Jamal Musiala, Florian Wirtz dhe Aleksandar Pavlovic janë vënë në shënjestër të ironisë së Toni Kroosit, ndërsa po diskutohej lista e parë e Gjermanisë nën drejtimin e përzgjedhësit Jurgen Klopp, e cila pritet të bëhet publike të enjten.

Gjatë podcastit “Einfach Mal Luppen”, që e realizon së bashku me vëllain e tij Felix, kampionit të botës të vitit 2014 iu kërkua të përzgjidhte tre futbollistë që nuk kishin qenë pjesë e Botërorit të fundit.

Kroos dha një përgjigje sarkastike, duke thënë: “Kam përmendur tre lojtarë që nuk morën pjesë në Botëror: Pavlovic, Wirtz dhe Musiala”.

Në të vërtetë, që të tre kishin luajtur për Gjermaninë në atë turne. Felixit iu desh pak kohë për të kuptuar ironinë dhe fillimisht reagoi me pyetjen: “Çfarë? Në cilin Botëror nuk morën pjesë?”. Pasi e kapi domethënien e komentit, ai shtoi: “Sepse nuk u vunë re, apo çfarë?”.

Me këtë thumbim, Kroos iu referua paraqitjeve të dobëta të treshes në kompeticionin ku Gjermania u eliminua nga Paraguai në raundin e 32-të.

Më pas, ish-mesfushori përmendi tre emra që e përmbushnin realisht kriterin e sfidës dhe që ai do të donte t’i shihte në grumbullimin e parë të Kloppit: Tom Bischof dhe Lennart Karl të Bayern Munichut, si edhe Said El Mala, talenti i ri i Kolnit.

The post Toni Kroos ironizon tre yjet e Gjermanisë: “Në Botëror nuk u vunë re appeared first on Albeu.com.

Aleksandar Pavlovic nuk pranoi të largohej nga Bayern Munich, pavarësisht interesimit të Manchester Cityt, që ishte i gatshëm të paguante rreth 100 milionë euro për mesfushorin gjerman.

Sipas gazetarit të Bild, Christian Falk, klubi anglez mbeti “i habitur” nga vendimi i Pavlovicit për të mos e pranuar ofertën.

Kontakti i parë nga Manchester City u vendos në mars, kur skuadra drejtohej nga Pep Guardiola. “Duhet ta pranosh vërtet këtë. Një ofertë prej 100 milionë eurosh nga Manchester City për Pavlovicin, dhe i riu thotë ‘jo’. Kjo është vërtet mbresëlënëse”, deklaroi Falk.

Megjithatë, negociatat nuk avancuan deri në një ofertë zyrtare, pasi Pavlovic e bëri menjëherë të qartë se nuk kishte dëshirë të largohej nga Mynihu.

Julian Agardi, një tjetër gazetar i Bild, raportoi se lojtari i formuar në akademinë e Bayernit e planifikon të ardhmen e tij afatgjatë në Mynih. Atje ai qëndron pranë miqve të ngushtë, mes të cilëve janë Tom Bischof, Lennart Karl dhe Nene Broën.

Manchester City, ndërkohë, investoi shuma të mëdha për transferimin e Ayyoub Bouaddi, Elliot Anderson dhe Enzo Fernandez.

Pavlovic është 22 vjeç dhe deri tani ka zhvilluar 102 ndeshje me Bayernin, ku ka shënuar tetë gola dhe ka dhënë gjashtë asistime. Kontrata e tij me klubin bavarez skadon në vitin 2029.

The post Aleksandar Pavlovic refuzoi ofertën prej 100 milionë eurosh nga Manchester City appeared first on Albeu.com.