Me fitoren 3-0 ndaj Aluminij mbrëmjen e djeshme, Dinamo siguroi kalimin në fazën e 3-të të Conference League. Pas përfundimit të kësaj përballjeje reagoi edhe presidenti i FSHF-së, Armand Duka.

Kreu i Federatës Shqiptare të Futbollit vlerësoi paraqitjen e skuadrës së drejtuar nga Ilir Daja, duke nënvizuar karakterin dhe ambicien që ajo tregoi. Ai gjithashtu u uroi suksese kryeqytetasve në fazën e ardhshme të Ligës së Konferencës.

Në reagimin e tij, Duka deklaroi se Dinamo City konfirmoi sërish se futbolli shqiptar zotëron cilësinë, karakterin dhe ambicien e nevojshme për të konkurruar denjësisht në arenën europiane.

Presidenti i FSHF-së e cilësoi kualifikimin të merituar, ndërsa theksoi se çdo arritje e klubeve vendase përbën sukses për futbollin shqiptar. Sipas tij, ky rezultat tregon qartë se puna, investimet dhe besimi po japin frytet e tyre.

Në fund, Duka theksoi se rrugëtimi vazhdon dhe i uroi Dinamos suksese në raundin e tretë të UEFA Conference League.

The post Dinamo shkëlqen në Europë, Duka: Konfirmoi cilësinë, karakterin dhe ambicien e futbollit shqiptar appeared first on Albeu.com.

Presidenti i Dinamos, Adrian Bardhi, nuk e fshehu kënaqësinë pas fitores 3-0 ndaj Aluminij, rezultat që i siguroi skuadrës kualifikimin në turin e dytë të Conference League. Në prononcimin për mediat, drejtuesi i klubit foli për ecurinë e ekipit, merkaton dhe situatën e lojtarëve.

“Deri në këtë moment jemi të kënaqur dhe kemi besim 100% te kjo skuadër. Djemtë janë paraqitur shumë mirë, ndërsa grupi mund të konsiderohet thuajse i plotë. Deri në mbylljen e merkatos presim që në ditët e ardhshme të realizojmë edhe ndonjë afrim”, deklaroi Bardhi.

Sipas presidentit, më shumë sesa kalimi i turit të dytë, rëndësi ka puna që po zhvillohet dhe harmonia e krijuar mes klubit, lojtarëve dhe trajnerit Ilir Daja.

“Sigurisht që jemi të lumtur për kualifikimin në turin e dytë, por ajo që po ndërtojmë është edhe më e rëndësishme. Rezultatet po vijnë falë kimisë që ekziston mes klubit dhe trajnerit Ilir Daja. Kjo është meritë e trajnerit, klubit, investimeve dhe gjithçkaje që po bëjmë. Është një sinfoni e bukur, të cilën Zoti na e ruajt. Shpresojmë që, edhe me pak fat, t’ia dalim”, u shpreh ai.

Bardhi komentoi gjithashtu mundësinë e largimeve nga Dinamo, duke përmendur konkretisht Komën si një prej futbollistëve për të cilët ka interes nga disa skuadra.

“Sa u përket largimeve, Koma është një nga lojtarët që kërkohet shumë nga ekipe të ndryshme. Do të vlerësojmë zgjidhjen më të mirë për skuadrën dhe klubin”, përfundoi presidenti i Dinamos.

The post Dinamo avancon në Europë, Bardhi vlerëson lidhjen e skuadrës me Dajën dhe flet për të ardhmen e Komës appeared first on Albeu.com.

Dinamo siguroi me shumë klas kualifikimin ndaj Aluminij, pasi triumfoi 3-0 në ndeshjen e kthimit. Në përfundim të takimit të luajtur në “Elbasan Arena”, mesfushori Klevi Qefalija foli për suksesin dhe paraqitjen e tij.

“Mbi të gjitha ka rëndësi kualifikimi, ndërsa sigurisht që edhe goli ka vlerën e vet.

Si ndihem kur luaj më pranë portës? Jam i kënaqur, sepse më pëlqen të jem afër saj. Për mua mjafton të luaj përpara.

Natyrisht, është kënaqësi edhe prania ime në konferencën për shtyp.

Të them të drejtën, kam pasur shumë frikë. Edhe gjatë stërvitjeve më thonin se duhej ta largoja atë.

Lojtarët e afruar janë përshtatur deri në njëfarë mase, por u duhet koha e tyre. Manellari na ka dhënë shumë ndihmë si skuadër dhe në fushë kemi një komunikim shumë të mirë me të.

Nuk është diçka e vogël të përmbysësh Astanën.

Sa i përket rezultatit të kundërshtarit në ndeshjen paralele, në letër Steaua Bukureshti është një ekip i madh dhe ne prisnim që të fitonte”, deklaroi Qefalija.

The post Klevi Qefalija pas kualifikimit: Goli ka vlerë, por preferoj të luaj pranë portës appeared first on Albeu.com.

Dinamo siguroi një triumf me vlerë të madhe mbrëmjen e sotme, duke prerë njëkohësisht biletën për në turin e tretë të Conference League. Në ndeshjen e kthimit, të luajtur në “Elbasan Arena”, “Blutë” fituan pastër 3-0 kundër Aluminij. Pas përfundimit të takimit, mbrojtësi Naser Aliji dha prononcimin e tij për mediat.

Duke folur për fizionominë e Dinamos, Aliji theksoi se organika vazhdon të ketë lojtarë me peshë të rëndësishme, ndërsa edhe futbollistët e afruar së fundmi kanë sjellë cilësi.

Sa i përket sfidës së ardhshme dhe lodhjes së shfaqur pas përballjes së sotme, mbrojtësi pranoi se skuadra ka harxhuar shumë energji. Megjithatë, ai nënvizoi se gjendja është shumë e mirë dhe se ekipi do të përgatitet për ndeshjen e radhës.

Aliji shprehu gjithashtu besimin se Dinamo mund të arrijë në grupe. Sipas tij, skuadra punon pikërisht për këtë objektiv dhe, nëse të gjithë bashkohen, gjithçka bëhet e mundur.

Për të ardhmen, futbollisti sqaroi se vëmendja fillestare është përqendruar te Europa, ku synimi është të shkohet sa më larg. Më pas, fokusi do të zhvendoset te kampionati, ndërsa ai shtoi se janë bërë shumë investime.

The post Spikati ndaj Aluminij, Naser Aliji beson te grupet: Të bashkuar mund të arrijmë gjithçka, afrimet kanë shtuar cilësinë appeared first on Albeu.com.

Dinamo siguroi kalimin në raundin tjetër të Conference League, pasi mposhti 3-0 Aluminij në ndeshjen e kthimit të raundit të dytë. Takimi u luajt në “Elbasan Arena”, ndërsa pas përfundimit të tij trajneri Ilir Daja analizoi paraqitjen e kryeqytetasve.

Daja e cilësoi përballjen të vështirë, edhe për shkak të barazimit të regjistruar në duelin e parë në Slloveni. Sipas tij, Dinamo ishte e vetëdijshme se përballë kishte një skuadër me disiplinë të fortë taktike, e cila ruan mënyrën e saj të lojës dhe mbrohet mirë.

Trajneri theksoi se kualifikimi erdhi falë angazhimit maksimal të të gjithë ekipit. Ai veçoi kapitenin Dita, i cili sakrifikoi duke luajtur edhe pse kishte temperaturë, dhe nënvizoi se suksesi është meritë e të gjithëve.

Duke folur për minutat e para, Daja deklaroi se e kishte parashikuar një nisje të tillë nga Aluminij, pasi kundërshtari kishte vepruar njësoj edhe gjatë 10 minutave të para të ndeshjes së zhvilluar në Slloveni. Sipas tij, Dinamo duhej t’i shfrytëzonte më mirë hapësirat dhe korridoret anësore, ku kishte epërsi numerike.

Me kalimin e minutave, skuadra kryeqytetase mori kontrollin dhe arriti të shfaqte lojën e saj. Daja theksoi se ishte e rëndësishme të humbeshin sa më pak topa, duke pasur parasysh përgatitjen fizike të kundërshtarit. Përjashtuar fillimin e sfidës, Dinamo krijoi raste dhe realizoi tri gola, diçka që trajneri e konsideroi të vështirë ndaj një ekipi të tillë.

Për ndikimin e rezultatit, Daja përsëriti se Dinamo ndodhet në nisje të një cikli të ri, pasi në ekip ka pasur ndryshime. Ai shtoi se ndeshjet europiane kanë një ritëm tjetër dhe i ndihmojnë lojtarët t’i përgjigjen më mirë manovrës së skuadrës. Synimi është krijimi i një kontingjenti që mund t’i përgatisë me vazhdimësi takimet e ardhshme.

Sa i përket AUDA-s, kundërshtarit të radhës, trajneri deklaroi se rezultatet e dy ndeshjeve të para tregojnë se bëhet fjalë për një ekip të fortë, i cili ka marrë dy fitore. Dinamo kishte qenë e përqendruar te sfida e saj dhe nuk kishte parë raste nga kundërshtari i ardhshëm, ndaj Daja kërkoi që gjërat të merren njëra pas tjetrës.

Ai parashikoi një ndeshje shumë të hapur dhe sërish të vështirë, duke kujtuar se takimi do të zhvillohet të martën. Puna për këtë përballje do të nisë që të nesërmen, ndërsa Daja nuk deshi të fliste më gjatë. Në fund, ai shprehu shpresë dhe shtoi se skuadra tashmë është mësuar me situata të tilla, të cilat nuk i bëjnë më përshtypje.

The post Ilir Daja pas triumfit 3-0 ndaj Aluminij: Kualifikimi është meritë e të gjithëve, për AUDA-n mendojmë me radhë appeared first on Albeu.com.

Dinamo 0-0 Aluminij (1-1)

UEFA Conference League, raundi i dytë, ndeshja e kthimit.

Stadiumi: “Elbasan Arena”. Arbitër kryesor: Kamal Umudlu (azer).

Formacionet zyrtare:

DINAMO (4-3-3): Teqja; Ismaili, Dita, Aliji, Përndreca, Ayodeji, Manellari, Qardaku, Vila, Qefalia, Berisha. Trajner: Ilir Daja.

ALUMINIJ (3-5-2): Raduha; Schaunach, Boben, Tezak, Sorensen, Vrbanec, Jagic, Taylor, Koderman, Petrisko, Susso. Trajner: Jure Arsic.

LIVE’

5′ Ismaili dërgon topin brenda zonës, por Berisha nuk arrin ta konkretizojë aksionin, ndërsa mbrojtja kundërshtare largon rrezikun.

3′ Aluminij ushtron presion dhe e vë Dinamon në vështirësi që në minutat e para, por skuadra dinamovite reziston.

1’ Topi vihet në lojë në “Elbasan Arena” dhe nis përballja e kthimit ndërmjet Dinamos dhe Aluminij.

The post Dinamo kërkon një tjetër hap historik, starton dueli me Aluminij në “Elbasan Arena” (VIDEO) appeared first on Albeu.com.

Dinamo luan mbrëmjen e sotme një ndeshje vendimtare për të ardhmen e saj në Conference League. Për të siguruar pjesëmarrjen në turin e tretë dhe për të vijuar rrugëtimin historik, skuadra kryeqytetase e drejtuar nga Ilir Daja duhet fillimisht të eliminojë Aluminij.

Përballja do të zhvillohet në stadiumin “Elbasan Arena”, duke nisur në orën 21:00, me blutë që synojnë të marrin një tjetër rezultat pozitiv. Edhe platforma e njohur mediatike “Flashscore” e konsideron Dinamon favorite, duke e kuotuar fitoren e saj me 1.75. Suksesi i ekipit slloven vlerësohet me koeficientin 4.00, ndërsa barazimi kuotohet me 3.70.

Pavarësisht epërsisë që pasqyrohet nga kuotat, dinamovitët pritet të japin maksimumin në fushë. Në konferencën për shtyp, trajneri Daja deklaroi se beson që çështja e kualifikimit do të vendoset brenda 90 minutave.

The post Dinamo shihet favorite për kualifikimin, kuotat penalizojnë rivalët e Ilir Dajës appeared first on Albeu.com.

Skuadra e Ilir Dajës zbret mbrëmjen e sotme në fushë, me objektivin për të siguruar kalimin në raundin e tretë të UEFA Conference League.

Dinamo do të përballet me Aluminij në “Elbasan Arena”, në sfidën që nis në orën 21:00. Takimi i parë mes dy ekipeve, i luajtur në Slloveni, përfundoi në barazim 1-1.

Dinamovitët synojnë të përfitojnë nga mbështetja e fushës së tyre për të arritur fitoren dhe për të vazhduar aventurën europiane. Pritet një duel i fortë, pasi të dyja skuadrat kërkojnë kualifikimin në raundin e tretë të UEFA Conference League.

The post Dinamo luan SONTE gjithçka për kualifikimin në “Elbasan Arena” appeared first on Albeu.com.

Dinamo zbret në fushë të enjten në stadiumin “Elbasan Arena” për ndeshjen e kthimit kundër Aluminij, takim i vlefshëm për raundin e dytë eliminator të Conference League. Pas barazimit 1-1 në transfertën sllovene, fati i kualifikimit do të vendoset në Shqipëri, ku blutë e kryeqytetit synojnë të japin gjithçka për të vijuar rrugëtimin evropian.

Në një bisedë ekskluzive për “Newsport.al” në prag të kësaj provë vendimtare, kapiteni Bruno Dita ka ndarë mendimet e tij mbi përballjen e parë, angazhimin e grupit për sfidën e së enjtes, lëvizjet në tregun e transferimeve dhe synimet që Dinamo ka për edicionin e ri të kampionatit vendas.

I pyetur nëse skuadra kishte potencial për më tepër në takimin e parë, duke marrë parasysh rastet e krijuara, Dita u shpreh: “Sigurisht që kishte hapësirë për të bërë më shumë, por duke gjykuar nga performanca jonë, kemi besim të plotë se do të jemi ne që do të kalojmë tutje.”

Lidhur me analizën e asaj ndeshjeje dhe pikët e dobëta të evidentuara, kapiteni theksoi: “Gjatë gjithë kohës e kishim lojën nën kontroll, por na duhet një hap shtesë dhe shpresojmë ta konkretizojmë atë në sfidën e kthimit.”

Duke folur për avantazhin e të luajturit në shtëpi dhe strategjinë për të siguruar kualifikimin, ai premtoi: “Do të japim maksimumin, do të zbrazemi plotësisht në fushë për të fituar dhe për të zgjatur eksperiencën tonë evropiane.”

Për mënyrën se si trajneri Ilir Daja, i njohur për sukseset e tij me Skënderbeun dhe Ballkanin, po e përgatit këtë duel, Dita u shpreh shkurt: “Me qetësi dhe në mënyrën e duhur, besoj.”

Sa i përket ndikimit të afrimeve të reja në cilësinë e ekipit, kapiteni vlerësoi: “Kanë rritur ndjeshëm nivelin dhe kanë shtuar konkurrencën brenda grupit.”

Kur biseda kaloi te objektivat e sezonit të ri në Superiore, Dita deklaroi me bindje: “Dinamo, me presidentin Bardhi në krye, hyn çdo vit në garë për titullin kampion dhe unë mendoj se këtë sezon do të jemi protagonistë në luftën për kreun.”

Në fund, si një thirrje për tifozërinë para ndeshjes me Aluminij, ai shtoi mesazhin e tij: “I ftoj të gjithë të vijnë në numër sa më të madh, të na përkrahin dhe në fund të ndeshjes të festojmë bashkë.”

The post Dinamo synon kualifikimin historik, Bruno Dita: Në “Elbasan Arena” premtojmë maksimumin dhe mbështetjen e tifozëve appeared first on Albeu.com.

Dinamo e Tiranës ka dalë me një barazim të vlefshëm nga përballja e parë ndaj skuadrës sllovene Aluminij, në raundin e dytë kualifikues.

Ekipi shqiptar, i drejtuar nga Ilir Daja, e mbylli takimin me rezultatin 1-1, ndonëse e ruajti epërsinë deri në minutat e fundit.

Dinamo kontrolloi më shumë topin dhe ndërtoi disa aksione të bukura, të cilat, me pak më tepër fat, mund të ishin konkretizuar me gola të tjerë.

Goli i vetëm për skuadrën shqiptare u realizua nga Hekuran Berisha në minutën e 15-të. Ish-ylli i Dukagjinit kaloi me driblim edhe portierin kundërshtar, përpara se ta dërgonte topin në rrjetën e portës së boshatisur.

Aluminij, megjithatë, e gjeti barazimin në fund të ndeshjes. Vrbanec shënoi në minutën e 84-t, pas asistimit të Bloudek.

Pas këtij rezultati, kualifikimi mbetet plotësisht i hapur, ndërsa Dinamo e Tiranës do të synojë përmbysjen e madhe javën e ardhshme për të siguruar kalimin në raundin pasues.

The post Hekuran Berisha realizon, Dinamo e Tiranës siguron barazim të rëndësishëm në Slloveni appeared first on Albeu.com.