NJOFTIMI I SPAK

Prokuroria e Posaçme kundër Korrupsionit dhe Krimit të Organizuar krahas ushtrimit të ndjekjes penale është kujdesur që të ketë në vëmendje të punës së saj edhe identifikimin, sekuestrimin dhe konfiskimin e pasurive të cilat dyshohen se rrjedhin nga krimi.

Në zbatim të Aktit Normativ Nr.1, datë 31.01.2020 “Për masat parandaluese në kuadër të luftës kundër terrorizimit, krimit të organizuar, krimeve të rënda dhe konsolidimit të rendit e sigurisë publike”, Prokuroria e Posaçme i është drejtuar Gjykatës së Posaçme të Shkallës së Parë për Korrupsionin dhe Krimin e Organizuar me kërkesën për konfiskimin e pasurive të subjektit Alket Hatija (dhe personave të lidhur me të) i deklaruar fajtor  me vendimin nr. 10, datë 26.03.2010, të ish Gjykatës së Shkallës së Parë për Krime të Rënda,  për kryerjen e veprës penale “Trafikim i narkotikëve”, kryer në bashkëpunim, më shumë se një herë, parashikuar nga neni 283/a/2 i Kodit Penal (ky vendim është lënë në fuqi me vendimin nr.966, datë 08.11.2010, të ish Gjykatës së Apelit për Krime të Rënda, Tiranë.

Me kërkesë të Prokurorisë së Posaçme, Gjykata e Posaçme e Shkallës së Parë për Korrupsionin dhe Krimin e Organizuar me vendimin nr.24, datë 31.10.2023, ndërmjet të tjerave ka vendosur konfiskimin dhe kalimin në favor të shtetit të pasurive si më poshtë:

Pasurinë e paluajtshme e llojit “truall”, me sipërfaqe 495 m2, me adresë Lagjia “Plazh”, Durrës, në pronësi të shtetasit Alket Hatija.

Pasurinë e paluajtshme e llojit “truall”, me sipërfaqe 320 m2, me adresë Lagjia “Plazh”, Durrës, në pronësi të shtetasit Alket Hatija;

Pasurinë e paluajtshme e llojit “garazh”, me sipërfaqe 14.74 m2, me adresë Lagjia Nr.13, Plazh, Durrës, në pronësi të personit të lidhur M. H.

Pasurinë e paluajtshme e llojit apartament, me sipërfaqe 118 m2, me adresë Lagjia nr.1, Rruga “Taulantia”, Durrës, në pronësi të personit të lidhur F.H.

Pasurinë e paluajtshme e llojit “apartament”, me sipërfaqe totale 65 m2, me adresë Kryemëdhenj, Kavajë, në pronësi të shtetasit F. H.;

Automjetin tip autoveturë i markës BMW, prodhim i vitit 2003;

49% të kuotave të subjektit “Aquila Marble” sh.p.k., që i përkasin personit të lidhur M.H.;

Kundër vendimit të Gjykatës së Posaçme të Shkallës së Parë për Korrupsionin dhe Krimin e Organizuar kanë ushtruar ankim subjekti Alket Hatija e personat e lidhur me të dhe Gjykata e Posaçme e Apelit Për Korrupsionin dhe Krimin e Organizuar me vendimin nr.137 datë 05.07.2024 ka vendosur:

Lënien në fuqi të vendimit nr.24, datë 31.10.2023, të Gjykatës së Posaçme të Shkallës së Parë për Korrupsionin dhe Krimin e Organizuar.

Kush është Alket Hatija?

Më 8 shtator të vitit të kaluar do të ekstradohej në Itali shtetasi shqiptar Alket Hatija, i cili u arrestua në Durrës më 30 gusht 2023.

E që prej asaj dite Hatija i ëhstë nënshtruar dënimit me 20 vite burg të dhënë nga drejtësia italiane më 2017-ën.

Për autoritetet e këtij vendi ai njihet si “Zotëria i Drogës” e drejtues i një organizate trafiku kokaine e heroine.

Një vendim i shkallës së parë të Gjykatës së Durrësit pengoi më 2017-ën ekstradimin e tij në Itali me motivin se për të njëjta akuza ai e kishte kryer dënimin në Shqipëri.

Më pas më 2021-in, Gjykata e Apelit në Shqipëri hodhi poshtë këtë vendim dhe autorizoi ekstradimin e tij drejt Italisë.

Por prej shtatorit 2021, Alket Hatija humbi gjurmët, u shpall në kërkim e derisa u arrestua nga Policia shqiptare dy vite më pas.

The post LISTA/ SPAK firmos sekuestrimin e pasurive të “Zotërisë së Drogës”, Alket Hatija appeared first on Albeu.com.

Ai i është drejtuar me një e-mail ministrit të drejtësisë ku i kërkon sqarim pse ka vuajtur 16 vite burg në Shqipëri, ndërkohë që vendimet e gjyqtarëve shqiptarë nuk njihen në Itali.

Sipas “Zotit të drogës” ky është një turp i drejtësisë shqiptare, ndërsa ai vetë ka qenë kurbani.

“Jam dënuar për një çështje që bën marrëveshje Itali-Shqipëri, që ka ndodhur në vitin 2003-2004 dhe drejtësia shqiptare më dënoi me 16 vjet për këtë çështje, që vuajta me vendim gjykate. Tani më thoni nuk të kemi dënuar mirë, do të të dënojë Italia për këtë çështje. Ky është një turp i drejtësisë shqiptare. Vetëm një gjë dua të di; pse drejtësia shqiptare më mbajti 16 vjet në burg për këtë çështje kur vendimet e gjykatësve shqiptarë nuk njihen nga drejtësia italiane? Pse nuk më ekstradoi në Itali në vitin 2008 kur më arrestoi për këtë çështje? Të lutem, jam mbajt peng 16 vjet nga drejtësia shqiptare për këtë çështje. Nuk i kam borxh as drejtësisë shqiptare dhe as drejtësisë italiane. Jam dënuar sipas marrëveshjes së dy drejtësive, është çmenduri”, thuhet në reagimin e Hatijës./albeu.com

The post Manja i firmosi ekstradimin drejt Italisë, reagon “Zoti i drogës”: Turp i drejtësisë shqiptare appeared first on Albeu.com.

Ai kërkohej në kuadër të një dënimi në mungesë me 20 vjet burg në Milano.

Hatija është arrestuar në vitin 2017 për llogari të drejtësisë italiane. Ai kërkohej në kuadër të një dënimi në mungesë me 20 vjet burg në Milano.

Dënimi për të u dha pasi akuzohet për transportimin në Milano, në vitet 2003-2004 të 350 kilogramëve heroinë dhe 190 kilogram kokainë, ngarkesa këto me vlerë 35 deri në 45 milion euro.

Sipas autoriteteve italiane, Alket Hatija është një nga bosët më të mëdhenj të trafikut të drogës nga Shqipëria drejt Italisë./albeu.com

The post Njihet si “Zoti i drogës”, ministri i Drejtësisë firmos ekstradimin drejt Italisë për Alket Hatijën appeared first on Albeu.com.