Shqipëria u përfaqësua nga Alis me këngën “Nan”, një performancë që mori vlerësime pozitive nga publiku europian dhe juritë profesionale.

Sipas renditjes finale, Shqipëria u pozicionua pas Polonisë dhe para Norvegjisë, duke siguruar një rezultat të konsiderueshëm mes 25 vendeve finaliste.

Renditja e Top 5 në Eurovision 2026

Bullgaria – 516 pikë

Izraeli – 343 pikë

Rumania – 296 pikë

Australia – 287 pikë

Italia – 281 pikë

Pikët për Shqipërinë

Pikët maksimale për Shqipërinë erdhën nga Portugalia, e cila i dha vendit tonë 12 pikë, ndërsa Mali i Zi e vlerësoi me 10 pikë. Greqia e vlerësoi me vetëm 1 pikë, ndërsa Italia asnjë. Kroacia dhe Qipro dhanë nga 8 pikë, Malta dhe Azerbajxhani nga 6 pikë, dhe San Marino 5 pikë. 1 dha Izraeli dhe 3 Belgjika.

Portugalia- 12 pikë

Mali i Zi- 10 pikë

Kroacia- 8 pikë

Qipro- 8 pikë

Malta- 6 pikë

Azerbajxhani- 6 pikë

San Marino- 5 pikë

Belgjika- 3 pikë

Izraeli- 1 pikë

Greqia- 1 pikë

The post Eurovision 2026/ Shqipëria u rendit e 13-ta me këngën “Nan” nga Alis, shteti që na vlerësoi me pikët maksimale! Si u ndanë votat appeared first on Albeu.com.

Këngëtari nga Shkodra, Alis Kallaçi,performoi edhe njëherë në Vjenë këngën “Nan”, kësaj radhe në skenën e finales së madhe. Po ashtu edhe këtë herë pjesë e magjisë skenike ishte aktorja Rajmonda Bulku.

Rikujtojmë se performanca e tij në gjysmëfinale ishte spektakolare, duke kombinuar energji, emocion dhe një prezantim unik skenik. Një element i veçantë ishte prania në skenë e aktores Rajmonda Bulku, e cila solli një dimension artistik dhe simbolik, duke nënvizuar mesazhin emocional të këngës për figurën e nënës shqiptare.

Performanca e Alis u shoqërua me flamurin kuqezi dhe një atmosferë elektrizuese, duke krijuar një moment krenarie për të gjithë shqiptarët që ndjekin Eurovision-in, ndërsa ekspertët e cilësuan Alis si një nga artistët me vokalin më të lartë këtë edicion.

Në finale, Alis do të performojë i pesti dhe të gjithë shqiptarët që jetojnë jashtë mund ta votojnë me kodin 05.

The post Alis drithëron sërish skenën me këngën “Nan”, artisti shqiptar dhuron performancën emocionuese në finalen e “Eurovision 2026” appeared first on Albeu.com.

Përmes një postimi në Instagram, artisti ka shprehur mirënjohjen për të gjithë ata që e kanë dëgjuar dhe mbështetur këngën që nga publikimi i saj.

“Televotimi hapet sonte në 21:00! Jam pafundësisht mirënjohës që po e dëgjoni “Nân” dhe po i dhuroni kaq shumë dashuri!

Në imazhe gjeni kodet për çdo shtet. Kur të hapet votimi, mund të mbështesni Shqipërinë duke votuar 05.

Nëse nuk e shihni shtetin ku ndodheni në fotot sipër, mund të votoni që tani online nga kudo në botë në esc.vote

Faleminderit që e keni bërë “Nân” tuajën”, shkruan artisti.

The post Pak orë na ndajnë nga finalja e madhe e Eurovisionit, Alis Kallaçi u bën thirrje shqiptarëve për të votuar: Jam pafundësisht mirënjohës appeared first on Albeu.com.

“Nân” elektrizon skenën

Alis dhuroi një performancë të shkëlqyer që tërhoqi menjëherë vëmendjen e sallës dhe miliona shikuesve në mbarë Evropën. Me një interpretim plot siguri dhe energji, ai arriti të krijojë një nga momentet më të bukura të mbrëmjes.

Kënga u shoqërua me një performancë skenike moderne dhe efekte vizuale mbresëlënëse. Duartrokitjet e gjata dhe brohoritjet në fund të interpretimit treguan qartë entuziazmin e publikut. Ky triumf vjen pas një jave ku kënga “Nân” dhe vokali i Alis u vlerësuan gjerësisht nga mediat ndërkombëtare si një nga interpretimet më të forta dhe vokalisht më të përsosura të këtij edicioni.

Krenaria e Flamurit

Mes dritave verbuese dhe atmosferës elektrizuese të Vjenës, një simbol mori vëmendje të veçantë: Flamuri Kuqezi. Gjatë gjysmëfinales së dytë, ngjyrat e Shqipërisë u valëvitën me krenari të ligjshme.

Në zemër të “Dhomës së Gjelbër” (Green Room), aty ku rrahjet e zemrës shtoheshin për çdo delegacion në pritje të rezultateve, si dhe në arenën e spektatorëve, prania e flamurit shqiptar krijoi një emocion të papërshkrueshëm. Valëvitja e tij shërbeu si një mesazh i qartë i pranisë së fortë të kulturës dhe pasionit shqiptar në këtë jubile të 70-të të festivalit evropian, duke dëshmuar sërish se mbetet një element i pandashëm i identitetit tonë në skenat ndërkombëtare.

10 shtetet e kualifikuara

Në përfundim të televotimit dhe vlerësimit të jurive, Shqipëria u shpall mes 10 shteteve që kalojnë në Finalen e Madhe. Ata do t’u bashkohen 10 shteteve të kualifikuara nga nata e parë dhe vendeve të “Big 5” (+ shteti mikpritës).

Më poshtë është lista e plotë e 10 shteteve që u kualifikuan nga gjysmëfinalja e dytë:

Shqipëria – Alis – Nân

Australia – Delta Goodrem – Eclipse

Bullgaria – Dara – Bangaranga

Çekia – Daniel Zizka – CROSSROADS

Danimarka – Søren Torpegaard Lund – Før vi går hjem

Malta – AIDAN – Bella

Norvegjia – JONAS LOVV – YA YA YA

Qipro – Antigoni – Jalla

Rumania – Alexandra Căpitănescu – Choke me

Ukraina – LELÉKA – Ridnym

Tashmë sytë dhe zemrat janë drejtuar te e shtuna, ku Alis do të ngjitet sërish në skenë me shpresën, pse jo, për të sjellë trofeun e madh në Tiranë.

The post VIDEO/ Triumf kuqezi në Vjenë, Alis kualifikon Shqipërinë në Finalen e Madhe të Eurovizion 2026 appeared first on Albeu.com.

Shqipëria u përfaqësua nga Alis Kallaci, i cili tërhoqi vëmendjen e mediave dhe publikut me paraqitjen e tij në eventin madhështor që po zhvillohet në Vjenë të Austrisë.

Artisti shqiptar u prit ngrohtësisht nga publiku dhe mediat e huaja, ndërsa gjatë intervistave foli për këngën “Nan”, një krijim me ngarkesë emocionale dhe elementë të fortë tradicionalë shqiptarë të ndërthurur me tinguj modernë.

Përfaqësimi i Shqipërisë në Eurovision këtë vit vjen pas triumfit të Alis në Festivalin e Këngës në RTSH, ku ai siguroi biletën drejt skenës më të madhe europiane të muzikës me këngën fituese “Nan”. Vetë artisti ishte shprehur pas fitores: “Do bëj maksimumin tim në Eurovizion. Do jap shpirtin”.

Kënga “Nan” është pritur pozitivisht si nga publiku shqiptar ashtu edhe nga fansat ndërkombëtarë të Eurovision-it, duke u konsideruar si një nga prurjet më autentike të këtij edicioni jubilar të 70-vjetorit të festivalit.

Në këtë edicion marrin pjesë 35 shtete, ndërsa Eurovision 2026 po zhvillohet në Vjenë të Austrisë, ku organizatorët kanë premtuar një spektakël të madh muzikor dhe një garë të fortë artistike.

Shqipëria synon finalen e madhe me performancën e Alis, e cila pritet të kombinojë traditën shqiptare me frymën moderne të skenës europiane.

The post Eurovision 2026 çel siparin me paradën e 35 shteteve, Alis tërheq vëmendjen në ceremoninë madhështore në Vjenë appeared first on Albeu.com.

Në Post Fest 64, ai ndau emocionet e fitores, duke e cilësuar si realizimin e një ëndrre të madhe.
“Jam njeriu më i lumtur në botë dhe nuk më besohet akoma. Më është bërë ëndrra realitet dhe qershia mbi tortë ishte përqafimi i publikut që nuk e prisja të ishte në këtë masë. E prisja të më shtynte për mirë, të ishte ai suporti i përhershëm që kam pas, por jo në këtë formë. Ishte një surprizë dhe kam mbetur pa fjalë,” tha Alis.

Në vendin e dytë u rendit Inis Neziri me këngën “Ta kam fal”, ndjekur nga Sheila me “Zemra e tokës” në vendin e tretë.

Në vendin e katërt u pozicionua dueti i Fifit dhe Tiri Gjocit, “Rri”, dhe top 5-shja u plotësua me “Kur fjala mbaron” nga Vedat Ademi.

Eurovision Song Contest 2026 do të zhillohet në Vjenë, Austri, pas fitores së JJ me këngën “Wasted Love” vitin e kaluar. Konkursi do të mbahet më datat 12, 14 dhe 16 maj.

The post Alis flet pas fitores në Fest 64: Ende nuk më besohet appeared first on Albeu.com.

Ky sukses i siguron artistit të drejtën për të përfaqësuar Shqipërinë në Eurovision 2026, që do të zhvillohet në Vjenë, Austri.

Performanca e Alis u veçua për potencën vokale të jashtëzakonshme, interpretimin unik dhe një mesazh universal për dashurinë, duke e bërë këngën “Nân” të prekë publikun në mënyrë të veçantë.

Emocioni dhe energjia që Alis transmetoi në skenë krijuan një moment të paharrueshëm të natës finale, i shoqëruar me ovacione dhe duartrokitje të gjata.

Alis grumbulloi 152 pikë nga kombinimi i votave të publikut dhe pikëve të jurisë.

Në vendin e dytë u rendit Inis Neziri me 102 pikë, ndërsa Sheila u pozicionua në vendin e tretë me 93 pikë.

The post Alis me “Nan” triumfon në Festivalin e Këngës, artisti shkodran do të përfaqësojë Shqipërinë në Eurovision (VIDEO) appeared first on Albeu.com.

Kënga me titullin ‘Se të dua’, shkruar dhe kompozuar nga Petro Xhori, është një këngë e cila nuk lodhesh duke e dëgjuar dhe padiskutim do të jetë një nga hitet e kësaj vere.

Të shumta kanë qenë vlerësimet dhe komentet pozitive jo vetëm nga dashamirësit e këngëtarëve, por edhe nga miqtë dhe kolegët e tyre.

The post ‘Se të dua!’ Premton të kthehet në hitin e kësaj vere! Arilena Ara sjell bashkëpunimin e parë me fituesin e ‘X Factor 5’ appeared first on Albeu.com.