Kovaçi tha në një lidhje ‘live’ në News24, se kryeministri duhet të rrisë pagat e pedagogëve nëse do që greva të ndërpritet dhe se ka punuar në Shërbimi Informativ dhe ka marrë shpërblim nga Rama për punën e shkëlqyer.

“Kryeministri të përqendrohet në kthimin e përgjigjes për peticionin. Gjithë të tjerat janë retorikë.
Unë kam qenë profesor, kam qenë ambasador 5 vjet ku kam bërë një punë të shkëlqyer duke sjellë këtu kryeministrin e Sllovenisë. Kam bërë 2 vizita presidentësh, 4 forume mes Shqipërisë dhe Sllovenisë.

Pas kësaj pune të shkëlqyer m’u kërkua të punoj si drejtor i analizës në Shërbimin Informativ dhe kam dhënë kontribut deri në vitin 2015 dhe unë e quaj intimidim ndaj atij institucioni.

Deklarata të papërgjegjshme. E kam për nder që kam kontribuuar për atë institucion për një periudhë më shumë se 2-vjeçare dhe kam punuar për atë kryeministër dhe ka marrë shpërblim ai departament për punën e shkëlqyer nga Rama. E quaj për nder që kam punuar në një institucion serioz dhe shpresoj që të jetë dhe sot një institucion serioz”, tha Kovaçi.

Ai më tej sqaroi se ndërpreu marrëdhënien e punës në SHISH për të ndjekur karrierën akademike.
“Unë vendosa të ndjek rrugën e karrierës akademike për ndjekjen e titujve të mi akademikë”, tha ai.

I pyetur nëse vijon të punojë ende për SHISH, Kovaçi tha: “Nuk ke si të punosh sepse ai është institucion ligjor që duhet të punosh brenda dhe ishte një punë juridike.
Ndoshta në nervozizëm e sipër, ai ka porositur dhe disa gazeta. Në këtë vijë me sa duket kryeministri vazhdon të ketë lidhje me këta persona. E konsideroj një tentativë për intimidim. E ka filluar që nga deklaratat për t’i bërë vetting, presion profesoratit, ndodhin vetëm në vendet diktatoriale.
Në Tatime e kam automatikisht deklarimin e pasurisë dhe gjithçka. Këto intimidime i quaj një gjendje të mjerë të kryeministrit.”, tha pedagogu.

Ai deklaroi se protestat do të vijojnë. “Ne do vazhdojmë protestat sepse kemi drejtësinë me vete, pastërtinë. Kryeministri nëse do ta mbyllë këtë protestë të ngrejë pagat. Ne kemi trajtuar problemin si një problem kombëtar.

Autonomia është përgjegjësi, do të thotë ti si qeveri paguaj atë që të takon dhe autonomia në menaxhimin e fondeve. Por nëse ti vendos paga qesharake, është faji i kryeministrit. Ne do vazhdojmë sepse jemi në të drejtën tonë dhe e drejta jonë do triumfojë dhe kryeministri do i thërrasë mendjes se këto janë vetëm shashka.

Ne kërkojmë që pedagogët të trajtohen në mënyrë dinjitozë. Kemi disa vite që protestojnë. Mësuesve iu është rritur sepse janë 60 mijë dhe ka nevojë për vota. Unë me këtë rast i them kryeministrit të vijë me këmbë në tokë, të rimendohet dhe të mos hedhë shashka të tilla për të intimiduar profesoratin sepse janë dhe të paligjshme”, u shpreh Kovaçi.

The post “Kam punuar në SHISH dhe kam marrë shpërblim nga Rama”, Kovaçi: Kryeministri kërkon të intimidojë profesoratin appeared first on Albeu.com.

Kovaçi është shprehur se protesta do të vijojë me bojkotin total të mësimit dhe mbledhjet para Universitetit Politeknik të Tiranës çdo ditë në orën 10:00.

Për Kovaçin, rankimi i universiteteve pa u bërë investime në to, gjë që e ka paralajmëruar kryeministri Rama, është i kotë.

Ai shtoi se me këto paga që kanë pedagogët dhe me këto investime të qeverisë për universitetet, ato nuk sjellin shpresë, duke bërë që studentët të largohen.

“Sindikata e punonjësve të arsimit, duke falenderuar stafin akademik deklaron protestë në ditët në vijim, në formën e ndërprerjes së plotë të procesit mësimor gjatë gjithë ditës dhe grumbullimit në orën 10 para fakulteteve, te politekniku sic janë sot. Vetëm qëndresa jonë e përbashkët do rikthejë dinjitetin e profesionit tonë dhe një thirrje të vecantë kam për ata që nuk janë bashkuar në protestë, misioni ynë akademik vijon.

Ne jemi pedagogët më të keqpaguar në Europë, pa literaturë bashkohore, pa kërkim shkencor pa laboratore, ska të ardhme. Ai e ka takimin me drejtorët dhe natyrisht ti thërrasë mendjes të targetojë gjendjen e mjerueshme të universiteteve, të gjitha janë në gjendje kënetore , nuk ka rankim pa investim.

Performanca e universiteteve është shumë e mirë krahasuar me kushtet, falë pedagogëve. Rankim nuk ka sepse nuk bëhet me 0.7% të GDP-së, të kthejnë kokën nga universiteti dhe të financojnë dhe të kemi mundësi të konkurrojmë me universitetet e tjera,” tha Kovaçi.

The post Protesta e padagogëve, Kovaçi: S’kan rankim pa investim appeared first on Albeu.com.

Ai tha se pedagogët do të mbajnë protestë ditën e premte, 14 tetor, ora 11:00, për rritje të rrogës dhe cilësisë së arsimit të lartë, ku do të vendoset në bashkëbisedim me studentët për vijimin e bojkotit dhe protestat.

Ndërsa theksoi se nuk do të negociojnë për rritjen e pagave dhe se vendimi për të bojkotuar mësimin më deri 17 tetor është ende në fuqi.

“Tarifa e studentëve të kthehen në shërbim për interesin e studentëve dhe jo për rritjen e pedagogëve. Ne e kemi caktuar, duam rritje 30% këtë vit dhe 20% vitin tjetër. Niveli i rritjes së pagës nuk është as sa indeksimi, është e papranueshme. Do të mblidhemi në protestë të premten, 14 tetor, ora 11:00. Atëherë do të marrim një vendim duke diskutuar me studentet. Duam një arsim të lartë serioz. Negociojmë kohën për 20%, por 30% nuk e negociojmë sepse ai është negociuar nga 50%. Nga rritja e rrogës pritet të përfitojnë rreth 5 mijë punonjës”, tha kreu i sindikatës së pedagogëve, Aleksandër Kovaçi.

Kërkesat e pedagogëve

-Rritja e pagave për pedagogët dhe stafin ndihmës

-Rritja e financimit për kërkimin shkencor

-Rivendosja e shtesave mbi pagë për ‘Dëshmëri shëndeti në punë’

-Rritja e shtesës mbi pagën për vjetërsinë në punë

-Rritja e pagesës së orëve të ngarkesës suplementare

-Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit.

-Rishikimin e tatimit prej 23% mbi pagesën e ngarkesës suplementare

-Të pezullohet deri më 2026 zbatimi i pikës c) të paragrafit të 3, i Kreut III të VKM Nr.112, datë 23.2.2018 për kriteret e marrjes së titullit “Profesor”.

-Të bëhet transparencë mbi buxhetin dhe të ardhurat e universitetet publik

The post Pedagogët paralajmërojnë protestën e radhës: Nuk negociojmë asnjë qindarkë për rritjen e pagave appeared first on Albeu.com.