Në një intervistë për emisionin ‘Breaking’ Top News, kur u pyet për një kandidim të mundshëm për Bashkinë e Tiranës, ai nuk e përjashtoi këtë mundësi, duke theksuar se procesi varet nga mënyra se si do të organizohen garat brenda Partisë Demokratike.

Alimehmeti i ka qëndruar objektivit të tij, që siç u shpreh dhe ai nuk ndryshon dhe është po i njëjti.

“Unë kam qenë gjithmonë i qartë në synimet e mia, në objektivat e mia. Gara ku jam futur unë nuk ka qenë kurrë garë partiake, por elektorale. Unë jam futur në garë kundër kundërshtarit politik, pra Partisë Socialiste. Brenda garave të brendshme nuk kam hyrë ndonjëherë.

Ndërkohë që nëse nuk ka primare, pastaj duhet parë se si kjo funksionon. Do të jetë propozim i kryesisë së vogël apo i kryetarit; sidomos për Tiranën do të jetë një vendim shumë politik, jo kaq i thjeshtë. Unë objektivin tim e kam pasur gjithmonë, nuk lëviz, jam po i njëjti”, u shpreh Alimehmeti.

Ndërkohë pak ditë më parë Berisha u tërhoq për kandidaturën e Florian Binajt duke u shprehur se do të vendosë opozita për kandidaturën e saj, jo kandidat i pavarur.

Kryedemokrati tha se përgatitjet kanë nisur dhe se kandidatët do të prezantohen shumë muaj përpara zgjedhjeve lokale 2027.

“Opozita ka filluar punën dhe së shpejti përfundon procesin e analizës dhe zgjedhjeve brenda partisë. Ndërkohë që po mendohet, po punohet edhe për zgjedhjet lokale. Pra nuk do jenë dy muaj përpara, ju siguroj do të jenë shumë më herët se zgjedhjet e fundit dhe ne do të bëjmë gjithçka për kandidaturat më të mira”, tha Berisha disa ditë më parë.

The post Alimehmeti lë të hapur mundësinë e kandidimit në Tiranë: Varet nga gara e appeared first on Albeu.com.

“Kryetari patjetër që është organi më i rëndësishëm ndoshta i Partisë Demokratike. Partia në vetvete vendoset dhe fillon nga data 6 qershor sepse Kuvendi cakton Këshillin. Këshilli pastaj cakton Kryesinë, nënkryetarët, sekretariatet, të gjithë pjesën organizative. Unë s’e di të ketë kandidatura që deri sot të jenë shpallur, të kenë shpallur ambicie, të kenë shpallur një vizion, një platformë përveç asaj të doktor Sali Berishës. S’di të ketë tjetër. Nëqoftëse ka tjetër, do ta presim të na shfaqet.

Kuvendi është në datë 6 qershor, aty zgjidhet Këshilli Kombëtar dhe nga ky moment të gjitha instancat e kupolës së Partisë Demokratike zgjidhen nga Këshilli Kombëtar. Bazuar mbi statutin, është anticipuar se do të ketë dhe disa ndryshime statutore. Nuk e dimë cilat ndryshime janë ato. Është diskutuar që ka një grup pune për t’i parë këto ndryshime të mundshme të statutit.

Do t’i presim se cilat janë, sepse sot jemi deri në këtë njoftim. Doja data të tjera, më herët. Vera vështirëson punën politike. Por, datat janë të caktuara. Vendimet statutore, nëse do ketë, do presim të shohim se kush do propozohet nga grupi i punës. Vetëm grupi i punës di që ka dalë. Jo se çfarë vendimesh do marrin ata”, tha Alimehmeti.

The post Alimehmeti për zgjedhjet në PD: Nuk ka kandidaturë tjetër deri sot përveç doktor Berishës! Nëse ka, do ta presim të na shfaqet appeared first on Albeu.com.

Alimehmeti tha se qeveria po ndjek politika që çojnë në shpopullimin e vendit dhe për këtë, përgjegjës është kryeministri Edi Rama.

“Është fakt që 1.6 milionë janë jashtë Shqipërisë. Është fakt që një në pesë persona po mendon largimin, dhe kjo është falë politikave që ndjek Rilindja me Edi Ramën. Politika që bazohen në shpopullim dhe në abuzim me paratë publike. Kujdes, këto abuzime që janë, nuk janë thjesht në lekë, por kanë pasoja kolosale. Çojnë në shkolla pa fëmijë, çojnë spitali pa mjekë dhe pa ilaçe, janë abuzime që çojnë pronar pa prona, janë abuzime që çojnë ekonomi pa të ardhme. Dhe për të gjitha këto, ka vetëm një emër dhe përgjegjësi, Edi Rama”, tha Alimehmeti.

Më tej kandidati për deputet theksoi në fjalën e tij, se nuk ka akuzë më të madhe që mund t’i bëhen qeverisë sesa boshatisja e vendit.

“Një orë e më parë ne duhet t’i themi këtij personi që nuk ka më fajtorë, nuk ka njeri më që i ha dardha pas shpine. Kur ke gjithë pushtetin ke gjithë përgjegjësinë. Ne sot mund të flasim për dështimet e qeverisë, por nuk ka akuzë më të madhe historike, sesa populli kur ikën. Kur populli të ikën rrugëve të botës, kjo është akuza më e madhe, boshatisja e vendit.”, vijoi ai.

Po ashtu ai hodhi akuza se po ndiqen politika kundër familjes dhe shoqërisë.

“Mos harroni kur kemi qenë. Kemi pasur dy fjalë, nënë dhe baba, tani kemi prindi 1 dhe prindi 2. Kujtoj një vend që kishim dy gjini, mashkull edhe femër, sot kemi dhjetëra e dhjetëra gjini që na flet kjo qeveri.”, tha ai.

The post “Janë larguar 1.6 milionë shqiptarë”, Alimehmeti nga protesta e opozitës: Nuk ka akuzë më të madhe që mund t’i bëhet kësaj qeverie, sesa shpopullimi i vendit appeared first on Albeu.com.

Pjesë nga biseda

Rakipi: Vitin tjetër do të ketë zgjedhje në PD, ju do të kandidoni?

Alimehmeti: Unë personalisht, jo.

Rakipi: Kandidat ju, apo si grup, se Uran Butka nuk të vjen më, edhe njëherë, Uran Butka nuk vjen më aty për të kandiduar.

Alimehmeti: Unë ta thashë që në fillim të emisionit, si e perceptoj unë këtë dhe për çfarë qëndroj unë aty. Dhe çfarë qëndroi edhe këtu dhe po e them dhe po e përsëris disa herë derisa të merret përgjigja.

Mërtiri: Përgjigja juaj është, besoj, e qartë është jo dhe nga ky aspekt, unë s’e konceptoj këtë si lëvizje antikryetar.

Rakipi: Po marrja pjesë në zgjedhje si kandidat, nuk është lëvizje antikryetar.

Alimehmeti: Ore kandidatët le të shkojnë.

Rakipi: Ti do vesh?

Alimehmeti: Unë jo, unë nuk i shkoj. Jo si kryetar, pastaj ka ka nivele të ndryshme.

Mërtiri: Nuk është çështje lufte kjo.

Rakipi: Ky kërkon vendin e vet, o vëlla, si kryetar s’vete do ta gjejë. Do vendin e vet që e ka të merituar.

Mërtiri: Nuk do të thotë që ju duhet të jeni anti-berishist, por ju keni ca rezerva ndaj këtij dhe ju jeni për idenë që mund. Pse për një lider tjetër nuk të thotë që je anti-berishizëm, nuk është se të thotë që e urren Berishën apo nuk po them as këtë.

Alimehmeti: Unë jam duke folur shumë qartë.

Mërtiri: A do, a do dalë dikush Berishës përballë? Apo do kandidoj vetëm?

Alimehmeti: Unë do të dal, do e shpreh ambicien dikush, qoftë se e mendon.

Mërtiri: Në qoftë se ke një vizion tjetër, një vizion tjetër. Pse nuk kandidoni për këtë vizion? Për ta përcjellë këtë vizion. Jo, ti personalisht.

Rakipi: Zoti Alimehmeti, Doktori kërkon të kandidojë kush të dojë, të japë platformën, zoti Mërtiri. Doktori do të vejë atje të zgjidhet. Pranon kë të dojë të vijë të kondidojë, kush të dojë, thotë. Zoti Alimehmeti nuk vete.

The post Ju do të kandidoni vitin tjetër kundër Berishës? Ja si përgjigjet Alimehmeti appeared first on Albeu.com.

Kur u pyet për debatin që ndodhi në një mbledhje të PD-së në Paskuqan, ku Sekretari i përgjithshëm i PD-së, Flamur Noka përjashtoi nga mbledhja një anëtare të kryesisë së partisë në zonë e më pas u përjashtua edhe nga grupi i njoftimeve në Whatsapp, Alimehmeti tha: “Unë nuk kam dijeni sepse mos gaboj është zonës së Paskuqanit. Nëse ka ndodhur nuk e përcaktoj dot si të pranueshme sepse janë këta njerëz që kanë kontribuar gjithë këto vite në PD, madje është monumentale sepse ka punuar 12 vite në opozitë. Është e papranueshme.”

Sakaq, Alimehmeti gjithashtu komentin e tij se si, grupimi i sotëm do vijojë më tej rrugën drejt rindërtimit dhe analizës së brendshme të Partisë Demokratike.

“Duhet dhe rruga institucionale dhe për këtë ishte i pranishëm edhe Salianji që është pjesë e kryesisë së PD, ishte i pranishëm që të përcjellë fjalët dhe mendimet tona tek kryesia. Mendoj që pa garë fillimisht brenda partisë, nuk mund të dalim para elektoratit dhe aq më tepër para PS-së. Ideja është që të tentojmë fitoren, jo të menaxhoj

Për sa i përket si kanë qenë zgjedhjet unë i drejtohem raportit të OSBE Odhir që ishte shumë i qartë: “Duhet ndarë partia nga shteti”. Por PD duhet të reagonte shumë fort, formën patjetër duhet ta gjejë struktura drejtuese, pastaj baza e mbështet. Sot këtë formë nuk e kemi, jemi të konfuzuar. Nga krahu tjetër ama, ne duhet të bëjmë dhe një analizë të fitores, jo vetëm analizën e humbjes sepse kishim edhe zona ku dolëm fitues. Kjo duhet bërë me aktorët që ishin në terren, nuk e bën dot këtë vetëm kryesia. Marrim rastin e Krujës që u fitua pas 18 vitesh. Dhe këtu vijmë tek reforma administrative dhe meqë jemi te Kruja, më parë Kruja kishte 4 deputetë në legjislaturë, sot s’ka asnjë.

Metodologji të njëjta nuk sjellin dot rezultate të ndryshme. Nuk kemi nevojë të shohim se ku na çon kjo rrugë sepse e dimë shumë mirë. Për shkak të interesit të madh për ndryshim, na kanë ardhur shumë kërkesa nga kandidatë të tjerë që donin të ishin të pranishëm dhe ne i mirëpresim të gjithë të marrin pjesë në mbledhjet e ardhshme.

Dua të them dhe diçka tjetër, Roma nuk është ndërtuar për një ditë. Për pjesën e rindërtimit të partisë duhet ndjekur një proces hap pas hapi. Librat e shenjtë thonë që gjithçka fillon nga fjala dhe ne jemi parti e fjalës së lirë”, u shpreh Alimehmeti.

The post “E papranueshme nëse ka ndodhur”, Alimehmeti komenton përjashtimin nga grupi i demokrates që u përplas me Nokën: Këta njerëz janë PD appeared first on Albeu.com.

“Ishte një tryezë mes demokratësh, për të kuptuar problemet tona ku janë dhe të shtyjmë kauzat tona më tej. PD do duhet të forcohet dhe për këtë duhet të kuptojë ku ka gabime, që të shmanget nga modele që kanë treguar që nuk kanë funksionuar. Me të gjithë kandidatët që flasim në qarqe, na thanë që nuk jemi kontaktuar më, janë lënë në harresë. Nuk mendoj se kjo është rruga e duhur. Ajo që kuptuam, më e vështirë ka qenë për të kuptuar si janë qarqet e tjera, por kuptuam që kanë qenë të njëjtat problematika në çdo qark. Kandidatët do duhej të ishin thirr nga Kryesia, apo Këshilli Kombëtar, për t’u dëgjuar dhe ana e tyre”, tha Alimehmeti.

The post Alimehmeti zbardh diskutimet sot në selinë blu: Tryezë mes demokratësh, për të kuptuar problemet tona appeared first on Albeu.com.

Alimehmeti, i ngarkuar nga kreu i Partisë Demokratike, Sali Berisha, për të zhvilluar bisedime me partitë e tjera opozitare, theksoi se uniteti është kyç për të sfiduar pushtetin e kryeministrit Edi Rama.

“Po të qëndrojë opozita përballë, nuk ka pushtet që nuk bie. Neve na intereson rezultati në fund të ditës,” u shpreh ai, duke shtuar se dialogu dhe bashkimi i forcave janë domosdoshmëri për të krijuar një koalicion të fortë opozitar.

Alimehmeti nënvizoi gjithashtu nevojën e një “pajtimi kombëtar” brenda opozitës, duke theksuar rolin udhëheqës të Partisë Demokratike si forca më e madhe opozitare.

Ai e cilësoi si mangësi të së shkuarës mungesën e aleancave në zgjedhjet parlamentare, ndërsa nënvizoi se tashmë është momenti për të krijuar një front të përbashkët.

Sa i takon kandidaturës për Tiranën, Alimehmeti tha se tashmë ekziston një bashkëpunim i ngushtë në Këshillin Bashkiak mes forcave opozitare për të kundërshtuar kryebashkiakun Erion Veliaj.

Megjithatë, ai përjashtoi mundësinë e një marrëveshjeje me Arlind Qorin, duke theksuar se “ai nuk është pjesë e spektrit të djathtë”.

“Mendoj se duhet të kishte pasur aleanca në zgjedhjet parlamentare, por është bërë e qartë që nuk u realizuan siç duhej. Tani është koha të krijohet një pajtim kombëtar që udhëhiqet nga PD dhe të bashkohemi të gjithë në një front të fortë,” përfundoi Alimehmeti.

The post Alimehmeti për zgjedhjet në Tiranë: Na takon të udhëheqim pajtimin kombëtar, ja pse s’ka negociata me Qorin appeared first on Albeu.com.

alimehmeti

Pas përfundimit të seancës ku në unanimitet u votua për shkarkimin e Veliajt, Alimehmeti tha për mediat se “Veliajt u mbrojt deri në grahmat e fundit nga Këshilli Bashkiak”, që siç theksoi siç theksoi ai “ka miratuar çdo propozim te Veliajt”.

Ai e cilësoi këtë votim si “kurorëzimin me sukses të luftës për të shkarkuar Erion Veliajn”, duke nënvizuar se nuk duhet të ndalet vetëm me këtë hap.

“Vënia para përgjegjësisë së tij duhet të vazhdojë. Ai nuk i ka bërë i vetëm këto punë, por bashkë me qeverinë dhe Këshillin Bashkiak që ka votuar çdo gjë që ai ka sjellë,” deklaroi ai.

Sipas Alimehmetit, faji dhe përgjegjësia për situatën në bashki nuk qëndron vetëm te një individ, por te një sistem i tërë që, sipas tij, ka bashkëpunuar për të mbuluar keqmenaxhimin.

Ilir Alimehmeti: Tiranë u krye, Erion Veliaj sot shkarkohet, çohet propozimi për shkarkim nga këshilli bashkiak për të gjithë që i ka bërë bashkisë së Tiranës, pavarësisht urdhrit politik të Edi Ramës. I mbrojtur deri në gramën e fundit nga po ky këshill bashkiak që sot e shkarkoi, që bashkoi votat me ne. Vënia para përgjegjësisë së tij duhet të vazhdojë. Ai nuk i ka bërë i vetëm këto punë, por bashkë me qeverinë dhe këshillin bashkiak që ka votuar cdo gjë që ai ka sjellë. Sot ishte kurorëzimi me sukses i luftës për të shkarkuar Erion Veliajn.

The post Këshilli bashkiak votoi për shkarkimin e Erion Veliajt, Ilir Alimehmeti: U mbrojt deri në grahmën e fundit! Ai nuk ka vepruar i vetëm appeared first on Albeu.com.

Shehi theksoi se Ilir Alimehmeti dhe Jorida Tabaku, janë personazhe të dashura për qytetarët e Tiranës, pasi e treguan votat që morën në zgjedhje.

“Alimehmeti dhe Tabaku dhanë një sinjal që kanë simpati. Janë të rinj dhe kanë dije. Ti s’mund të marrësh një që ka zbritur nga fshati atje… mund të jenë milionerë por…Do të mbështetja këta të rinj. Edhe Lapaj do e mbështesja. Nuk është personazh i Tiranës, por prodhoi diçka. Por i ranë pak me shkelm, si puna lopës, atij qumështit”, tha ai.

The post Një kandidat nga opozita përballë Manstirliut/ Dashamir Shehi: S’mund të kandidojë një i zbritur nga fshati, milioner”, Alimehmeti dhe Tabaku janë të rinj dhe kanë dije appeared first on Albeu.com.

Ilir Alimehmeti: Unë kam garuar në 2022 në Primare për një proces që ishte në 2023. Qoftë dhe koha e mandatit, qoftë dhe koha e përgatitjes ishte e plotë, në këto momente jemi në kushte të ndryshme!

The post Gara për Bashkinë e Tiranës, Ilir Alimehmeti lë hapur mundësinë e kandidimit appeared first on Albeu.com.