Qindra njerëz u mblodhën në Moskë për funeralin e Darya Dugina, vajzës së vrarë të një prej ideologëve më të shquar nacionalistë të Rusisë.

Dugina, vajza e ultra-nacionalistit Alexander Dugin, u vra të shtunën në një sulm me makinë bombë jashtë Moskës.

Shërbimi rus i sigurisë FSB ka akuzuar agjencitë e inteligjencës ukrainase se kanë urdhëruar vrasjen e saj, diçka që Kievi e mohon, raporton The Guardian.

Politikanë të lartë, kolegë nacionalistë dhe miq kaluan para arkivolit të errët prej druri të Duginës në një sallë në qendrën televizive të Moskës të martën në mëngjes për të thënë lamtumirë, për të vendosur lule dhe për të përcjellë ngushëllimet e tyre për prindërit e saj që ishin ulur aty pranë.

Një fotografi e madhe bardh e zi e gruas së vdekur, 30 vjeçe, e cila punonte si gazetare dhe komentuese e mediave nacionaliste, ishte varur në një mur të zi pas arkivolit të saj ndërsa luhej muzikë e zymtë.

Babai i saj, Dugin, 60 vjeç, i cili prej vitesh ka mbrojtur krijimin e një perandorie të re ruse që do të merrte territorin e vendeve si Ukraina, u tha vajtuesve se vajza e tij kishte vdekur për Rusinë.

“Nëse vdekja e saj tragjike ka prekur dikë, ajo do t’i kishte kërkuar që të mbronin ortodoksinë e shenjtë ruse, popullin dhe Atdheun. Ajo vdiq për Rusinë, në atdheun dhe në vijën e frontit që nuk është në Ukrainë, por këtu”, tha ai./albeu.com/

The post Mbeti e vrarë në sulmin me bombë, mbahet në Moskë funerali i Darya Dugina appeared first on Albeu.com.

Dugin është një prej aleatëve të ngushtë politikë të Vladimir Putinit në periferi të Moskës.

Lajmin e bëri të ditur britanikja The Guardian.

Komentet ai i bëri duke folur në Kiev, ku edhe është i vendosur, Ilya Ponomarev pretendoi se shpërthimi i së shtunës në mbrëmje ishte vepër e Ushtrisë Republikane Kombëtare, për të cilën ai pretendoi se ishte një grup që punonte brenda Rusisë dhe i përkushtuar për përmbysjen e regjimit të Putinit.

“Ky aksion, si shumë aksione të tjera partizane të kryera në territorin e Rusisë muajt e fundit, u krye nga Ushtria Republikane Kombëtare (NRA),” tha Ponomarev.

“Një ngjarje e rëndësishme ndodhi pranë Moskës mbrëmë. Ky sulm hap një faqe të re në rezistencën ruse ndaj Putinizmit. E re, por jo e fundit”, shtoi ai.

Shpërthimi vrau Darya Dugina , vajza 29-vjeçare e aleatit të Putitnit dhe ideologut të së djathtës ekstreme Alexander Dugin , të cilët të dy ishin sanksionuar nga MB dhe SHBA për veprim për të destabilizuar Ukrainën.

Ponomarev tha se partizanët brenda Rusisë ishin gati të kryenin sulme të tjera të ngjashme kundër objektivave të profilit të lartë të lidhur me Kremlinin, duke përfshirë zyrtarë, oligarkë dhe anëtarë të agjencive ruse të sigurisë.

The post “Gati për shënjestra të tjera të profilit të lartë”, ish-deputeti: Partizanët rusë janë përgjegjës për vrasjen e vajzës së aleatit të Putinit appeared first on Albeu.com.