Ish-deputeti socialist akuzohet për shpërdorim detyre dhe korrupsion, në lidhje me aferën e inceneratorit të Fierit. Bllako bëhet zyrtari i dytë që arrestohet lidhur me aferën e inceneratorëve pas Lefter Kokës.

Nga hetimet ka rezultuar se Bllako në kohën që mbante postin e sekretarit të Përgjithshëm të Ministrisë së Mjedisit, në bashkëpunim me ish-ministrin Lefter Koka dhe ish-kryetarin e Komisionit të Shpronësimit Pëllumb Abeshi, kanë falsifikuar dokumentin në lidhje me sipërfaqen e tokës ku u ndërtua inceneratori duke i shkaktuar dëm buxhetit të shtetit prej 16 milionë lekësh. Po kështu Bllako dyshohet se ka favorizuar biznesmenin Klodian Zoto për ndërtimin e inceneratorit dhe në këmbim ka përfituar një shumë prej 14 milionë lekësh.

Avokati Sokol Hazizaj i ka kundërshtuar këto akuza në përfundim të seancës duke e quajtur vendimin të padrejtë. Ai goditi SPAK duket thënë se është në pamundësi për të bërë një analizim dhe se nuk është Bllako ai që ka firmosur faturat: Tre faktet penale për të cilat ka identifikuar organi procedural i hetimit, që lidhet me shpronësimin e tokës, janë akte të prodhuara jo nga Alqi Bllako, dakord?

Nuk është prodhuar akti nga Alqi Bllako. Bllako në cilësinë e sekretarit të përgjithshëm ka përcjellë vetëm dokumentacionin për shkak të akteve që dalin nga këshilli i ministrave”.

I pyetur për udhëtimin me Klodian Zoton, Hazizaj tha se nuk ka prova. “Nuk është provë bindëse sa kohë nuk është provuar që bileta është paguar nga Zoto, etj”, tha ai duke shtuar se klienti i tij ka qenë në të njëjtën linjë me të”.

The post Me pranga në duar dhe i shtrënguar nga policët, momenti kur Alqi Bllako i drejtohet qelisë (VIDEO) appeared first on Albeu.com.

Në seancë ka qenë i pranishëm dhe ish-deputeti që akuzohet për përfshirje në aferën e inceneratorëve.

Foton e tij, gazetarët e kanë kapur nga vrima e çelësit të derës së sallës ku po zhvillohej seanca. Të paktën, kështu thotë gazetarja Klodiana Lala.

“U lodh e shkreta polici ta fshihte, por NE e filmuan ne vrimen e celesit!”, shkruan ajo.

Faktet që dëshmojnë kundër ish deputetit

Ligjvënësi që u dorëhoq dhe tashmë është i arrestuar, Alqi Bllako, do të përballet me drejtësinë për akuzat e korrupsionit dhe të shpërdorimit të detyrës, që bazuar në hetimet e SPAK-ut, e implikojnë atë si të dyshuar në aferën e inceneratorit të Fierit.

Po në dosjen hetimore, del se deputeti ka kryer udhëtim me avion drejt Italisë së bashku me Klodian Zoton, ish-administratorin e inceneratorit të Fierit.

Ndaj të dyshuarit janë dy pozicionet e detyrave që mbajti, njëra prej tyre, sekretar i Përgjithshëm i Ministrisë së Mjedisit, në kohën kur ky institucion drejtohej nga Lefter Koka, tashmë nën dy masa arresti për këto afera dhe tjetra, kur drejtonte AKUM-në, ku sërish dyshohet se ka firmosur gjatë kësaj kohe për çështje që e lidhin me Fierin.

SPAK-u këmbëngul se Alqi Bllako, me veprimet dhe mosveprimet e tij, ka qenë në dijeni të plotë të vlerësimit të shpronësimit në kundërshtim me ligjin. Si rrjedhojë, sipas SPAK-ut, në bashkëpunim Koka dhe Bllako kanë lejuar ardhjen e pasojës që ka sjellë shkaktimin e dëmit prej 16.288.000 lekësh.

Sipas dokumenteve që ka sekuestruar Prokuroria, bëhet me dije se procedura e shpronësimit të truallit u krye në kundërshtim me ligjin dhe se anëtarët e Komisionit nuk morën pjesë në këtë procedurë. Ata nuk kanë gjithashtu dijeni për këtë gjë.

Ka një korrespondencë, thotë SPAK-u, në dosjen hetimore, që është mbajtur me zyrën vendore të regjistrimit të pasurive me kryetarin e Komisionit, Pëllumb Abeshi.

Më pas, kjo listë për tokën truall u nënshkrua së bashku me relacionin nga drejtoresha juridike dhe u miratua nga Alqi Bllako. Pikërisht këtu është kapur hetimi, duke aluduar se ky fakt ka orientuar gabim edhe kryebashkiakun e Fierit, Armando Subashin, që procedoi sipas shkresave, duke kryer edhe pagesat përkatëse për subjektin përkatës referuar çmimit real që ai posedonte për tokë-arë.

Likuidimi mësohet se është kryer për një periudhë 2-vjeçare, por ndërkohë thuhet nga hetimi se, për shkak të shkresave që në nisje të procedurës kur Bllako ishte sekretar i Ministrisë, SPAK ka fiksuar si fakt se babai i tij, Edmond Bllako, u punësua si drejtor kantieri nga kompania koncesionare, duke i dhënë një pagë prej 6 mijë eurosh në muaj./albeu.com

The post Del fotoja e Alqi Bllakos e kapur nga vrima e çelësit (FOTO LAJM) appeared first on Albeu.com.