“Paaftësia për të bashkuar dhe koordinuar aktivitetin ushtarak ka penguar pushtimin e Rusisë deri më sot,” shton ai.

Dvornikov ka përvojë të mëparshme komanduese në Siri dhe që nga viti 2016 ka komanduar distriktin ushtarak jugor të Rusisë që kufizohet me rajonin Donbas të Ukrainës.

Zgjedhja e tij tregon se sa e vendosur rezistenca ukrainase dhe planifikimi joefektiv i paraluftës e kanë detyruar Rusinë të rivlerësojë operacionet e saj, shton Ministria e Mbrojtjes.

U njoftua në fillim të kësaj jave se gjenerali, i cili ka një histori të taktikave brutale në Çeçeni dhe Siri, ishte vënë në krye të fazës së re të luftës së Rusisë në Ukrainën lindore./albeu.com

The post Inteligjenca britanike zbulon rolin kyç të komandantit të ri rus në Ukrainë appeared first on Albeu.com.

Gjenerali Dvornikov ka mbikëqyrur trupat ruse në Siri dhe ka një histori të shënjestruar të civilëve, ai njihej si “Kasapi i Sirisë”.

“Emërimi i këtij gjenerali të ri tregon qëllimin e Vladimir Putin për të vazhduar këtë konflikt për muaj, nëse jo vite”,  tha admirali në pension James Stavridis për NBC Nightly Neës.

Sjellja e gjeneralit Dvornikov është një përpjekje për të thyer shpirtin e popullit ukrainas, paralajmëroi admirali Stavridis.

“Ai është njeriu që është thirrur nga Vladimir Putin për të rrafshuar qytete si Alepo në Siri”, tha admirali. “Ai ka përdorur mjete të terrorizmit gjatë gjithë asaj periudhe, duke përfshirë punën me forcat siriane, qendrat e torturës, përdhunimet sistematike, agjentët nervorë. Ai është më i keqi nga më të këqijtë.”

Gjenerali Dvornikov mbikëqyri një fushatë ajrore ruse në Siri që kreu më shumë se 9,000 bombardime, citoi gazeta ruse Vedomosti të thoshte ministri i mbrojtjes Sergei Shoigu në vitin 2016.

Avionët luftarakë rusë goditën qytetet e kontrolluara nga rebelët si Alepo dhe Homs, duke vrarë shumë civilë dhe duke e kthyer rrjedhën e luftës në favor të presidentit sirian Bashar al-Assad.

Në tetor 2016, Komisioneri i Lartë i OKB-së për të Drejtat e Njeriut, Zeid Ra’ad al Hussein, e përshkroi Aleppon si “një thertore” dhe “një vend të tmerrshëm dhimbjeje dhe frike, ku trupat e pajetë të fëmijëve të vegjël janë bllokuar nën rrugët e rrënojave dhe gratë shtatzëna bombardohen qëllimisht”.

Deri më tani, pushtimi rus i Ukrainës ka pasur “në thelb tre komandantë konkurrues në terren”, tha për NBC Mark Galeotti, një bashkëpunëtor i lartë në Institutin Mbretëror të Shërbimeve të Bashkuara.

Hierarkia e fragmentuar “pasqyron faktin se në të vërtetë kjo luftë nuk u nis nga gjeneralët, por nga frikacakët”, tha ai, duke shtuar: “Putini dhe një pjesë e vogël e ish-aleatëve të tij të KGB-së kanë mikromenaxhuar procesin. Ekziston një njohje që kjo nuk funksionoi dhe tani është koha për ta lënë ushtrinë ruse të luftojë ashtu siç ishte stërvitur dhe përgatitur për të luftuar”.

Promovimi i gjeneralit Dvornikov është pjesë e një rishikimi më të gjerë në të cilin Rusia do të ndalojë përpjekjet për të luftuar në tre fronte dhe në vend të kësaj do të fokusohet në “një ofensivë tjetër për të marrë pjesën tjetër të Donbasit”, për të cilën Galeotti tha se ishtenjë objektiv më i arsyeshëm dhe më i arritshëm./albeu.com

The post “Më i keqi i të këqinjve!” Çfarë dimë për komandantin e ri rus në Ukrainë dhe çfarë do të thotë ai për luftën appeared first on Albeu.com.

“Ky komandant ka shumë përvojë në operacionet ruse në Siri”, tha burimi, ndërkohë që duket se presidenti Putin i ka bërë edhe njëherë llogaritë nga e para sa i takon operacionit në Ukrainë.

Kjo vendosje e re e Putin erdhi si përpjekje për të përmirësuar koordinimin midis njësive të ndryshme, pasi grupet ruse më parë ishin organizuar dhe komanduar veçmas, tha zyrtari.

Rusia ka luftuar 45 ditë për të arritur qëllimet e saj duke dëshiruar të kapë qytetet e ‘shenjestruara’.

Tashmë forcët ruse janë larguar pothuajse plotësisht nga Kievi dhe veriu e perëndimi i vendit, duke e përqendruar operacionin në jug dhe lindje të Ukrainës./albeu.com

The post Putin ndryshon strategjinë, vendos në krye komandantin i cili ka udhëhequr operacionet ruse në Siri appeared first on Albeu.com.