LSDM-ja akuzoi Hristijan Mickoskin se po ndjek një politikë të ngjashme me atë të Vuçiçit, duke mbrojtur zyrtarët që kanë madhëruar kriminelin e dënuar të luftës, Ratko Mlladiq.

Partia në pushtet deklaroi se komisionerja evropiane për zgjerimin, Marta Kos, anuloi sot vizitën e planifikuar në Serbi për shkak të glorifikimit të Mlladiqit.

“Mesazhi i Bashkimit Evropian dhe i Kos është më se i qartë. Madhërimi që shoqëron vdekjen e tij nuk përputhet me vlerat mbi të cilat ndërtohet rruga drejt BE-së. Kjo rrugë kërkon përballje me të kaluarën, pajtim të vërtetë dhe respekt për viktimat e krimeve të luftës”, shkroi Marta Kos në X.

Sipas LSDM-së, deklarata e sotme e Bashkimit Evropian konfirmon pikërisht shqetësimet për të cilat partia kishte reaguar pas zhvillimeve në Maqedoni.

“Madhërimi i një krimineli lufte është i papajtueshëm me vlerat evropiane”, thuhet në reagimin e partisë.

Megjithatë, pas qëndrimeve dhe deklaratave të tyre në mbështetje të madhërimit të Mladiqit, Mickoski mbrojti Ivan Stoilkoviqin dhe Dalibor Kitanoviqin.

LSDM-ja thekson se nuk pati as dorëheqje, as shkarkime dhe as marrje përgjegjësie, duke vlerësuar se Mickoski zgjodhi me vetëdije t’i mbështeste ata.

“Tashmë bëhet edhe më e qartë se ku po e çon Maqedoninë kjo politikë e Mickoskit, e ndërtuar sipas recetës së Vuçiçit: izolim i qëllimshëm, largim nga BE-ja, fushatë antievropiane dhe angazhim për agjendën ruse”, përfundon njoftimi i LSDM-së.

The post LSDM: BE kundërshton madhërimin e kriminelëve, ndërsa Mickoski mbron përkrahësit e Mladiqit sipas “recetës së Vuçiçit appeared first on Albeu.com.

Venko Filipçe, kryetar i LSDM-së, ka publikuar në rrjetet sociale deklaratën e kryeministrit të Malit të Zi, Milojko Spaji, sipas së cilës Vuçiq ka marrë përsipër rolin e “PR-it të Rusisë”.

Përmes një postimi në X, Filipçe deklaroi se kryeministri malazez e shprehu publikisht atë që ata prej kohësh po e thonë në Maqedoni.

“Veprimet ndërhyrëse të Aleksandar Vuçiqit nuk përbëjnë vetëm një çështje lokale, por një problem rajonal. I njëjti model po vihet në zbatim edhe këtu nëpërmjet OBRM-PDUKM-së dhe Mickoskit, duke u shërbyer agjendave të të tjerëve që bien drejtpërdrejt ndesh me interesat dhe vlerat evropiane. Pikërisht për këtë arsye Komisioni Evropian flet për ndërhyrjen e ‘botës serbe’”, ka shkruar Filipçe.

Sipas tij, bëhet fjalë për një veprim të bashkërenduar që synon ta lërë rajonin, e në veçanti Maqedoninë, në një hapësirë gri ndërmjet Evropës dhe Rusisë.

“Problemi qëndron te ata që sot flasin për Evropën, ndërsa të nesërmen realizojnë agjendën e Beogradit dhe Moskës. Mali i Zi e shprehu këtë hapur. Ka ardhur koha që edhe qytetarët e Maqedonisë ta kuptojnë qartë”, theksoi Filipçe, i cili shpërndau gjithashtu postimin e kryeministrit malazez.

Nga ana tjetër, Spajiq deklaroi se Mali i Zi nuk kërkon përplasje me Serbinë, por synon marrëdhënie të mira fqinjësore dhe ndjekjen e një politike të qartë evropiane, diçka që, sipas tij, Vuçiq “nuk dëshiron ta kuptojë”.

Kryeministri i Malit të Zi kritikoi gjithashtu presidentin serb për qasjen e tij ndaj Rusisë, duke i dërguar mesazhin se po luan rolin e “PR-it të Rusisë”.

“Nuk i përshtatet pozitës që mban të marrë përsipër rolin e ‘PR-it të Rusisë’ dhe t’u japë të tjerëve leksione për parimësi”, shkroi Spajiq.

Spajiq ngriti njëkohësisht edhe çështjen e armëve që përfundojnë në Ukrainë. /Telegrafi/

The post Filipçe mbështet kryeministrin malazez: Ndërhyrja e Vuçiqit përbën problem për gjithë rajonin appeared first on Albeu.com.

Sipas saj personi që po e kërcënon të atin, është i njëjtë me atë që e kërcënoi më parë dhe e “tërhoqi” të dilte nga shtëpia ditën kur u rrëmbye dhe u dhunua barbarisht.

Vajza e Sanduloviq ka arritur ti bëjë foto personit që i ka kontaktuar, sipas saj ai punon te shërbimet sekrete serbe, ndaj ajo thotë se në rrahjen brutale por edhe në kërcënimin që po bëhet babait të saj, ka gisht presidenti Vuçiç.

“I thanë se do e vrasin dhe se askush nuk do e dijë varrin e tij. I thanë se kjo do ndodh shumë shpejt. Interesante është koha kur u telefonua babai im se në të njëjtën kohë Aleksandër Vuçiç ka qenë duke folur për babain tim. Burri që e kërcënoi babain tim punon te shërbimi sekret serb. Unë akuzoj drejtpërdrejt Vuçiç për torturën që iu bë babait tim”, tha vajza e Nikola Sanduloviq

The post “Vuçiç do të vrasë babain tim”- vajza e Sanduloviq thotë se babi i saj u kërcënua sërish appeared first on Albeu.com.

“Ai dëshiron të sundojë edhe Maqedoninë e Veriut. Po, seriozisht, ai dëshiron të mposhtë Ali Ahmetin dhe BDI-në për të sunduar në Maqedoni pas zgjedhjeve të majit”, theksoi Vuçiq.

Dilema për pjesëmarrjen e mundshme të partisë së Kurtit në zgjedhjet në Maqedoni lindi në fund të dhjetorit pasi tri partitë opozitare të shqiptarëve të bashkuar në “Lidhja Evropiane për Ndryshim” njoftuan se në listat e tyre do të jenë emrat të personaliteteve të partisë Vetëvendosje.

The post Vuçiq: Kurti dëshiron të mposhtë Ahmetin dhe të sundojë Maqedoninë e Veriut appeared first on Albeu.com.

Qeveria mban mbledhjen e radhës nga orë 11:00 dhe në fillim të saj është planifikuar që Kurti të flasë për takimin me Vuçiqin.

“Në lidhje me takimin e datës 18 gusht në Bruksel, Kryeministri Kurti do të flasë këtë të mërkurë në adresimin e tij në fillim të mbledhjes së Qeverisë”, ka thënë Kryeziu.

Vuçiq të dielën dha versionin e tij për takimin, ndërsa Kurti deri tani nuk ka folur fare.

Sipas Vuçiqit, Kurti kishte shtruar 6 pikat e tij për marrëveshjen përfundimtare, ndërsa tha se për targat kishte refuzuar kthimin e atyre me “KS” në vend të “RKS”.

The post Kurti mbledh kabinetin qeveritar sot, pritet të japë detaje mbi dialogun me Vuçiç appeared first on Albeu.com.