Lajmet që qarkullojnë në Itali flasin gjithashtu për një “revolucion” në strukturën drejtuese të klubit kuqezi, ku përveç trajnerit, raportohet se janë larguar edhe figura të rëndësishme të menaxhmentit.

Mes emrave të përmendur janë CEO i klubit Giorgio Furlani, drejtori sportiv Igli Tare, si edhe shefi i skautingut Geoffrey Moncada.

Megjithatë, deri tani nuk ka një konfirmim zyrtar nga klubi për këto zhvillime, ndërsa pritet që orët në vijim të sqarojnë situatën e vërtetë në kampin e Milanit.

The post Milan shkarkon Allegrin, Taren dhe Furlanin pas dështimit për t’u kualifikuar në Champions appeared first on Albeu.com.

“Tani nuk mund të gabojmë më”, – theksoi trajneri Max Allegri pas humbjes së Milanit kundër Atalantës. Kuqezinjve nuk u falet më asnjë gabim, nëse duan të arrijnë objeiktivin minimal, Championsin. Kundër Genoa bën punë vetëm fitorja për të ruajtur vendin e 4-t.

Igli Tare foli për mundësinë e grumbullimit të skuadrës. “Është shumë e rëndësishme të jemi me mendje të ftohtë. Pranojmë kritikat, që janë të drejta, dhe duhet të reagojmë. Ndoshta mund të analizojmë gjithçka me ndonjë ditë grumbullim, duke qenë të gjithë bashkë pak para kohe”, – ka sugjeruar Tare.

Drejtuesi shqiptar i Milanit më tej ka shtuar: “Në ndeshjet e fundit ka munguar tensioni i duhur. Nuk mund të fshihemi, duhet të marrim përgjegjësitë. Fati gjithsesi është në duart tona. Duhet të analizojmë atë që ka ndodhur në 6 javët e fundit”.

Allegri nuk e konfirmoi dhe as e mohoi grumbullimin e ekipit: “Kur të mësojmë kur do të luajmë, do të bëj programin javor. Duhet të përgatitemi mirë për Genoan. Nuk na mbetet gjë tjetër, veçse të fitojmë”. Trajneri nuk u duk “entuziast” për propozimin e Tares, duke gjykuar se grumbullimi në këtë moment do të shtonte presionin mbi lojtarët.

The post Kriza e Milanit/ Igli Tare propozon “izolimin” e skuadrës, Allegri shumë i ftohtë appeared first on Albeu.com.

Dhe në këtë kontekst shumë kompleks dhe të vështirë, po qarkullojnë thashetheme për një ekip të ndarë menaxhimi: nga njëra anë Furlani, Moncada dhe mbërritja e re Ibrahimovic, ndërsa nga ana tjetër Tare dhe Allegri.

Pikëpamjet e të dy palëve kanë ndryshuar thellësisht në muajt e fundit, dhe takimet e fundit kanë qenë përpjekje për t’u bashkuar për të mirën e klubit. Rezultati mbetet për t’u parë në javët në vijim.

Milani e kishte përfunduar gjysmën e parë të sezonit me shpresa për titullin dhe vetëm tre pikë pas Interit. Ky pozicion në renditje ishte rezultat i 24 rezultateve pozitive radhazi, një ngritje përtej të gjitha pritjeve duke marrë parasysh rrënojat nga të cilat Allegri dhe stafi i tij duhej të rindërtoheshin.

Që nga janari, ka ndodhur një rënie e madhe, e mprehtë dhe e papritur (me vetëm 25 pikë në 16 ndeshje), me disa shkaqe të mundshme: sipas trajnerit dhe drejtorit sportiv Tare, ndërhyrja duhej dhe mund të ishte bërë në janar, ndërsa drejtuesit e klubit ia drejtojnë gishtin lojtarëve dhe stafit të trajnerëve, fajtorë për dorëzimin pa konsoliduar pozicionin e tyre.

Perceptimi është ai i mungesës së kënaqësisë së ndërsjellë, pavarësisht përpjekjeve për të zgjidhur çështjet e brendshme në takimet midis Casa Milan dhe Milanellos në javët e fundit. Shumë nga këto takime kanë qenë mjaft të gjata, duke sugjeruar se ka shumë çështje që duhen adresuar.

Allegri ka qenë një zjarrfikës në javët e fundit, duke u përpjekur të shuajë flakët e thashethemeve se ai do të jetë te Real Madridi një javë dhe në stol javën tjetër. Max dëshiron të qëndrojë te Milani, falë një marrëdhënieje shumë të mirë me lojtarët, por në kushtet e duhura dhe me sigurinë se ka drejtuesit e klubit në anën e tij. Vlen të kujtojmë se kontrata e trajnerit të lindur në Livorno, e cila skadon në vitin 2027, përfshin një zgjatje njëvjeçare nëse ai kualifikohet këtë sezon ose sezonin tjetër. E ardhmja e Allegrit mbetet për t’u shkruar, me ose pa Ligën e Kampionëve.

The post E ardhmja e Allegrit dhe Tares te Milani në dyshim me ose pa Champions appeared first on Albeu.com.

Sipas raportimeve, nuk ka asnjë sinjal që Allegri mund të largohet nga pankina për sezonin 2026/27, pavarësisht zërave për pakënaqësi. Përkundrazi, ai ka marrë garanci për të ndërtuar skuadrën sipas ideve të tij.

Prioriteti i parë i Allegrit, mbetet përforcimi i repartit defensiv. Emri kryesor është Mario Gila i Lazio, i cili shihet si lideri i ardhshëm i mbrojtjes kuqezi.

Në mesfushë, trajneri kërkon rikthimin e Nicolò Fagioli, një lojtar që e ka promovuar vetë më parë. Bisedimet me Fiorentinën janë në zhvillim, ndërsa ideja është që ai të kombinohet me eksperiencën e Luka Modrić, i cili pritet të qëndrojë në skuadër.

Megjithatë, kjo mund të sjellë ndryshime në organikë, ku emra si Ardon Jashari, Youssouf Fofana dhe Ruben Loftus-Cheek janë në pikëpyetje.

Një tjetër objektiv madhor për mesfushën është Leon Goretzka i Bayern Munich. Milani raportohet se është përpara konkurrencës dhe ka nisur kontaktet për një kontratë trevjeçare me opsion zgjatjeje.

Në repartin ofensiv priten lëvizje të shumta. Largimi i mundshëm i Christopher Nkunku dhe Santiago Giménez, si dhe mosshfrytëzimi i opsionit për Niclas Füllkrug, do të detyrojnë klubin të ndërhyjë në merkato.

Në të njëjtën kohë, e ardhmja e Rafael Leão mbetet e paqartë, pasi klubi është i hapur për oferta të rëndësishme për të. Ndërsa Christian Pulisic pritet të qëndrojë, drejtuesit synojnë afrimin e një sulmuesi të nivelit të lartë.

Një nga emrat më të përfolur është Gabriel Jesus i Arsenal, i cili po shihet si përforcim ideal për vijën e parë.

The post Allegri takohet me Taren dhe Furlanin, zbulohen objektivat e Milanit për merkaton e verës appeared first on Albeu.com.

Milani tenton të riniset nga Mario Gila. Mbrojtësi spanjoll i Lacios është objektivi i parë i Igli Tares në merkaton e verës. Investimi për blerjen e këtij lojtari është aprovuar edhe nga pronari Gerry Cardinale gjatë një vizite ditët e fundit në Milano.

Cardinale ka dhënë “ok”-in për një merkato, që do të kënaqte trajnerin Allegri, sipas “La Gazzetta dello Sport”. Ai kërkon një afrim me peshë për çdo repart. Gila, 25 vjeç, ka moshën ideale për rinovimin e mbrojtjes dhe njëkohësisht ka mjaft eksperiencë në kampionatin italian dhe në arenën ndërkombëtare.

Trajneri Allegri e vlerëson profilin e spanjollit, ashtu si drejtori sportiv Tare, i cili e transferoi në Itali nga Real Madrid kur ishte te Lacio në 2022-shin. Emër tjetër për mbrojtjen është Kim i Bajernit, por ai ka një pagë shumë të lartë.

Ndryshe është situata e Gila, kontrata e të cilit skadon në 2027-ën. Milani ka gati një ofertë 20-25 milionë euro, bashkë me bonuset. Tani mbetet të shihet se çfarë rezistence do të bëjë Lotito, që nuk i lëshon lehtë lojtarët e tij. Mbrojtësi përfiton 1.1 milionë euro në sezon te Lacio.

Një tjetër emër në listën e Tares është ai i Thomas Kristensen të Udinese.

The post Cardinale aprovon kërkesat e Allegri-t për Milanin e ri, Gila objektivi i parë i Tares appeared first on Albeu.com.

Edhe pse pas ndeshjes si Gravina dhe Gattuso nuk pranuan që të flisnin për të ardhmen, presioni në rritje në orët në vazhdim ka bërë që diçka të ndryshojë.

Kështu Federata Italiane e Futbollit pritet që të për një kohë të caktuar të drejtohet nga një “i komanduar”. Ky i fundit do të drejtojë këtë insititucion deri në momentin që do të mbahen zgjedhjet e zakonshme. Ministri i Sportit italian, Andrea Abodi ka thënë se reforma duhet të jetë më e thellë nëse Gravina do të dorëhiqet. Për këtë motiv mendohet se “i komanduari” mund të jetë një figurë si Paolo Maldini.

Me ndryshimin në kreun Federatës Italiane të Futbollit i pashmangshëm do të jetë edhe ndryshimi në stolin e kombëtares. Gattuso është thuajse jashtë projektit dhe për ta zëvendësuar kandidatura të forta janë dy: Antonio Conte dhe Max Allegri.

The post Italia bëhet gati për të ardhmen, Gravina i lë vendin Maldini-t, Gattuso-n e zëvendëson njëri mes Conte-s dhe Allegri-t appeared first on Albeu.com.

Ky i fundit u ndëshkua me të kuq në mënyrë të gabuar për faj të një gjesti antisportiv të Fabregas, i cili ndali Salemakers duke e kapur nga fanella kur po kalonte para pankinës së tij. Kjo bëri që të kishte një përplasje mes dy pankinave para se Alegri të largohej nga fusha pasi gjyqtari e cilësoi atë fajtor për sherrin.

SHIH VIDEON

Por situata është përshkallëzuar edhe pas sfidës. Alegri dhe Fabregas janë shkëmbyer para hyrjes së sallës së konferencave ku duhej të flitnin për gazetarët dhe në ato momente trajneri i Milanit nuk është përmbajtur ndaj teknikut të Komos.

“Je një fëmijë, je një b*le. Je një fëmijë që ka filluar pardje të bëjë trajnerin”, është dëgjuar ulërima e Alegrit para se punonjësit e stadiumit të mbyllnin derën që gazetarët të mos shihnin çfarë po ndodhte. Por raportohet se edhe Fabregas i është kthyer me të shara dhe ka pasur momente tensioni në korridoret e stadiumit me stafet e skuadrave që kanë ndërhyrë për t’i ndarë. /panorama

The post VIDEO/ Sherri në fushë vazhdoi edhe pas ndeshjes, Alegri i vërsulet Fabregasit: Je një fëmijë dhe b*le që ka filluar të bëjë pardje trajnerin appeared first on Albeu.com.

Allegri dhe pjesa tjetër e stafit drejtues vijojnë të insistojnë se objektivi i klubit mbetet prezenca në Champions League, por shifrat e vendosin Milan në garë me kohë të plotë për titullin kampion, fundja janë vetëm 2 pikë larg Romës kryesuese.

Të paangazhuar në turnet evropian, Milan është i fokusuar totalisht në Serie A, ky është një bonus shumë i madh, por Allegrin nuk po e lënë të qetë dëmtimet e shumta.

Edhe përballë Lazio-s, tekniku kuqezi duhet të bëjë llogaritë me dy shqetësime të lehta, mbeten për tu vlerësuar gjendja e Saelemaekers dhe Cristian Pulisic.

Të dy lojtarët kanë shfaqur disa shqetësime fizike duke humbur pjesën më të madhe të stërvitjes në grup. Belgu ka një problem në shpinë, ndërsa sulmuesi amerikan ka një lodhje muskulore, për me shumë mundësi të dy do të jenë në fushë kundër Lazio-s.

Gjendja e dy lojtarëve ndez edhe një herë alarmin në Milano, tregon qartë se Allegri ka një grup të limituar dhe nëse realisht do të synojnë titullin, në janar Igli Tare duhet të vihet në lëvizje për të zgjeruar grupin, mbase me nga një përforcim cilësorë në çdo repart. Emergjente mbetet faza ofensive ku Gimenez vijon të ketë shqetësime në kavilje, ndërsa Nkunku nuk është një opsion që ofron garanci.

The post Suksesi në derbi vjen me kosto, dy titullarë shqetësojnë Allegri-n appeared first on Albeu.com.

“AC Milan njofton se i ka besuar menaxhimin teknik të ekipit të parë të meshkujve Massimiliano Allegrit.

I lindur në Livorno më 11 gusht 1967, Massimiliano Allegri, pasi luajti në Serie A me Pisa, Pescara, Cagliari, Perugia dhe Napoli, e filloi karrierën e tij si trajner në vitin 2002. Ai u ul në stolat e Aglianese, SPAL, Grosseto dhe Sassuolo, përpara se të thirrej nga Cagliari në vitin 2008, skuadër me të cilën bëri debutimin në Serie A. Në vitin 2010 ai mbërriti te Milani, me të cilin fitoi menjëherë titullin e 18-të në historinë e kuqezinjve dhe Superkupën e Italisë 2011. Nga viti 2014 në 2019 fillimisht dhe nga viti 2021 deri në 2024 më pas, ai u ul në stolin e Juventusit me të cilin fitoi 5 tituj kampionë në Itali, 5 Kupa Italie dhe 2 Superkupa Italie.

Klubi i uron fatin më të mirë Massimilianos dhe bashkëpunëtorëve të tij”, shkruhet në njoftimin e klubit kuqezi.

The post Massimiliano Allegri është trajneri i ri i Milanit appeared first on Albeu.com.

“Profeti i Fusignanos” nuk kurseu asnjë kritikë ndaj Allegrit, duke nënvizuar se si tendenca për t’u fokusuar në rezultate nuk shkon mirë me ADN-në e Milanit, ku shpesh herë i është dhënë një peshë “lojës së bukur”.

“Kam respekt të madh për Allegrin dhe punën e tij. Ai është një trajner që ka bërë gjithmonë detyrën e tij kudo që ka shkuar. Më duhet të pranoj se më pëlqen një lloj futbolli ndryshe nga ai i tij. Nuk ka asgjë të keqe me këtë, është çështje shije – shpjegoi Sacchi për La Gazzetta dello Sport -. Dua të them një gjë shumë qartë, sepse në të kaluarën ka pasur shumë keqkuptime: Nuk kam asgjë kundër Allegrit, thjesht më ka ndodhur në sezonet e mëparshme të kritikoj futbollin e tij dhe ekipet e tij. Kjo është e gjitha, asgjë personale.

Allegri është një trajner që ka ndjekur në mënyrë perfekte gjurmët e historisë së futbollit italian, bazuar në mbrojtjen, kundërsulmet dhe lojtarët e nivelit të lartë. Këto janë idetë e tij dhe me këto ide ai ka arritur suksese të rëndësishme.

Ai është shumë i mirë në Itali. Nëse ai me të vërtetë do të ulet në pankinën e kuqezinjve, shpresoj se ai mund ta kthejë ekipin tim të preferuar në krye. Nëse i jep edhe stil kuqezinjve, pra nëse i lë të ushtrojnë një futboll më modern dhe më europian, do të jem edhe më i lumtur”, ka thënë mes të tjerash Sacchi.

The post Sacchi kundër rikthimit të Allegrit te Milani: I zoti në Itali, por zhgënjen në Europë appeared first on Albeu.com.