Alfred Deliallisi është zgjedhur për të udhëhequr Partizanin B. Trajneri 33-vjeçar sapo ka përfunduar rrugëtimin e tij me Korabin në Kategorinë e Parë dhe tashmë i bashkohet klubit të kuq për një sfidë të re në Kategorinë e Dytë.

Marrëveshja është arritur dhe mbetet vetëm njoftimi zyrtar nga ana e klubit. Me këtë hap, stoli i ekipit B të Partizanit i besohet një tekniku që ka provuar tashmë sfidat e Superiores. Deliallisi ka qenë në krye të Erzenit gjatë edicionit 2022/2023, duke e mbyllur me sukses misionin për të ruajtur vendin në elitë.

Përtej përvojës si trajner, 33-vjeçari ka ndërtuar edhe një karrierë të konsiderueshme si lojtar, duke veshur fanellat e skuadrave si Teuta, Besa, Kamza, Erzeni dhe Vora. Besohet se bagazhi i tij profesional do të jetë i vlefshëm për Partizanin B dhe anasjelltas.

The post Partizani B emëron trajnerin e ri, ish-tekniku i Erzenit që siguroi qëndrimin në Superiore merr drejtimin appeared first on Albeu.com.

Korabi do të vijojë pa trajnerin Alfred Deliallisi, pasi 33-vjeçari ka bërë publik vendimin për t’u larguar nga posti i teknikut të skuadrës së Kategorisë së Parë. Njoftimin për mbylljen e bashkëpunimit me ekipin e Peshkopisë ai e ka dhënë përmes një “story” në rrjetet sociale.

Deliallisi mori në dorë drejtimin e Korabit më 6 mars të vitit 2025. Gjatë periudhës së tij në pankinë, ai regjistroi 41 ndeshje, me bilanc prej 13 fitoresh, 13 barazimesh dhe 15 humbjesh.

Sa i takon sezonit 2025-2026, formacioni verior e mbylli kampionatin në vendin e 8-të të renditjes, duke mbetur larg objektivave. Megjithatë, skuadra arriti të shmangë rënien në Kategorinë e Dytë.

The post Korabi pa trajner, Alfred Deliallisi njofton largimin nga pankina appeared first on Albeu.com.