Fillimisht, Gjykata e Tiranës, vendosi masën e sigurisë “arrest me burg” ndaj Altin Çokut, 39-vjeç, i dyshuar për shpërndarjen e një fotografie intime të të resë, veprim që sipas Prokurorisë i shkaktoi asaj një gjendje të rënduar psikologjike dhe emocionale, duke e çuar drejt aktit ekstrem.

Edhe pse Çoku i mohoi akuzat, duke pretenduar se fotografia ishte publikuar nga një person tjetër, provat e administruara, përfshirë telefonin e tij dhe mesazhet e viktimës që i kërkonte vazhdimisht ta hiqte imazhin, bindën gjykatën për ta lënë në qeli deri në përfundim të hetimeve.

Sibela Abedini humbi jetën pasi u hodh nga kati i katërt i një pallati në Kamëz. Ajo ishte nënë e një vajze 2-vjeçare dhe kishte kaluar një periudhë të vështirë personale, duke u kthyer pranë familjes së saj pas problemeve bashkëshortore.
Ndërkohë, familjarët pretendojnë se Sibela nuk është vetëvrarë, por është vrarë.

Sipas tyre presioni psikologjik, dhuna morale dhe një formë e vazhdueshme persekutimi çuan në tragjedinë e rëndë, duke drejtuar gishtin e akuzës ndaj Altin Çokut dhe duke kërkuar drejtësi të plotë.

Ngjarja mori një tjetër kthesë pas vendimit përfundimtar të gjykatës, e cila e dënoi Altin Çokun me 6 vite burg për “shkaktim vetëvrasjeje”, duke e konsideruar përgjegjës për pasojat fatale që erdhën pas publikimit të materialit intim.

Motra e Sibelës, Renata, në një komunikim të drejtëpërdrejtë në “Me Zemër të Hapur” në News 24, ka treguar detaje nga ngjarja e rëndë.

“Ishim në shtëpi, unë mami motra dhe mbesa. Mami ishte në gjumë, unë dhe motra jo. Po rrija në telefon ndërsa Sibela po pinte cigare e merzitur. E pyeta çfarë kishte më tha më mirë do të bëhet. Mori një cigare dhe doli ta pinte në korridor por po vonohej. Vëllai erdhi dhe më pyeti ku është motra pasi nuk e kishte parë në korridor. Kur dolëm pamë trupin e saj poshtë, aty ishin mbledhur shumë njerëz.

Ajo foto ishte montazh, motra ime ishte e dobët, nuk ishte e shëndoshë. Edhe flokët i ka pasur të zeza, jo si në foto. Ajo në foto nuk është Sibela. Kur e gjetëm, ishte gjallë merrte frymë, ishte e gjakosur, nuk fliste dot por vetëm qante nga dhimbjet që kishte”, tha ajo.

The post “Sibelën e vrau Altin Çoku”, motra e 27-vjeçares zbulon detaje: E gjetëm të mbuluar në… appeared first on Albeu.com.

Ai ka hedhur hedhur poshtë akuzat, duke deklaruar se ndaj tij është kryer një padrejtësi nga institucionet e shtetit shqiptar.

Çoku ka kërkuar që çështja e Sibel Abedinit të zbardhet në themel, përfshirë vënien në dispozicion të të gjitha mesazheve të shkëmbyera.

Altin Çoku, ka deklaruar se fotografia që qarkullon në rrjetet sociale, është e montuar dhe se ajo është realizuar pasi Sibela i ishte afruar në tavolinë dhe i kishte kërkuar të bënin një foto.

“Nuk kemi pasur lidhje intime. Kemi pasur një lidhje, por vetëm komunikim dhe disa mesazhe”, tha ai.

Altin Çoku flet nga burgu: Më është bërë padrejtësi e madhe nga shteti shqiptar. Unë kam kërkuar të zbardhet çështje në themel e Sibela Abedinit, të vihen në dispozicion të gjitha mesazhet.

Jam i gatshëm të bëj publike të gjitha mesazhet.

Në jemi njohur në një lokal. Ato fjalë që ka dhënë Daniela nuk janë të vërteta.

I shpreh ngushëllimet familjes Abedini. Por nuk është asgjë e vërtetë

Më ka ardhur në tavolinë, më tha a mund të bëjmë një foto, po i thashë. Ajo fotoja që është publike është e montuar.

Unë e kam shpirtin plagë, sepse mediat kanë hedhur baltë mbi familjen time. Unë nuk ka natë që nuk e laj jastëkun me lot. Unë nuk flas me familjen time, unë nuk kam fytyrë të flas.

Kemi pasur një lidhje, por jo lidhje intime. Kemi shkëmbyer disa mesazhe. Kur ka dalë fotoja në tik tok kam qenë Live.

Më ka shkuar Sibela dhe më ka thënë, ca është? I kam thënë ‘duan të ba bëjnë gropën dy dhe mua, kanë publikuar foton tonë të montuar’.

The post Nxiti 27-vjeçaren drejt vet*vrasjes, Altin Çoku flet nga burgu: Çdo natë laj jastëkun me lot, fotoja me Sibelën ishte e montuar, e kam shpirtin plagë… appeared first on Albeu.com.

Abedini, 27 vjeçe, banuese në Kamëz i dha fund jetës, duke u hedhur nga tarraca e katit të katërt e banesës ku jetonte me qira.

Shkak për ndërmarrjen e aktit ekstrem, është publikimi i një fotoje të saj intime në rrjete sociale me personazhin e Tik Tok, Altin Çoku.

Altin Çoku, dyshohet se ka shantazhuar dhe një vajzë tjetër në Laç, duke e kërcënuar se do t’i publikonte fotot intime.

Në vitin 2009, ai është arrestuar pasi kërcënoi gocën e tezes, se do t’i vriste të vëllain nëse nuk do të kryente marrëdhënie seksuale me të.

27-vjeçarja e cila u vetëvra, dyshohet se i ka kërkuar ta heqë foton, por Çoku ka pretenduar se nuk ishte ai që e kishte shpërndarë dhe që kishte krijuar profilet false.

The post Shkaktoi vetëvrasjen e 27-vjeçares Sibela Abedinit, gjykata lë në burg Altin Çokun appeared first on Albeu.com.

Prokuroria ka kërkuar masën e sigurisë “arrest me burg”.

Dyshohet se e reja u hodh nga kati i katërt i një pallati, për shkak të një fotoje intime që Çoku i kishte shpërndarë në rrjetin social Tik-Tok.

39 vjecari ka edhe precedente të mëparshëm dhe rezulton i dënuar nga ish Gjykata e Krimeve të Rënda për veprën penale të “shtrëngimit me anë të kanosjes për dhënie pasurie”.

Si ndodhi ngjarja 

The post Akuzohet se nxiti vetëvrasjen e 27-vjeçares, nis seanca për masën ndaj Altin Çokut appeared first on Albeu.com.

Dyshohet se shkak për ngjarjen e rëndë u bë një foto intime e postuar në Tik Tok nga 39-vjeçari Altin Çoku. Ky i fundit është arrestuar nga policia një ditë pas ngjarjes.

Në një rrëfim prekës nëna e të ndjerës ka treguar edhe momentet e fundit të së bijës.

Për “News 24”, e ëma tha se Sibela i la të vëllait amanet vajzën 2-vjeçare dhe pasi i ka shtrënguar dorën ka ndërruar jetë.

“Dhomën ku jetoj e kam përhohësisht, pronari i shtëpisë më tha pastroje dhomën se ka lagështirë që ta lyejmë e të kaloni tek shtëpia. Sibela më tha mami hyr lahu se je e lodhur dhe shtriu. E vuri vajzën në gjumë, i tha motrës po dal të pi një cigare. Kur vajza e pa që po vonohej doli në sallon, në atë kohë po vinte djali. Sibela nuk kishte ngrënë bukë sepse kishte thënë do presim vëllanë.

Djali nxori kokën nga dritarja dhe bërtiti mami e ka shtypur makina Sibelën. Djali nuk e dinte dhe kapi për fyti shoferin e fugonit sepse mendoi se e shtypi ai. Vajza ishte ende gjallë. E dërguan në spital, i tha të vëllait amanet Ambrën. I shtrëngoi dorën motrës dhe dha shpirt”, ka treguar ajo./albeu.com 

The post “Vëllait i la amanet vajzën”, përlot e ëma e Sibelës, tregon momentet e fundit të 27-vjeçares: I shtrëngoi dorën dhe dha shpirt appeared first on Albeu.com.

Ajo tregon se vajza e saj ishte një tip i mbyllur, dhe se herë pas here ka pasur probleme me bashkëshortin, por se gjithçka është zgjidhur dhe ajo e ka falur dhunën për shkak të fëmijës.

“Kërkoj të dalë e vërteta. Kurrë nuk e bënte një gjë të tillë. Ajo nuk ka qenë në hotel, ka qenë duke punuar. Ajo nuk dilte, ishte tip i mbyllur. Dilte me motrën ose djalin. Nuk dilte kurrë veten. Nuk e kam pasur vajzën që shkonte nëpër hotele.

Si çdo çift ato kishin probleme, i thash eja qetësohu se keni një fëmijë të vogël. Shkova e mora në Kosovë. Ka qenë xheloze për burrin. I thash ai ka fëmijë me ty. Edhe djali më tha ta marrim motrën të qetësohet.

Më parë kanë pasur konflikte, vajza bëri denoncim, por vajza e Sibelës kërkonte të atin dhe vajza e fali për hir të fëmijës. Edhe bashkëshorti i kërkoi falje”, tha ajo.

The post Vajza u vetëvra pasi Altin Çoku i shpërndau fotot intime në TikTok, flet nëna e 27-vjeçares: Të dalë e vërteta, sepse vajza ime… appeared first on Albeu.com.

Kishte dalë të pinte një cigare në koridorin e shkallëve, ndërsa pak minuta më pas familjarët kishin mësuar se kishte rënë nga lartësia.

Familjarët e saj, kanë dyshime se Sibelën e kanë shtyrë dhe e kanë vrarë.

Policia e Tiranës, njoftoi të hënën se ngjarja është një vetëvrasje e shkaktuar nga ngarkesa psikologjike që asaj, i ishte shkaktuar nga publikimi i një fotoje intime në TikTok.

Policia bëri me dije se kishte arrestuar si të dyshuar Altin Çokun, 39-vjeçar, i njohur së fundmi si një personazh TikTok-u, për shkak të sensit të protagonizmit të shtuar, here për shkak të aftësive ndryshe trupore dhe shëndetësore dhe herë si pjesë e konflikteve që krijonte me të tjerët.

Në një rrethanë ende të pasqaruar, ai kishte krijuar një marrëdhënie me 27-vjeçaren Sibela Abedini me origjinë nga Lezha, e cila prej kohësh jetonte në Kamëz së bashku vajzën e saj 2-vjeçare, motrën, vëllain dhe të ëmën.

39-vjeçari i kishte bërë asaj një foto intime së bashku, foto e cila ishte publikuar më pas në rrjetin social TikTok nga ky profil: userrrrshiba. Altin Coku.

Por Altin Çoku, kishte dalë dhe në live TikTok duke e përgënjeshtruar se e kishte shpërndarë ai atë foto dhe duke ngritur një alibi, se kishte qenë një shoku i tij që ia kishte marrë foton nga telefoni dhe më pas e ka shpërndarë.

Prej rreth 1 muaji Sibela Abedini, ishte zhvendosur së bashku me vajzën e mitur nga Kosova në Shqipëri.

Familjarët tregojnë se kishte patur një mosmarrëveshje që nuk ishte divorc, ndërsa kërkojnë që autori të marrë dënimin maksimal.

Por Altin Çoku, përveçse si personazh TikTok-u është i njohur si me precedentë të theksuar kriminalë dhe për kryerjen e veprave shumë të rënda kriminale.

Në mars të vitit 2010, ai kishte tentuar të digjte të gjallë djalin e mitur të dajës së tij dhe të detyronte vajzën e dajës së tij, për të vijuar lidhjen s*ksuale që kishte patur me të më herët.

Për ta detyruar këtë të fundit të qëndronte në lidhje, i kishte vënë flakën kushëririt të tij, i cili ishte vëllai i mitur i vajzës së dajës.

The post Detaje tronditëse/ Altin Çoku në 2010-tën, tentoi të digjte djalin e dajës për të bërë s*ks me kushërirën (VIDEO) appeared first on Albeu.com.

Lala u shpreh se viktima ishte nënë e një fëmije të mitur dhe ka qenë më herët e martuar me një shtetas nga Kosova, por për shkak të problemeve në lidhje ajo është kthyer te familja në Shqipëri.

Ajo zbuloi se në kushte të vështira ekonomike nëna e viktimës pastronte banesa, mes tyre edhe atë të Altin Çokut, i dyshuar se ka shtyrë 27-vjeçaren drejt vetëvrasjes.

Sipas saj nëna i ka kërkuar 27-vjeçares ta ndihmonte në pastrimin e banesës së Çokut, i cili kur ka bërë foton me viktimën është justifikuar duke thënë se kanë qenë miqtë e tij të cilët kanë publikuar foton në rrjetin social “TikTok”.

Viktima i ka kërkuar 39-vjeçarit që ta fshijë foton, gjë që nuk ka ndodhur dhe e ka shtyrë këtë të fundit që në një moment të rënduar psikologjik të ngjitet në katin e katërt të banesës dhe të hidhet duke ndërruar jetë si pasojë e plagëve.

Lala zbuloi se Altin Çoku, i njohur për një audiencë të caktuar në “TikTok” ka precedentë të mëparshëm penalë pasi ka qenë i dyshuar për vrasje dhe ka tentuar të djegë një fëmijë të vogël për të shantazhuar një ish-partnere të tijën.

Po ashtu ajo shpjegoi se Çoku shprehej gjerësisht në rrjetet sociale se edhe nëse do të arrestohej nuk do të bënte burg për shkak se është i sëmurë.

“27-vjeçarja është nënë e një fëmije, ka qenë e martuar me një shqiptar nga Kosova, por për shkak të problemeve është kthyer në familjen e saj në Shqipëri. Në pamundësi ekonomike, nëna e saj pastronte shtëpinë e autorit të dyshuar për vetëvrasjen e saj. Ai shprehej se edhe nëse arrestohet nuk e mbajnë dot më shumë se 3 ditë për shkak se është i sëmurë.

Nëna e vajzës i ka kërkuar ta ndihmonte në pastrimin e banesës së Altin Çokut. Ajo paguhej vetëm 10 mijë lekë të vjetra për pastrimin, të cilin as nuk ka mundur ta marrë. Në momentin që ka bërë foton ai e ka shpërndarë te miqtë e tij dhe ajo ka përfunduar në TikTok. Gruaja i ka kërkuar ta heqë pasi po i krijonte probleme jo vetëm me familjen e saj, por edhe të bashkëshortit që kishte më herët.

Ai ka thënë se nuk e ka hedhur ai, por miqtë e tij. Në një moment të rënduar psikologjikisht vajza është ngjitur në katin e katërt të një banese ku ata ndodheshin duke thënë se do pinte një cigare. Ajo ka lënë telefonin ku janë gjendur të gjitha komunikimet, ndërsa më pas është hedhur nga lartësia duke ndërruar jetë si pasojë e plagëve.

Altin Çoku ka qenë i dyshuar për vrasje, ka tentuar të djegë një fëmijë të vogël për të shantazhuar një ish-partnere të tijën për të mos u ndarë. Fëmija në këtë rast kishte lidhje familjare me partneren në fjalë”, u shpreh ajo.

The post “Altin Çoku tentoi të djegë një fëmijë”, Zbulohen detaje nga vetëvrasja e 27-vjeçares: I kërkoi të fshinte foton, u justifikua se… appeared first on Albeu.com.

Në një prej postimeve thuhet se “nuk ka dashuri të vërtetë, dashuria është berë interes”.

@sibelaabedini♬ original sound – Orkida.????

Një 27-vjeçare në Kamëz të Tiranës, i ka dhënë fund jetës duke u hedhur nga tarraca e katit të katërt, pasi i publikuan foto intime në TikTok. E reja që kishte një vajzë 2 vjeçe ishte njohur me një personazh të TikTok-ut, Altin Çokun. Ky i fundit i ka bërë foto dhe e ka publikuar në rrjetet sociale.

Një ditë më parë u raportua se e reja kishte rënë aksidentalisht, por tashmë ngjarja merr një tjetër kthesë. Sipas policisë, e reja i ka dhënë fund jetës për shkak të fotos që i është publikuar në rrjetet sociale.

Në pranga për këtë ngjarje ka rënë një personazh i njohur i TikTok-ut, Altin Çoku, i cili dyshohet se ia ka publikuar foton intime vajzës në rrjetet sociale. Kjo foto më pas ka qarkulluar edhe në rrjete të tjera, si në grupe Telegrami.

“Ky shtetas dyshohet se ka publikuar një foto intime të 27-vjeçares, e cila dyshohet se për këtë shkak është vetëhedhur nga tarraca e katit të 4-t dhe si pasojë e dëmtimeve të marra, ka humbur jetën”, njofton policia.

E reja kishte konflikte me bashkëshortin shqiptar të Kosovës, me të cilin ka edhe një vajzë 2 vjeçe, dhe gjatë kësaj kohe ishte njohur me Altin Çokun. Gjatë kohës së njohjes mes tyre ai i ka bërë foto intime gruas dhe më pas ia ka publikuar në Tik-Tok. Ajo i kërkonte të hiqte foton, por ky herë pretendonte se nuk e kishte publikuar vetë, ndërsa herë të tjera i kërkonte të vijonin lidhjen.

Rasti bëhet edhe më i rëndë, kur Altin Çoku dilte më zë e figurë duke realizuar video live në TikTok, në të cilat fliste për foton e publikuar të vajzës në rrjetet sociale. Në këtë video ai pretendon se foton e ka publikuar një shok i tij dhe jo ai vetë. Burime bëjnë me dije se 39-vjeçari ka publikuar foto te ngjashme intime edhe kohë më parë dhe po hetohet edhe për një rast tjetër në Laç, ku ka shantazhuar një vajzë tjetër.

Familjarët e së resë thonë se nuk kishin parë shqetësime të vajza dhe nuk e dinin që kishte pasur lidhje intime me Çokun. Tezja shkon edhe më tej duke pretenduar se 27-vjeçarja nuk është vetëvrarë, por se dikush e ka shtyrë dhe gishtin e drejton tek 39-vjeçari dhe shokët e tij. Ajo thotë se e reja ka punuar si sanitare për tre ditë tek shtëpia e Çokut. Nga ana tjetër, daja i 27-vjeçares kërkon nga drejtësia që Çoku të dënohet me burg përjetë ose në të kundërt do bëjë vetëgjyqësi.

Ngjarja e rëndë ka ndodhur më datë 10 shkurt, në rrugën “Teuta” në Kamëz. 27-vjeçarja nuk u ka mbijetuar dot plagëve të marra dhe ka humbur jetën në spital. Personazhi i TikTok-ut është arrestuar për veprën penale “Shkaktimi i vetëvrasjes”, ndërsa ende po vijohet me hetimet. Policia ka sekuestruar kamerat e sigurisë, si edhe telefonin e së resë që kishte mbetur në tarracë, pasi ajo ndërmori aktin e rëndë./albeu.com

The post “Nuk ka dashuri të vërtetë”, u hodh nga kati i katërt i ndërtesës, çfarë postonte në rrjetet sociale 27-vjeçarja appeared first on Albeu.com.

“Policia e Shtetit ka identifikuar dhe ndaluar një person të dyshuar për shantazh dhe dhunë me bazë gjinore në rrjetet sociale me pasojë të rënda për jetën e një shtetasje. I kam kërkuar Policisë së Shtetit të rrisim forcën zbuluese dhe reaguese për parandalimin dhe eliminimin e dhunës ndaj grave e vajzave në të gjitha, e cila mbetet forma më e përhapur e shkeljes së të drejtave të njeriut në mbarë botën! Gjithashtu ndryshimet ligjore në adresimin e rreziqeve të dhunës on-line, duhet të konsultohen dhe miratohen sa më shpejt”, shkruan Balla.

Ngjarja e rëndë ndodhi ditën e djeshme ku një 27-vjeçare është vetëvrarë duke u hedhur nga tarraca e katit të katërt, pasi i kanë publikuar fotot intime në rrjetet sociale.

Një ditë më parë u raportua se e reja kishte rënë aksidentalisht, por tashmë ngjarja merr një tjetër kthesë. Sipas policisë, e reja i ka dhënë fund jetës për shkak të fotos që i është publikuar në rrjetet sociale.

Në pranga për këtë ngjarje ka rënë personazhi i njohur i TikTok-ut, Altin Çoku, i cili dyshohet se ia ka publikuar foton intime vajzës në rrjetet sociale. Kjo foto më pas ka qarkulluar edhe në rrjete të tjera, si në grupe Telegrami./albeu.com

The post VIDEO/ Publikoi fotot intime të 27-vjeçares që u vetëvra, momenti i arrestimit të personazhit të TikTok-ut appeared first on Albeu.com.