Me një qasje të re orientuar në tregjet rajonale tashmë, biznesi dhe shoqëria duhet të trajtojnë temat e digjitalit pasi ato nuk po bëhen thjesht një pjesë masive e punës dhe jetës sonë. Por, ato janë ndër më të rëndësishmet për vitet që vijnë.

ALLWEB vazhdimisht tejkalon pritshmëritë vit pas viti, duke sjellë një ndikim të qëndrueshëm në marketingun digjital, inovacionin dhe skenën e përgjithshme të biznesit në Shqipëri. Po ashtu, ngjarja e këtij viti do të përfshijë përmbajtje cilësore nga folës ndërkombëtarë, rajonalë dhe vendas.

Konferenca bashkon ekspertë nga sektorë të ndryshëm, përfshirë komunikimin, marketingun & teknologjinë, duke ndikuar ndjeshëm në ekonominë e tregut digjital. Mos harroni të përfitoni nga mundësia për të qëndruar përpara duke marrë pjesë në konferencën një ditore në Tiranë, Shqipëri, më 2 Nëntor.

“Eksperienca jonë dëshmon se investimi në mjetet dhe kanalet digjitale është mënyra e vetme për kompanitë dhe organizatat për tu zhvilluar dhe qenë konkurrues. Prandaj fokusi ynë në marketingun digjital, digitalizim dhe transformim të biznesit ishte zgjedhja e duhur për qasjen e ALLWEB e orientuar në të ardhmen,” – theksoi Gerti Boshnjaku, bashkëorganizator i konferencës.

Më 2 Nëntor, skena e ALLWEB do të mirëpresë më shumë se 10 folës nga SHBA, Mbretëria e Bashkuar, Danimarka dhe Izraeli, por gjithashtu edhe folës rajonalë nga Kroacia, Maqedonia, etj.

“Tema kryesore e konferencës për këtë vit është Generative AI, i cili drejton evolucionin e marketingut dhe lejon markat të udhëheqin peisazhin digjital me precizion dhe të ofrojnë përvoja të paharrueshme për markën. Folësit do të prekin aspekte të ndryshme të temës, duke përfshirë përmbajtjen, reklamat, analitikën, sjelljen konsumatore, kreativitetin dhe komunikimin,” – shton Darko Buldioski, një ndër themeluesit dhe drejtori i programit të konferencës.

Organizatorët me krenari njoftojnë Purna Virji-n si folësen e parë. Virji është stratege e përmbajtjes në LinkedIn dhe Konsulente e Zgjidhjeve të Përmbajtjes. Libri i saj i publikuar së fundmi, “High-Impact Content Marketing” ishte në vend të parë në Amazon në javën e parë të lancimit të tij.

Si në vitet e kaluara, organizatorët ofrojnë bileta “Super Early Bird” për audiencën më të përkushtuar dhe besnike. Këto bileta janë të disponueshme për një kohë të kufizuar dhe në sasi në internet tek faqja e dedikuar eventit www.allweb.digital

ALLWEB lindi në Maqedoni në vitin 2012 si një konferencë vjetore, duke shfaqur përmbajtje cilësore, folës fantastikë dhe studime të dobishme të rasteve, të gjitha në një vend, brenda një dite. Në vitin 2016, revista Business Mag Albania e solli atë në Shqipëri.

Në këtë ngjarje unike, perspektivat e folësve ndërkombëtarë ndërthurin pa vështirësi praktikat më të mira lokale, të sjella nga ekspertë të industrisë nga rajoni.

The post ALLWEB 2023/ Generative AI, ndryshim i rëndësishëm apo vetëm një tendencë tjetër? appeared first on Albeu.com.

AllWeb u organizua për herë të parë në Tiranë, Shqipëri në vitin 2016, me një event që tejkaloi pritshmëritë e tij fillestare dhe u prit shumë mirë nga audienca e përbërë nga profesionistët e fushës dhe kompani e biznese novatore.

Ajo rikthehet me misionin e saj fillestar: “Të ofrojë përmbajtje cilësore, folës të shkëlqyer, raste studimore praktike, shkëmbim njohurish dhe shumë më tepër.

”Temat e këtij viti do të jenë përvoja e përdoruesit, eksplorimi kreativ, metaverse, web3, strategji biznesi dhe si çdo herë praktikat më të mira të marketingut dixhital. Me pjesëmarrjen e 12 folësve ndërkombëtarë, rajonalë dhe vendas, nën drejtimin e Gerti Boshnjakut, themelues dhe drejtues ekzekutiv i New Media Group, themelues i Business Magazine Albania dhe drejtues i portalit AlbaniaTech.

Nuk di se çfarë të presësh? Ky 2 nëntor do t’u dedikohet: marketingut dixhital, kreativitetit, metaverse, përvojës së përdoruesit, web3 dhe strategjive të biznesit. Ftojmë të gjithë drejtuesit e nivelit C, menaxherët e marketingut, agjencitë e reklamave, ekspertët e PR dhe komunikimit, sipërmarrësit, pronarët e SME-ve dhe konsulentët e biznesit të na bashkohen në këtë konferencë një-ditore që do t’ju lërë pa frymë.

Ne do t’ju informojmë në vijim për folësit e ketij viti tek faqja e dedikuar eventit AllWeb.al. Ndërkohë ju kujtojmë vetëm disa prej mesazheve të përçuar nga folësit gjatë konferencave të mëparshme.

1- Jemi në një botë që flet të njëjtën gjuhë, atë digjitale.

Por, marketerët janë në sfidën e përdorimit të të gjitha risive digjitale dhe njohjen e nevojave të klientit, për një shërbim sa më efektiv ndaj tij.

2- Të komunikosh se si produkti përmbush nevojat e klientit, është një privilegj i marketerit dhe detyrë e tij për ta bërë këtë punë me integritet.

Sot, kur jemi “të mbytur” nga ofertat e produktet të ndryshme, “duhet të flasim në gjuhën e konsumatorit dhe të mos përdorim zhargonin e industrisë”.

3-Përdorimi i të dhënave gjithnjë në rritje kërkon integritet. “Mos i shisni të dhënat e klientit”, ishte mesazhi i folësit Matt Desmier. Tek nevojat e klientit gjeni përgjigjen e çdo veprimi, që do të ndërmerrni. Ndaj, njihni shumë mirë atë dhe vendosuni në pozicionin e tij, për të ndërtuar strategjitë e marketingut, për të zgjedhur kanalet e komunikimit dhe për të gjetur fjalët e duhura të prezantimit të produktit. SEO, një prej investimeve më afatgjata, kërkon po ashtu të keni parasysh klientin.

4-Hulumtoni audiencën dhe atë që organizatori i eventit dëshiron që ju të arrini. Çfarë rezultatesh duan ata?

5- Ejani me idenë tuaj të madhe – më pas ndajeni atë në nën-mesazhe nëse është e nevojshme.

6- Mendoni për një frazë ose shprehje goditëse për të shprehur idenë tuaj – një të cilën mund ta përdorni gjatë gjithë fjalimit.

7- Vendosni qëllimet tuaja të njohurive – çfarë dëshironi që ata të mësojnë?

8- Vendosni qëllime emocionale – si dëshironi që ata të ndihen?

9- Vendosni qëllimet e veprimit – çfarë dëshironi që ata të bëjnë?

10- Shkruani një fragment për secilin mesazh, që përfshin një pyetje, fakt ose zbulim për të angazhuar audiencën, një histori për të ilustruar pikën kryesore, për të forcuar mesazhin si rezultat i historisë dhe pastaj prezantoni thirrjen për veprim.

11- Shkruani një paragraf të fortë hapës dhe mbyllës për të gjithë fjalimin dhe mësojini ato.

12- Bëni prova dhe jini të qetë gjatë gjithë prezantimit.

AllWeb i tejkalon pritshmëritë duke ndikuar në skenën shqiptare të Biznesit Dixhital, Marketingut dhe Inovacionit me përmbajtje cilësore të ofruar nga folës nga skena Ndërkombëtare / Rajonale dhe vendase.

Që nga viti 2012, në skenën e AllWeb (Maqedoni & Shqiperi), janë ngjitur më shumë se 100 prezantues, nga kompani ndërkombëtare si:

Google, The Coca-Cola, T-Mobile, McDonald`s, The Drum, Escape Studio, Manifest Social, Executive, GroupPRPepper, Publicis, Rinkya, Grouper, 404 Agency, McCann Erickson, Httpool, Cedevita, NewMoment, PressClipping, Scholz and Friends, Mobius, Inteligencr, TopShop (Studio Moderna) Digitalizuj.me

The post Konferenca ndërkombëtare AllWeb rikthehet në Shqipëri këtë nëntor appeared first on Albeu.com.