Gazi ishte i pari ai që shpëtoi, ndërsa i dyti Gabriele, me Alfion që lë kështu shtëpinë më të famshme në Shqipëri.

Alfio, Gazi, Heidi, Meri dhe Gabriele ishin 5 banorët në nominim për këtë javë.

The post Ja kush është banori i parë që eliminohet me vota nga gara e BBVA appeared first on Albeu.com.

Alfoi tha se vjen momenti kur e kupton se marrëdhënies i ka ardhur fundi, ndërsa shtoi se të vjen keq kur ndahesh, por nuk mund të kthehesh pas.

Ai gjithashtu tha se beson te shprehja ‘supa po u ftoh nuk hahet më’, duke konfirmuar kështu se nuk do të ketë më rikthimin me nënën e djalit të tij.

“Pavarësisht gjërave që kanë ndodhur, unë kam kaluar ditët më të bukura të jetës time. Pak rëndësi ka kush iku. Vjen një moment kur thua ‘ok, do ndahem me këtë personin’, ia shpreh familjes, shoqërisë dhe vjen një momet kur realisht ndahesh. Ndihesh keq, por nuk rikthehesh. Nuk ka shanse të kthehesh, por nuk ka lidhje me egoizmin.

Unë besoj te ajo shprehja;’supa po u ftoh, ngrohte sa të duash, nuk hahet më’. Tani e kam kaluar”, tha Alfio, ndërsa shtoi se dashuria e madhe nuk harrohet duke u lidhur me dike tjetër, por duke i dhënë kohë vetes.

Kujtojmë se ndarja e Alfios dhe Fatmës u përfol shumë në media, dhe ishte kuzhinieri ai që konfirmoi zërat.

“Të dashur familjar, shok dhe ndjekës. Ndjehem në detyrë dhe i obliguar moralisht të sqaroj disa lajme që kanë qarkulluar së fundmi për sa i përket jetës time personale. Unë dhe Fatma nuk jemi më së bashku nga pothuajse një vit, motivet janë shumë personale dhe individuale, nuk kanë të bëjnë absolutisht me tradhti ose rrethana të tjera që qarkullojnë në rrjet.

Dëshiroj që të kemi privatësinë tonë për të preservuar raportin tonë në harmoni dhe për të mirën e djalit të mrekullueshëm që kemi. Pasi këto publikime mund të ndikojnë jo vetëm në jetën time private edhe profesionale por edhe të rrethit tim dhe familjes sime. Unë po ju drejtohem me këtë kërkesë e lidhur ngushtë me mirëkuptimin tuaj që do të vlerësoja jashtë mase. Ju falenderoj nga zemra për kohën”, shkruante ai aso kohe.

Edhe Fatma theu heshtjen në një intervistë duke thënë “Ajo çfarë dihet është që Alfio dhe unë jemi prindër të Noahs, ai është dielli i ditëve tona. Para syve të bukur të Noahs, ne jemi dy prindër që e tejmbushim me dashuri dhe respektojmë njëri-tjetrin”.

The post Alfio hap zemrën me banorët e BBVIP, flet për ndarjen me Fatma Methasanin: Vjen një moment kur thua… appeared first on Albeu.com.

Pas publikimit të lajmit, Alfio ishte ai që reagoi përmes një postimi në Instastory, ku pranoi se marrëdhënies së tyre i kishte ardhur fundi.

“Të dashur familjar, shokë dhe ndjekës. Ndjehem në detyrë dhe i obliguar moralisht të sqaroj disa lajme që kanë qarkulluar së fundmi për sa i përket jetës time personale. Unë dhe Fatma nuk jemi më së bashku nga pothuajse një vit, motivet janë shumë personale dhe individuale, nuk kanë të bëjnë absolutisht me tradhti ose rrethana të tjera që qarkullojnë në rrjet. Dëshiroj që të kemi privatësinë tonë për të preservuar raportin tonë në harmoni dhe për të mirën e djalit të mrekullueshëm që kemi. Pasi këto publikime mund të ndikojnë jo vetëm në jetën time private edhe profesionale por edhe të rrethit tim dhe familjes sime. Unë po ju drejtohem me këtë kërkesë e lidhur ngushtë me mirëkuptimin tuaj që do të vlerësoja jashtë mase. Ju falenderoj nga zemra për kohën”, tha Alfio asokohe.

Ndërsa deri sot, Fatma heshti. Ajo ka vendosur të thyejë heshtjen e të tregojë të vërtetën e saj.

Në një intervistë për Revista Bordo, moderatorja rrëfeu se për të, rëndësi ka fakti që në sytë e djalit janë dy prindër që e mbushin me dashuri, cka nënkupton se për hir të tij, dyshja ka ruajtur një raport të mirë.

“Ajo çfarë dihet është që Alfio dhe unë jemi prindër të Noahs, ai është dielli i ditëve tona. Para syve të bukur të Noahs, ne jemi dy prindër që e tejmbushim me dashuri dhe respektojmë njëri-tjetrin”, ka thënë Fatma.

The post Fatma thyen heshtjen, flet për herë të parë për ndarjen nga Alfio appeared first on Albeu.com.

Skema e përzgjedhur nga Fondi Shqiptar i Zhvillimit për të tenderuar këtë shumë parash është një procedura e prokurimit për “Shërbim konsulence”, kjo sipas dokumentit të njoftimit. Tenderi, me objekt “Ndërhyrje për krijimin e produktit autentik ushqimor lokal duke krijuar Menynë e 100 Fshatrave”, është hapur në 21 tetor të 2021 dhe mbyllur me 29 dhjetor 2021, duke i lënë më shumë se dy muaj kohë operatorëve ekonomikë që të shprehin interes. Gara është zhvilluar në dy faza, në të parën kanë marrë pjesë dy subjekte, që kanë kaluar më pas edhe në fazën e dyte, bashkimi i kompanive i përbërë nga Kube Studios, Albanian Gastronomy Academy AGA, dhe CBS Creative Business Solutions.

Si dhe bashkimi tjetër i formuar nga Mascarpone sh.p.k dhe Endrit Maci. Një operator i tretë, i quajtur SHOQATA NJEREZ DHE IDE është skualifikuar që në fillim. Siç rëndom ndodh me tenderat publike, edhe këtë radhë Fondi Shqiptar i Zhvillimit nuk ka zhgënjyer, duke zgjedhur ofertën më të lartë, edhe pse kësaj radhë çmimi nuk ka qene kriter kryesor i përzgjedhjes. Pas përfundimit të dy fazave më 26 janar të këtij viti si fitues është shpallur bashkimi shoqërive kryesuar nga Mascarpone shpk, që ka si administrator dhe aksioner kryesor kuzhinierin e njohur Alfio Rrotani.

Sipas dokumentit zyrtar të shpalljes se fituesit në total ky bashkim shoqërish ka ma marrë 273,6 pikë, dhe një ofertë ekonomike prej 41 milion lekësh ose rreth 410 mije dollarësh. Operatori tjetër ka marrë 268,8 pikë, duke u renditur i dyti, ndërsa ka dhënë një ofertë rreth 15 mijë dollarë më të lirë për menynë e kërkuar nga fondi shqiptar i zhvillimit. Deri këtu duket një procedurë normale. Sepse është hapur një garë, kanë konkurruar disa shoqëri. Por, problemi nis tek emri i fituesit. Alfio Rrotani administrator dhe ortak kryesor i kompanisë Mascarpone shpk. Kjo sepse ai ka punuar verën e shkuar për restorantin “Bedouin Beach & Bar” në Hallamaj tek gjiri i Lalzit në Durrës, në pronësi të Flladi Agolli, që rezulton të jetë djali i drejtorit të Fondit shqiptar të zhvillimit Dritan Agolli. Në dokumentin e rregjistrimit në qendrën kombëtare te biznesit, “Bedouin Beach & Bar” është emri tregtari e kompanisë Hospitality Management & Services, i zotëruar 100% 24-vjeçari Flladi Agolli.

Është vetë ky restorant që ndodhet brenda një resorti turistik, që ka reklamuar në faqen e tij të Facebook shërbimet e shefit të kuzhinës Alfio Rrotani teksa përgatit tavolinat, apo kur prezantohet bashkë me stafin. “Jemi shumë të kënaqur që kemi një ekip yjor kuzhinierësh dhe personeli në shtëpi. Krahas Alfio Rrotanit dhe pjesës tjetër të ekipit drejtues, të gjithë në Bedouin do të sigurojnë që të gjithë klientët që vizitojnë Bedouin Beach Bar të kenë përvojën më të mirë të mundshme”, thuhet në postimin në ‘Facebook’ të restorantit më 7 qershor të 2021.

Dyshimet për këtë prokurim janë të mëdha si për kostot, pasi përgatitja e menysë të kuzhinës shqiptare dhe dokumentari do të kushtojë rreth 410 mijë dollarë, ashtu edhe për shpalljen e fituesit, ku me një qark të shkurtër drejtori i Fondit Shqiptar të Zhvillimit Dritan Agolli, ia ka dhënë tenderin kuzhinierit që ka punuar në restorantin e djalit të tij. Sipas dokumenteve paratë do të shkojnë për grumbullimin e informacionit mbi gatimet shqiptare, dizajnin e librit të Menysë 100 Fshatra, realizimin e një dokumentari me seri, trajnime dhe promovime në rrjetet sociale. Në shkresat e fondit shqiptar të zhvillimit nuk del qartë se si ka dalë kjo kosto, vetëm thuhet se Libri do të jete i konceptuar si një udhëtim turistiko-gastronomik në 100 Fshatrat, me një format miks mes një libri kuzhine dhe një guide turistike, në version print dhe online. Ndërsa dokumentari do të ndahet në 12 seri.

Fondi Shqiptar i Zhvillimit ka reaguar disa ditë më pas në lidhje me denoncimin në media të skandalit me tenderin 410 mijë dollarë, që ky institucion i drejtuar nga Dritan Agolli i dha kuzhinierit të restorantit të djalit të tij. Përmes një deklaratë të publikuar në faqen zyrtare të Fondit, Dritan Agolli, mbron tenderin dhe thotë se turizmi është një nga sektorët më të rëndësishëm dhe përmirësimi i këtij produkti turistik sipas Agollit do rezultonte me rritje në të ardhurat për këtë sektor. Kreu i Fondit shqiptar të zhvillimit thotë se procedura e prokurimit është në proces dhe e papërfunduar, dhe ende nuk ka një kontratë të lidhur sipas ligjit. Sipas tij në fund të fazës së dytë është bërë vlerësimi i kombinuar pas hapjes së ofertës financiare dhe renditja e tyre.

“Kompania që rezultoi e dyta paraqiti një ankesë për vlerësim, e cila nuk ishte në formën dhe në mënyrën e kërkuar nga ligji. Nga ana e FSHZH-së iu bë me dije kjo gjë kompanisë dhe iu kërkua që t’a plotësonte dhe riparaqiste kërkesën në formën dhe mënyrën e kërkuar ligjore duke i lejuar kohen e mjaftueshme dhe te parashikuar nga legjislacioni. Bashkimi i operatoreve ekonomik i renditur i dyti, ka riparaqitur ankesën në FSHZH dhe pranë Komisonit të Prokurimit Publik. Aktualisht procedura e prokurimit është në proces dhe e papërfunduar, pra ende nuk ka një kontratë të lidhur sipas ligjit”

Për çështjen e konflikti të interesit, ku paratë do të shkojnë për kuzhinierin e restorantit të të birit, Dritan Agolli thotë se këtë do ta zgjidhë drejtësia.

“Lidhur me çështjen e konflikti të interesit tashmë që kam ardhur në dijeni nga mediat që kanë filluar hetimet për këtë çështje nga organet kompetente sqaroj se në këtë pikë tashmë janë këto organe që do të shqyrtojnë dhe vlerësojnë këtë çështje dhe nuk ka më vend për sqarime mediatike. Në përfundim i shoh në sy me kurajo të gjithë ata që shpifën dhe që i përcollën ato dhe ju them se shpifjet e tyre vetëm më shtojnë bindjen dhe më japin forcë për të ecur përpara në rrugën për zhvillimin e vendit tone.

Me konsideratë,

Dritan AGOLLI

DREJTUES I FONDIT SHQIPTAR TË ZHVILLIMIT”, tha Agolli.

Por nga ana tjetër dyshimet për paracaktimin e fituesit janë edhe për faktin se në dokumentin e termave të referencës të tenderit i cili publikohet me njoftimin e hapjes së procedurës, bëhet përshkrimi i detyrës për pjesën e trajtimeve, ku konsulenti do të dizenjojë promovimin e trajnimeve në forma te ndryshme si psh show televiziv, kompeticion “Mastershef 100 Fshatrat”. Siç dihet publikisht është pikërisht Alfio Rrotani, fituesi i sezonit të parë të show televiz Mastershef në Shqipëri, në 2014, vit ku dhe shefi i kuzhinës u bë I famshëm.

Shfaqja e kërkuar nga fondi shqiptar i zhvillimit do të duhet të ketë një format konkurrues, të xhirohet në territorin e 100 fshatrave dhe në skenë, të shfaqet në një kanal kombëtar, në prime-time dhe të ketë prezencën e personazheve VIP të pëlqyera nga publiku. Ndoshta është koicidencë, por kriteri i tenderit dizenjuar promovimin e trajnimeve me të njëjtit format televiz, ashtu si përvoja në të cilën ka kaluar Alfio Rrotani, ngre pikëpyetje nëse ky tender ka qenë ose jo i projektuar që në fillim për të qarkulluar paratë publike brenda një rrethi të ngushtë, duke shfrytëzuar trafikun e influencave.

Por, me lidhje të mëparshme me drejtuesin e fondit shqiptar të zhvillimit Dritan Agolli, figuron edhe bashkëpunëtori dhe fituesi tjetër në tenderin 410 mije dollaresh për menunë “100 fshatrat” Endrit Maçi. Ky i fundit rezulton sipas dokumenteve ne QKB, i rregjistruar si person fizik, por që ka emrin tregtar TELL ALL CO, me fushë veprimtarie, Agjenci Publiciteti, Brandim, Logo, Materiale grafike, Marketing digjital, Sherbime Video etj. Është pikerisht kjo kompani që ka dizenjuar me pare logon e fondit shqiptar të zhvillimit, por edhe te restorantit “Bedouin Beach & Bar” në pronësi të djalit të Dritan Agollit, dhe ku fituesi tjetër Flavio Rrotani ka shërbyer si shef kuzhinë.

Thënë ndryshe që të dy operatorët Mascarpone shpk, i Alfio Rrotanit dhe Endrit Maçi që u bashkuan dhe fituan tenderin për menunë 100 fshatrat, rezultojnë të lidhur më parë me drejtorin e fondit shqiptar përmes restorantit të djalit të tij “Bedouin Beach & Bar”, ku kanë ofruar shërbimet e tyre secili në fushën e vet, njëri si shef kuzhine tjetri si dizenjues logosh. Pas mediatizimit të skandalit SPAK nisi verifikimet në lidhje me tenderin 410 mijë dollarë për FSHZH për menunë “100 fshatrat”.

REAGIMI I SPAK

“Pas të dhënave të publikuara në media, Prokuroria e Posacme po kryen veprime kryesisht në lidhje me tenderin e zhvilluar nga Fondi Shqiptar i Zhvillimit”, tha SPAK. SPAK nuk dha detaje të mëtejshme, por burimet thanë se ka nisur sekuestrimin e dokumenteve, si praktikës tenderit pranë Fondit Shqiptar të Zhvillimit, por edhe në institucione të tjera siç janë tatimet./bw

The post Investigimi/ Skandali me tenderin 500 mln lekë të FSHZH, si qarkulluan paratë publike brenda një rrethi të ngushtë duke shfrytëzuar trafikun e influencave appeared first on Albeu.com.

Tenderi me vlerë 400 mijë dollarë ka bërë fitues jo vetëm Rrotanin i cili punon me djalin e kreut të FSHZH Dritan Agolli, Flladi Agolli por edhe Maçin aksioner në kompaninë e regjistruar në emër të Rrotanit, që ka krijuar logon për restorantin e Agollit.

Endrit Maçi ka të regjistruar në emrin e tij një objekt veprimtarie në fushën e marketingut logo, materiale grafike etj të regjistruar me emrin “TELL ALL CO”. Në rrjetin social instagram të këtij biznesi është publikuar logoja që kjo kompani ka krijuar për restorantin e Flladi Agollit “Bedouni Beach Bar” që ndodhet në Hamallaj.

Kompania “Mascarpone” ku aksioner kryesor është Alfio Rrotani me 27 Janar të këtij viti u shpall fituese e tenderit me objekt shërbim konsulence për ndërhyrje për krijimin e produktit autentik ushqimor lokal duke krijuar menunë e ”100 Fshatrave” nga Fondi Shqiptar i Zhvillimit.

Tenderi tani është në dorën e SPAK-ut. Rrotani në një prononcim për media i cilësoi akuzat si sulm politik duke qenë se ato janë artikuluar edhe nga Partia Demokratike. Shpifje i cilësoi edhe vetë Agolli në një reagim të bërë dje në orët e pasdites ku shpjegon arsyet pse është përzgjedhur fituesi i tenderit duke përjashtuar konfliktin e interesit./abcnews.al

The post Thellohet skandali, fituesi tjetër i tenderit 400 mijë dollarë bëri logon e restorantit të djalit të Agollit appeared first on Albeu.com.

SPAK nisi hetimet për këtë rast, ndërsa nuk ka munguar një reagim nga Agolli, i cili i cilëson shpifje.

Reagimi:

Në mënyrë të vazhdueshme prej politikes së vjetër dhe përfaqësuese të kulturës së baltës sulmohen institucionet dhe drejtuesit për punën dhe rezultatet e tyre. Në këto sulme nuk lihet mënjanë edhe FSHZH, që është një prej organizatave më të suksesshme në gjithë këto vite, ne funksion të zhvillimit rajonal dhe vendor dhe së fundmi dhe ne procesin e Rindërtimit.

Turizimi është një prej sektorëve më të rëndësishëm të ekonomisë së vendit tonë dhe me një potencial ende të pa shfrytëzuar, sidomos në zonat me potencial natyror dhe kulturor. Nga studimet e kryera rezulton se kategoritë kryesore të shpenzimeve që bëjnë turistët janë për (i) Transport, (ii) Akomodim dhe (iii) Ushqim e pije, ku shpenzimet për ushqim e pije zënë gati 30% të shpenzimeve totale, gati njësoj me akomodimin dhe dicka më pak se transporti. Në vlerë financiare kjo shifër, për gjithë numrin e turistëve vendas dhe të huaj përgjatë kohës së qëndrimit, llogaritet në një të ardhur prej rreth 1 miliard Euro ne vit.

Një përmirësim i ketij produkti turistik do rezultonte me një rritje dhjetra milionë Euro në të ardhurat për këtë sektor dhe për për këtë arsye FSHZH përfshiu në programin e zhvillimit te “100 Fshatrave” ndërhyrjen për krijimin e produktit autentik ushqimor lokal dhe menunë e 100 fshatrave, që në mënyrë të përmbledhur konsistonte në këto 10 komponentë

Lidhur me çështjen e konfliktit të interesit tashmë që kam ardhur në dijeni nga mediat që kanë filluar hetimet për këtë çështje nga organet kompetente sqaroj se në këtë pikë tashmë janë këto organe që do të shqyrtojnë dhe vlerësojnë këtë çështje dhe nuk ka më vend për sqarime mediatike.

Në përfundim i shoh në sy me kurajo të gjithë ata që shpifën dhe që i përcollën ato dhe ju them se shpifjet e tyre vetëm më shtojnë bindjen dhe më japin forcë për të ecur përpara në rrugën për zhvillimin e vendit tonë

The post 400 mijë dollarë tender për kuzhinierin e restorantit të djalit të tij, reagon Dritan Agolli appeared first on Albeu.com.

Në një prononcim për Abcneës.al, kuzhinieri tha se lajmet nuk kanë asnjë bazë. “Janë komplet lajme të rreme, pa asnjë bazë konkrete. Por sa të mbarojë kjo do të jap edhe unë përgjigjet e mia”.

Ai beson se gjithçka është me qëllim. “Normalisht me qëllim. Jemi mësuar, e kemi parë. Unë mendoj se kjo është më shumë politike. Por unë nuk merrem me politikë” tha ai.

Gara u kompromentua për shkak se Alfio Rrotani ka punuar me djalin e kreut të FSHZH, Flladi Agolli në restorantin e tij në Hamallaj i regjistruar me emrin “Beach Bedoun Bar”. Por kuzhinieri e mohon ndikimin. “Unë njoh gjysmën e Shqipërisë, sepse bëj konsulenca. Nuk ka pasur fare ndikim, fare. Projekti është 3 vjeçar, kam ndërtuar një ekip, është një projekt shumë i bukur për të ndërtuar kuzhinën tradicionale shqiptare, do i lëmë një pasuri Shqipërisë. Po flasim për të çuar në UNESCO një pjatë tipike shqiptare”.

Megjithatë, pavarësisht se Rotani e cilëson sulm politik, SPAK sot nisi hetimet. Kuzhinieri shprehet se është gati që të shkojë të dëshmojë nëse do të thirret nga Prokuroria. “Patjetër që po. Nuk kam gjë për të fshehur. Çdo gjë në jetë e kam arritur me punë” përfundoi ai.

Kompania “Mascarpone” ku aksioner kryesor është Alfio Rrotani me 27 janar të këtij viti u shpall fituese e tenderit me objekt shërbim konsulence për ndërhyrje për krijimin e produktit autentik ushqimor lokal duke krijuar menunë e ”100 Fshatrave” nga Fondi Shqiptar i Zhvillimit. Tenderi tani është në dorën e SPAK-ut./abcnews.al

The post Tenderi 400 mijë dollarë në SPAK, flet kuzhinieri i njohur: Sulm politik, çdo gjë e kam arritur me punë appeared first on Albeu.com.

Agolli po hetohet nga SPAK për shpërdorim detyre, abuzim me fondet publike dhe korrupsion.

Më 27 janar të këtij viti, Fondi Shqiptar i Zhvillimit shpalli fituese të tenderit me objekt shërbim konsulence për ndërhyrje për krijimin e produktit autentik ushqimor lokal duke krijuar menynë e ”100 Fshatrave”, pjesë e programit të qeverisë për Rilindjen Rurale, kompaninë “Mascarpone”, bashkë me personin fizik Endrit Maci.

Fondi limit sipas dokumentacionit ishte 41,666,667 lekë, ndërsa oferta fituese rezulton në vlerën 41,020,500 lekë, pra me një diferencë prej 640 mijë lekësh mes fondit limit dhe ofertës fituese. Një grup tjetër kompanish është spostuar edhe pse kishte paraqitur një ofertë rreth 15 mijë USD më të ulët se sa kompania fituese.

Ndërkohë administratori dhe aksioneri kryesor i kompanisë fituese ‘Mascarpone’ rezulton kuzhinieri i njohur Alfio Rrotani, me 55 % të aksioneve, ndërsa bashkëpronarët e tjerë janë Senad Perfati, Blenardo Rrushi dhe Eljona Sulovari.

Themeluar në dhjetor të vitit 2018, firma fituese në fakt është një bar-restorant që ndodhet përballë godinës së Fondit Shqiptar të Zhvillimit, dhe që natyrisht frekuentohet nga zyrtarët e niveleve të ndryshme të FSHZH-së, pa përjashtuar as zyrtarët kanë firmosur letrat e tenderit.

Alfio Rrotani ka rolin kryesor në krahun e përfituesve të parave publike me anë të projektit të diskutueshëm të FSHZH.

Ka dyshime për një lidhje financiare mes Alfio Rrotanit dhe Flladi Agolli, i cili është djali i kreut të Fondit Shqiptar të Zhvillimit, Dritan Agolli. Flladi Agolli është pronar i kompleksi “Bedouin Beach & Bar”, në plazhin e Hamallajt. Kompleksi është pjesë e kompanisë Hospitality Management & Services Shpk që ka aksionar të vetëm djalin e Dritan Agollit.

Në media është raportuar se Alfio Rrotani ka punuar si shef kuzhine pikërisht në restorantin e djalit të kreut të FSHZH.

Nga ana tjetër, Dritan Agolli ka theksuar se fituesi i tenderit, Alfio Rrotani, nuk ka punuar te restoranti i djalit të tij, por Rrotani është kontraktuar nga Flladi Agolli për të realizuar menunë e lokalit.

The post I dha 400 mijë dollarë tender kuzhinierit që punon me djalin e tij, SPAK vë nën hetim kreun e Fondit Shqiptar të Zhvillimit appeared first on Albeu.com.