras, në përpjekje për të forcuar anën e majtë të repartit defensiv. Klubi nga Londra synon kështu të përmbushë një prej kërkesave kryesore të trajnerit Xabi Alonso.

Pas kalimit të Marc Cucurellas te Real Madridi, Alonso u ka kërkuar drejtuesve të Chelseat që të sigurojnë talentin spanjoll, të cilin e sheh si lojtarin më të përshtatshëm për mënyrën e tij të lojës.

Sipas raportimeve nga gazetari Simon Phillips dhe mediumi Sport, Chelsea ka paraqitur tashmë një ofertë zyrtare prej 25 milionë eurosh, por ajo është hedhur poshtë menjëherë nga drejtuesit e Real Madridit.

Pavarësisht kësaj, “Blutë” nuk planifikojnë të heqin dorë nga bisedimet. Bëhet e ditur se skuadra angleze po përgatit një propozim të ri me vlerë 40 milionë euro, me synimin që të bindë madrilenët të pranojnë largimin e mbrojtësit.

Carreras është kthyer në një prej lojtarëve më të kërkuar në këtë afat kalimtar, falë paraqitjeve të tij dhe përshtatjes shumë të mirë me futbollin anglez.

Mbrojtësi spanjoll është formuar në akademinë e Manchester United, ndërsa më vonë ka fituar përvojë te Preston North End, ku është aktivizuar në Championship.

Alonso çmon lëvizshmërinë e Carreras, cilësitë e tij në fazën sulmuese dhe vendimmarrjen, duke e parë atë si mbrojtësin ideal për stilin e tij të lojës me tranzicione të shpejta.

Ndonëse futbollisti është i lidhur me Real Madridin me kontratë deri më 30 qershor 2031, raportimet nga Spanja tregojnë se klubi madrilen nuk e sheh asnjë lojtar në atë rol si të paprekshëm, me përjashtim të mbrojtësit të ri katalanas që iu bashkua skuadrës këtë verë.

The post Xabi Alonso i kërkon Chelseat afrimin e Álvaro Carreras nga Real Madridi appeared first on Albeu.com.

Real Madridi po punon për të ndërtuar një skuadër elitare për sezonet e ardhshme, por për të vënë në zbatim planet ambicioze të verës, klubi duhet të krijojë hapësira në ekip dhe njëkohësisht të sigurojë të ardhura të konsiderueshme.

Në javët e ardhshme, nga “Los Blancos” pritet të largohen gjithsej gjashtë lojtarë.

Sipas El Debate, skuadra madrilene ka përfituar tashmë rreth 51 milionë euro nga shitja e Nico Paz dhe 17 milionë euro nga Víctor Munoz. Po ashtu, me largimet e Carvajal, Ceballos dhe Alaba, janë çliruar paga të rëndësishme, me kursimin total që llogaritet rreth 52 milionë euro.

Pavarësisht kësaj, drejtuesit e Real Madridit e konsiderojnë se kjo shumë nuk është e mjaftueshme. Projekti i tyre përfshin edhe largimin e të paktën gjashtë futbollistëve të tjerë: dy mbrojtës, dy mesfushorë dhe dy sulmues.

Raportohet se trajneri i ri, Jose Mourinho, ka përcaktuar disa emra që mund të sakrifikohen. Fran Garcia, Raul Asencio dhe Eduardo Camavinga janë mes lojtarëve për të cilët dera e largimit mbetet e hapur.

Në mesin e futbollistëve që përmenden si kandidatë për t’u larguar janë edhe Alvaro Carreras, Franco Mastantuono dhe Gonzalo García.

Nëse këto lëvizje përmbyllen me sukses, Real Madridi do të siguronte burime të rëndësishme financiare për objektivat madhorë të merkatos, ku në fokus mbeten emra si Michael Olise, Erling Haaland dhe Julian Alvarez.

Gjithsesi, nuk përjashtohet as mundësia e një transferimi të madh. Fede Valverde dhe Aurelien Tchouameni përmenden si dy prej lojtarëve më të kërkuar dhe si opsione të mundshme për t’u sakrifikuar në funksion të projektit të ri galaktik.

The post Real Madridi përgatit largimin e 6 futbollistëve për të mbështetur projektin e ri appeared first on Albeu.com.

Chelsea nuk e sheh aspak si të lehtë largimin e tij dhe i jep një vlerësim shumë të lartë futbollistit, i cili vazhdon të ruajë statusin e tij ndërkombëtar.

Në Madrid llogaritet se çmimi mund të shkojë deri në rreth 120 milionë euro, një shifër që kërkon bisedime të gjata dhe shumë të kujdesshme.

Kërkesa e Real Madridit për Enzo Fernandez lidhet me një nevojë të qartë sportive. Klubi madrilen po kërkon një mesfushor me karakter, forcë dhe aftësi për të diktuar ritmin e lojës në ndeshje me intensitet të lartë, si në Ligën e Kampionëve ashtu edhe në La Liga.

Argjentinasi i përmbush këto kërkesa në aspektin e moshës, peshës në skuadër dhe përvojës në nivele të larta. Në moshën 25-vjeçare, ai ka fituar tashmë Kupën e Botës me Argjentinën dhe ka eksperiencë në Premier League, ku mbërriti te Chelsea nga Benfica në një transferim historik.

Plani që po shqyrtohet në ‘Bernabeu’ parashikon përfshirjen e lojtarëve në lëvizje paralele. Jo domosdoshmërisht si shkëmbim i drejtpërdrejtë, por si operacione që mund ta zbusin qëndrimin e Chelseat në negociatat për Enzo Fernandez.

Në këtë skenar përmenden dy emra: Alvaro Carreras dhe Eduardo Camavinga.

Mbrojtësi i majtë ka lënë përshtypje pozitive te Xabi Alonso, i cili e ka pasur më herët nën vëzhgim dhe mund ta shohë si një alternativë të vlefshme për të përforcuar krahun e majtë.

Çështja e Camavingas është shumë më e ndërlikuar. Francezi nuk duket i gatshëm të largohet dhe vazhdon të jetë një lojtar me rëndësi të madhe sportive dhe me vlerë të lartë për të ardhmen. Megjithatë, në tregun anglez emri i tij ka peshë të madhe dhe mund të ndikojë në çdo marrëveshje mes klubeve.

Carreras konsiderohet si rruga më e lehtë në strategjinë e Real Madridit. Largimi i tij nuk do të kishte ndikimin sportiv që do të kishte ai i Camavingas dhe do t’i jepte klubit mundësinë të hapte një kanal marrëveshjeje me Londrën pa prekur shtyllat kryesore të skuadrës.

The post Real Madridi i propozon Chelseat dy futbollistë të skuadrës në këmbim të Enzo Fernandez appeared first on Albeu.com.

Madridi ka siguruar shërbimet e Cucurellës në një marrëveshje prej 52 milionë funtesh me Chelsean.

Reprezentuesi spanjoll është një nga mbrojtësit e majtë më të mirë në botë dhe pritet të bëhet titullar në ekipin e parë të Real Madridit nën drejtimin e trajnerit të ri Jose Mourinho.

Nënshkrimi i Cucurellës ka ngritur pyetje mbi të ardhmen e Carreras, i cili iu bashkua Madridit nga Benfica vetëm verën e kaluar.

23-vjeçari pritej të ishte një zgjidhje afatgjatë në pozicionin e mbrojtësit të majtë te Madridi, por spanjolli mund të largohet nga Estadio Bernabeu këtë verë.

Manchester United thuhet se po “shqyrton një lëvizje” për të rikthyer Carreras në Old Trafford në afatin kalimtar të verës.

LEXONI: Chelsea: Alonso “nuk është i informuar” për marrëveshjen me Cucurellan, pasi shitja prej 52 milionë funtesh pritet të “shkaktojë” tre largime të tjera

Skuadra e Michael Carrick dëshiron të nënshkruajë një mbrojtës të ri të majtë dhe beson se 23-vjeçari do të ishte një nënshkrim i përshtatshëm.

Tani është zbuluar se edhe trajneri i ri i Chelseat, Alonso, do të donte të nënshkruante Carreras.

Alonso, i cili zyrtarisht do të marrë përsipër detyrën e trajnerit të Chelseat më 1 korrik, ka punuar me Carreras te Madridi dhe e vlerëson shumë atë.

The post Xabi Alonso dëshiron yllin 50 milionë eurosh të Real Madridit te Chelsea appeared first on Albeu.com.