Sipas mediave të huaja, policia ruse do të regjistrojë pasaportat e atyre që vijnë në kishën e ikonës së Nënës së Zotit, e cila ndodhet në një zonë të qetë të Moskës.

Por ekipi i tij thotë se po përballen me vështirësi në organizimin e ceremonisë së lamtumirës. Zëdhënësja e tij, Kira Yarmysh, tha se ata nuk kishin mundur të gjenin një makinë për ta çuar trupin në kishë.

“Njerëz të panjohur po telefonojnë bizneset e funeraleve dhe i kërcënojnë nëse pranojnë të marrin trupin e Alexeit,” tha Yarmysh.

Varrimi do të bëhet më pas në varrezat e Borisovskoye në orën 16:00. Shërbimi i varrimit do të transmetohet gjithashtu në internet në kanalin e Navalny në YouTube.

Navalny vdiq më 16 Shkurt në burgun rus brenda Rrethit Arktik. Ai ishte burgosur për tre vjet me akuza të sajuara.

Bashkëpunëtorët e Navalny, thonë se lideri i opozitës ruse ishte afër lirimit para vdekjes së tij.

Nëna e tij, Lyudmila Navalnaya, kaloi tetë ditë duke u përpjekur të bindte autoritetet që të lironin trupin pas vdekjes së tij më 16 shkurt. Familja e Navalny ka akuzuar Putinin se qëndron pas vdekjes së tij.

The post Sot funerali i Alexei Navalny në Moskë, organizuesit e ceremonisë: S’po gjejmë makinë funerali për të transportuar trupin appeared first on Albeu.com.

Veprimi i amerikanëve vjen si kundërpërgjigje ndaj vdekjes së opozitarit rus, Alexei Navalnyt dhe në prag të dy vjetorit të luftës në Ukrainë. Sanksionet synojnë individë të lidhur me burgosjen e Navalnyt, si dhe sektorin financiar të Rusisë, raporton skynews. Ajo ka thënë gjithashtu se ka vendosur kufizime të reja të eksportit për afro 100 subjekte që “mbështesin makinerinë luftarake të Rusisë”.

Theksojmë se bëhet fjalë për më shumë se 500 sanksione kundër individëve dhe subjekteve ruse dhe të lidhura me Rusinë.

Ndryshe, Bashkimi Evropian miraton sanksione të reja ndaj afro 200 individëve dhe subjekteve të lidhura me pushtimin rus në Ukrainë.

The post Pas BE-së, SHBA i vendos sanksione të fuqishme Rusisë! appeared first on Albeu.com.

“Vdekja e papritur e Alexei Navalny më ka bërë gjithnjë e më të vetëdijshëm për atë që po ndodh në vendin tonë”, shkroi Trump, dhe sipas Reuters, vdekjen e Navalny e paralelizon me problemet e tij politike.

Nuk është e qartë se çfarë ngjashmërish po përpiqej të bënte Trump me liderin më të shquar të opozitës ruse. Navalny luftoi për vite me radhë kundër asaj që ai e quajti korrupsion të madh në Rusinë e Putinit, të sunduar nga “mashtrues dhe hajdutë”.

Presidenti Joe Biden të premten fajësoi drejtpërdrejt Putinin për vdekjen e Navalny-t, ndërsa Kremlini ka mohuar përfshirjen në vdekjen e tij dhe tha se pretendimet perëndimore se Putin ishte përgjegjës ishin të papranueshme. Që kur u raportua vdekja e Navalny të premten, ish-presidentët e SHBA dhe anëtarët më të lartë të Kongresit nga të dyja partitë fajësuan gjithashtu Putinin.

Por Trump, kandidati kryesor për nominimin republikan për të sfiduar Biden në zgjedhjet e nëntorit , qëndroi i heshtur deri të hënën.

Gjatë mandatit të tij në Shtëpinë e Bardhë 2017-2021, Trump shprehu admirim për Putinin. Në vitin 2018, ai refuzoi të fajësonte liderin rus për ndërhyrjen në zgjedhjet e vitit 2016 në SHBA.

The post Trump thyen heshtjen për vdekjen e Navalnyt, nuk i hedh asnjë faj Putinit appeared first on Albeu.com.

Të dielën vajza e tij, Dasha, iu bëri thirrje autoriteteve ruse që të lejojnë hyrjen e një mjeku për të trajtuar babanë e saj në burg, një ditë pasi mjekët paralajmëruan se Navalny është në rrezik për jetën nga dëmtimi i veshkave.

Sipas medieve të huaja, Navalny, një kundërshtar i presidentit rus, njoftoi një grevë urie në fund të muajit mars, në shenjë proteste ndaj asaj që ai tha se iu ishte refuzuar trajtimi i duhur i dhimbjes akute të shpinës dhe këmbës nga autoritetet e burgut.

“Lejoni një mjek ta shoh babanë tim”, shkroi vajza e Navalnyt në Twitter, studente në Universitetin e Stanford.

Dasha studion për psikologji dhe është një aktiviste mjaft e njohur në rrjetur në rrjetet sociale që mendohet se do të ndjekë hapat e babait të saj. Ajo ka marrë pjesë në një sërë intervistash ku ka diskutuar për shpresat e saj për të ardhmen e Rusisë. Dasha ka folur disa herë për babain e saj dhe fushatat e tij kundër korrupsionit në Rusi.

“Fola me prindërit e mi dhe mësova se edhe nëse policia nuk na pëlqen, babi po bën gjënë e duhur…Unë kam qenë gjithmonë krenare për këtë”, deklaroi ajo disa kohë më parë.

Në një intervistë të vitit 2021 me Spiegel, Daria zbuloi se, deri në moshën 10 vjeçare, fëmijëria e saj kishte qenë në të vërtetë normale. Vetëm pasi babai i saj u mor në paraburgim në vitin 2011, gjërat filluan të ndryshojnë. Alexei u arrestua më 5 dhjetor 2011 dhe u dënua me 15 ditë burg “për sfidë ndaj një zyrtari qeveritar”.

“Unë kam qenë gjithmonë krenare për këtë, edhe me frikën për jetën e tij dhe tonën. Ai dëshiron më të mirën për vendin e tij. Ai dëshiron që vëllai im dhe unë të kemi një të ardhme të mirë në këtë vend”, tha Dasha.

The post “Jam krenare me babain tim” Vajza e Alexei Navalny-t drejt hapave të tij appeared first on Albeu.com.

Vdekja e papritur e 47- vjeçarit Alexei Navalnyt, ishte një goditje e fuqishme për shumë rusë, të cilët kishin varur shpresat për të ardhmen te rivali më i madh i presidentit rus, Vladimir Putin.

Navalny, kishte qenë i zëshëm në kritikat e tij ndaj Kremlinit, edhe pasi i kishte shpëtuar një helmimi me agjent nervor dhe ishte dënuar me disa vjet burgim.

Lajmi për vdekjen e tij shkaktoi zemërim në mbarë botën dhe qindra persona në dhjetëra qytete ruse, ngritën memoriale ad-hoc dhe monumentet për viktimat e shtypjes politike u mbushën me lule dhe qirinj, në nderim të Navalnyt.

Në dhjetëra qytete, policia arrestoi 401 persona deri të shtunën mbrëma, tha grupi për të drejtat e njeriut OVD-Info.

Ky grup mbledh informacione për arrestimet politike dhe ofron ndihmë ligjore për të arrestuarit.

Mbi 200 persona u arrestuan në Shën Petersburg, qytetin e dytë më të madh në Rusi, tha grupi.

Në mesin e të arrestuarve është edhe Grigory Mikhnov-Voitenko, prift i Kishës Ortodokse Apostolike, që është një grup fetar i pavarur nga Kisha Ortodokse Ruse.

Ai kishte njoftuar përmes rrjeteve sociale, se kishte në plan të mbante shërbesa në kujtim të Navalnyt.

Autoritetet e arrestuan priftin mëngjesin e së shtunës jashtë shtëpisë së tij.

Ai po akuzohet për organizim të tubimeve dhe u dërgua në burg, por më pas u hospitalizua sepse pësoi një sulm, sipas OVD-Info.

Gjykatat në Shën Petersburg, kanë urdhëruar që 42 prej personave që u arrestuan të premten të dënohen me gjashtë ditë burgim dhe nëntë të tjerë u gjobitën.

Në Moskë, të paktën gjashtë persona u dënuan me 15 ditë burgim, sipas OVD-Info. Një person u burgos në qytetin jugor Krasnodar, ndërkaq dy të tjerë në qytetin Brjansk, tha grupi.

Lajmi për vdekjen e Navalnyt, erdhi një muaj para se Rusia të mbajë zgjedhjet presidenciale, të cilat gjerësisht besohet se do t’i japin Putinit edhe një mandat tjetër gjashtëvjeçar.

Pyetjet rreth shkakut të vdekjes janë ngritur edhe të dielën, teksa mbetet e paqartë se kur autoritetet do t’ia dorëzojnë familjes trupin e tij.

Një ditë më herët, ekipi i Navalnyt tha se politikani “u vra” dhe akuzuan autoritetet se me qëllim po zvarrisin procesin e dorëzimit të trupit të tij.

Nëna e Navalnyt dhe avokatët, kanë pranuar informacione kundërthënëse nga disa institucione ku ata shkuan të kërkonin që t’u dorëzohej trupi i pajetë i kritikut të Kremlinit.

“Ata po na shëtisin në një rreth dhe po fshehin gjurmët e tyre”, tha zëdhënësja e Navalnyt, Kira Yarmysh.

“Në burg, gjithçka mbulohet nga kamerat. Çdo hap që ai ka hedhur është incizuar nga të gjitha këndet në gjithë këto vjet. Çdo punonjës ka kamerë që incizon. Në dy ditë, nuk ka pasur asnjë video që është publikuar apo që ka rrjedhur në publik. Këtu nuk ka vend për paqartësi”, tha më 18 shkurt aleati i ngushtë i Navalnyt, Leondi Volkov.

Nënës së Navalynt nga autoritetet i është dorëzuar një njoftim, ku thuhej se ai vdiq të premten në orën 14:17, sipas kohës lokale, tha Yarmysh.

Kur nëna e Navalnyt arriti në burg të shtunën, zyrtarët e burgut i thanë se djali i vdiq nga “sindroma e vdekjes së papritur”, tha Ivan Zhdanov, drejtori i Fondacionit të Navalnyt Kundër Korrupsionit.

Përmes një deklarate, më 16 shkurt një departament lokal i Shërbimit Federal të Burgjeve të Rusisë deklaroi se e Navalny u ndje keq, pas ecjes dhe më pas humbi vetëdijen.

Një autoambulancë shkoi në tentim për t’i ofruar ndihmë mjekësore, por ai vdiq, u tha në deklaratë.

“Të gjitha masat për ta kthyer në jetë u ndërmorën, por ato nuk prodhuan rezultate pozitive. Mjekët e autoambulancës e shpallën të vdekur të burgosurin. Shkaku i vdekjes është duke u përcaktuar”, u tha në deklaratën e Shërbimit rus.

Navalny, një kritik i zëshëm i Putinit, ishte mbajtur në burgun rus prej vitit 2021 nën akuza që janë cilësuar nga shumë si të nxitura politikisht.

Në gusht, Navalny ishte shpallur fajtor për themelimin dhe financimin e një organizate ek*tremiste, gjë të cilën e kishte mohuar gjithmonë, dhe autoritetet e dënuan me 19 vjet burgim shtesë.

Ai veçse ishte dënuar me nëntë vjet burgim për shkelje të lirimit me kusht, për mashtrim dhe shpërfillje të gjykatës.

The post Mbi 400 të arrestuar në Rusi gjatë homazheve për Alexei Navalny appeared first on Albeu.com.

Ai u pa për herë të fundit në një video-telefonatë në janar, duke bërë shaka për veshjen e tij të burgut në Siberi.

Duke folur me gazetarët në video-telefonatë, Navalny dukej se ishte në gjendje të mirë shpirtërore, duke bërë shaka se nuk kishte marrë ende ndonjë postë për Krishtlindje, për shkak se ishte “shumë larg”.

Në dhjetor, ai u zhvendos në një burg, mijëra milje larg në veri-lindje të Moskës në Siberi.

The post Publikohet videoja e fundit nga burgu e Alexei Navalny appeared first on Albeu.com.

Navalny, 47-vjeç, ishte një nga kritikët më të zëshëm dhe këmbëngulës të Putinit, po mbahej në një burg rreth 40 milje në veri të Rrethit Arktik, ku ishte dënuar me 19 vjet nën një “regjim të veçantë”.

Në një video nga burgu në janar, ai ishte shfaqur i dobësuar me kokën e rruar.

Kremlini tha se nuk kishte informacion për shkakun e vdekjes.

Në fillim të dhjetorit, ai ishte zhdukur nga një burg në rajonin e Vladimirit, ku po vuante një dënim 30-vjeçar me akuza për ekstremizëm dhe mashtrim që ai i kishte quajtur ndëshkim politik për drejtimin e opozitës anti-Kremlin të viteve 2010.

Ai nuk priste të lirohej gjatë regjimit të Putinit.

Një ish-politikan nacionalist, Navalny ndihmoi në nxitjen e protestave të viteve 2011-12 në Rusi, duke bërë fushatë kundër mashtrimit zgjedhor dhe korrupsionit qeveritar, duke hetuar rrethin e ngushtë të Putinit dhe duke ndarë rastet e zbuluara të korrupsionit në videot që mblodhën qindra miliona shikime.

Niveli i lartë në karrierën e tij politike erdhi në vitin 2013, kur ai fitoi 27% të votave në një garë për kryebashkiak të Moskës që pakkush besonte se ishte e lirë apo e drejtë.

Ai mbeti një “gjemb në këmbë” për Kremlinin për vite me radhë, duke identifikuar një pallat të ndërtuar në Detin e Zi për përdorim personal të Putinit, pallate dhe jahte të përdorura nga ish-presidenti Dmitry Medvedev dhe një punëtore s*ksi që lidheshin me një zyrtar të lartë të politikës së jashtme nga një oligark i njohur.

Në vitin 2020, Navalny ra në koma pas një helmimi me agjentin nervor novichok nga shërbimi rus i sigurisë FSB dhe u dërgua në Gjermani për trajtim.

Ai u shërua dhe u kthye në Rusi në janar 2021, ku u arrestua me një akuzë për shkelje të lirimit me kusht dhe u dënua me dënimin e tij të parë nga disa dënime, që do të arrinin në më shumë se 30 vjet pas hekurave.

Vladimir Putin, ka nisur së fundmi, një fushatë presidenciale për mandatin e tij të pestë në detyrë.

Ai është tashmë lideri rus më jetëgjatë që nga Jozef Stalin dhe mund ta kapërcejë atë nëse kandidon sërish për post në vitin 2030.

The post Kush ishte Alexei Navalny, kritiku më i fortë i Vladimir Putin appeared first on Albeu.com.

“Më 16 shkurt 2024, në koloninë korrektuese nr. 3, i dënuari AA Navalny nuk u ndje mirë pas një shëtitjeje, pothuajse  humbi vetëdijen. Menjëherë kanë mbërritur punonjësit mjekësorë të institucionit dhe është thirrur ekipi mjekësor i urgjencës. Janë kryer të gjitha masat e nevojshme reanimuese, por nuk kanë dhënë rezultate pozitive. Mjekët e Urgjencës kanë konfirmuar vdekjen e të dënuarit”, thuhet në një deklaratë.

Ai po vuante një dënim me 19 vite për shkelje të lirimit me kusht, mashtrim dhe shpërfillje të gjykatës

The post Ndërron jetë në burg lideri i opozitës ruse, Alexei Navalnyy appeared first on Albeu.com.

Bashkëpunëtorët e tij kanë frikë se problemi shëndetësor mund të jetë për shkak të një helmi me veprim të ngadaltë, pasi pesha e tij trupore ra me 8 kg në rreth dy javë, tha zëdhënësja e tij.

Një ambulancë u thirr në koloninë e burgut të sigurisë maksimale IK-6 në Melekovo, rreth 250 kilometra në lindje të Moskës, ku po mbahet Navalny, të premten në mbrëmje, sipas zëdhënëses së tij Kira Yarmish.

Ajo raportoi se të premten pati një shqetësim misterioz në stomak. Në të kaluarën, shtoi aj, mjekët e burgut i kishin dhënë një injeksion, të cilin ai nuk pranoi ta identifikonte.

“Ne nuk po e përjashtojmë faktin që tani Alexei Navalny po helmohet ngadalë, po vritet ngadalë për të tërhequr më pak vëmendje,” tha Yarmish në një postim në Twitter.

I pyetur në lidhje me pretendimet se Navalny mund të jetë helmuar, Kremlini tha se nuk po monitoronte shëndetin e tij dhe se kjo ishte një çështje e shërbimit federal të burgjeve.

Shërbimi i burgut, i cili në të kaluarën ka mohuar akuzat se stafi i tij e keqtrajtonte Navalnyn dhe tha se atij i ishte ofruar gjithmonë ndihmë mjekësore kur ishte e nevojshme, nuk iu përgjigj menjëherë një kërkese të Reuters për koment./albeu.com

The post Dyshohet se është helmuar, zëdhënësja e Alexei Navalny: Po e vrasin ngadalë appeared first on Albeu.com.

Navalny, 46-vjeçar, është duke vuajtur një dënim nëntëvjeçar për shkak të akuzave për përvetësim, të cilin mbështetësit e tij e shohin si ndëshkim për sfidim të Kremlinit.

Në një deklaratë të lëshuar pak para përvjetorit të parë të luftës së Rusisë në Ukrainë, Navalny ka thënë se Ukraina duhet ta caktojë vetë fatin e vet dhe se Rusia duhet të respektojë kufijtë e vitit 1991.

“Jetët e dhjetëra mijëra ushtarëve rusë janë shkatërruar pa kuptim”, ka thënë Navalny në deklaratën që e ka konsideruar “platformë politike”.

“Humbja ushtarake përfundimtare mund të vonohet duke iu kushtuar me jetë qindra mijëra rezervistëve shtesë, mirëpo humbja e plotë është e pashmangshme”.

Navalny ka përmendur po ashtu se “dhjetëra mijëra ukrainas të pafajshëm” janë vrarë pasi presidenti rus, Vladimir Putin, 70-vjeçar ka dëshiruar të qëndrojë në pushtet “me çfarëdo çmimi”.

Ai ka deklaruar mes tjerash se Moska duhet “ta lërë Ukrainën rehat” dhe të paguajë për dëmet e luftës, kur të përfundojë konflikti.

Përveç tjerash, Navalny ka thënë se Rusisë i duhet një republikë parlamentare, në mënyrë që të shpërbehet “diktatura” e Putinit dhe që të mbahen zgjedhjet e lira.

Navalny është helmuar me agjent nervor Noviçok më 2020.

Ai ka mbijetuar me shumë vështirësi, derisa e ka akuzuar Putinin se ka qëndruar mbrapa sulmit.

Navalny është trajtuar në Gjermani pas helmimit, ndërsa kur është kthyer në Rusi, në janar të vitit 2021, është arrestuar në aeroportin e Moskës.

The post Navalny: Humbja ushtarake e Rusisë në Ukrainë, “e pashmangshme” appeared first on Albeu.com.