Aleksandër Curaj u plagos me armë zjarri rreth orës  9:00 te zona e këmbimit valutor në qendër të qytetit të Shkodrës.

Ai u dërgua me urgjencë në spital dhe ndodhet në gjendje të rëndë shëndetësore.

Autori i plagosjes është identifikuar si  Dedë Bici, i cili është larguar me një biçikletë në drejtim të kryqëzimit të ish degës ndërsa policia po punon për gjetjen dhe kapjen e tij pasi është identifikuar nga kamerat e sigurisë. Ndërkohë pas plagosjes një dëshmitare i dha ndihmën e shpejtë ndërsa tregon se si ndodhi ngjarja.

Autori i dyshuar Dedë Bici dhe i plagosuri Aleksandër Curaj dyshohet se pak minuta para ngjarjes janë konfliktuar fizikisht. Një efektiv policie ka hyrë mes tyre për t’i ndarë, por i janë drejtuar policit duke i thënë se e zgjidhim vetë konfliktin se kemi një problem lekësh.

Pas sherrit fizik autori ka nxjerrë pistoletën duke e qëlluar katër herë në trup 40 vjeçarin i cili iu nënshtrua një ndërhyrje kirurgjikale. Ndërkohë policia vendore e Shkodrës dyshon se plagosja ka ndodhur për shkak të një borxhi që i plagosuri i ka patur autorit të dyshuar. 40 vjeçari Aleksandër Curaj kohët e fundit punonte me policinë private si efektiv security dhe nuk njihej si një person problematik.

Policia po punon për të zbardhur të plotë këtë plagosje ndërsa në vendin e ngjarjes bashkë uniformat blu mbërriti edhe prokurori Gëzim Spahiu.

/albeu.com

The post Katër plumba në drejtim të Curajt, konflikti nisi për çështje borxhi. Polici ndërhyri për t’i ndarë, autori: E zgjidhim vetë! appeared first on Albeu.com.

Gruaja ka treguar se e pa të gjithë ngjarjen, që nga momenti kur 40-vjeçari u qëllua, e deri në largimin e autorit dhe mbërritja e policisë.

Ajo thotë se të gjithë njerëzit po shikonin, por askush nuk po afrohej për t’i dhënë ndihmën e parë, ndërsa shton se policia rrugore ka ardhur pas 10 minutash.

Për autorin, dëshmitarja thotë se u largua deri në një pjesë të rrugës me vrap, nga kau më pas dyshohet të ketë ikur me biçikletë.

“Iku vrap, i ra aty, edhe pikë. I dhashë ndihmën. Unë isha këtu… shkova atje e pashë, kishte rënë në tokë. E kanë parë të tërë ngjarjen. Ka qëndruar rreth 10 minuta i shtrirë i plagosuri. Në stomak kishte gjak… Erdhi polici rrugor. Iku deri aty me vrap dhe u fut në qoshe. E pashë që ishte…zoti ta ndihmojë”, thotë dëshmitarja.

Ngjarja e rëndë u shënua rreth orës 09:00 të mëngjesit, ku autori e ka qëlluar shënjestrën me 4 plumba. Curaj ndodhet në spital, në gjendje të rëndë shëndetësore.

Policia ka ngritur pika kontrolli për kapjen e autorit, i cili sipas bluve dyshohet se është fshehur mes lagjeve.

The post “E gjeta të shtrirë, unë isha këtu”, flet dëshmitarja që i dha ndihmë të plagosurit, si iku autori appeared first on Albeu.com.