“Kjo është një vrasje e dytë. Drejtësia në Shqipëri qoftë kjo që është. E zvarritën 33 muaj dhe arritën në këtë përfundim sot. Pse e lanë që të zgjatej kaq sa të shkeleshin afatet. Ç’kanë bërë këta. Këtu ka korrupsion të madh. Kush do t’i shihte kriminelët në mes të pyllit? Ka probleme të tjera që i di unë dhe janë të gjitha në dosje.

Nëse gjykata nuk zbaton ligjin do të ketë vetëgjyqësi pastaj. E di unë se çdo të bëj pastaj. Mbase marrim vendim tjetër ne. Fillimisht do t’ia lë gjykatës. Por nëse nuk ka drejtësi unë do marr hakun e djalit. Ma vranë kriminelët djalin e vetëm. Edhe unë gjej armë, njerëz kam sa të duash. Këta duan të kërcasë automatiku si batalion”, ka thënë Gjolek Muhaj.

Ditën e djeshme, Gjykata e Apelit Gjirokastër liroi nga burgu babë e bir, Et’hem dhe Dino Muhaj, të arrestuar në vitin 2018 për vrasjen në atë kohë të Alket Muhajt. Gjykata vendosi që të lirojë dy të akuzuarit, me argumentin se nuk ka prova të mjaftueshme për përfshirjen e tyre në këtë ngjarje.

Et’hem dhe Dino Muhaj u vunë në pranga që në vitin 2018, pas vrasjes së 43-vjeçarit. Alket Muhaj u gjet i vrarë me plumb në kokë në fshatin Rabije. Dyshimet kryesore ishin se Alket Muhaj u vra për shkak të konflikteve të përsëritura me motive pronësie. /report tv

The post Gjykata liroi të akuzuarit për vrasje, deklarata e fortë e babait të Alket Muhajt: Do marr gjakun! appeared first on Albeu.com.

Babë e bir janë lënë në arrest shtëpie ditën e sotme duke dalë nga paraburgumi i deritanishëm 2.5 vjeçar, pas arrestimit më 8 shtator të 2018-ës.

Sot në Gjykatën e Apelit u shqyrtua kërkesa e avokatit të të pandehurve ,Tahir Novi, me arsyetimin e humbjes së fuqisë së paraburgimit pasi Gjykata e Faktit zvarriti në këtë periudhë 2.5 vjecare proceset gjyqësore duke mos dhënë një vendim përfundimtar, çka bëri që të tejkaloheshin afatet ligjore.

Gjykata e Apelit në Gjirokastër, sot konstatoi se pretendimi i palës mbrojtëse ishte i bazauar ne ligj. Procesi gjyqësor në Gjykaten e Faktit zgjati 2.5 vjet dhe për këtë shkak dy personat e akuzuar duhet të mos qëndronin më në paraburgim.

Kujtojmë se dyshimet kryesore pas vrasjes së Alket Muhajt në vitin 2018, ranë mbi babë e bir për shkak të konflikteve të mëparshme që ata kishin patur me viktimën për motive pronësie.

Një tjetër pistë mbi vrasjen e Alket Muhajt ishte edhe ajo e dekonspirimit. Dyshohet se trafikantë që mbillnin kanabis në zonë dyshonin se Muhaj informonte policinë mbi parcelat e drogës që mbilleshin në zone.

The post Të akuzuar për vrasjen e Alket Muhajt rreth tre vite më parë, babë e bir lihen të lirë appeared first on Albeu.com.