Por jo vetëm kaq. Siç raporton gazetarja e Top Channel Anila Hoxha, ditën e sotme Këshilli i Lartë i Prokurorisë ka miratuar një kërkesë të ish kryeprokurorit i cili ka kërkuar miratim për të zhvilluar aktivitet jashtë funksioneve të prokurorisë.

Konkretisht siç raporton Anila Hoxha, ish kryeprokurori i posaçëm ka marrë leje për tu angazhuar si ekspert kryesor në trajnimin praktik të masterklasit të nivelit të lartë për prokurorë, hetues dhe gjyqtarë nga Kosova, të organizuar nga Ambasada Britanike në Prishtinë.

Nga ana tjetër gjatë ditës KLP ka vendosur emërimin e prokurorit Arens Çela në pozicionin e drejtuesit të Prokurorisë Tiranë. Mandati i zotit Arens Çela është 3- vjeçar dhe përfundon në datë 10.01.2029.

The post Pas përfundimit të mandatit në krye të SPAK dhe marrjes së detyrave të reja në këtë Prokurori, sot Altin Dumani merr ‘dritë jeshile’ për një tjetër rol appeared first on Albeu.com.

Braho u zgjodh në krye të SPAK nga Këshilli i Lartë i Prokurorisë me 7 vota, duke marrë mandatin trevjeçar të drejtuesit të Strukturës së Posaçme, mandat që sipas ligjit nuk lejon rizgjedhje.

SPAK e vlerëson këtë proces si një hap të rëndësishëm për garantimin e vijimësisë institucionale dhe për forcimin e mëtejshëm të luftës kundër korrupsionit dhe krimit të organizuar.

Altin Dumani, i cili drejtoi SPAK pas Arben Krajës, drejtuesit të parë të këtij institucioni, do të vijojë ushtrimin e funksionit si prokuror i posaçëm.

Mandati i tij në SPAK përfundon në vitin 2028, në përmbyllje të mandatit 9-vjeçar të parashikuar nga ligji.

Kush është Klodian Braho?

Klodian Braho ka hyrë në sistemin e drejtësisë më 14 nëntor 2007, pas përfundimit të studimeve në Fakultetin e Drejtësisë në Universitetin e Tiranës dhe Shkollën e Magjistraturës.

Karrierën si prokuror e nisi në Prokurorinë pranë Gjykatës së Rrethit Gjyqësor Berat, ku punoi deri në vitin 2012.

Më pas u transferua në Prokurorinë e Vlorës, ku ushtroi detyrën deri në vitin 2015, përfshirë një periudhë si zëvendës drejtues i këtij institucioni.

Në vitin 2015, Braho u emërua në Prokurorinë për Krime të Rënda në Tiranë, ku u përfshi në hetime të çështjeve me karakter të veçantë penal.

Pas shpërbërjes së kësaj prokurorie dhe krijimit të SPAK, ai u emërua prokuror në strukturën e re.

Gjatë karrierës së tij, Braho ka qenë pjesë e hetimeve që lidhen me zyrtarë të lartë dhe subjekte të dyshuara për krim të organizuar. Ndër dosjet që ka ndjekur përmendet ajo ndaj ish-kryeprokurorit Adriatik Llalla.

Klodian Braho është pjesë e SPAK që prej krijimit të tij dhe aktualisht drejton Seksionin Kundër Korrupsionit në Prokurorinë e Posaçme.

Ai ka ndërtuar një karrierë të konsoliduar në hetimin e korrupsionit në nivele të larta dhe çështjeve me ndjeshmëri të madhe publike.

Braho është prokurori që udhëhoqi hetimin e inceneratorit të Elbasanit, një dosje voluminoze dhe komplekse, nga e cila lëshoi urdhër-arreste për persona të njohur si Mirel Mërtiri, Stela Gugallja dhe Klodian Zoto, ndërsa hetimi për ish-zv.kryeministrin Arben Ahmetaj u trajtua në një procedim të veçuar.

Ai ka çuar përpara edhe dosjen “5D”, duke dërguar për gjykim disa ish-drejtues të Bashkisë së Tiranës.

Një tjetër hetim i rëndësishëm i tij është ai i “Toyota Auris”, ku u zbulua një skemë e gjerë kriminale që përfshinte edhe individë të sistemit të drejtësisë. Dosja është e fragmentuar në disa degë, të cilat vijojnë të hetohen ende.

The post U zgjodh drejtues i SPAK për 3 vitet e ardhshme, Klodian Braho merr zyrtarisht sot detyrën appeared first on Albeu.com.

Një ditë pas zgjedhjes së Klodian Brahos si drejtuesi i ri i SPAK, Dumani bëri me dije se tre vitet e drejtimit të kësaj strukture kanë qenë tepër intensive dhe të vrullshme.

Në një fjalim të mbajtur në Universitetin “Aleksandër Moisiu” në Durrës, ai u shpreh se ka ushtruar detyrën gjithmonë i pavarur dhe pa ndikime.

“Unë jam një prokuror si gjithë prokurorët e tjerë, të cilit iu dha mundësia në vitin 2022 të drejtoj këtë institucion. Ka qenë vërtet nder për mua ta drejtoj këtë institucion në këto 3 vite shumë intensive dhe të vrullshme. Unë kështu e kam ndërtuar karrierën time, që nga dita e parë që kam futur këmbët në sistemin e drejtësisë. Kam ushtruar detyrën gjithmonë i pavarur, kam refuzuar çdo ndërhyrje, nuk i kam dhënë mundësinë askujt të ndërhyjë në punën time. Kam respektuar bindjen time të brendshme dhe jam përpjekur t’i qëndroj besnik ligjit dhe provave”, tha Dumani.

Ai u ndal edhe tek korrupsioni, si një plagë që prek të gjitha institucionet. Altin Dumani, u shpreh se gjatë hetimeve janë detyruar që të venë para përgjegjësisë edhe kolegë të tyre në sistemin e drejtësisë.

“Korrupsioni është një plagë që prek të gjitha institucionet. Na është dashur t’i vëmë përpara përgjegjësisë edhe kolegët tanë. Në këto vite, numri i policëve të hetuar për korrupsion apo vepra të tjera penale është mbi 70. Fatkeqësisht, në hetimet tona kemi konstatuar funksionarë të lartë policie si pjesë të organizatave kriminale apo grupeve të strukturuara kriminale. Nuk janë vetëm nga policia, por edhe nga gjyqësori. Një gjyqtari i është atribuuar edhe vepra penale si pjesëmarrje në organizatë kriminale. Policia e Shtetit na ka rezultuar e implikuar në vepra penale, në mënyrë absolute”, deklaroi Altin Dumani.

The post U zëvendësua nga Klodian Braho, flet Altin Dumani: Kam refuzuar çdo ndërhyrje, ishin tre vite të vrullshme, kam qenë gjithmonë i pavarur appeared first on Albeu.com.

Altin Dumani nuk pranoi të komentonte vendimin e Kushtetueses, ndërsa tha se ai vendim nuk interferon aspak në çështjen hetimore në ngarkim të Erion Veliajt, e as në masën e sigurisë që është caktuar ndaj tij.

“Gjykata Kushtetuese ka pasur në shqyrtim një objekt tjetër, që ishin vendimi për shkarkimin dhe dekretin e presidentit. Nuk ka lidhje me çështjen që ne po ndjekim penalisht dhe as në hetimet tona apo masën e sigurisë që rëndon ndaj Veliajt. Nuk dua të futem në detaje, vendos gjykata”, tha Dumani.

The post Vendimi i fundit, Altin Dumani: Erion Veliaj nuk del nga burgu pas vendimit të Kushtetueses appeared first on Albeu.com.

Altin Dumani tha se për SPAK askush nuk është i paprekshëm ndërsa theksoi se kryhen hetime dhe më pas mblidhen prova e ngrihen akuza.

Dukshëm, Altin Dumani kërcënoi kryeministrin Edi Rama në mes të Parlamentit, ndërsa ky i fundit më herët ka deklaruar teksa fliste për Reformën në Drejtësi, se “mos të bëjnë gabim të vijnë të kërkojnë telefonin tim, boll i kanë. Kanë mbledhur të gjithë telefonat e Shqipërisë.”

Pyetje nga deputeti Luçiano Boçi: Pse SPAK e ka shpallur të paprekshëm Edi Ramën? Pse nuk mban ai përgjegjësi penale?

Përgjigja e Altin Dumanit: Për SPAK nuk ka asnjë të paprekshëm. Në çdo procedim penal të regjistruar, hetohet fillimisht në drejtim të faktit penal dhe autorit të veprës penale. Kryhen hetime të gjithanshme dhe objektiv me qëllim grumbullimin e provave dhe ngritjen e akuzave.

The post Kryeministri deklaronte se s’ka shanse t’i marrin telefonin, Altin Dumani kërcënon Edi Ramën në Parlament: S’je i paprekshëm appeared first on Albeu.com.

Dumani ka qenë i shoqëruar edhe me dy prokurorë të tjerë të posaçëm.

Gjithashtu, edhe kryeprokurori Olsian Çela, ka mbërritur në Kuvend, ku edhe ai do të raportojë për krimin në vend.

Po ashtu do të raportojë edhe kreu i ILD, Artur Metani edhe kryetaret e KLP dhe KLGJ.

Më pas secili drejtues institucioni do të marrë pyetje nga deputetët.

The post Altin Dumani dhe Olsian Çela, mbërrijnë në Kuvend, do raportojë për korrupsionin para deputetëve appeared first on Albeu.com.

Të drejtën për të kandiduar e kanë të gjithë prokurorët e SPAK, me përjashtim të Altin Dumanit dhe Arben Krajës, të cilët e kanë mbajtur këtë post.

Pra, 18 prokurat e tjerë të posaçëm kanë të drejtën e aplikimit.

Në mbledhjen e Këshillit të Lartë të Prokurorisë, sot u hap procedura e aplikimit dhe të gjithë ata prokurorë që duan të kandidojnë do të duhet të shprehin interesin e tyre deri në datën 8 tetor.

Më pas, kandidatët pasi të kalojnë edhe një proces vettingu do të merren në pyetje.

Prokurorët e Posaçëm që mund të kandidojnë për kreun e ri të SPAK:

1- Adnan Xholi

2- Anita Jella

3- Alfred Shehu

4- Behar Dibra

5- Bledar Maksuti

6- Doloreza Musabelliu

7- Dorina Bejko

8- Dritan Prençi

9- Edvin Kondili

10- Elida Kaçkini

11- Elvin Gokaj

12- Ened Nakuçi

13- Enkeleda Millonai

14- Klodjan Braho

15-Manjola Kajana

16- Ols Dado

17- Sotir Kllapi

18- Vladimir Mara

Zgjedhje e kreut të ri të SPAK do të ketë edhe vëmendjen e SHBA. Vetem pak ditë me parë e ngarkuara me punë e SHBA në Tiranë, Nancy VanHorn, tha se “Procesi i përzgjedhjes së pasardhësit së Dumanit duhet të jetë i paanshëm, transparent dhe i lirë nga çdo ndikim i jashtëm dhe se partnerët ndërkombëtarë do ta ndjekin nga afër këtë proces, sepse janë të interesuar që Shqipëria të vazhdojë luftën kundër korrupsionit dhe krimit të organizuar”.

The post Gara për kreun e ri të SPAK, njihuni me emrat e Prokurorëve të Posaçëm që mund të kandidojnë appeared first on Albeu.com.

Njoftimi i plotë:

Kjo mbledhje do të organizohet në sallën e mbledhjeve në prezencë të Anëtarëve të Këshillit të Lartë të Prokurorisë, si dhe përfaqësuesve nga Prokurori i Përgjithshëm, Ministria e Drejtësisë, Projekti Eu4Justice dhe Programi OPDAT. Media është e ftuar të jetë e pranishme.

Rendi i ditës:

1. Miratimi i Procesverbalit të mbledhjes plenare të datës 04.09.2025;
2. Diskutimi/miratimi i Projekt-vendimit “Për shpalljen e vendit vakant për Drejtues të Prokurorisë së Posaçme kundër Korrupsionit dhe Krimit të Organizuar”;
3. Diskutimi/miratimi i “Projektraportit të Vlerësimit Etik dhe Profesional për prokurorin Françesk Ganaj”;
4. Diskutimi/miratimi i “Projektraportit të Vlerësimit Etik dhe Profesional për prokurorin Ermira Manelli”;
5. Diskutimi/miratimi i “Projektraportit të Vlerësimit Etik dhe Profesional për prokurorin Hysni Mulaj”.
Të tjera (pyetje/diskutime)

Sektori i TIK, Digjitalizimit dhe Statistikës bën publikimin e kësaj axhende në faqen zyrtare të internetit të Këshillit të Lartë të Prokurorisë.

The post KLP hap garën në 17 shtator për drejtuesin e ri të SPAK, kush do ta zëvendësojë Altin Dumanin?! appeared first on Albeu.com.

Sali Berisha, refuzoi të hapte punimet, vendim që u pasua edhe nga deputeti tjetër i opozitës, Tritan Shehu.

Në këto rrethana, drejtimin e seancës e mori deputeti i Partisë Socialiste, Vasil Llajo, si më i vjetri pas dy demokratëve.

Seanca u zhvillua në prani të trupit diplomatik dhe krerëve të komuniteteve fetare, ndërsa në sallë ishin gjithashtu edhe përfaqësues të institucioneve të drejtësisë.

Mes tyre, kreu i Gjykatës së Lartë, Sokol Sadushi, dhe kryetarja e Gjykatës Kushtetuese, Holta Zaçe.

Vëmendje tërhoqi mungesa e drejtuesve të Prokurorisë së Përgjithshme dhe Prokurorisë së Posaçme, Olsian Çela dhe Altin Dumani.

Dy karriget e rezervuara për ta në lozhën e Kuvendit mbetën bosh, ndërsa ende nuk janë bërë të ditura arsyet e mospjesëmarrjes së tyre në hapjen e legjislaturës së XI të parlamentit.

The post Altin Dumani dhe Olsian Çela, refuzojnë të shkojnë në seancën hapëse appeared first on Albeu.com.

Berisha tha se gjatë periudhës janar-maj, që sipas ligjit elektoral është e ndaluar për aktivitete që mund të ndikojnë në zgjedhje, u zhvilluan mbi 4,500 ngjarje kombëtare dhe ndërkombëtare, përfshirë edhe ‘Giro d’Italia’.

Ai theksoi se bashkitë e vendit kanë kryer prokurime me vlerë rreth 57 milionë euro, nga të cilat 14 milionë euro janë përdorur për blerje të përqendruara, ndërsa Fondi Shqiptar i Zhvillimit ka shpenzuar 10 milionë euro në aktivitete elektorale.

Berisha kritikoi ashpër Altin Dumanin, duke e cilësuar si njeriun e dytë më përgjegjës për organizimin e zgjedhjeve. Berisha shtoi duke thënë se Dumani mohon ekzistencën e fakteve dhe provave për shkeljet, duke e cilësuar atë si “avokat të verbër të krimit elektoral” dhe bashkëfajtor në farsën elektorale së bashku me qeverinë.

Pjesë nga fjala e kreut të PD, Sali Berisha:

Njëri nga aspektet më kriminale të farsës elektorale 11 maj 2025, ishte përdorimi i ngjarjeve, prokurimeve të cilat tejkalojnë mbi gjysmë miliardi euro për qëllime elektorale për të ndikuar votën e qytetarëve shqiptarë.

Në periudhën janar gjer në 11 Maj, periudhë në të cilën ligji elektoral, neni 91/3 i tij ndalon prokurimet, ndalon ngjarjet, aktivitetet, organizimin e tyre, aktivitetet që mund të kenë ndikim në zgjedhje dhe sipas raportit të OSBE-ODIHR, pikërisht në këtë periudhë u organizuan 4500 veprimtari kombëtarë dhe ndërkombëtare, përfshirë ‘Giro d’Italia’, 7 mln euro një organizate private ditën e votimit dhe një ditë para zgjedhjeve.

Pra përveç këtyre, bashkitë e vendit kanë prokuroruar tërësisht për qëllime elektorale në total 57 mln euro, nga të cilat rreth 14 mln para xhepi të themi, blerje të përqendruara. 32 mln bashkitë të ndryshme dhe Fondi shqiptar i grabitjes apo plaçkitjes, apo i zhvillimit siç quhet, ka përdorur për qëllime elektorale 10 mln euro.

Standardet e OSBE/ODIHR për ndarjen e shtetit nga partia, përfshirë Dokumenti i Kopenhagenit pika 5/4 dhe Kodi i Praktikës së Mirë në Çështjet Zgjedhore të Komisionit të Venecias, sanksionojnë të njëjtin parim.

Këtu kemi më poshtë tenderat e bashkive të vendit, të cilat nuk kanë respektuar asnjë ligj, as kushtetutën, por kanë bërë gjithçka që të ndikojnë në elektoratin e tyre në veprimtari kriminale antiligjore dhe për këtë njeriu i dytë më përgjegjës për farsën elektorale Altin Dumani, thotë se nuk kemi të dhëna, fakte dhe prova, sepse për Dumanin ligji është letër e vdekur, dokumentet zyrtare janë letra pa vlerë, mbasi ai është një fanatik i verbër, një avokat i verbër i krimit elektoral të qeverisë dhe bashkëfajtor në farsën elektorale, njëlloj me Edi Ramën dhe ministrat e tij.
Vazhdojmë …

Me blerje të përqendruara tani.
14.5 mln euro të ndaluara me ligj përdorimi i tyre dhe këto i ligjëron vetëm Altin Troplini, i cili bën mashtrimin publik se thotë nuk kemi prova dhe fakte.

Për atë dokumentet zyrtar dhe aktet në shkelje flagrante të ligjit për interesa të partisë shtet, nuk përbëjnë vepër penale.
Vazhdojmë …

Tenderat elektronik të Fondit shqiptar të grabitjes dhe plaçkitjes, të famozit Agolli që i dha 500 mln lekë djalit të vet për restorantin, për të bërë një manual për kuzhinën, nga kuzhinieri i restorantit të tij.
Këtu janë vlerat në lek, janë përpjekjet pra … poli i festivaleve të industrisë. E kuptoni ju terminologjinë e Lubi Ballukut.

The post Berisha: Altin Dumani mohon faktet, qeveria përdori gjysmë miliard euro për të ndikuar qytetarët në zgjedhje appeared first on Albeu.com.