Alexis Sanchez i ka dhënë fund periudhës së tij në futbollin evropian dhe tashmë do ta vazhdojë karrierën në Major League Soccer.

37-vjeçari është zyrtarisht pjesë e CF Montreal, me të cilin ka nënshkruar deri në sezonin pranveror të MLS-së 2027. Klubi kanadez e konsideron kilianin transferimin më të rëndësishëm që prej periudhës së Didier Drogbas.

Kontrata mes palëve përmban edhe një opsion për sezonin e plotë 2027/28 në MLS. Ky do të jetë sezoni i parë që do të luhet sipas kalendarit të ri, të harmonizuar me atë të kampionateve kryesore evropiane.

Emri i Sanchezit ishte lidhur me Montrealin që një ditë më parë, kur klubi publikoi në rrjetet sociale një video kushtuar fanellës me numrin 10. Në përfundim të materialit, Luca Saputo, drejtori i klubit për rekrutimin dhe metodologjinë sportive, tha emrin “Alexis”, duke ndezur menjëherë zërat për një transferim të mundshëm.

Tashmë marrëveshja është konfirmuar dhe Sanchez do të regjistrohet si lojtar i kategorisë Designated Player. Ai i bashkohet MLS-së në një verë gjatë së cilës kampionati amerikan ka afruar disa yje të futbollit botëror, mes tyre Antoine Griezmann te Orlando City dhe Robert Lewandowski te Chicago Fire.

Kilianin e pret një kapitull i ri pas një karriere të spikatur në Evropë, ku ka veshur fanellat e Barcelonës, Arsenalit, Manchester Unitedit dhe Interit. Me kombëtaren e Kilit, ai ka fituar dy trofe të Copa Americas.

Sanchez mban rekordin si golashënuesi më i mirë i historisë së përfaqësueses kiliane, me 51 gola. Në 788 paraqitje profesionale, ai ka shënuar gjithsej 215 gola dhe ka dhënë 154 asistime. Në nivel klubesh, ai ka fituar trofe me Barcelonën, Interin, Colo-Colonin dhe Arsenalin.

Sezoni i fundit në La Liga me Sevillan, megjithatë, ishte i vështirë për të, pasi realizoi vetëm katër gola në 28 ndeshje. Tani Sanchez shpreson që kalimi në MLS të shërbejë si pikënisje për një tjetër ringritje në karrierë.

“Jam shumë i lumtur që i bashkohem CF Montrealit dhe që po marr përsipër këtë sfidë të re. I jam mirënjohës klubit për besimin që më ka dhënë dhe mezi pres ta vë përvojën time në dispozicion të ekipit, në mënyrë që të përmbushim objektivat tona dhe t’u dhurojmë tifozëve momente të paharrueshme.

Jam këtu për të dhënë gjithçka që kam për klubin dhe për këtë qytet”, deklaroi Sanchez./

The post Alexis Sanchez nis aventurën amerikane, firmos me klubin e MLS-së appeared first on Albeu.com.

Një grup i rëndësishëm futbollistësh me histori në La Liga ndodhet aktualisht në kërkim të skuadrave të reja, duke u kthyer në disa prej emrave më interesantë të tregut spanjoll të transferimeve.

Mes tyre janë Dani Carvajal, Sergio Ramos dhe Dani Parejo, të cilëve u kanë përfunduar kontratat me klubet respektive. Për shkak se janë lojtarë të lirë, ekipe nga Evropa dhe vende të tjera po vlerësojnë mundësinë për t’i afruar pa paguar tarifa transferimi.

Përvoja ndërkombëtare e këtyre veteranëve i bën ata alternativa tërheqëse për klubet që synojnë të përforcohen me kosto të ulët. Mosha mund të kufizojë disa prej opsioneve të tyre, por karriera dhe reputacioni i tyre vazhdojnë ta mbajnë të gjallë interesin gjatë merkatos së verës.

Dani Carvajal, 34 vjeç, është emri kryesor i kësaj liste. Mbrojtësi i djathtë mbylli një periudhë 13-sezonale te Real Madridi, ku fitoi 27 trofe, mes tyre edhe gjashtë tituj të Ligës së Kampionëve. Tani, prioriteti i tij është të vijojë karrierën në një kampionat evropian konkurrues.

Interi shihet si klubi që ka shfaqur interesin më të madh për të, ndonëse Carvajal ka marrë gjithashtu oferta nga Arabia Saudite, Katari dhe MLS.

Sergio Ramos, 40 vjeç, mbetet një tjetër figurë e madhe pa skuadër dhe ende nuk ka bërë të ditur se do të tërhiqet nga futbolli. Qendërmbrojtësi i lindur në Seville dëshiron të vazhdojë të luajë, nëse paraqitet një propozim që e konsideron tërheqës.

Paralelisht, Ramos vazhdon të jetë pjesë e bisedimeve që lidhen me të ardhmen e Sevillas, megjithëse kjo çështje po trajtohet veçmas nga vendimi për karrierën e tij si futbollist.

Interesi për ish-lojtarin e Real Madridit dhe Sevillas mbetet i lartë falë historisë së tij të jashtëzakonshme. Ramos po shqyrton alternativat e mundshme dhe vazhdon të jetë pa klub vetëm disa javë përpara përfundimit të afatit kalimtar të verës.

Edhe e ardhmja e Dani Parejos po ndiqet me vëmendje. Mesfushori 37-vjeçar u largua nga Villarreal në përfundim të sezonit të kaluar dhe ka bërë të qartë publikisht se synon të vazhdojë karrierën në futboll.

Racing Santander është përmendur ditët e fundit si një destinacion i mundshëm për Parejon. Klubi, që ka siguruar një vend në La Liga, po kërkon të shtojë përvojë në skuadër. Deri tani nuk ka marrëveshje, por mesfushori veteran konsiderohet ende një nga lojtarët e lirë më të kërkuar në tregun spanjoll.

Përveç tyre, futbollistë të tjerë me të kaluar në La Liga, si Thomas Partey, Pedro Rodriguez, Dani Ceballos, Nabil Fekir, William Carvalho, Cedric Bakambu, Chimy Avila, Diego Rico, Joselu, Adama Traore, Alexis Sanchez dhe James Rodriguez, pritet të vendosin të ardhmen e tyre gjatë javëve të ardhshme.

The post Legjendat e La Ligës mbeten pa klub dhe presin ofertat e reja appeared first on Albeu.com.

Pas kësaj sfide ka folur edhe sulmuesi i Kilit, Alexis Sanchez. Ylli i skuadrës së Kilit edhe pse nuk arriti të gjente rrugën e rrjetës në këtë ndeshje tregoi se mosha është thjeshtë një numër sa herë që prekte topin. Gjithsesi, Sanchez thotë që e ka të vështirë të rikthehet në formën më të mirë fizike.

“E vërteta është se kam luajtur pak ndeshje, kështu që është e vështirë të rikthehem në formë të mirë fizike. Tani do të luajmë kundër nën kampionëve të botës, Francës. Jemi të lumtur që përballemi me një rival të rëndësishëm. Le të shpresojmë të jemi kundërshtarë të denjë për një ekip të këtij niveli”, është shprehur 37-vjeçari.

The post Mposhtën pastër Shqipërinë, Alexis Sanchez: Radhën e ka Franca! appeared first on Albeu.com.

Rasti ndodhi në humbjen që e pësoi Interi nga Atletico Madrid në ndeshjen kthyese të eliminimit direkt të Ligës së Kampionëve.

Sanchez humbi penalltinë dhe Griezmann u kap në kamera duke e quajtur reprezentuesin e Kilit: “Ai është një m*t, kiliani është një m*t!”.

Videoja u bë virale në rrjetet sociale, kështu që, sipas Marca, francezi kontaktoi personalisht Sanchezin për të kërkuar falje për sjelljen e tij të ulët.

Sipas raportit, Griezmann shpjegoi se ishte tepër i emocionuar dhe se objektivi i tij ishte të inkurajonte shokun e tij të skuadrës Jan Oblak dhe të mos ofendonte një kundërshtar. Sanchez thuhet se ka pranuar faljen e Griezmann.

Griezmann shënoi golin e barazimit në pjesën e parë, vetëm tre minuta pas golit të Federico Dimarco.

Nga ana tjetër, Sanchez u fut si zëvendësues nga bankina gjatë kohës shtesë, por humbi një goditje nga pika, duke kontribuar në eliminimin e Interit. /Telegrafi/

❗Antoine Griezmann stated, "He's a coward, the Chilean is a coward!" after Alexis Sanchez missed a penalty against Atletico Madrid yesterday. 😲pic.twitter.com/k1jOKlxNZv

— CentreGoals. (@centregoals) March 14, 2024

The post Griezmann telefonoi pas ndeshjes Sanchezin, ai e kishte fyer pasi e humbi penalltinë appeared first on Albeu.com.

I mbërritur mbrëmë në Marignane në një atmosferë paksa të çmendur, kiliani nënshkroi zyrtarisht kontratën e tij për një sezon (plus një tjetër).

“Më thanë se ishte një klub me shumë histori, më i madhi në Francë. E di që ata kanë fituar tashmë Ligën e Kampionëve dhe kanë qenë kampionë rreth dhjetë vjet më parë. Është një sfidë për mua të vij këtu sepse dua të fitoj tituj. Unë kam luajtur tashmë me disa te Arsenali, por është e vërtetë që nuk njoh shumë njerëz këtu”, pranoi sulmuesi në konferencën për shtyp.

Alexis Sanchez dëshiron të fitojë tituj me OM

Pas Udineses, Barçës, Arsenalit, Manchester United dhe Interit, lojtari 33-vjeçar është gati të zbulojë klubin e tij të 6-të në kontinentin e vjetër. Kudo që shkoi Alexis Sanchez fitoi trofe. Ardhja në Marsejë nuk është një pension paraprak për të. Ai thotë se është atje për të kryesuar listën e OM dhe shpreson në veçanti t’i ofrojë Ligue 1 një ekipi që nuk e ka ngritur kampionatin që nga viti 2010.

“Të luash në Champions League është gjithmonë diçka shumë e bukur kur je lojtar. Mundohem të fitoj tituj kudo që shkoj. Te Inter ishte e njëjta gjë. Klubi nuk kishte fituar për 11 vjet (Seria A). Edhe këtu, është një sfidë personale dhe mendoj se ka një fuqi punëtore shumë të mirë, një ekip shumë të mirë menaxhues për të arritur atje. Me ambicie të tilla, nuk ka dyshim se lojtari kilian do të adoptohet shpejt. /albeu.com/

The post Ambiciet e çmendura të Alexis Sanchez me Marseille appeared first on Albeu.com.

Për pak orë, kiliani ishte një lojtar i lirë, pasi më vonë ai fluturoi për në Francë që të firmoste me Marseille.

Sot, Marseille prezanton me një video shumë të bukur sulmuesin e tyre më të ri, Alexis Sanchez. Ish-sulmuesi i Interit do të mbajë në fanellë numrin 70-të./ h.ll/albeu.com

? ???? ???????
? ??????? ??
✍️ « ?? ???̃? ????????? » #BienvenueSurMars ?????? ??́????? ??? pic.twitter.com/wooByhm8sg

— Olympique de Marseille (@OM_Officiel) August 10, 2022

The post Tashmë zyrtare, Alexis Sanchez lojtari më i ri i planetit “MARS” (VIDEO) appeared first on Albeu.com.

Kiliani ka ndërprerë kontratën me Interin , duke gjetur një marrëveshje përfundimtare. Gazetari i Sky Sport , Gianluca Di Marzio e raporton këtë në një postim në Tëitter  pas thashethemeve të para të nisura nga kolegët e L’Equipe.

Tani kiliani është i lirë të kërkojë një klub të ri për të vazhduar karrierën e tij, me Marseille afër mirëkuptimit për ta sjellë atë në Ligue 1./albeu.com

The post Inter – Sanchez pranë zyrtarizimit të “divorcit”, kiliani ka ndërprerë kontratën me “zikaltërit” appeared first on Albeu.com.

Drejtuesit e Interit e kanë shumë të vështirë të gjejnë gjuhën e përbashkët me sulmuesin kilian për të ndërprerë kontratën. Zikaltërit duan ta largojnë atë njësojë siç bënë me patriotin e tij, Arturo Vidal. Drejtuesit e Interit i dhanë Vidal-it një shumë prej 4 milionë euro që të firmoste prishjen e kontratës.

Nga ana tjetër, Sanchez nuk pranon asnjë shumë dhe ka bërë të qartë se do të largohej vetëm nëse do të kishte interes nga ndonjë klub i mirë nga ligat kryesore evropiane. Marseille ka shfaqur interes, por Sanchez është duke ëndërruar një rikthim të pamundur te Barcelona./h.ll/albeu.com

The post Inter dëshiron “të heq qafe” Sanchez, kiliani shpreson për një rikthim në Barcelonë appeared first on Albeu.com.

Sulmuesi dëshiron të qëndrojë në nivele të larta dhe shpreson të marrë një ofertë nga klubet e kampionateve evropiane./ h.ll/albeu.com

The post Inter, Alexis Sanchez drejt përjashtimit nga lista e Champions League appeared first on Albeu.com.

Në fund të sezonit rrugët e kilianit dhe Interit do të marrin drejtime të ndryshme. Sanchez duket se nuk është më në planet e Inzaghit, pasi tekniku italian përdor tashmë Perisic si sulmues të dytë kur futet në lojë Gosens.

Ai është lojtari më i paguar tek Interi, kështu klubi zikaltër do të lirohej nga paga e tij e madhe, ku dyshohet se mund t’i ofrohet argjentinasit Paulo Dybala.

Për Alexis është interesuar River Plate, por thuhet se edhe disa klube spanjolle i janë vënë pas kilianit./ h.ll/albeu.com

The post Alexis Sanchez pranë largimit, disa klube janë pas tij appeared first on Albeu.com.