Futbolli italian është përfshirë nga një tjetër skandal i rëndë, me vëmendjen që këtë herë është përqendruar te mbrojtësi i Interit, Alessandro Bastoni, i cili po hetohet në lidhje me një rast të dyshuar që ka të bëjë me prostitucionin e të miturve.

Sipas raportimit të gazetës prestigjioze italiane Gazzetta dello Sport, futbollisti ka marrë sot njoftimin për hapjen e hetimeve dhe pritet të merret në pyetje në ditët në vijim.

Bastoni, i cili kujtohet edhe për kartonin e kuq të marrë në Zenicë në finalen e play-off-it mes Bosnjës dhe Hercegovinës dhe Italisë, dyshohet se ka qenë i lidhur me një vajzë 17-vjeçare.

Ky dyshim është pjesë e një hetimi më të gjerë që po zhvillohet për një rrjet të dyshuar prostitucioni të të miturve në zonën e Milanos.

Prokuroria vendore po verifikon akuzat për organizimin e këtij rrjeti, ndërsa ndaj Bastonit, vlera e të cilit në treg përllogaritet rreth 65 milionë euro dhe që deri vonë konsiderohej një nga objektivat kryesorë të Barcelonës, rëndon dyshimi se ka shfrytëzuar shërbimet e këtij rrjeti.

Në fundmi, agjencia italiane ANSA bëri publike emrat e personave që dyshohet se janë përfshirë në këtë skandal të rrjetit të prostitucionit të organizuar, si edhe në veprimtari të tjera të paligjshme.

Mes emrave të përmendur janë Rafael Leao, Dusan Vlahovic, Olivier Giroud, Achraf Hakimi, Dean Huijsen, Daniel Maldini, Arthur Melo dhe shumë të tjerë.

The post Ylli i Interit, Alessandro Bastoni, nën hetim në Itali për një çështje të dyshuar që lidhet me prostitucionin e të miturve appeared first on Albeu.com.

Real Madridi ka hapur negociatat për të afruar te skuadra mbrojtësin e Interit, Alessandro Bastoni, në kohën kur Jose Mourinho po vazhdon punën për ndërtimin e ekipit për sezonin e ardhshëm.

Pasi ka përforcuar repartin defensiv me Ibrahima Konate, Marc Cucurella dhe Denzel Dumfries, klubi madrilen synon ende të shtojë edhe një qendërmbrojtës të nivelit të lartë.

Sipas Diario AS, emri që pëlqehet më shumë nga Mourinho është Bastoni. Marrëdhëniet shumë të mira mes Real Madridit dhe Interit, si edhe kontaktet e vazhdueshme ndërmjet dy klubeve, po e bëjnë më të lehtë procesin e bisedimeve.

Interi është në dijeni të interesit nga Madridi dhe gjithashtu e di se reprezentuesi italian e sheh me interes një aventurë të re, pasi edhe më parë kishte marrë në konsideratë një kalim te Barcelona.

Raportohet se mbrojtësi ka ndalur të gjitha diskutimet e tjera, ndërsa pret të kuptojë nëse Real Madridi do të jetë në gjendje ta mbyllë marrëveshjen.

Megjithatë, transferimi nuk pritet të përfundojë menjëherë, sepse fillimisht klubi spanjoll duhet të krijojë vend në skuadër përmes largimit të disa futbollistëve.

Vlera e Bastonit llogaritet rreth 60 milionë euro dhe negociatat pritet të vijojnë gjatë javëve në vazhdim, ndërsa klubi po i jep formën përfundimtare rindërtimit të mbrojtjes.

The post Real Madridi futet në bisedime për Alessandro Bastonin pas afrimit të Dumfries appeared first on Albeu.com.

Jose Mourinho nuk e sheh si të përfunduar ende merkaton e Real Madridit.

Sipas trajnerit portugez, përforcimet e bëra deri tani kanë sjellë zhvillim të dukshëm në skuadër, por ai vlerëson se duhen ende ndërhyrje në tri role thelbësore: një qendërmbrojtës, një mesfushor dhe një sulmues qendre tipik “9”.

Në bazë të planit të hartuar nga stafi teknik, këto afrime mund ta çojnë faturën totale të shpenzimeve të klubit pranë 200 milionë eurove.

Një nga prioritetet kryesore të Mourinhos mbetet reparti defensiv.

Edhe pse ardhja e Ibrahima Konates ka rritur cilësinë në mbrojtje, tekniku mendon se ekipi ka nevojë edhe për një tjetër qendërmbrojtës, për shkak të problemeve fizike të hasura nga Antonio Rudiger dhe Eder Militao.

Emri që lakohet më shumë për këtë repart është Alessandro Bastoni i Interit, i konsideruar si një prej mbrojtësve më të vlerësuar në kontinent.

Megjithatë, një lëvizje për Bastonin lidhet drejtpërdrejt me largimin e Raul Asencios, pasi ai nuk konsiderohet pjesë e planeve kryesore të trajnerit.

Nëse Asencio mbetet në skuadër, klubi nuk pritet të bëjë hap për Bastonin, për të shmangur mbipopullimin në qendër të mbrojtjes.

Sa i takon mesfushës, objektivi numër një i Mourinhos është Enzo Fernandez i Chelseat.

Mesfushori argjentinas konsiderohet profili i duhur për mënyrën e lojës që kërkon portugezi, falë intensitetit, menaxhimit të ritmit dhe aftësisë për të ndërtuar aksione në ndeshje të mëdha.

Një transferim i tillë do të kushtëzohej nga largimi i një mesfushori aktual.

Si alternativa të mundshme për dalje përmenden Eduardo Camavinga dhe Aurelien Tchouameni, edhe pse asnjëri prej tyre nuk ka shprehur vullnet për t’u larguar.

Kërkesa e tretë e trajnerit është afrimi i një sulmuesi klasik qendre.

Nuk bëhet fjalë për një emër të madh, por për një futbollist me forcë fizike, efektiv në lojën në ajër dhe të aftë për të zhbllokuar ndeshje të vështira, me karakteristika të ngjashme me Joselu.

Në këtë drejtim, ndikim të drejtpërdrejtë mund të ketë e ardhmja e Gonzalo Garcias.

Nëse sulmuesi vendos të largohet për të pasur më shumë minuta, Real Madridi do të krijonte hapësirë për një afrim të ri në atë rol.

Në panoramën e përgjithshme, vihet re një diferencë mes asaj që kërkon trajneri dhe qasjes së presidencës.

Mourinho synon më shumë ekuilibër dhe alternativë në skuadër, ndërsa Florentino Perez nuk e heq nga skena mundësinë e një goditjeje të madhe në merkato për të ndezur entuziazmin e tifozëve, me emra si Michael Olise që qarkullojnë në prapaskenë.

Real Madridi vijon të mbetet aktiv në tregun e transferimeve, por çdo operacion i rëndësishëm do të varet nga shitjet.

Në “Santiago Bernabeu”, vera pritet të sjellë ende zhvillime të tjera me peshë.

The post Mourinho synon edhe tre afrime të tjera te Real Madridi, me koston që mund të shkojë në 200 milionë euro appeared first on Albeu.com.

Siç raporton La Gazzetta dello Sport, Interi nuk synon të heqë dorë lehtësisht nga një prej futbollistëve më të rëndësishëm të skuadrës. Për këtë arsye, klubi zikaltër i ka vendosur Bastonit një çmim prej rreth 70 milionë euro.

Ndërkohë, te Real Madridi çdo hap i mundshëm për këtë transferim pritet të kushtëzohet edhe nga qëndrimi i trajnerit të ri, Jose Mourinho. Ai është duke shqyrtuar alternativat për të përforcuar repartin defensiv për sezonin e ardhshëm.

Raporti thekson gjithashtu se raportet mes Interit dhe Real Madridit janë afruar kohët e fundit, sidomos pas kalimit të Denzel Dumfries në “Santiago Bernabeu” për 20 milionë euro.

Në të njëjtën kohë, presidenti i Interit, Beppe Marotta, mësohet se është takuar në kryeqytetin spanjoll me presidentin e Real Madridit, Florentino Perez, ku në bisedë ka qenë edhe e ardhmja e Bastonit.

“Los Blancos” e kanë përforcuar tashmë mbrojtjen me afrimin e qendërmbrojtësit francez Ibrahima Konate si lojtar i lirë, por klubi mbetet në kërkim të opsioneve të tjera për të shtuar konkurrencën dhe cilësinë në prapavijë.

Bastoni vlerësohet si një nga mbrojtësit më cilësorë në Serie A dhe si një pjesë thelbësore e skemave të Interit. Tani mbetet për t’u parë nëse Real Madridi do të pranojë kushtet financiare të klubit italian për ta mbyllur marrëveshjen.

The post Real Madridi interesohet për Bastonin, Interi cakton vlerën e mbrojtësit italian appeared first on Albeu.com.

Gjatë afatit kalimtar të verës, mbrojtja e madrilenëve ka pësuar tashmë ndryshime të dukshme me afrimet e Marc Cucurellas, Denzel Dumfries dhe Ibrahima Konates.

Por për trajnerin portugez, puna nuk mbyllet me kaq. Sipas gazetarit Miguel Serrano, emri që Mourinho ka veçuar si objektivin kryesor për qendrën e mbrojtjes është Alessandro Bastoni i Interit.

Qendërmbrojtësi italian 27-vjeçar vlerësohet prej kohësh si një ndër më të mirët në Evropë në rolin e tij dhe ka qenë vazhdimisht në radarët e klubeve të mëdha.

Në të kaluarën, Bastoni ishte ndër dëshirat kryesore të Barcelonës, por ekipi i drejtuar nga Hansi Flick u tërhoq dalëngadalë nga tentativa për ta transferuar.

Gjithsesi, një marrëveshje për të nuk parashikohet e thjeshtë. Presidenti i Interit, Giuseppe Marotta, e ka bërë të qartë se klubi zikaltër nuk synon të heqë dorë nga një prej figurave kryesore të skuadrës.

“Ai kurrë nuk ka kërkuar të largohet. Është shumë i lumtur këtu dhe ne nuk jemi një klub që shet lojtarët e tij”, deklaroi Marotta.

Përkundër këtij pozicioni, Real Madridi vazhdon të mbajë gjallë interesimin për reprezentuesin italian dhe në javët e ardhshme mund të tentojë me një ofertë të rëndësishme.

Raportimet tregojnë se kartoni i Bastonit vlerësohet mes 50 dhe 70 milionë eurove, një shumë që për gjigantin spanjoll nuk do të ishte problem i madh nëse Mourinho e vendos italianin si prioritet absolut për mbrojtjen.

The post Mourinho e vendos Bastonin në krye të listës për mbrojtjen e Real Madridit appeared first on Albeu.com.

Sipas The Athletic, emrat që janë futur në listën e dëshirave për verën janë Ruben Dias, Nico Schlotterbeck dhe Alessandro Bastoni.

Pasi objektivi kryesor i madrilenëve, Josko Gvardiol, është pranë rinovimit me Manchester Cityn dhe nuk ka pasur asnjë progres në tentativën për Riccardo Calafiori të Arsenalit, drejtuesit e Los Blancos kanë nisur të shqyrtojnë alternativa të tjera.

Një prej tyre është Ruben Dias. Mbrojtësi portugez i Manchester Cityt po ndiqet nga afër nga Real Madridi, ndërsa situata e tij në Etihad mbetet e paqartë pas largimit të Pep Guardiolës. Jose Mourinho, trajneri i ri i klubit madrilen, e pëlqen bashkatdhetarin e tij dhe synon ta transferojë në Madrid.

Edhe pse së fundmi ka firmosur një rinovim afatgjatë me Borussia Dortmundin, Nico Schlotterbeck vazhdon të konsiderohet një objektiv real për Real Madridin. Klubi spanjoll po sheh mundësinë e aktivizimit të një klauzole të posaçme largimi në kontratën e tij, e cila kap shifrën 50-60 milionë euro.

Sa i përket Alessandro Bastonit, ai më parë ishte përmendur për një lëvizje të mundshme te Barcelona, rivali i madh i Real Madridit. Megjithatë, kjo pistë tashmë ka rënë, për shkak të vlerësimit që i bën Interi lojtarit dhe fokusit të klubit katalunas për të investuar në repartin ofensiv.

Ndërkohë, Real Madridi ka mbyllur tashmë një marrëveshje për afrimin e Ibrahima Konate si lojtar i lirë, si edhe ka siguruar rinovimin e kontratës së Antonio Rudiger.

The post Real Madridi shqyrton Dias, Schlotterbeck dhe Bastoni për repartin defensiv appeared first on Albeu.com.

Por, gjithnjë nga Spanja, vijnë të reja; sipas të përditshmes ‘Sport’, Barcelona ka gati alternativën e Bastonit për të cilin Interi kërkon të paktën 70 milionë euro dhe nuk ka ndërmend të përfshijë futbollistë në një operacion të mundshëm.

Plani B quhet Cristian Romero, qendërmbrojtësi i Tottenham që ka një vlerë më të ulët në krahasim me Bastonin.

Gjithnjë sipas ‘Sport’, Bastoni dhe Interi duken të shqetësuar ndaj një skenari të ri. Situata është kjo; mbrojtësi tundohet nga ideja për të lënë klubin zikaltër dhe Italinë për të nisur një aventurë të re, por nëse nuk do t’ia dalë të shkojë te Barcelona, ai do të rrijë te Interi deri në përfundim të kontratës në 2028.

Nga ana tjetër, drejtuesit e Interit janë gati ta lejojnë largimin e futbollistit por vetëm në bazë të kushteve të përcaktuara, pra nuk ka ndërmend ta shesë lirë kartonin e tij.

‘Bastoni ka një kontratë me Interin dhe aktualisht nuk ka situata të tilla që të mendosh largimin e tij nga Interi-tha përpara disa javësh, Drejtori Sportiv i Interit, Piero Ausilio-Barcelona? Nuk e di se çfarë thonë në Spanjë, por ne jemi të kënaqur me atë që Bastoni ka dhënë te Interi dhe jemi të sigurt që do të japë akoma më shumë. Nëse dikush është i interesuar për të, të na telefonojë, i dinë numrat e telefonëve tanë’. Pra, Inter është në pritje të lëvizjeve të mundshme dhe ofertës së duhur.

The post Alessandro Bastoni, Barcelona ka gati planin B; Inter nuk heq dorë dhe pret ofertën e duhur appeared first on Albeu.com.

“Bastoni i përzgjedhuri” është tituli kryesor dhe një foto e mbrojtësit të Interit. Sipas gazetës spanjolle, Bastoni është objektivi kryesor i Barcelonës në merkaton e verës për të forcuar mbrojtjen.

Drejtuesit katalanas dhe trajneri Hansi Flick po shohin që tani për përforcimet dhe mbrojtësi italian ndiqet prej kohësh. Një kontakt mes palëve – sipas “Sport”, – ka pasur në nëntor të vitit të kaluar, kur Deco fluturoi drejt Milanos për të takuar përfaqësuesit e Interit në lidhje me lojtarin që ka kontratë deri në qershor 2028.

Bastoni nuk ua ka mbyllur derën spanjollëve, të cilët tani kanë bindjen për të investuar tek ai. Interi e vlerëson mbrojtësin rreth 60 milionë euro dhe Barcelona ka gati një ofertë, ku parashikohet edhe përfshirja e një lojtari në këtë operacion. Emri që ngjall më shumë interes për zikaltrit është ai i Gerard Martín, që pëlqehet gjithashtu edhe nga Milani.

The post Bastoni i përzgjedhuri! Barcelona hidhet në sulm për mbrojtësin e Interit, shifrat e lëvizjes appeared first on Albeu.com.

Bisedimet për zgjatjen e kontratës kanë avancuar ditët e fundit, duke konfirmuar vullnetin e qendërmbrojtësit për të qëndruar. Bastoni nuk është joshur nga sirenat angleze dhe spanjolle, pasi ka si qëllim të bëhet një nga kolonat kryesore të Interit.

Drejtuesit zikaltër kërkojnë të “blindojnë” një nga pjesët më të çmuara të taktikës së trajnerit Chivu para hapjes së merkatos verore. Bastoni është në qendër të projektit teknik afatgjatë të klubit dhe në këtë mënyrë nuk do të ketë ankand për mbrojtësin italian.

The post Bastoni refuzon klubet e mëdha europiane, “Po” rinovimit me Interin deri në 2030-ën appeared first on Albeu.com.

Bastoni në një intervistë të dhënë së fudmi ka deklaruar se do të donte të bëhej një ditë kapiten i këtij ekipi.

“E shoh të ardhmen time te Interi. Emocionet që po ndjej në klub janë vërtet të veçanta, i shoh tifozët sa herë që shkojmë në stadium… kështu që për momentin shoh të ardhmen time atje”, u shpreh Bastoni.

“Do të doja të bëhesha kapiten një ditë”, tha ai për Gazzetta dello Sport.

Bastoni gjatë këtij sezoni ka zhvilluar 32 paraqitje, teksa ka kontribuar me një gol dhe tre asistime.

Përndryshe, ai ka kontratë të vlefshme me zikaltërit deri në verën e vitit 2028. /Klankosova.tv

The post Bastoni e sheh të ardhmen te Interi: Do të doja të bëhesha kapiten një ditë appeared first on Albeu.com.