Manchester City ka bërë zyrtarizimin e transferimit të Allan Eliasit nga Palmeiras. Anësori brazilian, 22 vjeç, ka nënshkruar një marrëveshje pesëvjeçare me kampionët e Anglisë.

Kalimi i Eliasit përfaqëson përforcimin e gjashtë të klubit anglez në merkaton e verës, ndërsa për kartonin e tij Manchester City ka paguar rreth 40 milionë euro.

Hugo Viana, drejtor i Manchester Cityt, ka vlerësuar lart cilësitë dhe potencialin e futbollistit brazilian.

“Allan është një lojtar vërtet emocionues dhe besojmë se do të jetë një përforcim i madh për skuadrën. Ai ka treguar gjatë karrierës së tij të shkurtër se është i gatshëm të punojë fort për t’u bërë versioni më i mirë i vetes”, deklaroi Viana.

Elias ka lindur në Florianopolis dhe e ka nisur formimin te akademia e Sao Paulos. Më pas ai vijoi zhvillimin te Palmeiras, ku regjistroi 96 paraqitje me ekipin e parë.

Pas zyrtarizimit, lojtari nuk e fshehu entuziazmin për transferimin në Premier League.

“Ky është një moment surreal për mua. Manchester City, me gjithçka që ka fituar gjatë 15 viteve të fundit, është një nga klubet më tërheqëse në botë për futbollistët. Të jem këtu sot dhe të them se jam bërë pjesë e tyre është momenti më krenar i jetës sime”, u shpreh Elias.

Braziliani nënvizoi se ruan një lidhje të fortë me Palmeirasin, megjithatë tha se zgjedhja për t’iu bashkuar Manchester Cityt ishte e qartë.

“E dua Palmeirasin dhe gjithmonë do ta dua, por vendimi për të ardhur te City ishte i lehtë”, shtoi ai.

Allan Elias synon të ndjekë shembullin e bashkëkombësve Gabriel Jesus, Ederson dhe Fernandinho, të cilët kanë fituar trofe të Ligës Premier me Manchester Cityn.

Me këtë afrim, klubi anglez vijon strategjinë e investimit te lojtarët e rinj, ndërsa 22-vjeçari shihet si një alternativë e rëndësishme për repartin ofensiv në sezonet e ardhshme.

Përpara Eliasit, gjatë kësaj vere në “Etihad” janë transferuar edhe Elliot Anderson, Geronimo Rulli, Ayyoub Bouaddi, Jeremy Monga dhe Pierce Charles.

The post Manchester City siguron shërbimet e brazilianit Allan Elias nga Palmeiras appeared first on Albeu.com.

Allan Elias pritet të udhëtojë të enjten drejt Anglisë për të përmbyllur transferimin e tij nga Palmeiras te Manchester City, në një marrëveshje me vlerë 40 milionë euro.

Sipas Fabrizio Romanos, anësori 22-vjeçar do të zhvillojë sot takimin e lamtumirës me lojtarët dhe stafin e Palmeirasit, përpara nisjes së tij. Transferimi do të marrë formë përfundimtare pas mbërritjes së brazilianit në Angli.

Futbollisti, i cili aktivizohet në krahun e djathtë dhe preferon të luajë me këmbën e majtë, është formuar te akademia e Palmeirasit. Me ekipin brazilian ai ka regjistruar 96 paraqitje, duke shënuar nëntë gola dhe duke dhënë 12 asistime, ndërsa ka qenë pjesë e skuadrës që fitoi titujt e Campeonato Paulista.

Shkathtësia e tij në repartin ofensiv pritet t’i shtojë alternativat Manchester Cityt, teksa klubi po vijon ristrukturimin e skuadrës nën drejtimin e ri.

Pak ditë më parë, City finalizoi edhe largimin e Savinhos, i cili u transferua te Tottenham Hotspur për 100 milionë euro.

The post Manchester City siguron shërbimet e talentit brazilian Allan Elias appeared first on Albeu.com.

Manchester City po avancon drejt një marrëveshjeje me Palmeiras për transferimin e sulmuesit anësor brazilian, Allan Elias, pasi 22-vjeçari ka rënë dakord tashmë për kushtet personale.

Sipas gazetarit Santi Aouna, negociatat mes dy klubeve janë përqendruar te tarifa e transferimit. City synon ta mbyllë sa më shpejt këtë operacion, veçanërisht nëse Savinho realizon kalimin te Tottenham Hotspur, siç është raportuar.

Interesi i Manchester Cityt për Elias është rritur pas paraqitjeve të tij bindëse me Palmeiras, skuadër që drejtohet nga trajneri Abel Ferreira.

Gjatë këtij viti, braziliani ka realizuar gjashtë gola në të gjitha kompeticionet dhe ka kontribuar në suksesin e Palmeiras në Kupën Paulista A1, si edhe në pozicionin e parë që klubi mban në Kampionatin Brasileiro Serie A.

Kontrata e Elias përmban një klauzolë lirimi prej 100 milionë eurosh, por klubi anglez po punon për të negociuar një shifër shumë më të ulët.

Palmeiras dhe Manchester City po shqyrtojnë një marrëveshje kompromisi, e cila mund ta çojë vlerën e transferimit në rreth 40 milionë euro.

Elias dëshiron fuqishëm të transferohet në Ligën Premier dhe, sipas raportimeve, i ka përcaktuar tashmë kushtet personale me Manchester Cityn.

Hapi i radhës për klubin anglez është finalizimi i marrëveshjes me Palmeiras, ndërsa bisedimet mes palëve thuhet se kanë hyrë në fazën vendimtare.

Nëse Savinho largohet drejt Tottenhamit, transferimi i mundshëm i Elias do t’i jepte Manchester Cityt zëvendësuesin e drejtpërdrejtë të brazilianit.

The post Manchester City pranë marrëveshjes për transferimin e sulmuesit brazilian Allan Elias appeared first on Albeu.com.