Nga ekipi i mjekëve të aritmologjisë bëhet me dije se atij i është vendosur një pacemaker me dy dhoma. Pacemaker është një pajisje mjekësore që ndihmon në rregullimin e ritmit të zemrës, në rastet kur rrahjet janë shumë të ngadalta ose të çrregullta.

The post U dërgua me urgjencë në Kardiologji, ja si paraqitet gjendja shëndetësore e Alfred Moisiut appeared first on Albeu.com.

Ish-Presidenti Alfred Moisiu mbushi plot 95 vjeç dhe konsiderohet si një ndër figurat më konsensuale në vend. Përmes një konsensusi politik në mes të një krize mes maxhorancës dhe opozitës ai u zgjodh edhe në krye të shtetit në vitin 2002 duke shërbyer me dinjitet.

Ai është aktualisht ndër të vetmit personazhe të njohur që i kanë shërbyer atdheut duke luftuar kundër forcave naziste si partizan gjatë Luftës së Dytë Botërore, periudhë gjatë së cilës personazhe të tjerë që vishnin uniformë të ngjashme fatkeqësisht ushtruan terror ndaj kundërshtarëve politik në të gjithë vendin, për të shënuar kulmin në masakrën e Tiranës fill pas futjes në kryeqytet teksa ikte dhe gjermani i fundit.

Mirëpo, figura të pastra dhe konsensuale si të Presidentit Moisiu përdorën jo rrallë edhe nga dashakeqë me qëllim justifikimin e vrasjeve që komunistët bën gjatë dhe pas Luftës së Dytë Botërore.

Ndonjë ish-zyrtar i partisë së Ilir Metës për shembull, qejfmbetur për shkaqe tejet personale, përdori po ashtu Presidentin Moisiu për të nxjerrë inatin me Presidetin aktual të Republikës duke kërkuar gjoja dekoratë për ish-Presidentin, ndërkohë që prej muajsh ligji i dekoratave është i bllokuar.

Si mund të dekorojë Presidenti në detyrë një ish-President kur për momentin nuk ka ligj për dekoratat? Këtë e di edhe studenti i vitit të parë në gazetari dhe më i riu i LRI.

Marrëzia vijon më tej, kur i njëjti ish-zyrtar i LSI akuzon Presidetin në detyrë se nuk gjatë fjalimit të tij me rastin e 112 vjetorit të Pavarësisë nuk foli për 80-vjetorin e çlirimit, ndërkohë që ka mjaft deklarata online te kreut të shtetit në lidhje me Ditën e Çlirimit.

Në fakt, duket sikur qëllimi nuk është as Moisiu dhe aq më pak Begaj, por personazhe që kërkojnë që rikthehen në vëmendjen e publikut dhe rifutjen nën çatinë e Rilindjes duke përdorur një ish-President dhe një President në detyrë për qëllime malinje.

Tani, le t’i rkthehemi ngjarjeve të nëntorit 1944 në Tiranë, të cilat ende nuk janë pranuar dhe madje ka ende pinjollë komunistë që kërkojnë t’i justifikojnë duke përdorur pikërisht figura si ish-Presidenti Moisiu.

Çlirimi i Shqipërisë ishte i sigurt tashmë teksa nazistët po tërhiqeshin nga Fronti i Lindjes. Tashmë, gjeneralët nazistë po mendonin si të shpëtonin Gjermaninë dhe jo të linin kockat nëpër skërkat e Ballkanit duke vendosur tërheqjen masive.

Ndërkohë, komunistët nën udhëheqjen e jugosllavëve kishin plane të tjera. Synimi ishte pastrimi i vendit nga elementët nacionalistë dhe që mund të sillte kërcënim për drejtimin e vendit pas largimit të nazistëve.

Nga fundi i tetorit 1944 deri në ikjen e forcave naziste, njësitet komuniste hynë shtëpi më shtëpi të nacionalistëve sipas listave të parapërgatitura duke vrarë pa gjyq personazhe të njohur të Tiranës dhe Shqipërisë në atë kohë.

Janë pikërisht këto ngjarje që personazhe të ndryshëm përpiqen të legjitimojnë duke përdorur figura të respektuara si ish-Presidenti Alfred Moisiu apo për të nxjerrë inate personale me Presidentin aktual.

Moisiu nuk e meriton këtë!

*Qendrimet në kategorinë Opinion i përkasin vetëm autorëve

The post Ish-Presidenti Moisiu si një figurë e pastër për të legjitimuar terrorin e kuq gjatë dhe pas luftës në Shqipëri appeared first on Albeu.com.

Në mesazhin e tij, Begaj shkruan; “I dashur President Moisiu, ju transmetoj urimet e mia më të përzemërta për shëndet të plotë, jetë të gjatë dhe aktive”.

Më tej, Begaj ish-Presidentin Moisiu, s cilëson si një model frymëzues për autoritetet shtetërore dhe politike shqiptare.

Ish-presidenti Alfred Moisiu, feston sot 95-vjetorin e tij të lindjes.

Mesazhi i presidentit Begaj:

“Njoftim për shtyp Tiranë, më 1.12.2025

I dashur President Moisiu,
Kam kënaqësinë e veçantë që, me rastin e ngjarjes së gëzueshme të 95-vjetorit të datëlindjes Suaj, të bashkohem me familjarët, miqtë dhe dashamirësit tuaj të shumtë për t’ju transmetuar urimet e mia më të përzemërta për shëndet të plotë, jetë të gjatë dhe aktive.

Në rrugëtimin historik të shtetit shqiptar, ju, i nderuar President Moisiu, keni dhënë kontribute të shumta e të çmuara, për të cilat populli shqiptar ju vlerëson me konsideratë të lartë.

Në moshën e adoleshencës, u u rreshtuat në radhët e Ushtrisë Nacional-Çlirimtare të Shqipërisë, për t’u përfshirë më pas në angazhime të rëndësishme dhe përgjegjësi shumë të larta, duke kulmuar me postin e Presidentit të vendit.

Në çdo hap që keni hedhur, Ju keni shkëlqyer!

Ju kontribuuat me përgjegjësi gjatë ushtrimit të detyrës së Kreut të Shtetit, veçanërisht në kohë zhvillimesh të vështira, por edhe me urtësi, ekuilibër dhe frymë përbashkuese në konsolidimin e demokracisë, shtetit të së drejtës, parimit të të drejtave dhe lirive themelore, si dhe forcimit të imazhit ndërkombëtar të Shqipërisë.

Në këtë jubile mjaft të veçantë, të cilin ju e keni arritur me shumë përkushtim, punë të palodhur e atdhetari shembullore, duke u bërë model frymëzues për autoritetet shtetërore dhe politike shqiptare, është kënaqësi për mua t’ju drejtohem me urimet më të përzemërta”.

The post Begaj uron ish-presidentin Alfred Moisiu në 95-vjetorin e tij të lindjes appeared first on Albeu.com.

“Me Presidentin Moisiu, burim i pashtershëm urtësie”, shkruan Rama, ndërsa të dy shfaqen duke shijuar një kafe bashkë në një ambient komod./albeu.com

The post “Burim i pashtershëm urtësie”, Rama takohet me ish-presidentin Moisiu appeared first on Albeu.com.

Moisiu kërkon nga BE që t’i bëjë presion Serbisë që të njohë Kosovën. Sipas tij Serbia nuk duhet të përkëdhelet pasi ende nuk ka vendosur sanksione ndaj Rusisë për agresion në Ukrainë.

Ai kërkon kujdes dhe vigjilencë të Kosovës dhe Shqipërisë edhe për armatosjen e Serbisë nga Rusia dhe Kina.

“(Serbët) e kanë të vështirë këtë (njohjen reciproke), nuk po hy arsyet pse, ata e dinë më mirë. Por ai është maksimumi që ne kërkojmë, prandaj duhet hap pas hapi. Këtë punë Evropa e ka në dorë më shumë se kushdo për të shtrënguar Serbinë dhe mos të përkëdhelin. Pasi e kanë përkëdhelur deri tani, konsideronin se më mirë është me pas këndej Serbinë se nga Rusia”, thotë ai.

Sipas tij, dialogu me Serbinë duhet të vazhdojë për të arritur vetëm një epilog përfundimtar dhe jo për të zvarritur procesin.

“Edhe rusët edhe serbët kanë të njëjtën gjuhë, kjo nuk është e rregullt dhe kjo na shqetëson. Ne i themi fqinjëve tanë, siç kemi jetuar bashkë, do të vazhdojmë të jetojmë, por si komshi. Unë përdor shpesh një fjalë, shokun dhe mikun mund të zgjidhesh, por komshiun ta jep Zoti. E rëndësishme është që të gjejmë mënyrën si të merremi vesh dhe të jetojmë në paqe. Sigurisht kjo nuk është aq e thjesht sa thuhet, por duhet të arrihet. Pasi për të zgjidh problemet, dy rrugë ka, ose me armë, ose bisedojmë. Me armë, lufta këtu është bërë, tani ka ardhur koha të ulet në tavolinë, por me drejtësi, ndershmëri për t’i zgjidhur problemet dhe jo për të zgjatur kohën, këtu duhet edhe Evropa të jetë e kujdesshme”, shton ai.

Ish presidenti thotë se Serbia është vend autokrat, prandaj duhet kujdes prej çfarëdo veprimi të tyre.

“Ne, Shqipëria dhe Kosova, vërtetë jemi paqësorë, por duhet të mendojmë edhe më të keqen. Armatoset Serbia, por pse armatoset? Pyetja është jo që armatoset mos do të sulmojë, mos e ka në mendje. Ne duhet të jemi të kujdesshëm dhe të marrim masa, edhe Kosova dhe Shqipëria, duhet të jemi më seriozë. Kujt ia merrte mendja se Rusia do të sulmonte Ukrainën, asnjë njeri. Janë vende autokrate, edhe Serbia është vend autokrat, nuk është në peshën e Rusisë, por është”, thekson Moisiu.

Megjithatë, ai shton se Kosova duhet t’i bashkëngjitet iniciativës rajonale “Ballkani Hapur”.

“Amerika dhe Bashkimi Evropian e thanë troç se këtu nuk bëhet fjalë për zgjidhje politike, është çështja te zgjidhja e problemeve ekonomike. Pasi problemet politike do të vazhdojnë në kuadër të Procesit të Berlinit dhe BE-së… ‘Ballkani i Hapur’ ka rol ekonomik, Kosova duhet t’i bashkëngjitet, pasi Kosova bën tregti me Serbinë, pavarësisht se mund të ketë ra, por vazhdon. Duhet të zgjidhen të gjitha problemet, por pikësynimi është se as ju dhe as ne nuk heqim dorë nga pavarësia e Kosovës dhe njohja e reciproke. Pasi s’mundet të vazhdojë kjo në pafundësi në konflikt të ngrirë. Prandaj edhe kancelari gjerman e thekson me të madhe këtë punë”, përfundon Moisiu.

Moisiu ka shërbyer si president i Shqipërisë në vitet 2002-2007. Ai është autor i mjaft shkrimeve, artikujve dhe studimeve të botuara në shtypin shqiptar e të huaj, për problemet e artit ushtarak, të politikës së mbrojtjes, të sigurisë rajonale si dhe për zhvillimet në Kosovë./KosovaPress

The post “Kurti të bëhet pjesë e Open Balkan”, Moisiu: Europa ta detyrojë Serbinë që të njohë Kosovën appeared first on Albeu.com.

Bajram Begaj ditën e parë si President e shfrytëzoi për të marrë këshilla. I zhveshur me dekret presidencial nga roli i tij si ushtarak, takimin e tij të parë Begaj e zhvilloi me një tjetër ish-ushtarak me përvojë presidenciale, Alfred Moisiun. Larg vëmendjes së medias, Begaj dhe Moisiu kanë diskutuar për pozicionin e kreut të shtetit dhe rolin e tij në një situatë vazhdimisht të tensionuar politike. Ish-Presidenti Moisiu i kontaktuar nga Abc e përshkroi në këtë mënyrë takimin me Presidentin e zgjedhur, Bajram Begaj.

“Unë mendoj se z. Begaj do të jetë një President i mirë, për vetë faktin jo vetëm se bisedova me të dhe pashë mendimet e tij, integritetin e tij. Sepse ka shumë rëndësi integriteti i Presidentit të Republikës aq më tepër në kushtet e politikës shqiptare, pasi këtu “të rrëmbejnë” për t’i zgjidhur problemet si i do njëri apo tjetri. Madje disa herë edhe në shkelje të kushtetutës, edhe mbi ligjin. Por z. Begaj mu duk shumë pozitiv dhe krijova një bindje që ky zotëri do ta kryej këtë detyrë ashtu siç duhet në interes të popullit dhe të gjithë Shqipërisë.  Unë jam optimist se vërtetë do të jetë një president i mirë. Do ta mbroj kushtetutën”.

Por cilat janë këshillat që ish-Presidenti Moisiu i ka dhënë Bajram Begajt?

“Tani unë këshillë nuk i dhashë por i fola për përvojën time. I dhurova edhe librin që kam bërë “Midis Nanos e Berishës” për përshkruar gjithë periudhën e Presidencës time. Me problemet politike e negative. Përplasjet që kam pasur dhe kështu me radhë”.

Ish-Presidenti Moisiu nuk e fsheh zhgënjimin për mungesën e opozitës në Kuvend gjatë votimit të kandidaturës së Begajt.

Sigurisht që do të kishte qenë më mirë. Por tek ne, gjërat kështu shkojnë. Politika në pjesën më të madhe më shumë shikon tekat dhe inatet e saj sesa interesin e përgjithshëm.

Duke vlerësuar integritetin e Presidentit të ri dhe përvojën e tij si ushtarak, Moisiu është optimist për rolin që Begaj do të ketë në çështjet e pazgjidhura me Greqinë.

“Për këtë problematikë në radhë të parë duhet të ketë një sens patriotik. Ky sens patriotik, zotit Begaj jo vetëm që nuk i mungon por e ka me shumicë. E dyta, duhet të ketë një integritet për të ruajtur interesat e kombit dhe popullit tonë. Zakonisht njerëzit që hyjnë në pazare nuk i vënë re këto gjëra. Ndërsa z. Begaj mu duk njeri me integritet dhe që ka synime të qarta në detyrën e tij”.

Pritet që në ditët e ardhshme, Z. Begaj të zhvilloi takime edhe me ish-Presidentë të tjerë të republikës. Të shtunën kandidatura e Begajt në Kuvend mori 78 pro, 4 kundër dhe 1 abstenim.

Intervista e plotë

Pyetje: Sot keni zhvilluar një takim me presidentin e zgjedhur Bajram Begaj. Nga përvoja juaj a mendoni se Begaj do të jetë një President që do t’ia dalë të jetë i pacënuar nga përplasjet e vazhdueshme politike?

 Z.Moisiu: Unë mendoj se z. Begaj do të jetë një President i mirë, për vetë faktin jo vetëm se bisedova me të dhe pashë mendimet e tij, integritetin e tij. Sepse ka shumë rëndësi integriteti i Presidentit të Republikës aq më tepër në kushtet e politikës shqiptare, pasi këtu “të rrëmbejnë” për t’i zgjidhur problemet si i do njëri apo tjetri. Madhje disa herë edhe në shkelje të kushtetutës, edhe mbi ligjin. Por z. Begaj mu duk shumë pozitiv dhe krijova një bindje që ky zotëri do ta kryej këtë detyrë ashtu siç duhet në interes të popullit dhe të gjithë Shqipërisë.

Pyetje: Ju shoh shumë optimist për presidnecën e z. Begaj pas takimit me të?

 Z.Moisiu: Po unë jam optimist se vërtetë do të jetë një president i mirë. Do ta mbroj kushtetutën.

Kishit ju këshilla për mënyrën se si duhet ta ushtroj ai këtë detyrë?

 Z.Moisiu: Tani unë këshillë nuk i dhashë por i fola për përvojën time. I dhurava edhe librin që kam bërë “Midis Nanos e Berishës” për përshkruar gjithë periudhën e Presidencës time. Me problemet politike e negative. Përplasjet që kam pasur dhe kështu me rradhë.

Pyetje: Moisiu mendon se për kandidaturën e z. Begaj duhet të kishte pasur edhe një konsensus dhe vota të opozitës?

 Z.Moisiu: Sigurisht që do të kishte qenë më mirë. Por tek ne, gjërat kështu shkojnë. Politika në pjesën më të madhe më shumë shikon tekat dhe inatet e saj sesa interesin e përgjithshëm.

Pyetje: Ka një çështjet që pritet të jetë në qendër të vëmendjes së opinionit publik dhe do të ketë vendimmarrjen e z. Begaj që lidhet me problematikat e pazgjidhura me Greqinë. A mendoni se me përvojën e tij si ushtarak z, Begaj do të jap eksperiencën e tij jo vetëm për mandatimin e një grupi negociator por edhe për të zgjidhur një ngërç të hershëm me Greqinë?

 Z.Moisiu: Për këtë problematikë në radhë të parë duhet të ketë një sens patriotik. Ky sens patriotik, zotit Begaj jo vetëm që nuk i mungon por e ka me shumicë. E dyta, duhet të ketë një integritet për të ruajtur interesat e kombit dhe popullit tonë. Zakonisht njerëzit që hyjnë në pazare nuk i vënë re këto gjëra. Ndërsa z. Begaj mu duk njeri me integritet dhe që ka synime të qarta në detyrën e tij./abcnews.al

The post Begaj si President e takoi të parin, flet Alfred Moisiu: I dhashë përvojën time mes Nanos e Berishës appeared first on Albeu.com.

Ky takim mendohet të jetë një takim këshillues, pasi dihet që Moisiu ka eksperiencën e duhur në këtë aspekt.

Një tjetër e specifik e përbashkët mes tyre është fakti se të dy vijnë nga karriera ushtarake.

Kujtojmë se Begaj u votua ditën e djeshme në Kuvend me 78 vota pro, 4 kundër dhe 1 abstenim. Ai është presidenti i tretë i Shqipërisë, pas ish-president Alfred Moisiut dhe të ndjerit Bujar Nishani që vjen nga karriera ushtarake.

The post Dje u votua si President në Parlament, Bajram Begaj këshillohet me Alfred Moisiun appeared first on Albeu.com.

I ftuar në emisionin “Të Paekspozuarit” në MCN TV, Moisiu tha se rikthimi në pushtet i Sali Berishës do të ishte “fundi i dynjasë”.

Ish presidenti tha se Berishën e ndjekin dhe e votojnë pjesa “më e pakulturuar e popullit”, ku sipas tij përfshihen “ish doganierë, ish tatimorë, etj”.

Pjesë nga biseda në studio:

Ylli Rakipi: Zoti Moisiu, një rikthim i bujshëm po ndodh në skenën politikë shqiptare. Sali Berisha merr PD-në dhe kërkon të udhëheqë opozitën. Cfarë mendoni ju?

Alfred Moisiu: Unë ka pesë vjet, në një bisedë me një ambasador të rëndësishëm, i thashe zoti ambasador përse shkoni ju te Berisha? Ai tha, po Berisha e drejton PD-në. Unë I thashë kështu si veproni ju, e linin ë hije këtë tjetrin dhe nuk ka për t’u bërë kurrë. Unë zakonisht nuk flas për ishët. Por, ka ardhur një moment që duhet thënë gjerat siç janë, të paktën ne që i njohim gjërat nga afër. Po kthehen gjërat mbrapsht. Nuk është cështja te individi, por te fatit i këtij vendi. Interesat e këtij populli dhe këtij vendi. Çdo gjë ka kohën e vet. Cdo gjë duhet vlerësuar drejt. Gabime dhe bëhen. Vetëm ai që nuk punon, nuk gabon. Por është tjetër të gabosh, tjetër të kërkosh me ngulm të arrish atë që është e gabuar.

Ylli Rakipi: Pra doktori është gabim në këtë histori?

Alfred Moisiu: Për mua po. Unë kam patur respekt për të. Kam dashur demokracine dhe e dua demokracinë, dua të mirën e këtij vendi. Por etja e madhe për pushtet të qorollis. Fillimi edhe në atë kohë dukej i mbarë, edhe pse gjërat morën kështu. Dy gjëra janë shumë të rëndësishme për të qëndruar shteti demokratik, zgjedhjet dhe drejtësia.

Ylli Rakipi: Njerëzit e ndjekin Sali Berishën, i venë pas.

Alfred Moisiu: Puna është kush e ndjek tani. Ne i njohim njerëzit. Janë pjesa më e pakulturuar. Janë ish doganierë, ish tatimorë, ish policë, isha që pa mund, pa djersë kanë arritur të marrin disa vende dominuese.

Ylli Rakipi: Po u bënë zgjedhjet dhe ai e flaku Lul Bashën dhe fitoi…

Alfred Moisiu: Nuk është as gjë e re dhe e papritur. Unë kam respekt për Bashën, por ai bëri gabimet e tij. Kur filloi Foltorja, duhet të dilte edhe ai.

Ylli Rakipi: Berisha është shpallur non grata nga SHBA. Është vendim i drejtë apo është ndikuar nga lobimi i Soros, siç thotë Berisha?

Alfred Moisiu: Njerëzit u befasuan, por nuk ka gjë për tu befasuar. TË gjtihë gjërat që mblodhi Amerika dhe arriti në konkluzion, kanë qenë të njohura. Në 2009 kam bërë një libër dhe kam përshkruar gjithë evolucionin dhe punën që është bërë. Kam shpjeguar defektet dhe shkeljet që janë bërë. Janë këto, minimi i demokracisë, që është një nga akuzat e DASH. Është çështja e drejtësisë, është edhe korrupsioni. Këto tre momentë kanë qenë të njohura.

Ylli Rakipi: Mendoni se Sali Berisha mund ta drejtojë Shqipërinë në vitin 2025?

Alfred Moisiu: Për mua kjo është e pamundur të arrihet. Për vetë faktin që sido të jetë, njerëzit, flasim për pjesën tjetër të popullit shqiptar. Edhe në PD nuk janë të gjithë njëlloj. Është elektorati gri që po zmadhohet nga zgjedhjet në zgjedhje. Nuk besoj… Nëse vjen Berisha do të ishte fundi i dynjasë..

The post “Nëse vjen në pushtet Berisha, fundi i dynjasë!” Alfred Moisiu: E ndjekin pjesa më e pakulturuar, ish doganierë, ish tatimorë appeared first on Albeu.com.

Komentet Moisiu i bëri në emisionin “Të Paekspozuarit” në MCN TV, ku ndër të tjera foli edhe për luftën Rusi-Ukrainë, të cilën e konsdieroi “të çmendur dhe të padrejtë”.

Pjesë nga biseda:

Ylli Rakipi: Ç’mendoni për luftën në Ukrainë?

Alfred Moisiu: Lufta për mua është një çmenduri e Putinit. E dyta, ai dështoi.

Ylli Rakipi: Ju e keni takuar Putinin?

Alfred Moisiu: E kam takuar në 2007 në Zagreb.

Ylli Rakipi: Ju keni dekorata të panumërta. Po Putini ju ka dhënë dekoratë?

Alfred Moisiu: Po. Janë këto të luftës si veteran. Në rastin e 60 vjetorit të përfundimit të luftës kam qenë në Moskë. Ishim 50 e ca presidentë. Ishte edhe Bushi aty.

Ylli Rakipi: Po Bushi mori?

Alfred Moisiu: Mori ish mbreti i Rumanisë, mori Mesiç, mori ish presidenti i Polonisë. Një pjesë që ishin angazhuar në luftë. Janë dekorata përkutimore.

Ylli Rakipi: Po ta takoje Putinin tani, do i jepje ndonjë këshillë?

Alfred Moisiu: Kjo është luftë e padrejtë, ukrainasit po luftojnë trimërisht. Atje ka rreth 40% të popullatës rusisht folës.

The post Alfred Moisiu tregon dekoratën që ka marrë nga Vladimir Putin appeared first on Albeu.com.