Alergjia nga dielli përfshin njollat e lëkurës pas ekspozimit për një kohë të gjatë në diell.

Këto skuqje lidhen me çrregullimet e lëkurës, ndërkohë që specifikat e fenomenit (fotodermatoza) do t’i gjeni më poshtë në këtë artikull.

Kur kaloni orë në diell, gjasat janë që në pjesën e kraharorit e të krahëve të dalin disa njolla të fryra me ngjyrë të kuqe.

Termi i saktë i alergjisë nga dielli është ‘fotodermatoza’ dhe shpërthimi i këtyre njollave është një nga reagimet e kësaj alergjie.

Simptomat zakonisht prekin femrat nga mosha 20 deri në 40 vjeç.

Njollat zakonisht shfaqen në ngjyrë rozë ose të kuqe, në pjesën e krahëve, kraharorit dhe këmbëve.

Këto njolla nuk prekin lëkurën e fytyrës.

Njollat shfaqen zakonisht në pranverë ose në fillim të verës dhe shkaktohen nga ekspozimi afatgjatë në diell pas një periudhe me ekspozim të kufizuar në dritën e tij (dimër).

Alergjitë nga dielli zakonisht shoqërohen nga kruarjet ose ndjesinë e djegies.

Çfarë ndodh nëse këto njolla shfaqen disa minuta pas ekspozimit në diell ose përballeni me një shpërthim të fortë kruarjesh.

Kjo do të thotë se ju jeni prekur nga urtikaria diellore që mund të prekë çdo zonë të lëkurës së ekspozuar.

Njollat zhduken kur futeni në hije dhe në rastin më të keq ato zgjasin 24 orë.

Ndjesia e djegies nga dielli është më e përhapura dhe mund të prekë të gjitha pjesët e lëkurës të ekspozuara në diell.

Nëse jeni në dijeni mbi llojin e medikamenteve që rrisin ndjeshmërinë e lëkurës ndaj dielli, është e rëndësishme të shmangni ekspozimin në diell dhe të mbroheni prej tij.

Ndonjëherë dielli mund të përkeqësojë edhe çrregullime si lupusi ose rosacaea (skuqjet e lëkurës).

Nëse vini re që lëkura juaj përkeqësohet, atëherë kufizoni daljet në natyrë dhe kujdesuni të lyheni me krem mbrojtës me faktor të lartë.

Fotodermatoza mund të jetë edhe një problem gjenetik, por kjo ndodh rrallë.

Njerëzit që vuajnë nga ky problem janë tepër të ndjeshëm nga dielli, digjen shpejt dhe shpesh përballen me shpërthime njollash të forta.

Fotodermatoza metabolike mund të shkaktohet edhe nga difektet në enzimat e nevojshme për reagimet kimike në organizëm.

Lloji më i përhapur i saj është porfiria (sëmundja e ndjeshmërisë së lartë nga dielli).

Intensiteti i kësaj sëmundje është i ndryshëm dhe mund të prekë sistemin nervor, lëkurën dhe organe të tjerë.

Nëse kjo sëmundje prek vetëm lëkurën, njollat, flluskat dhe skuqjet janë të pritshme.

Kjo sëmundje nuk kurohet, por ndryshimet në stilin e jetesës – mbrojtja nga dielli, shmangia e tij dhe alkolit- vijnë në ndihmë.

Nëse ndjeshmëria ndaj diellit është e vazhdueshme, duhet të takoheni me një dermatolog që të diskutoni për kurën tuaj

Njerëzit preken edhe nga sëmundje të rralla që janë sfiduese, por mbrojtja e vazhdueshme nga dielli dhe trajtimet mjekësore, i bëjnë këto sëmundje më të përballueshme.

The post Si të mbroheni nga alegjia nga dielli appeared first on Albeu.com.

Ngjarja ka ndodhur në Britani, ndërsa sipas mediave atje, vajza ka përfunduar me dëmtime të rënda në sy, pas një shoku alergjik.

Danielle Hubbard shkoi të bënte një trajtim estetik para se të nisej me pushime në Maltë, por gjërat duket se nuk shkuan aspak sipas planit, pasi rezultoi se ajo ishte alergjike ndaj substancave që estetistja kishte përdorur.

Ajo u kthye në sallon për t’u ankuar dhe për të marrë një rimbursim, por thotë se estetistja refuzoi dhe u tregua indiferente edhe pse vajza kishte përfunduar në atë gjendje.

Danielle më pas mori një avokat, i cili zbuloi se salloni estetik në fakt funksiononte në mënyrë të jashtëligjshme.

The post Ngjarje tronditëse/ Vajza shkoi për të rregulluar vetullat, rrezikon të humbasë shikimin (FOTO) appeared first on Albeu.com.

Por cili është shkaku se përse këto simptoma janë më të rënduara në mëngjes?

Kafshët ose insektet shtëpiake

Marimangat e pluhurit janë insekte të vogla që lëshojnë në shtratin tuaj jashtëqitjen e tyre.

Këto mbetje futen në hundë dhe trup dhe shkaktojnë kruajtje të hundës dhe syve ose edhe astmë. Për më tepër, nëse flini me kafshët tuaja shtëpiake, ju gjithashtu mund të zhvilloni alergji të ndryshme.

Çdo tre muaj, lani jastëkun dhe ndërroni sa më shpesh çarcafët tuaj. Ju mund të përdorni gjithashtu edhe mbulesa të posatshme kundër merimangave.

Dhe nëse e dini se jeni alergjik ndaj zbokthit të kafshëve shtëpiake, mund t’ju duhet t’i mbani ata larg shtratit tuaj.

Poleni

Poleni është në sasi më të larta herët në mëngjes deri në mes të ditës. Prandaj të dalurit herët në mëngjes për stërvitje ose edhe për të nxjerrë qenin, mund të shkaktojë një reagim alergjik më të fortë.

Gjithashtu, kur merrni frymë thellë gjatë aktivitetit fizik, ju jeni duke thithur më shumë polen. Nëse nuk ndiheni ndiheni të sigurt në natyre ri mendoni të shkoni në palestër.

Përndryshe, zhvendoseni stërvitjen brenda mureve të shtëpisë tuaj.

Si të parandaloni alergjitë e mëngjesit?

Është një ide e mirë që të testoheni për të parë se për çfarë jeni alergjik. Kështu do të mund të bëni një identifikim më të lehtë të shkaktarëve dhe të mund t’i shmangni ato. Gjithashtu, mjekimi kundër alergjisë mund të jetë një lehtësim.

Antihistaminet si cetirizina (Zyrtec) dhe levocetirizina (Xyzal) mund të kenë efekt qetësues veçanërisht kur merren para se të flini.

Bisedoni me mjekun tuaj për simptomat tuaja, që ai të mund t’ju ndihmojnë të përcaktoni orarin e duhur të mjekimit.

The post Ja pse alergjitë përkeqësohen gjatë mëngjesit, çfarë dihet të dini dhe si t’i trajtoni appeared first on Albeu.com.

Ai u sulmua nga një tufë bletësh, të cilat e thumbuan në disa pjesë të trupit, sipas evima.gr.

Pickimet i shkaktuan alergji, por për fat të mirë mjekët arritën t’i japin ndihmën e parë në kohë duke shmangur tragjedinë.

Pas ndihmës së parë, 12-vjeçari do të transferohet në spitalin e fëmijëve, ku do të qëndrojë për disa ditë i shtruar./Albeu.com/

The post Tufa e bletëve sulmon 12-vjeçarin, niset me urgjencë drejt spitalit appeared first on Albeu.com.

Dhe pastaj vjen teshtitja e parë. Nuk është shkak për shqetësim.

Të tjerat, megjithatë, na bëjnë të mendojmë nëse duhet të vrapojmë në farmaci.

Megjithatë, këto janë simptomat e të ftohtit apo kemi të bëjmë me një lloj alergjie pranverore ?

Natyra po lulëzon dhe poleni qarkullon kudo në atmosferë. Pra, a po përqendrohemi te shkaku i gabuar?

Sipas dr. Lou Papa nga UR Medicine Primary Care, është një sfidë e vërtetë të pranosh nëse simptomat janë për shkak të një ftohjeje apo një alergjie, veçanërisht këtë periudhë të vitit kur bashkëjetojnë të gjithë “fajtorët” e mundshëm.

Pra, duke u përpjekur të dalloni se çfarë po ju ndodh në mënyrë që të mund ta trajtoni atë në mënyrën e duhur, është e dobishme të dini sa vijon:

Ftohja e zakonshme shkaktohet nga një virus ngjitës, duke shkaktuar simptoma që zakonisht zgjasin 7 deri në 10 ditë. Nëse rrjedhja e hundës, kolla dhe dhimbja e fytit shfaqen shpejt dhe shoqërohen me një ndjenjë acarimi dhe dhimbjeje, atëherë me siguri bëhet fjalë për një ftohje.

Nga ana tjetër, ka mundësi që të keni të bëni me një alergji nëse teshtitja shoqërohet me kruajtje në sy dhe në hundë.

Alergjia nuk është ngjitëse, përkundrazi është një reagim i trupit, i shkaktuar nga ndonjë element i mjedisit tuaj, si p.sh. poleni, pluhuri, qimet e një kafshe, ushqime të caktuara e të tjera, dhe mund të shkaktohet në çdo moshë.

Gjithashtu, riniti alergjik vazhdon për një periudhë shumë më të gjatë kohore, praktikisht për aq ditë sa jemi të ekspozuar ndaj alergjenit siç është poleni.

Pavarësisht nëse është një ftohje apo një alergji, medikamentet pa recetë janë zakonisht hapi i parë në lehtësimin e simptomave.

Shumica e njerëzve do të arrijnë në këtë mënyrë të lehtësojnë simptomat e bezdisshme menjëherë.

Megjithatë, kur zgjidhni ilaçe, duhet të jeni veçanërisht të kujdesshëm për atë që shkruhet në udhëzimet për përdorim dhe të përqendroheni në efektet anësore. Disa efekte anësore, të tilla si përgjumja ose vjellja, mund të ndikojnë ndjeshëm në aktivitetet tuaja të përditshme.

Së fundi, nëse keni presion të lartë të gjakut , sëmundje të zemrës, probleme me prostatën ose keni pasur një goditje në tru, është jashtëzakonisht e rëndësishme të konsultoheni me mjekun tuaj përpara se të vazhdoni me ndonjë mjekim, pasi disa ilaçe mund të ndërveprojnë negativisht me këto kushte, duke kërcënuar shëndetin tuaj.

Normalisht, pavarësisht nëse është ftohje apo alergji, simptomat zhduken pas disa ditësh. Megjithatë, nëse vëreni se ato vazhdojnë, do të ishte mirë të kontaktoni mjekun tuaj, pasi simptomat mund të jenë për shkak të një ataku astme ose një infeksioni respirator.

The post Si ta dalloni nëse jeni ftohur apo diçka ju ka bërë alergji appeared first on Albeu.com.

Nëse vuani nga alergjitë e pranverës, ka disa gjëra që mund të bëni për të ndihmuar në zbutjen e simptomave. Për shembull, mund të përdorni antihistaminikë për të luftuar reagimet e trupit tuaj ndaj polenit. Mund të ndryshoni veshjet dhe të laheni shpesh për të hequr polenin nga trupi juaj. Gjithashtu, mund të përdorni maska ​​të hundës për të parandaluar inhalimin e polenit në ajër.

Në raste më të rënda, ju mund të konsultoheni me mjekun tuaj për të marrë ilaçe më të forta për të trajtuar simptomat tuaja. Është gjithashtu e rëndësishme të jeni të vetëdijshëm për nivelin e polenit në ajër dhe të shmangni aktivitetet jashtë në kohët kur kjo është më e lartë.

Përmbajtja e këtij artikulli është vetëm për qëllime informuese dhe nuk duhet të konsiderohet si këshillë mjekësore. Nëse keni pyetje ose shqetësime rreth shëndetit tuaj, konsultohuni me mjekun tuaj ose një specialist të shëndetit. /albeu.com

The post Disa këshilla për të shmangur alergjitë e pranverës appeared first on Albeu.com.

Ky ndryshim të do të thotë zgjim më herët dhe ditë më e gjatë. Në këmbim të një ore gjumë më pak do të kemi një orë dritë më shumë.

Në pranverë, e gjithë Europa kalon në orën e verës për të optimizuar përdorimin e rrezeve të diellit dhe rrjedhimisht konsumon më pak energji elektrike. Prej kohësh, Komisioni Evropian ka diskutuar mundësinë e eliminimit të orës diellore, megjithatë, për momentin mosmarrëveshja është ende e hapur dhe asgjë nuk është miratuar. Kështu do të vazhdojmë me traditën, të flemë një orë më pak, nga ana tjetër do të kemi më shumë orë me diell gjatë ditës. Dhe të gjithë e dimë se sa të mira janë efektet e diellit për trupin tonë dhe humorin e mirë. Megjithatë, ky ndryshim nuk do të sjellë vetëm efekte të dobishme, ka edhe efekte negative që duhet të jeni në dijeni.

Ti fle më keq

Për disa, mund të duhen deri në tre javë për t’u mësuar me ndryshimin. Gjumi do të jetë i parehatshëm. Shkaqet e këtij çrregullimi mund të gjurmohen në ndikimin që shkakton ndryshimi i kohës në orën tonë të brendshme, e cila rregullon shumë funksione ciklike të trupit tonë.

Përqendrimi i ulur

Ulja ose përkeqësimi i gjumit shkakton humbje të përqendrimit dhe produktivitetit në punë dhe shkollë. Një studim raportoi se me ardhjen e orës diellore ka një rritje të sasisë së kohës që njerëzit humbasin duke shfletuar faqet argëtuese.

Sulmet në zemër

Ora e larguar nga gjumi rrit stresin, dhe rrit shanset për një atak në zemër për ata që janë në rrezik. Për më tepër, mëngjesi është koha më e ndjeshme e ditës për njerëzit në rrezik.

The post Pse ndryshimi i orës ndikon në shëndetin mendor? appeared first on Albeu.com.

Megjithatë, me pranverën vijnë edhe alergjitë që na mundojnë të njohura si riniti alergjik sezonal.

Riniti alergjik sezonal, i cili shpesh shfaqet me simptoma të kruajtjes intensive në hundë, teshtitjes së vazhdueshme dhe dhimbje koke të forta zakonisht trajtohet me ndihmën e medikamenteve.

Megjithatë, sipas ekspertëve të shëndetit, mund të zbatojmë edhe disa këshilla që ndihmojnë në luftimin e alergjive.

Probiotikët

Mund t’i gjeni në farmaci si suplemente dietike ose mund t’i merrni në mënyrë natyrale përmes produkteve të qumështit, si kosi, qumështi i thartë apo kefiri. Probiotikët përfitojnë tretje të mirë dhe kontribuojnë në “rregullimin” më të mirë të sistemit imunitar.

Kompresa

Një metodë që e kemi trashëguar nga gjyshërit tanë dhe na ndihmon gjithmonë të luftojmë simptomat e ftohjes. Vendosni në fytyrë lecka të ngrohta, të cilat i keni sterilizuar mirë. Kompresat qetësojnë dhimbjet e bezdisshme, ndërkohë që largojnë mbetjet e alergeneve duke reduktuar simptomat.

Ndërrimi i shpeshtë i rrobave

Pëlhurat priren të grumbullojnë mbeturina, duke kërkuar ndryshim të shpeshtë. Unë do t’ju rekomandoja të zgjidhni pëlhura me teksturë pambuku, të cilat mund të lahen në temperatura të ulëta.

Dush para gjumit

Është e rëndësishme të bëni dush para se të shkoni në shtrat për dy arsye. Së pari do t’ju relaksojë dhe së dyti do të largojë çdo substancë alergjike nga trupi juaj.

The post Disa këshilla se si të mbroheni nga alergjitë e pranverës appeared first on Albeu.com.

1. Pema bonsai-dëllinjë

Nëse ju pëlqejnë pemët, mund të tundoheni të merrni një bonsai. Por, para se ta bëni këtë, është mirë të keni kujdes se çfarë lloj bonsai merrni. Meqenëse pemët e bonsait janë nga e njëjta specie si dëllinjat e maleve, ato mund të shkaktojnë simptoma alergjie siç janë bllokimi i hundës dhe lotimi i syve.

2. Succulents

Këto bimë janë bërë gjithnjë e më të popullarizuara kohët e fundit dhe ka disa arsye pse. Ato janë të vogla, të lira dhe të lehta për t’u punuar. Por ato mund të infektohen me insekte që quhen “mealybug” dhe nëse futen te bimët përhapen lehtësisht dhe vështirë se largohen.

3. Oleander Nerium

E njohur gjithashtu si oleander, kjo bimë me pamje kaq të bukur, në fakt është jashtëzakonisht helmuese. Padyshim që nuk rekomandohet ta mbani brenda shtëpisë tuaj dhe të mos i afroheni shumë nëse e keni jashtë.

4. Dieffenbachia

Këto bimë janë të lehta për t’u rritur dhe për t’u kujdesur. Por nëse keni ndonjë kafshë shtëpiake, kjo bimë nuk është për ju, pasi përmban oksalat kalciumi i cili është helmues për macet dhe qentë.

5. Kaladiumi

Ndryshe njihet edhe si krahët e engjëllit ose veshët e elefantit, këto bimë konsiderohen toksike për kafshët shtëpiake dhe njerëzit.

6. Ficus Benjamina

Ficus Benjamina, ose siç e njohim ne fikusi është një tjetër bimë që ne e mbajmë në shtëpi. Por nëse vuani nga astma dhe jeni alergjikë ndaj latexit bëni mirë mos e mbani brenda në shtëpi.

7. Areca

OK, janë shumë të bukura, ama duhet të bëni kujdes pasi në të strehohen merimanga dhe insekte të tjera të rrezikshme.

The post 7 bimë që janë të rrezikshme për t’u mbajtur në shtëpi appeared first on Albeu.com.

Për shkak se çokollata përmban një shumëllojshmëri përbërësish, reagimi i trupit mund të jetë për shkak të një ose shumë prej tyre.

Ndjeshmëria ndaj një ushqimi është shumë më e butë se alergjia. Alergjia, kur është e rëndë, mund të çojë në anafilaksi edhe pas konsumimit të një sasie të vogël të ushqimit, ndërsa njerëzit me ndjeshmëri mund të konsumojnë një sasi të vogël pa ndonjë problem.

Cilët përbërës janë përgjegjës për reagimin e trupit:

Përbërësi kryesor i çokollatës është kakao, por nganjëherë gjithashtu përmban qumësht ose lecithin.

– Alergji nga kakao: Ajo shkakton simptoma të tilla si skuqjen e lëkurës dhe kruarje, vështirësi në frymëmarrje, ënjtje të gjuhës, buzët ose fyt, kollitje, nauze ose të vjella dhe dhimbje barku. Këto simptoma mund të tregojnë anafilaksi, prandaj kërkohet të shkohet në spitalin më të afërt.

– Alergji nga qumështi: skuqje lëkurës dhe kruarje, kollitje, të përziera disa orë pas pirjes. Pas disa orësh ose ditë, mund të shfaqen simptoma të tilla, si dhimbja e stomakut, skuqjet e lëkurës, kollitja, dhimbjet e barkut dhe diarre.

– Ndjeshmëri apo intoleranca në kafeinë: çokollatë përmban kafeinë, e cila bën që disa njerëz të kenë simptoma të tilla si nervozizëm, probleme gastrointestinale (diarre, vjellje, dhimbje stomaku), vështirësi në gjumë, dhimbje koke.

– Alergji nga lecithin: shkakton simptoma të tilla si, rrjedhje nga hundët, lot, çrregullime gastrointestinale (dhimbje në stomak).

The post Si ta kuptoni nëse keni alergji nga çokollata appeared first on Albeu.com.