Në një lidhje direkte për Sport News, Rraklli theksoi se kjo ndeshje është shumë më tepër se një takim futbolli, pasi emocionet janë të jashtëzakonshme, sidomos për tifozët.

“Ky është një moment për tifozët, ata e ndiejnë fortë këtë ndeshje. Më pyeti një mik pse nuk do të vijë në stadium për këtë përballje, por unë i thashë se këtë herë duhet të jetë plot stadiumi me mbështetësit tanë”.

“Sfida në Beograd u prish nga droni, por ajo që bëri publiku serb nuk duhet të ndodhë kurrë, edhe pse jemi fqinj e kundërshtarë, futbolli duhet të jetë më shumë se konflikte”, ka thënë Rraklli.

Rraklli në ndërkohë e komentoi ndeshjen edhe aspektin sportiv, duke shtuar se fitorja i jep Shqipërisë shanse reale për t’u kualifikuar.

“Kjo ndeshje duhet fituar me çdo kusht. Fitorja do të na japë shanse reale për kualifikim, ndërsa barazimi nuk është dështim, por nuk mjafton për aspiratat tona”.

Për fund ai pati një këshillë për Sylvinhon se si duhet ta rreshtojë Shqipërinë për këtë ndeshje.

“Mendoj se duhet të luajmë me tre sulmues. Nuk jam i sigurt nëse Asani duhet të jetë në krahun e djathtë. Unë do të preferoja Armando Brojën dhe në majë të sulmit Mirlind Dakun, dy futbollistë të rinj me potencial të madh që mund të çajnë mbrojtjen serbe. Në krahun tjetër, do të vija Nedim Bajramin”.

“Moduli me tre sulmues është ideal për ne tani. Nëse Sylvinho e ka dashurinë për Asanin, atëherë do të luajë, por unë besoj te kjo formulë me Daku në qendër dhe Broja e Bajrami në krahë. Kam besim te sulmi ynë dhe jam i sigurt që do të fitojmë, edhe me rezultatin 1-0”, përfundoi Rraklli me optimizëm.

The post Altin Rraklli i jep një këshillë të veçantë Sylvinhos para ndeshjes ndaj Serbisë appeared first on Albeu.com.

“Nuk kemi mundur që të kapim në befasi rivalët pasi Silvinjo nuk ndryshon skemë. Luajnë po të njëjtët lojtarë me po të njëjtën skemë dhe për këtë motiv jemi shumë të lexueshëm. Edhe në Nations League mendoj se rivalët na kanë përballuar pasi ka kanë studiuar dhe na i kanë marrë mirë masat”, arsyeton Altin Rraklli.

Mes të tjerash ish-sulmuesi kuqezi tentoi që të ekspozonte filozofinë e Silvinjos duke bërë krahasimin me Shqipërinë e viteve ’90.

“Unë mendoj se Silvinjo aktivizon shumë lojtarë, të cilët janë më të aftë të mbrojnë se sa të sullmojnë ky është një problem pasi e gjejmë më shumë vështirësi golin. Unë mund të them se në kohën tonë ne arrinim që të shënonim 2-3 gola kundër një ekipi si Gjermania pasi Astrit Hafizi më aktivizonte mua së bashku me Iglin (Tare) dhe Bushin. Ai guxonte dhe aktivizonte tre sulmues të pastër. Ne pësonim, por edhe shënonim gola”, tregon Altin Rraklli.

The post Altin Rraklli: Silvinjo nuk guxon, në kohën tonë i kemi shënuar 2-3 gola Gjermanisë! appeared first on Albeu.com.