Si ndodhi ngjarja?

Ngjarja ka ndodhur më tepër se 1 muaj më parë në qytetin e Bilishtit ku Alti Nallbati, Marsel Buçi e Trajan Çeliku kanë marrë me forcë 32-vjeçarin Ilir Topçiu duke e çuar në magazinën në pronësi të njërit prej të arrestuarve, ku e kanë dhunuar dhe mbajtur për disa orë peng. Alti Nallbati dhe Trajan Çeliku u akuzuan për veprat penale të “heqjes së paligjshme të lirisë” dhe “kanosje”, të dyja veprat të kryera në bashkëpunim.

Ndërsa Marsel Buçi krahas dy veprave penale të mësipërme, u akuzua edhe për “plagosje të lehtë me dashje”. Hetimet vijojnë për këtë çështje që prej momentit kur Ilir Topçiu denoncoi ngjarjen pranë uniformave blu. Ngjarja tronditi opinionin publik dhe një ditë pas ngjarjes u shkarkua drejtori i policisë së qarkut Erion Ahmeti dhe u pezullua zëvendës drejtori për hetimin e krimit në DVP Korçë, Hajri Kushe.

The post Morën peng dhe dhunuan 32-vjeçarin/ Gjykata e Korçës zbut masën e sigurisë, lirohen nga burgu vëllai i deputetit Bledjon Nallbati dhe dy të tjerë appeared first on Albeu.com.

Në pranga janë vënë shtetasit Alti Nallbati, 42-vjeç, i njohur me nofkën “Duçja“, banues në Bilisht, dhe Trajan Çeliku, 38-vjeç, banues në fshatin Braçanj, për veprat penale “Heqja e paligjshme e lirisë” dhe “Kanosja”, të kryera në bashkëpunim.

Gjithashtu, është vënë në pranga dhe shtetasi Marsel Buci, 37-vjeç, banues në Devoll, i akuzuar për veprat penale “Heqja e paligjshme e lirisë”, “Plagosja e lehtë me dashje” dhe “Kanosja”, të kryera në bashkëpunim.

Ngjarja dyshohet se ka ndodhur më 27 tetor, ku tre shtetasit e mësipërm dyshohet se kanë marrë me forcë nga banesa e tij në fshatin Vishocicë, 32-vjeçarin Ilir Topçiu dhe e kanë çuar në ambientet e një biznesi privat, ku e kanë mbajtur për disa orë duke e dhunuar dhe kërcënuar.

“Nga hetimet dyshohet se këta shtetas kanë marrë me forcë nga banesa shtetasin I. T., 32 vjeç, banues në fshatin Braçaj, Bashkia Devoll, i cili ishte me masë sigurimi “Arrest në shtëpi”, për veprën penale “Shkelja e rregullave të qarkullimit rrugor”, dhe e kanë çuar në një biznes privat, ku është keqtrajtuar. Nën drejtimin e Prokurorisë, vijon puna për dokumentimin e plotë të ngjarjes dhe sqarimin e motivit të saj”, – thuhet në njoftimin e Policisë.

Materialet procedurale i janë referuar Prokurorisë së Korçës, për veprime të mëtejshme.

Shtetasit e mësipërm rezultojnë me precedentë penale.

Trajan Çeliku dhe Marsel Buci, u përfshinë në ngjarjen e regjistruar më 1 Tetor në qytetin e Bilishtit, ku së bashku me njhë shokun e tyre, sulmuan me dru bejsbolli, 39-vjeçarin Guri Mazelliu.

Në atë ngjarje, Marsel Buci mbeti i plagosur me thikë.

Ndërkohë, Alti Nallbati, vëllai i deputetit të PD-së Bledion Nallbati, u përfshi në ngjarjen e ndodhur më 3 maj, pak ditë para zgjedhjeve parlamentare të 11 Majit, ku u kunfliktua me një shofer kamioni dhe e dhunoi me grushte.

The post Morën peng 32-vjeçarin, arrestohet “Duçja”, vëllai i deputetit appeared first on Albeu.com.