Rrezikon ta mbyllë shpejt me Juven nëse nuk ndërron qasje, ja tetë gabimet që duhet të shmangë Alegri

Xh — Tue, 20 Jun 2023 09:07:17 +0000

Drejtuesit e Juventusit e kanë marrë vendi min e tyre për të vijuar me Masimiliano Alegrin edhe në sezonin e ardhshëm. Pavarësisht problemeve të shumta të hasura në sezonin që u mbyll, drejtuesit i kanë dhënë dhe një shans tjetër Maksit. Ndaj Alegri e nis sezonin 2023-2024 i vetëdijshëm se nuk mund të gabojë më.

STARTI I SEZONIT – Në startin e sezonit të kaluar ai mori 9 pikë nga 15 të mundshmet. Në sezonin e tij të parë pas kthimit në timonin bardhezi mori 5 nga 15 pikë në javët e para. Nëse nuk do të ketë përmirësim në sezonin e ri, shkarkimi mund të vijë shumë më shpejt nga çfarë ai mund ta ketë menduar.

PËRGATITJA FIZIKE DHE DËMTIMET – Një tjetër pikë kyçe dhe mjaft delikate për Alegrin në sezonin që lamë pas kanë qenë mungesat e shpeshta për shkak të dëmtimeve të shumta. Ndaj në fokus për sezonin e ri është parandalimi i dëmtimeve. Për të zgjidhur problemet, klubi e ka bërë më qendror rolin e prof.Xhovani Andreini, i cili ishte punësuar për të mbikëqyrur zonën e performancës.

IDENTITETI I SKUADRËS – Alegri ka nisur me një formacion të ndryshëm në çdo ndeshje, duke kaluar mbi 100 kombinime të ndryshme lojtarësh. Por përtej ndryshimeve të shumta, ana negative është se me ndryshimet e shpeshta në formacion, Juventusit i ka munguar stabiliteti, siguria dhe pikat e referimit, me lojtarët shpesh të çorientuar ose të vendosur jashtë pozicionit.

VENDOSJA DHE LOJA – Përtej diskutimeve të pambarimta mes atyre që parapëlqejnë lojën dhe atyre që parapëlqejnë rezultatin, ajo çfarë i mungoi Juventusit në sezonin e kaluar ishte mungesa e lojës. Nëse nuk mund të flasim për spektakël, bardhezinjtë kanë shfaqur problematika të mprehta në organizimin e lojës dhe automatizimin e veprimeve. Alegri është akuzuar shpesh për mangësi në lojën e skuadrës së tij, sidomos në fazën e ndërtimit të aksioneve dhe në finalizim, duke besuar në mënyrë të ekzagjeruar në zgjidhjet individuale.

VAZHDIMËSIA DHE PSIKOLOGJIA – Për pjesën më të madhe të sezonit të shkuar, Juventusit ka koleksionuar një seri të gjatë “black out”-esh, shpesh të pashpjegueshme. Ndodhte kur skuadra çorientohej para portës së kundërshtarit, ose pas pësimit të golave, ose viktimë e starteve të dobëta të takimit, ose fundit të tyre. Me pak fjalë, skuadra ka treguar mungesë të theksuar vazhdimësia përgjatë harkut të 90 minutave që kanë dobësuar forcën mendore, e cila pa dyshim ka gjetur një pasqyrë në një performance të dobët në lojë e rezultate.

MENAXHIMI I TË RINJVE – Juventusi i ka dhënë shansin mjaft të rinjve në sezonin që lamë pas. Por kjo jo, sepse drejtuesit dhe Alegri besonin verbërisht tek ata. Por kjo më shumë i detyrohet mungesave si pasojë e dëmtimeve të titullarëve.

NDESHJET E MËDHA – Vetëm një fitore në Champions, një ndeshje e çuditshme kundër Interit në gjysmëfinalet e Kupës së Italisë, një përballje e dyfishtë zhgënjyese kundër Seviljes në Ligën e Europës janë vetëm disa nga problemet e Juventusit në ndeshjet që vlejnë.

KOMUNIKIMI – I fundit, por jo më pak i rëndësishmi është komunikimi. Shpesh deklaratat në kampin bardhezi në vend të reflektonin dhe të përcillnin qetësi në skuadër, në fakt kanë bërë të kundërtën. Deklaratat kontradiktore të Sheznit – të justifikuara me mungesën e një italishteje të përsosur – janë shenja të një komunikimi problematik.

The post Rrezikon ta mbyllë shpejt me Juven nëse nuk ndërron qasje, ja tetë gabimet që duhet të shmangë Alegri appeared first on Albeu.com.

algeri Archives - Albeu.com

Rrezikon ta mbyllë shpejt me Juven nëse nuk ndërron qasje, ja tetë gabimet që duhet të shmangë Alegri