Futbollistët e famshëm nuk po e shohin më të ardhmen vetëm në rolin e trajnerit apo analistit pas tërheqjes nga sporti. Një numër gjithnjë e më i madh prej tyre po investon në klube dhe po merr pjesë në pronësinë e tyre, duke e zgjeruar ndikimin përtej fushës së lojës.

David Beckham mbetet rasti më i njohur i këtij trendi. Ish-futbollisti u bë bashkëpronar i Inter Miami dhe më vonë ndihmoi në transferimin e Lionel Messit në MLS. Pas tij, edhe yje të tjerë kanë zgjedhur të ndjekin të njëjtën rrugë.

Lionel Messi – Cornella

Në prill, Lionel Messi ndërmori një prej investimeve më të rëndësishme të tij në këtë sektor, duke blerë 100 për qind të aksioneve të UE Cornella, klub që merr pjesë në kategorinë e pestë të futbollit spanjoll.

Klubi është i vendosur në jugperëndim të Barcelonës, qytetit ku argjentinasi kaloi 17 vite të karrierës së tij te Barcelona. Sipas Cornellas, marrëveshja synon të forcojë lidhjen e Messit me Kataloninë dhe të ndihmojë në rritjen e talenteve vendase.

Prania e tij solli menjëherë efekt edhe jashtë aspektit sportiv, pasi Cornella regjistroi një rritje të ndjeshme të ndjekësve në rrjetet sociale.

Akademia e klubit gëzon reputacion të mirë dhe ka nxjerrë futbollistë si Jordi Alba, Gerard Martin dhe portierin e Arsenalit, David Raya.

Blerja e Cornellas përbën investimin e parë të Messit në një klub evropian. Ai është gjithashtu bashkëpronar i Deportivo LSM në Uruguai, ku e ndan pronësinë me Luis Suarezin.

Cristiano Ronaldo – Almeria

Cristiano Ronaldo ka nisur të konkretizojë synimin e tij për të krijuar një portofol klubesh në pronësi.

Përmes kompanisë CR7 Sports Investments, në shkurt portugezi bleu 25 për qind të aksioneve të Almerias, skuadër që luan në Segunda Division.

Ronaldo ka thënë më herët se dëshiron që në të ardhmen të zotërojë disa klube. Ai e sheh këtë rol si më të përshtatshëm për veten sesa një detyrë si trajner ose drejtor sportiv.

Almeria kontrollohet kryesisht nga një konsorcium saudit dhe objektivi i saj është rikthimi në La Liga. Sezonin e kaluar, ekipi humbi finalen e play-off-it ndaj Malagas. Për këtë sezon, klubi ka emëruar Garcia Pimienta si trajner dhe ka afruar disa përforcime me synimin për të siguruar ngjitjen direkte.

Ronaldo e pa nga afër skuadrën ku është bashkëpronar në një miqësore të zhvilluar në Lisbonë kundër Al-Nassrit. Në atë takim, ekipi i tij aktual u mposht 2-0 nga Almeria.

Vinicius Junior – Alverca

Vinicius Junior është pjesë e një grupi investitorësh që në shkurt 2025 bleu 70-80 për qind të aksioneve të Alvercas, në një marrëveshje me vlerë të raportuar rreth 10 milionë euro.

Koha e investimit ishte veçanërisht e favorshme, pasi Alverca siguroi ngjitjen në elitën e futbollit portugez për herë të parë që nga viti 1998.

Futbollisti i Real Madridit nuk merr pjesë drejtpërdrejt në administrimin e klubit. Aksionari kryesor është agjenti i tij, Thassilo Soares, ndërsa drejtuesit e Alvercas e kanë cilësuar Viniciusin si “tifozin më të famshëm të klubit”.

Alverca synon të qëndrojë në kategorinë elitare dhe të zhvillojë lojtarë për t’i shitur më pas. Në këtë projekt janë përfshirë edhe Eduardo Camavinga dhe reperi amerikan Travis Scott, kryesisht në fushën e komunikimit dhe marketingut.

Kylian Mbappe – Caen

Kylian Mbappe konsiderohet ndër emrat e parë të brezit të ri që ka hyrë në botën e pronësisë së klubeve.

Në qershor 2024, kompania e tij Interconnected Ventures, nëpërmjet Coalition Capital, bleu shumicën e aksioneve të SM Caen. Sipas raportimeve, investimi i Mbappes ishte rreth 15 milionë euro.

Megjithatë, fillimi i kësaj aventure ishte zhgënjyes. Caen e mbylli sezonin 2024/25 në vendin e 18-të të Ligue 2 dhe ra në kategorinë e tretë franceze, një situatë që klubi nuk e kishte përjetuar prej 41 vitesh.

Performanca e dobët solli protesta të tifozëve, të cilët shpalosën edhe një pankartë me mbishkrimin: “SMC nuk është lodra jote”.

Më pas, Mbappe bëri ndryshime në strukturën sportive të klubit. Ai emëroi ish-trajnerin e Arsenalit dhe Francës, Gaël Clichy, ndërsa gjatë kësaj vere Mathieu Bodmer mori detyrën e drejtorit sportiv.

Luka Modric – Swansea City

Pak përpara mbylljes së periudhës së tij 13-vjeçare te Real Madridi, Luka Modric u përfshi si investitor dhe bashkëpronar minoritar i Swansea City.

Mesfushori kroat iu bashkua grupit amerikan që zotëron klubin, i cili prej kohësh kërkonte një investitor të njohur me profil të lartë.

Për Modricin, kjo nuk është vetëm një lëvizje financiare. Ai ka shfaqur interes për të kuptuar nga afër funksionimin e Swansea City dhe ka ndihmuar edhe në bisedat me futbollistë që klubi mund të synojë të afrojë.

Swansea City vazhdon të ketë si synim kryesor rikthimin në Premier pas një mungese të gjatë.

Thibaut Courtois – Genk, Le Mans dhe Extremadura

Thibaut Courtois është ndër futbollistët më aktivë në këtë fushë, pasi gjatë vetëm një viti u përfshi në pronësinë e tre klubeve.

Në shkurt, portieri i Real Madridit investoi te Le Mans përmes NxtPlay Capital, kompanisë që ka themeluar së bashku me Gonzalo Vilar. Pronarë të klubit francez janë gjithashtu sportistë të njohur si Novak Djokovic dhe Felipe Massa.

Pas tre muajsh, Courtois dhe NxtPlay u bënë bashkëpronarë të CD Extremadura. Ky klub ka siguruar katër promovime radhazi që nga viti 2022.

Investimi që ka rëndësi më të veçantë për portierin është ai te Genk. Më 1 qershor, klubi belg njoftoi se Courtois ishte rikthyer si investitor minoritar. Pikërisht në Genk ai kishte nisur karrierën profesionale.

Me këtë marrëveshje, Courtois u bë aksionari i parë i jashtëm korporativ në historinë e klubit.

Futbollistët po ndërtojnë një rol të ri

Hapat e ndërmarrë nga Messi, Ronaldo, Vinicius, Mbappe, Modric dhe Courtois dëshmojnë se ndikimi i futbollistëve po shtrihet gjithnjë e më shumë përtej aktivitetit në fushë.

Të ardhurat e mëdha nga pagat dhe marrëveshjet e sponsorizimit u kanë dhënë këtyre yjeve mundësinë të investojnë kapitalin, përvojën dhe emrin e tyre në iniciativa afatgjata brenda futbollit.

Këto projekte nuk kufizohen vetëm te kërkimi i trofeve apo rezultateve. Akademitë, zbulimi i lojtarëve të rinj, marketingu, përdorimi i të dhënave dhe zhvillimi i futbollistëve për t’i shitur më vonë janë bërë pjesë e rëndësishme e strategjive të tyre.

Struktura të tilla si City Football Group, Red Bull dhe BlueCo duket se kanë shërbyer si model për këtë qasje të re dhe po ndikojnë në formimin e gjeneratës së futbollistëve që synojnë të bëhen edhe pronarë klubesh.

The post Nga protagonizmi në fushë te investimet: Yjet e futbollit që po bëhen pronarë klubesh appeared first on Albeu.com.

Teksa kampionatet kryesore evropiane të futbollit sapo kanë nisur ose po bëhen gati për sezonin e ri, Segunda Division e Spanjës, e njohur gjithashtu si La Liga 2, spikat aktualisht si gara më e larmishme në Kontinentin e Vjetër.

Edhe pse përfaqëson nivelin e dytë të futbollit spanjoll, Segunda Division renditet mes ligave më cilësore të Evropës, nëse lihen jashtë dhjetë kampionatet më të mira. Në këtë kategori nuk mungon niveli i lartë, ndërsa gjatë viteve aty kanë luajtur shumë prej emrave të mëdhenj të futbollit spanjoll.

Raundi hapës i La Liga 2 u zhvillua fundjavën e kaluar. Përbërja e pazakontë e skuadrave pjesëmarrëse pritet t’i japë këtë sezon një karakter edhe më të veçantë kampionatit popullor.

Veçantia e edicionit të ri qëndron te prania e një klubi të huaj, një skuadre nga një enklavë spanjolle, dy ekipeve rezervë të klubeve të divizionit të parë, tre përfaqësueseve nga ishuj të ndryshëm dhe një klubi nga një ishull i lidhur.

Andorra është skuadra profesioniste nga shteti me të njëjtin emër që merr pjesë në kampionatin e një vendi tjetër. Në garë ndodhet edhe AD Ceuta, e cila vjen nga qyteti-eksklavë Ceuta, i pozicionuar në skajin e kontinentit afrikan.

Real Sociedad B dhe RC Celta Fortuna janë dy ekipet rezervë të këtij sezoni. Skuadrat e tyre të para luajnë në La Liga, nivelin elitar të sistemit spanjoll të garave.

Gjeografia ishullore përfaqësohet nga tri klube: RCD Mallorca nga Ishujt Balearik, si edhe CD Tenerife e UD Las Palmas nga Ishujt Kanarie.

Një rast tjetër interesant është ai i Cadizit, klubit që ndodhet në një ishull të lidhur. Qyteti bashkohet me San Fernandon përmes një brezi rëre me gjatësi 11 kilometra.

Sa i përket garës për ngjitjen, Mallorca shihet si favoritja kryesore, pasi arriti të ruante një pjesë të konsiderueshme të futbollistëve pas rënies nga La Liga. Almeria, Las Palmas, Girona, Leganes, Cadiz, Granada dhe Valladolid pritet të jenë rivalët e zakonshëm në betejën për hyrjen në elitë.

Rezultati më i thellë i javës së parë erdhi pikërisht nga klubi i një shteti tjetër. Andorra befasoi duke mposhtur Ceutën 5-1, një fitore që mund të jetë sinjal se skuadra synon të luftojë për ngjitjen në elitë.

The post Nga klubi i huaj te enklava, rezervat dhe ishujt: liga më e pazakontë e Evropës appeared first on Albeu.com.

Klubi me qendër në Andaluzi e kishte shmangur rënien nga elita e futbollit spanjoll sezonin e kaluar duke përfunduar në pozitën e 17-të në tabelë.

Pasi fituan kampionatin në ligën e dytë, klubi kishte shpresuar që do të vazhdonin me paraqitje të mira në elitë, por në fakt e kundërta ka ndodhur, pasi Almeria kanë përfunduar në pozitën e fundit në tabelë, aty ku kanë qëndruar që prej fillimit të sezonit.

Ata janë rrugës për të thyer një rekord si ekipi me më së paku pikë të fituara në një sezon të La Ligës që prej se sistemi ndryshoi duke numëruar tri pikë për një fitore, ndërsa momentalisht Sporting Gijon e mban këtë rekord të padëshiruar me vetëm 13 pikë të arkëtuara në sezonin 1997/1998.

Dhe Almeria janë rrugës për ta mbaruar sezonin pa fitore, diçka që nuk është regjistruar në top pesë ligat më të mira evropiane.

Megjithatë, kjo ka ndodhur më herët në ligat tjera, teksa ekipi uellsian Airbus UK Broughton e përfundoi sezonin 2022/2023 me vetëm katër pikë pasi barazuan në dy ndeshje dhe humbën tridhjetë të tjera.

Almeria tani janë 15 pikë larg zonës së sigurt, kanë edhe 11 ndeshje deri në përfundim të sezonit për të shmangur këtë rekord, ndërsa xhiron e fundit pësuan 1-0 ndaj Celta Vigos. /Telegrafi/

The post Ekipi i njohur spanjoll është rrugës për të krijuar një rekord famëkeq që nuk është parë më herët në futboll appeared first on Albeu.com.

Sistemi VAR luajti një rol të madh gjatë kësaj ndeshje, duke i dhuruar madrilenëve një gol, një penallti një gol të anuluar për mysafirët që do t’i çonte ata në avantazh prej dy golave në “Santiago Bernabeu”.

Lojtarët e Almerias u shfaqën mjaft të nervozuar pas humbjes, duke filluar nga mbrojtësi Marc Pubill i cili akuzoi gjyqtarët e ndeshjes për vendimet që kishin marrë. Sidoqoftë, ai nuk ishte i vetmi që e bëri këtë, pasi që edhe Gonzalo Melero gjithashtu pretendoi se ekipi i tij ‘është vjedhur’ nga një rezultat pozitiv ndaj Real Madridit.

“Ne largohemi me ndjenjën se jemi vjedhur. Gjyqtarët na dëmtuan dhe më e keqja është se ata do të mendojnë se kanë bërë mirë. Nëse ne duam të jemi liga më e mirë në botë, ne jemi vite larg kësaj”, ishin fjalët e Meleros.

Këto fjalë të mesfushorit kanë rënë në sy të Komitetit Teknik të Gjyqtarëve (CTA) të cilët janë duke konsideruar për të bërë një ankesë rreth kësaj çështje.

Në rast se ndodh kjo, mediumi Onda Cero ka raportuar se Melero mund të dënohet deri në 12 ndeshje, në rast se shpallet fajtor nga Komiteti i Federatës së Futbollit të Spanjës.

Ekipi i Almerias me siguri do të ndihen se një suspendim i mundshëm tani do të ishte si një thikë pas shpinës, duke marrë parasysh ngjarjet që ndodhën të dielën.

Sidoqoftë, e drejtë ose e gabuar, rregullat e Federatës kur kemi të bëjmë me situata të tilla janë shumë të qarta, kështu që një dënim i madh për Meleron mund të vijë së shpejti./Telegrafi/

The post Ylli i Almerias rrezikon të marrë një dënim të rëndë pas komenteve për Real Madridin appeared first on Albeu.com.

Ishin tri rastet e ndërhyrjes së sistemit VAR dhe në të tria përfitues ishte Reali i Madridit. Momenti i parë i diskutueshëm ishte ai i minutës së 56-të, kur Almería po fitonte 0-2 dhe Realit iu akordua një penallti për një prekje të topit me dorë në zonë nga Kaiki. Penalltia u kthye në gol nga Bellingam, duke i hapur rrugë përmbysjes së Madridit. Në diskutimin mes gjyqtarit kryesor dhe atyre në regjinë VAR ishte vetëm momenti i prekjes me dorë, teksa u injorua plotësisht fakti që Kaiki u pengua nga Hoselu, apo faulli i Rydiger ndaj Edgar. Hernández Maeso , i njoftuar nga VAR-i, përfundoi duke sinjalizuar penallti pas rishikimit të momentit në monitorin e fushës.

Biseda mes Hernández Maeso dhe VAR-it për penallti në favor të skuadrës “merengues”:
Hernández Hernández (arbitri i VAR): “Fran (Hernández Maeso), unë ju rekomandoj një rishikim në fushë, në mënyrë që të mund të vlerësoni një penallti të mundshme për shkak të një prekjeje të topit me dorë nga mbrojtësi i Almerías”
Hernández Maeso (arbitri në fushë): “Mirë, do ta shoh”.
VAR: “Ne do ta vendosim në shumë ngadalë që të mund ta shihni. Në rregull?”
Hernández Maeso: “Mirë, jam para ekranit”.
VAR: “Ja ku e keni. Ne do ta vendosim në shumë ngadalë që të mund të shihni. Në rregull? Unë do t’i vendos pamjet në disa kënde që të keni mundësi të gjykoni më drejt”.
VAR: “Dhe tani veprimi është i juaji. Në rregull? Vendoseni ju”.
Hernández Maeso: “E përkryer. Godet lojtari i Madridit dhe topi përfundon në krahun e mbrojtësit”.
Hernández Maeso: “Mbrojtësi i Almerías zë hapësirën. Unë do të sinjalizoj një penallti pa karton. Dakord?”
VAR: “Perfekte”.

Momenti i dytë ishte ai i minutës së 62-të. Serxhio Arribas shënoi 1-3 në një kundërsulm të Almerías, por Hernández Maeso, me kërkesë të VAR-it, e anuloi atë pasi Lopi goditi në fytyrë Bellingamin në fillimin e ndeshjes. Pas rishikimit të veprimit në monitorin e fushës, arbitri kryesor, ndëshkoi me karton lojtarin e Almerias, duke e cilësuar të pavlefshëm golin.

Biseda mes Hernández Maesos dhe VAR-it në golin e anuluar ndaj Almerías:
Hernández Hernández (arbitri i VAR): “Ejani ta shihni Fran (Hernández Maeso), unë rekomandoj një rishikim në fushë për një faull të mundshëm në nisjen e aksionit. Mirë”
VAR: “Nëse dëshironi, do t’ju paraqes një pamje nga larg, në mënyrë që të shikoni se përfundon me një gol direkt nga atje”.
VAR: “Do t’iu tregoj pikën e kontaktit, mirë?”
Hernández Maeso (arbitri në fushë): “Vendoseni në mënyrë dinamike për mua, të lutem”.
VAR: “Mirë?”
VAR: “Loja vazhdon dhe përfundon me gol”.
Hernández Maeso: “E qartë. Do të sinjalizoj një faull në favor të Realit të Madridit, do të anuloj golin dhe do të ndëshkoj me karton të verdhë numrin 6 të Almerías”.

Aksioni i tretë kontrovers i arbitrazhit në takimin Real Madrid-Almería erdhi në minutën e 66-të, në golin e barazimit të përkohshëm 2-2 të Vinicius që nuk dukej qartë në pamje nëse ishte me shpatull apo me krah. Hernández Maeso e anuloi atë fillimisht me idenë se braziliani e kishte prekur topin me dorë, por, pasi u konsultua me VAR-in dhe e pa në monitorin e fushës, ai ndryshoi vendimin duke e konsideruar të vlefshëm golin.

Biseda mes Hernández Maeso dhe VAR-it në golin e dhënë për Vinicius:
Hernández Hernández (arbitri i VAR): “Ja, ja, kjo është. Më jepni të kundërtën djathtas. Ndaloni në pikën e kontaktit. Unë rekomandoj një rishikim në monitor në mënyrë që të mund të vlerësoni dorën e mundshme”.
Hernández Maeso (arbitri në fushë): “E përsosur”.
VAR: “E godet në shpatullën e djathtë. Fran, do t’ju tregoj, mirë?”
VAR: “Ne do ta vendosim me xhirim super të ngadaltë. E godet atë në shpatull. Ju vlerësoni faullin e mundshëm në sulm”.
Hernández Maeso: “Mirë, ma kaloni. Më jepni pikën e kontaktit”.
VAR: “Ja ku e keni”.
Hernández Maeso: “Do të sinjalizoj për gol, nuk ka faull”.
VAR: “Mirë, shihni atë të mëparshmen. Kjo është pamja”.
Hernández Maeso: “I përsosur, ai e godet me shpatull dhe është një gol i vlefshëm. Unë do të sinjalizoj gol, nuk ka faull”. /abcnews.al

?️ AUDIO REVISIÓN VAR

?️ Jornada 21 | Primera División

⚽️ @realmadrid ? @U_D_Almeria | 67'#ArbitrajeRFEF | @CTARFEF pic.twitter.com/N0qzo3Y0O2

— RFEF (@rfef) January 21, 2024

The post VIDEO / Skandali i Realit kundër Almeria, dalin audiot mes gjyqtarit kryesor dhe VAR, favorizim për “Los Blancos” appeared first on Albeu.com.

Audio incizimi ishte biseda mes gjyqtarit Francisco Hernandez Maeso dhe zyrtarit të VAR-it, Hernandez Hernandez, duke shqyrtuar një bërryl të mundshëm nga Vini në një lojtar të Almerias në fund të lojës.

Në klip, Hernandez Hernandez mund të dëgjohet duke lënë të kuptohet se ka parë anësorin brazilian të bënte një faull në zonë.

Sipas Cadena SER, komiteti spanjoll i gjyqtarëve tani ka hapur një hetim se si Romero ishte në gjendje të kishte akses në audion VAR.

Ka gjithashtu një hetim për t’u bërë se pse arbitri, Hernandez Maeso, nuk u detyrua të shqyrtojë incidentin në monitorin VAR përpara se të miratonte golin.

Ka shumë pak gjasa që Real Madridit t’i hiqen tre pikët, por zyrtarët mund të jenë në telashe nëse shpallen fajtorë për mos kryerjen e detyrave të tyre siç duhet në përplasjen e diskutueshme të La Ligës.

Real Madridi fitoi ndaj Almerias me rezultat 3-2, në një ndeshje që po kontestohet jashtëzakonisht shumë në La Liga pasi kishte disa vendime kontraverse. /Telegrafi/

The post Gazetari pro Barçës publikoi audion e bisedës në VAR, komiteti spanjoll i gjyqtarëve hap hetim ndaj tij appeared first on Albeu.com.

Los Blancos patën tre vendime të anuluara nga VAR-i në favor të tyre, ndërsa nuk ndërhyri në një incident të mundshëm me karton të kuq për Vinicius Junior.

Të hënën ka rrjedhur audio nga bërryli i Vinicius Jr mbi Alejandro Pozo, i cili ilustronte se gjyqtari i VAR-it, Alejandro Hernandez Hernandez nuk e mendoi të nevojshme t’i kërkonte gjyqtarit kryesor të shikonte incidentin, duke hutuar tifozët e rivalëve.

“Ajo që ndodhi në Madrid ishte një turp. Kolektivi i gjyqtarëve duhet t’i përgjigjet presioneve që po ndodhin këtë sezon. Nëse nuk e bëjnë, kjo do të na lërë shumë në ankth sepse është neglizhencë e detyrave”, ka thënë Laporta.

Laporta do të vazhdonte të thoshte, se Barcelona nuk e ka shkurtuar diferencën me Real Madridin për shkak të vendimeve të gjyqtarëve dhe se ai është optimist për Blaugranët, duke pretenduar se ata janë më të bashkuar çdo ditë.

Barcelona është ankuar për atë që ata e konsiderojnë si trajtim të padrejtë nga gjyqtarët, për dallim nga Real Madridi.

Megjithatë, duhet të theksohet se Laporta ende nuk ka shpjeguar siç duhet çështjen Negreira, ku ai dhe Barcelona përballen me akuzat për ryshfet në gjykatë. /Telegrafi/

The post “Ajo çfarë ndodhi ishte një turp”, Laporta nuk përmbahet nga polemikat e ndeshjes Real Madrid-Almeria appeared first on Albeu.com.

Disa lojtarë të Almerias kishin ankesa pas ndeshjes, pasi vendimet e gjyqtarit ishin të ashpra ndaj tyre. Megjithatë, nga këndvështrimi i Carlo Ancelottit, të gjitha vendimet ishin të justifikuara dhe të sakta.

MARCA ka publikuar transkriptin e bisedës mes arbitrit në fushë, Hernandez Maeso dhe zyrtarit të VAR-it, Hernandez Hernandez për të gjitha thirrjet e diskutueshme gjatë natës. Si fillim, biseda për penalltinë e Real Madridit që thirri VAR-i shkoi si më poshtë.

“Fran, unë do të rekomandoj një rishikim në fushë për dorën e mbrojtësit të Almerias”, deklaroi Hernandez Hernandez.

“Unë ju vendos pamjet në mënyrë që ta shihni atë në kontekst dhe ndarjen midis lojtarëve. Tani vendimi është i juaji, ju duhet të vendosni”, shtoi ai.

Gjyqtari në fushë u përgjigj: “E përkryer. Unë do të jap një penallti pa karton”.

Për golin e anuluar të Almerias
Mysafirëve iu anulua një gol në periudhën e dytë për një faull në grumbullim, dhe shumë menduan se ishte një vendim i padrejtë.

“Eja dhe shiko, Fran, unë rekomandoj një rishikim në fushë për ndërhyrje të mundshme në sulm”, sugjeroi zyrtari i VAR menjëherë pas golit të Almerias.

Pas shqyrtimit të vendimit, Maeso u pajtua me dyshimin e Hernandez dhe tha: “Po, është me të vërtetë fillimi (faza e sulmit). Prandaj, unë do të fishkëlloj një faull në favor të Real Madridit dhe do ta anuloj golin dhe do të ndëshkoj me karton lojtarin me numër 6, lojtari i Almerias”.

Për golin me kraharor të Vinicius
Ndoshta momenti më i diskutueshëm i natës erdhi kur Vinicius Jr barazoi rezultatin për Los Blancos, duke e goditur topin me krahrorin e tij. Çuditërisht, situata u rishikua nga VAR.

“Unë rekomandoj një rishikim në terren në mënyrë që të mund të shihni dorën apo krahun. Më jep këndin e kundërt. Ndaloni në pikën e kontaktit”, sugjeroi VAR.

Arbitri në fushë kërkoi edhe një herë pikën e kontaktit për t’u sqaruar me VAR, për të cilën Hernandez Hernandez u përgjigj: “Ai e godet në shpatull. Ju vlerësoni faullin e mundshëm në sulm”.

Duke u përgjigjur, arbitri në fushë tha: “Jam dakord me ju dhe topi bie në shpatull. Më jep një kënd të lartë. Një kornizë më shumë. Perfekt, ai e godet me shpatull dhe është një gol i vlefshëm. Do të pranoj këtë si gol, nuk ka faull”. /Telegrafi/

The post Transkriptohet biseda mes gjyqtarit dhe dhomës së VAR-it nga ndeshja Real – Almeria, sqarohet e gjitha appeared first on Albeu.com.

Mysafirët ishin në epërsi prej dy golave nga pjesa e parë, derisa një tjetër gol iu anulua në pjesën e dytë pranë rezultatit 1-2.

Los Blancos fituan në një ndeshje që solli polemika gjatë saj dhe pas saj natyrisht ku nuk kanë munguar reagimet.

Mesfushori i Almerias, Gonzalo Melero ka dhënë një deklaratë të fuqishme pas ndeshjes, duke thënë se ata u vodhën në Santiago Bernabeu.

“Ne largohemi me ndjenjën se na vodhën ndeshjen. Ata nuk mund të kishin bërë më shumë se kaq për të ndihmuar Realin. Nuk ka asnjë mënyrë që ne ta pranojmë këtë”.

“Ajo që ndodhi i kaloi të gjitha kufijtë. Gjëja më e keqe është se ata mendojnë se çfarë ndodhi Është në rregull. Më dhemb shumë, La Liga është vite dritë larg Ligës Premier angleze”, tha mesfushori i Almerias, Gonzalo Melero.

Jo vetëm Melero, por edhe futbollistë të tjerë të Almerias kanë dhënë deklarata të fuqishme pas humbjes nga Reali, duke thënë se gjyqtari i dha një dorë madrilenëve për këtë fitore. /Telegrafi/

The post “Ndihemi të vjedhur në Santiago Bernabeu” – mesfushori i Almerias godet rëndë të gjithë pas humbjes nga Real Madridi appeared first on Albeu.com.

Trajneri i katalunasëve është pyetur nga gazetarët se nëse e kishte parë ndeshjen mes Real Madridit dhe Almerias që përfundoi 3-2 për Los Blancos.

Xavi ka thënë se ai e di se çfarë vendime u morën, por që nuk dëshiron t’i diskutojë, pasi do të sanksionohej.

“Vendimet e gjyqtarit në ndeshjen e Real Madridit? Nëse flasim, jemi të sanksionuar, por të gjithë e kanë parë. Tashmë kam thënë në Getafe se ka gjëra që nuk i kuptoj”, deklaroi trajneri i Barcelonës.

“Ka gjëra që ne nuk i kontrollojmë dhe të gjithë i kanë parë. Mbaj mend në Getafe penalltinë, golin e Joaos në Granada…dhe nuk flitet”.

“Tashmë do të merrnim gjashtë pikë të tjera. Ato nuk janë justifikime, janë realitete”, ka shtuar më tej Xavi. /Telegrafi/

The post Pyetet për fitoren kontroverese të Realit ndaj Almerias, Xavi me deklaratë goditëse appeared first on Albeu.com.