Mësohet se arsyeja e dorëheqjes së Rushajt vjen për motive personale.

Ndërkohë pritet që në vend të tij në Kuvendin e Shqipërisë të hyjë Petrit Doda.

Petrit Doda ka qenë i renditur i 32-ti në listën e kandidatëve të PD në Tiranë për zgjedhjet e 25 prillit të vitit të kaluar.

Por pas përfundimit të zgjedhjeve Komisioni Qendror i Zgjedhjeve ka bërë një tjetër ripozicionim, duke u bazuar në numrin e votave personale të marra nga secili deputet.

Petrit Doda në zgjedhjet parlamentare të vitit 2021 ka marrë 5987 vota.

The post Rushaj dha dorëheqjen nga mandati i deputetit, kush do ta zërë vendin e tij appeared first on Albeu.com.

Enkelejd Alibeaj nga nënkryetar i Kuvendit është tashmë kryetari i ri i grupit parlamentar të PD, duke zëvendësuar Alfred Rushajn. Pikërisht largimi i këtij të fundit u shoqërua me mister dhe shumë pikëpyetje.

I ftuar ne ABC Alibeaj nuk e cilësoi si dramë kalimin e tij në këtë post, ndërsa tha se Basha dhe Rushaj janë marrë vesh për largimin e tij.

“Nuk është dramë. Është bërë kalimi i një prej nënkryetarëve nga një pozicion në postin e kryetarit të grupit parlamentar. Në një konsent mes zotit Rushaj dhe Basha u bë ky kalim.

Për mua ishte surprizë sepse unë besoj për këdo që është në politikë besoj pak hije ka që çështjet që janë të brendshme të mos transferohen në platenë e Parlamentit. Do të besoja që aty të diskutohen ato që janë çështjet kryesore që shqetësojnë shqiptarët. Një nga më kryesoret është përballja me qeverinë”, u shpreh Alibeaj./albeu.com/

The post “Nuk është dramë”, Alibeaj flet për “rrokadën” dhe zbulon ç’ndodhi mes Bashës dhe Rushajt   appeared first on Albeu.com.

Një prej ndryshimeve ishte dhe ndryshimi i kryetarit të grupit parlamentar, Alfred Rushaj me nënkryetarin Enkelejd Alibeaj. Sipas Bardhit, ky ndryshim është bërë me konsensus të plotë dhe është vendosur që në këtë situatë që po kalon PD sot, ky vendim do të ishte i duhuri. Po ashtu ai foli dhe për të pezulluarit e përjashtuarit në parti. Për të përjashtuarit, Bardhi tha se nuk do të kenë asnjë shans, pasi ata një javë më parë në protestën e 8 janarit manifestuan dhunë. Për të pezulluarit, Bardhi tha se ka një tjetër mundësi.

Ata duhet të dëshmojnë se janë distancuar nga dhuna e kryer më 8 janar dhe të vijojnë të besojnë te aksioni politik i lidershipit. Dhunën në selinë e PD, Bardhi e argumentoi si një trishtim. Megjithatë ai shprehu mirënjohjen për demokratët të cilët u larguan, në momentin që mbi selinë e PD, nisën të hidheshin gurë e sende të forta.

Gazment Bardhi: Jam informuar nga kryetari i partisë dhe nga zoti Rushaj për një dakordësi mes tyre, që në ketë moment për sfidat që grupi ka përpara, drejtimi t’i kalojë nënkryetarit tjetër të partisë, zotit Enkelejd Alibeaj

Pyetje: Pra, dakordësi mes kujt?

Gazment Bardhi: Ka patur dakordësi dhe diskutim mes zotit Rushaj dhe zotit Basha. Pra, ka qenë vendim i përbashkët i tyre. Të gjitha vendimet që janë propozuar sot në Këshillin Kombëtar, do të kalojnë më pas edhe në grupin parlamentar të PD Dua të shpreh mirënjohjen time për punën e jashtëzakonshme që ka bërë zoti Rushaj në këto momente të vështira për PD. Si kryetar grupi ka bërë një punë të jashtëzakonshme, edhe pse, njësoj si pjesa dërrmuese e deputetëve, e kishte për herë të parë jeten parlamentare. E ka përballuar në mënyrën më të jashtëzakonshme të mundshme.

Pyetje: Por zoti Rushaj nuk ka qenë i pranishëm për arsye shëndetësore apo jo?

Gazment Bardhi: Zoti Rushaj, si një pjesë e kolegëve, për fat të keq, janë në kushte jo të përshtatshme shëndetësore.

Pyetje: Janë me covid?

Gazment Bardhi: Një pjesë e miqve tanë janë duke kaluar covidin.

Pyetje: Pra, nuk ka një arsyetim tjetër largimi i zotit Rushaj?

Gazment Bardhi: Jo, nuk ka asnjë arsyetim tjetër. Kam patur një bisedë me të dy dhe ka qenë një

vendimmarrje e përbashkët e të dyve./BW

The post Bardhi: Rushaj është me Covid, ka patur dakordësi mes tij dhe Bashës që Grupi i PD të kalojë nën drejtimin e Alibeajt appeared first on Albeu.com.

“Dekriminalizimi i plotë dhe zbatimi i të njëjtave norma të vetting-ut për vlerësimin e lidhjeve me krimin e organizuar, dhe ligjshmërinë e pasurisë, duhet të zbatohet edhe ndaj zyrtarëve të lartë publikë, ku përfshihen deputetët, Kryeministri, ministrat, kryebashkiakët dhe drejtuesit e institucioneve kushtetuese. Kjo garanton parimin e barazisë përpara ligjit, dhe përbën një premisë për një qeverisje të pandikuar nga krimi i organizuar dhe korrupsioni, duke pastruar nga rradhët e politikanëve dhe zyrtarëve të lartë, individë të lidhur me krimin e organizuar dhe të korruptuar. “- u shpreh zoti Rushaj.

Për të treguar rëndësinë jetike të vetingut në politikë, kreu i grupit parlamentar të PD-së iu referua simbolit të luftës së shtetit ndaj mafias, Paolo Borsellino.  “Ekziston një keqkuptim bazë sipas të cilit politikani që shoqërohet me mafiozë, nëse nuk dënohet nga gjykata, është i ndershëm! JO! Gjykata mund të bëjë vetëm vlerësime të natyrës gjyqësore. Është detyrë e institucioneve që TË FLAKIN politikanët e afërt me Mafian, për të qenë të ndershme dhe për t’u shfaqur si të tilla”- ishin fjalët e Borsellinos të zgjedhura nga zoti Rushaj si mesazh se vetingu i politikanëve duhet pranuar nga PS./albeu.com

The post PD prezanton 3 nismat për ndryshimet kushtetuese, Rushaj përdor fjalët e Borsellinos si mesazh për PS appeared first on Albeu.com.

Kim ka takuar kreun e Partisë Socialiste, Taulant Balla dhe atë të Partisë Demokratike, Alfred Rushaj, dhe ka postuar një fotografi me ta.

Nuk dihet ende se çfarë është diskutuar në takimin mes tyre, por ajo ka bërë apel që palët të sheshojnë diferencat mes tyre dhe të shtojnë bashkëpunimin./albeu.com/

Thank you to Parliamentary group leaders @taulantballa and @AlfredRushaj for today’s meeting to share views on their respective legislative priorities. Important for parties to treat each other w/mutual respect, discuss differences honestly, rise above partisanship when possible. pic.twitter.com/aSii4Y0gKE

— Ambassador Yuri Kim (@USAmbAlbania) November 3, 2021

The post Yuri Kim bën bashkë Ballën dhe Rushajn, cili ishte mesazhi i ambasadores (FOTO LAJM) appeared first on Albeu.com.

Kreu i grupit parlamentar të Partisë Demokratike, Alfred Rushaj, në një deklaratë për mediat ka kërkuar që mbledhja të shtyhet për në datën 3 nëntor dhe që të dyja kërkesat të shqyrtohen bashkë.

“Ne e shohim që keni respektuar afatin minimal që ka vendosur rregullorja e Kuvendit, sapo janë mbushur 2 javë, keni njoftuar mbledhjen e përbashkët të Komisionit të Ligjeve dhe Këshillin e Legjislacionit për të shqyrtuar nismën e deputetëve të shumicës, nëse po ky standard do të respektohet nga ana juaj, pasnesër me datë 3 nentor plotësohet i njëjti afat minimal për shqyrtimin e nismës së paraqitur nga opozita”, thuhet nër të tjera në deklaratë.

DEKLARATA ALFRED RUSHAJ

Më datë 15 tetor është depozituar një nismë nga PS për ndryshimin e Kushtetutës .Më datë 20 është depozituar gjithashtu nga ne projektligji për disa shtesa dhe ndryshime në ligjin 8417, Kushtetutën e Republikës së Shqipërisë, e ndryshuar. Të dyja këto nisma, flasim për shtesa dhe ndryshime në të njëjtin ligj, që është Kushtetuta e Republikës së Shqipërisë. Të dyja këto nisma janë lajmëruar njësoj, në të njëjtën seancë, më datë 25.10.2021 nga ju përpara të gjithë deputetëve të Republikës së Shqipërisë. Ne e shohim që keni respektuar afatin minimal që ka vendosur rregullorja e Kuvendit, sapo janë mbushur 2 javë, keni njoftuar mbledhjen e përbashkët të Komisionit të Ligjeve dhe Këshillin e Legjislacionit për të shqyrtuar nismën e deputetëve të shumicës, nëse po ky standard do të respektohet nga ana juaj, pasnesër me datë 3 nentor plotësohet i njëjti afat minimal për shqyrtimin e nismës së paraqitur nga opozita.

Duke qenë se ligji që ndryshohet, është Kushtetuta, do të duhet të caktojmë relatorët dhe ekspertët për të dy nismat, duke qenë se këto nisma mund apo kanë ndërlidhje me njëra-tjetrën, ne sensin që mund të kenë ndikime dispozitat tek njëra-tjetra, dhe duke qenë se në kalendarin tre javor janë parashikuar në një pikë, ajo çfarë ne propozojmë është, të shtyhet kjo mbledhje dhe duke prezumuar i njëjti standard, për njoftimin e nismës në këtë mbledhje të përbashkët, do të ruhet edhe për propozimin e pakicës, pra të opozitës, të bëhet kjo mbledhje e përbashkët më datë 3 nentor, ku të caktohen relatorët e të dyja palëve për të dy nismat dhe kështu të vijojë në mënyrë të harmonizuar shqyrtimi nëpër komisione./albeu.com

The post PD braktisi mbledhjen, Rushaj: Zgjatja e vettingut të diskutohet me ndryshimet kushtetuese të propozuar nga ne appeared first on Albeu.com.

Kjo është kundërshtuar nga Partia Socialiste. Taulant Balla është shprehur se për çështjen e helmimit masiv në Krujë po merren organet kompentente. Më tej ai u shpreh se nuk duhet politizuar problemi në Krujë dhe se në Kuvend çështjet që diskutohen nuk janë debate kafenesh.

Pjesë nga debati:

Rushaj: Kemi të bëjmë me një papërgjegjshmëri për helimimin e qytetarëve. Kërkojmë që të ndryshohet rendi i ditës dhe të vendoset si pikë e parë diskutimi për situatën emergjentë të krijuar nga ndotja e ujit të pijshëm në bashkinë e Krujës. Kuvendi e ka detyrim që të diskutojë për këtë ngjarje të rëndë që ka çuar në dëmtimet masive të shëndetit të qytetarëve në këtë bashki

Balla: Dua t’u uroj shërim të shpejtë. Rezulton të jenë të kontaminuar nga uji i pijshëm prokuroria po bën hetimet. Nuk e di që kuvendi ka atribute të bëjë qoftë e hetime penale qoftë të karakterit mjekësor. Këto duhet t’i bëjnë autoritet shëndetësore. Javën e ardhshme Ministrja e Shëndetësisë dhe Ministra e Brendshme të diskutohet. Hyn si pikë e parë e rendit të ditës në seancën e ardhshme. Është një çështje që nuk mund të hyjë në rend të dite pasi nuk ka një kërkesë për interpelancë për këtë çështje. Çështjet që diskuton Kuvendi nuk janë debate kafenesh. Nuk duhet politizuar ajo çështje.

Propozimi i Rushajt u hodh në votim dhe shumica e deputetëve ishin kundër ndryshimit të rendit të ditës./albeu.com

The post Hemimi në Krujë, Rushaj kërkon ndryshimin e rendit të ditës, Balla: Diskutimet në Kuvend nuk janë debate kafenesh appeared first on Albeu.com.

“Shumë gjëra falen, por prishja e shtëpisë, nxjerrja në rrugë të madhe me fëmijët, është shumë e rëndë. Pas familjes, shtëpia është gjëja më e shtrenjtë për njeriun. Do t’i bëj kërkesë menjëherë kryetarit të KLSH që shkeljet e gjetura t’ia verë sa më shpejt në dispozicion organeve të drejtësisë”, tha Rushaj.

Më tej ai u shpreh se sheh paligjshmëri nga ana e qeverisë për shembjen e banesave.

“Shoh që ka dhe hakmarrje brenda, pasi kjo zonë ka votuar PD dhe gjejnë rast t’u bien banorëve. Disa mendua se do të zgjidhnin punë me votimet, por ju paralajmërova që po ju mashtrojnë, së kështu kanë bërë kudo. Një projekt i madh do të thotë se Interesat janë të mëdha”, shtoi ai./albeu.com

The post Shembja e banesave te “5 Maji”, Rushaj takon banorët: Ju kam paralajmëruar se po ju mashtrojnë, nesër kërkesë KLSH appeared first on Albeu.com.

Rushaj theksoi se politika e brendshme e opozitës nuk është në ditët e saj më të mira, por sipas tij të gjithë palët e përfshirë kanë të njëjtin prioritet, atë të demokratëve, duke shtuar se kundërshtari i vërtetë i PD-së është kryeministri Edi Rama.

I pyetur për përplasjet politike mes ish-kryeministrit Sali Berisha dhe kreut të partisë Demokratike, Lulzim Basha, Rushaj tha se Berisha mbetet një lider historik. Sa i përket vendimit të Berishës për të shpallur datën për Kuvendin Kombëtar, nënkryetari i PD-së e vlerësoi si pjesë të axhendës së Berishës dhe se nuk sheh asnjë garë për kryetar, pasi kryetari i PD-së është zgjedhur tashmë.

Sa i përket përjashtimeve të bëra kryetari Basha, Rushaj theksoi se Flamur Noka nuk është përjashtuar sepse ka pasur mendime të kundërta me Bashën, por sepse ka deformuar deklaratat e bëra nga kreu i opozitës.

“Është larguar nga pozicioni i zv/kryetarit jo se ka shprehur mendime të kundërta me z.Basha por sepse në mënyrë të përsëritur, ka deformuar ato çfarë Basha ka thënë në mbledhje, dhe këtë  e ka bërë me një qëllim që s’kanë të bëjnë me divergjencën e mendimeve të njëri apo tjetrit. Ai as nuk është larguar as përjashtuar”, tha Rushaj..

Pjesë nga intervista:

Pyetje: Si është situata brenda PD?

Rushaj: Të them që është rozë, apo në më të mirën e saj, nuk është. Ne kemi një problematikë të brendshme, që është publike. Mendoj që të gjithë palët e përfshirë në këtë diskutim duhet të kenë një prioritet, që është ai i demokratëve. Ne, organet drejtuese të PD, përfshi edhe grupin parlamentar, më shumë kemi përfituar se dhënë ndaj këtyre demokratëve. Sepse gjithmonë i kemi pas mbështetje, ndaj interesi i tyre duhet dhe do të jetë primar. Shpresoj dhe mendoj se gjërat do vinë duke u qetësuar që të fokusohemi të aksioni opozitar. kundërshtar ynë i vërtetë është Rama.

Pyetje: Berisha tha se do të shpallë datën për Kuvendin Kombëtar. Çfarë sjell kjo për demokratët dhe PD?

Rushaj: Berisha është lideri historik i demokratëve dhe involvimi i tij aktiv, ngjall interesin e demokratëve dhe ka vëmendjen e tyre. Çfarë ka thënë për çështjen e axhendës së tij kjo është histori tjetër. Nuk shoh të ketë garë për kryetar në sensin që ne kemi zgjedhur kryetarin para muajve.

Pyetje: Nëse mblidhet kuvendi…

Rushaj: Mblidhet Kuvendi, të shohim kur mblidhet, Çfarë do të jetë axhenda  çfarë do të sjellë. Kush janë arsyet…

Pyetje: Çfarë prisni nga anëtarësia?

Rushaj: Së pari pres, dhe i kërkoj ndjesë për gjendjen ku ndodhet sot. Pres që së shpejti të mobilizohet për betejën politike të radhës, zgjedhjet lokale. Pavarësisht axhendës së z.Berisha nuk mendoj se jeta e qytetarëve është përmirësuar, përkundrazi. Zgjedhjet dhe beteja tjetër elektorale është një sfidë shumë e rëndësishme, për PD dhe anëtarësinë.

Pyetje: E gjithë kjo a është një çoroditje ?

Rushaj: Thash, nuk shoh të ketë garë për kryetar të PD. Te pjesa e dëmtimit, ky lloj diskursi brenda PD më bën të them që nuk është gjëja që do të ishte më e mira për PD, që anëtarët tanë janë të fokusuar te aksioni opozitar, pasi një pjesë e ha ky diskutim i brendshëm. Por është një situatë që nuk do vazhdojë gjithë kohën. Do të vijë natyrshëm drejt një zgjidhje. E rëndësishme është që demokratët të jenë të angazhuar në betejat e tyre. ndaj thash duhet të nisin përgatitjet për betejën tjetër elektorale. Luftën nuk e kemi mes nesh, kundërshtar kemi një dhe ai është kryeministri.

Pyetje: Një mendim për përjashtimet e bëra në PD nga vetë kryetari ..

Rushaj: Z.Noka ka qenë zv/kryetar i Komisionit të Sigurisë, anëtar i komisionit, i grupit parlamentar dhe drejtues politik i një zone në Tiranë. Pavarësisht se çdo lloj posti është politik, por të qenit kryetar apo nën kryetar janë pozicione që kryetari punon në kuvend. Është larguar nga pozicioni i zv/kryetarit jo se ka shprehur mendime të kundërta me z.Basha por sepse në mënyrë të përsëritur, ka deformuar ato çfarë Basha ka thënë në mbledhje, dhe këtë  e ka bërë me një qëllim që s’kanë të bëjnë me divergjencën e mendimeve të njëri apo tjetrit. Ai as nuk është larguar as përjashtuar.

Pyetje: Si do të jetë opozita përballë mandatit të tretë të qeverisë?

Rushaj: Ne kemi filluar me disa gjëra që janë shumë konkrete. Përveç hetimit të zgjedhjeve, që nuk besoj ka sens të shkohet në zgjedhjet e ardhshme pa u hetuar, çfarë u bë me të dhënat personale të njerëzve, që u keqpërdorën nga PS. Pa u bërë e qartë lidhja mes krimit dhe politikanëve që solli në deformimin e vullnetit të tyre s’ka sens të shkohet në zgjedhjet e ardhshme. Ndaj them që hetimi i kësaj problematike, krijimi i një kuadri ligjor me garanci për zgjedhjet e ardhshme është prioritet. Kemi paraqitur dy komisione të tjera hetimore, që janë shembulli më tipik dhe i qartë i dëmeve që sjell vendimmarrja abuzive e administratës publike dhe përfshirjen e kryeministrit në këtë vendimmarrje. Është edhe një shembull si organet e reja të drejtësisë nuk po bëjnë punën e tyre. Nuk duhet të harrojmë që përveç këtyre, qytetarët përballen përditë me vështirësi për të përballuar rritjen e çmimeve./BW

The post “Gara për kryetar të PD është mbyllur”, Rushaj komenton deklaratat e Berishës: Luftën nuk e kemi mes nesh appeared first on Albeu.com.

Deklaratat ai i bëri në një prononcim për mediat nga selia blu theksoi edhe njëherë rëndësinë e ndryshimeve kushtetuese të propozuar nga të djathtët.

Duke folur për vettingun e politikanëve, Rushaj tha se pavarësisht rezervave që kanë për SPAK, ky proces është shumë i rëndësishëm që të bëhet.

“Unë nuk shoh dualizëm, Basha është shprehur qartë edhe dje, cili është qëndrimi i PD. Ne kemi rezerva me punë e SPAK, nuk kemi lëvizur nga ai qëndrim. Por nuk kemi asnjë merak kush e bën vettingun. Duke qenë një proces publik, prokurorët e SPAK që do merren me këtë duhet ta bëjnë vendimarrjen e tyre publike. Standardi duhet të jetë publik. Nëse kjo bëhet publikisht do jetë gjykimi më i mirë”, tha ai.

Rushaj nënvizoi më tej rëndësinë e reformës territoriale. “Nuk do doja që i gjithë vëmendja të kufizohej nëse duhet të ketë 60 apo 90 bashki. Është e rëndësishme të diskutohet nga jemi nisur ne për ta bërë këtë propozim. Kemi mjaftueshëm informacion për të parë nëse qëllimi dhe objektivat që ka pasur reforma në atë kohë është realizuar. Qëllimi ka qenë atëherë që të minimizoheshin shpenzimet e tepërta. Nuk janë minimizuar por janë shtuar. Më e rëndësishme, parimi i ofrimit të shërbimeve sa më avër qytetarit është përkeqësuar. Sot qytetarët që jetojnë në zona rurale në disa raste duhet të bëjnë dhjetëra kilometra për të marrë një certifikatë. Këto duhet të ndryshohen. Tjetra që është themelore është decentralizimi. e gjitha kjo përfshi edhe rastin që ndarja territoriale është bërë mbi bazën e interesit të ngushtë politikë. Këto janë arsyet që ne kërkojmë një reformë,” tha ai.

I pyetur për qasjen me socialistët, të cilët janë shprehur të gatshëm të bashkëpunojnë, Rushaj tha se me PS do të ketë diskutim para kamerave jo bashkëpunim.

“Ju thoni bashkëpunim, unë do të thoja që nuk do të jetë bashkëpunim, por diskutim siç e kërkon Do procedura dhe rregullorja e Kuvendit. Deri tani nuk jemi ulur. Mbledhja e parë do të thërritet nga kryetarja e Kuvendit dhe aty do të ulen anëtarët e PS dhe PD dhe do të bëhet diskutimi përpara kamerave besoj që të gjithë shqiptarët të shikojnë,” tha Rushaj./albeu.com/

The post Alfred Rushaj hedh poshtë zërat për “flirt” më PS: Demokratët të rrinë të qetë, do bashkëpunojmë vetëm para kamerave appeared first on Albeu.com.