Përmes letrës, Rajmonda Nika rendit se përse çështjen duhet ta hetojë SPAK, ndërsa thekson se është i vetmi institucion tek i cili kanë besim, se çështjen do ta hetojë me objektivitet.

Familja e Aleks Nikës disponon mikrokasetën, shprehet bashkëshortja e viktimës, ndërsa shton se janë të regjistruara të gjithë komunikimet me zë, të komandantit të gardës Ndrea Prendi me personelin drejtues të Gardës së Republikës, me datën 21 Janar 2011.

Letra e plotë:

Të nderuar Zotërinj Gjyqtarë.
Që në fillim do të thoja se, jam plotësisht dakort me argumentat ligjore që paraqiti avokati Idajet Beqiri për dërgimin e çështjes penale që i përket vrasjes së bashkëshortit tim Aleks Nika, për kompetencë në SPAK. Është i vetmi institucion tek i cili ne si familje kemi besim, se çështjen do ta hetojë në mënyrë të gjithanshme dhe me objektivitet.

Tani që në dispozicion të kësaj Gjykate, është vënë edhe Vendimi i Gjykatës Europiane të Drejtave të Njeriut e Strasburgut çështja Nika kundër Shqipërisë, besojmë se është krijuar baza ligjore që hetimi i kësaj çështje të kalojë për kompetencë në SPAK. Nuk do të doja që të përsërisja argumentat ligjorë që paraqiti avokati ynë, referuar përmbajtjes së këtij vendimi. Megjithatë interes më të madh për përcaktimin e kompetencës që çështja të kalojë në SPAK, paraqesin argumentat e parashtruara, në Vendim në pikat 15,17,18,25,27,31,36,37,39,44,49,56,63,69,81,82,87,96,102 ,107 ,109, 111,114,116, 155,163.Në përfundim në unanimitet, Gjykata është shprehur se;
1. Bashkon në themel kundërshtimin e Qeverisë për mosshterimin e mjeteve juridike të brendëshme dhe e rrëzon atë.
2. Deklaron kërkesën e pranueshme.
3. Vendos se ka pasur shkelje të aspektit procedural të Nenit 2 të Konventës.
4. Vendos se ka pasur shkelje të aspektit thelbësor të Nenit 2 të Konventës.

Të nderuar Zotërinj Gjyqtarë;
Ne si familje e Aleks Nikës disponojmë një mikrokasetë, ku janë të regjistruara të gjithë komunikimet me zë, të komandantit të gardës Ndrea Prendi me personelin drejtues të Gardës së Republikës, me datën 21 Janar 2011. Përmbajtjen e të gjithë regjistrimit, e kemi dëgjuar nëpërmjet diktofonit, ne pjesëtarët e familjes. Një pjesë e vogël e regjistrimit, ku pasqyrohen urdhërat e dhëna nga Komandanti i Gardës Ndrea Prendi, janë bërë të njohura për publikun nga gazetari Artan Hoxha. Ky regjistrim në dijenin tonë është administruar nga Prokuroria e Rrethit Gjyqësor Tiranë, e cila ka çështjen në hetim.
Tek ne familjarët e Aleks Nikës është krijuar bindja absolute, që vrasja e tijë dhe tre personave të tjerë, si dhe tentativa për vrasjen gjashtë demonstruesve me armë zjarri në bulevardin “Dëshmorët e Kombit” atë ditë, është realizuar në zbatim të urdhërave të dhëna nga Komandanti i Gardës Ndrea Prendi në radion e tijë. Të gjithë personat e zinxhirit komandues të gardës, që kanë marrë urdhrat për të qëlluar me armë zjarri me fishekë luftarak demonstruesit që ishin në bulevard, janë evidentuar në regjistrimin e bërë në mikrokasetën që ne disponojnë. Këtë mikrokasetë ne familjarët do ta dorëzojmë vetëm në SPAK, që është institucioni kompetent për të hetuar krimin shtetëror, dhe tek i cili ne akoma besojmë se do të zbulojë të vërtetën e kësaj ngjarje.
Përmbajtja e kësaj kasete, bën të domosdoshme, kryerjen e shumë veprimeve hetimore nga SPAK, të cilat me siguri do të çojnë në zbulimin e provave të reja dhe zbardhjen e së vërtetës, për të gjithë vrasjet dhe plagosjet e kryera me armë zjarri në bulevardin para kryeministrisë. Këtë kërkon të realizojë edhe Vendimi i Gjykatës së Strasburgut, në konkluzionet e tijë. Ashtu sikurse Gjykata e Strasburgut edhe ne kemi studjuar me shumë kujdes të gjithë materialet e dosjes hetimore dhe gjyqësore të kësaj çështje penale.
Ne duam që të zbulohen dhe penalizohen urdhëruesit e vrasjeve, sepse janë ata që menjëherë pas ngjarjes, kanë vepruar në mënyrë të organizuar në prishjen e provave, në paraqitjen e provave të rreme, në kryerjen e veprimeve konkrete duke penguar prokurorinë në zbatimin e detyrave të saja ligjore.
Me dërgimin e çështjes për kompetencë në SPAK, duke patur besim në objektivitetin e hetimit, ne do të kërkojmë në mënyrë të hollësishme kryerjen e shumë veprimeve hetimore, të cilat kemi bindjen se do të çojnë në zbulimin e këtij krimi shtetëror.
Hetimit të kësaj çështje, duhet ti nënshtrohet i gjithë zinxhiri komandues, për të cilin shprehet Gjykata e Strasburgut. Duhet të pyeten nga SPAKu, të gjithë personat që për shkak të detyrës, kanë qenë të pranishëm në Godinën e Kryeministrisë, në momentin që ka ndodhur ngjarja, si dhe ata që për shkak të detyrës, kanë marrë informacione nga organet ligjzbatuese, si ish Kryeministri në detyrë Sali Berisha, ministri i brendshëm Lulëzim Basha, Drejtori i Përgjithshëm i Policisë së Shtetit Hysni Burgaj, Drejtori i Policisë së Qarkut Tiranë Saimir Muça. Po ashtu ish Presidenti Bamir Topi, Prokurorja e Përgjithshme Ina Rama, Kryetari i Shërbimit Informativ Bahri Shaqiri e tjerë. SPAK do ti kërkojmë se për çfarë duhet të japin shpjegime secili prej tyre, në zbatimin e detyrave ligjore kushtetuese që kanë patur ditën e ngjarjes.
Duhet ti nënshtrohen hetimeve të gjithë prononcimet, që këta persona kanë bërë përpara medias pas ngjarjes në lidhje me vrasjet e 21 Janarit 2011 dhe nga cilat burime zyrtare i kanë marrë të dhënat që i kanë paraqitur si fakte apo prova.
Theksojmë se transkriptimi i audio përgjimit, i bërë publik në media nga gazetari investigativ Artan Hoxha, dhe administruar nga prokuroria e rrethit Tiranë, është më se i vërtetë për ne familjarët e dëshmorit Aleks Nika, vrarë në Bulevardin “Dëshmorët e Kombit”. Nuk mund të heshtet ndaj urdhërdhënësve dhe ekzekutorëve, pjesëtar të zinxhirit komandues, të pranishëm në Godinën e Kryeministrisë. Të dy palët urdhër dhënës dhe ekzekutor në bashkëpunim, kanë dëgjuar mirë njëri-tjetrin edhe për faktin, që kanë qënë gjithë kohën me kufje në vesh. Komandanti i Gardës Ndrea Prendi dëgjohet mirë kur urdhëron “ Të mbahen armët në dorë gati për zjarr. Të mbahen armët në dorë gati për zjarr në ajër, pastaj kur të them unë në trup. Artan dëgjon, Artan dëgjon. Artani. Dëgjoj, dëgjoj. Ndrea Prendi.-me të kaluar gardhin e telave do të hapet zjarr luftarak. Kuptova, kuptova. Ndrea Prendi. Ky është urdhri. Dashamir dëgjuat. Dy efektiv të njësisë speciale. Alfred ta,ta,ta gjakos. (Shënimi ynë) Dëgjohen të shtëna tek e tek, radhasi. Ndrea Prendi. Alfred kujdes municionin. Kujdes municionin.
Nga komandanti i Gardës Ndrea Prendi i jepen urdhëra edhe personave të tjerë oficerë me emër, të grupit të njësisë speciale, që për të ruajtur sekretin nuk i bëjnë publike. Përmenden edhe pseudonime dhe numërtime, të këtij zinxhiri komandues oficerë të gardës, marrin urdhëra nga Komandanti I Gardës Ndrea Prendi edhe pasi janë realizuar vrasjet e katër dëshmorëve të Atdheut jashtë gardhit rrethues të Kryeministrisë, brenda disa sekondave. Njëri nga drejtuesit e Policisë së Shtetit, që ishte në të njëjtat valë të radios, me Ndrea Prendin, përmend edhe ministrin e punëve të brendshme, që kërkonte menjëherë pas vrasjeve një person të zinxhirit komandues të Gardës. Pra janë shumë persona të zinxhirit komandues që ishin në valët e radios të Ndrea Prendit që kanë dëgjuar të gjitha komunikimet midis Ndrea Prendit dhe atyre që kanë qëlluar të cilët ne do ti kërkojmë SPAK që ti ripyes. Ka edhe prova shkresore, që konfirmojnë dhënien e urdhërave, por në mënyrë të cunguar, që dihet kush janë konkretisht dhe duhet të pyeten.
Duke përfunduar, shpresojmë që gjykata të pranojë kërkesën tonë për dërgimin e çështjes për kompetencë në SPAK që është i vetmi institucion që ne kemi besim se do të realizoj hetime objektive dhe të gjithanshme, që kërkon edhe Gjykata Europiane e të Drejtave të Njeriut në Strasburg.
Bashkëshortja e Aleks Nikës
Rajmonda Nika

The post Gruaja e Aleks Nikës letër Gjykatës së Lartë: Kemi kasetën për vrasjet e 21 Janarit, SPAK duhet ta hetojë appeared first on Albeu.com.

Kjo gjykatë ka dalë në përfundimin se ka dy shkelje në këtë çështje: vrasja dhe më pas moszbardhja e krimit.

Po ashtu në vendimin e argumentuar të Strasburgut thuhet se ka pasur shkelje të detyrimit procedural dhe të pjesës thelbësore të nenit 2 të Konventës, shkelje të dy aspekteve të së drejtës së jetës.

Gjykata e të Drejtave të Njeriut sqaron se autoritetet kanë dështuar që të kryejnë një hetim efektiv dhe se gjatë protestës politike sipas saj, u përdor në mënyrë të pajustifikuar forca vdekjeprurëse.

VENDIMI I PLOTE

Mes të tjerash Gjykata nënvizon dhe faktin se teksa ka pasur mangësi specifike në hetimin e rastit në fjalë, bëhet thirrje që të identifikohen dhe ndëshkohen ata që janë përgjegjës për krimin.

Po ashtu Strasburgu thekson se ka pasur dhe defekte në ushtrimin e detyrës nga ana e policisë për mbarëvajtjen dhe kontrollin e protestës.

Aleks Nika mbeti i vrarë në protestën e 21 janarit 2011 në bulevardin “Dëshmorët e Kombit”, bashkë me 3 protestues të tjerë. Pas kalvarit të gjatë gjyqësor, familjarët e Nikës dërguan padi në Gjykatën Europiane për të Drejtat e Njeriut.

Kujtojmë se më 21 janar të vitit 2011, opozita socialiste thirri në protestë qytetarët, pas videoskandalit Meta-Prifti, ku flitej për aferë korruptive. Pas përplasjes me policinë dhe tentativave për të hyrë brenda në Kryeministri, 4 protestues mbetën të vrarë.

Në protestë humbën jetën Hekuran Dedën, Ziver Veizin, Faik Myrtajn dhe Aleks Nikajn. Sakaq, Hetimi i parë çoi si të pandehur për ngjarjen Ndrea Prendin dhe Agim Llupon. Nga ana tjetër, gjykata vlerësoi se vrasjet e Ziver Veizit, Faik Myrtajt dhe Hekuran Dedajt kanë ndodhur nga pakujdesia dhe dënoi ish-komandantin e Gardës, Ndrea Prendi me një vit burg, si dhe gardistin Agim Llupo me 3 vite.

The post Zbardhet vendimi i Gjykatës së Strasburgut për vrasjen e Aleks Nikës më 21 janar: Dy shkeljet e kryera nga shteti appeared first on Albeu.com.

The post Policia gjyqësore në familjen e Aleks Nikës, kërkon audioregjistrimin e Ndrea Prendit për “21 Janarin” appeared first on Albeu.com.

Hoxha tha në emisionin “Now” se në 12 vjet, prokuroria e Tiranës nuk ka marrë asnjëherë në pyetje 5 njerëz që kanë lidhje të drejtpërdrejtë me vrasjet e 21 janarit, duke filluar nga Sali Berisha, Edi Rama, Lulzim Basha, presidenti i asaj kohe Bamir Topi, dhe ish-prokurorja Ina Rama.

“Ne kemi kërkuar që këtë çështje ta marrtë SPAK se kemi humbur besimin që prokuroria e Tiranës do ta hetojë. E kam zero besimin, se prokuroria deri tani s’e ka pyetur kurrë Berishën, Bashën, Ramën, Topin, Ina Ramën. Kur s’i ka pyetur për 12 vjet, do t’i pyesë në muajin e parë të vitit të 13? Ndaj unë dhe familjarët e Aleks Nikës, një familje dinjtoze e vetmja që s’ka pranuara asnjë lekë, që nuk e ka këmbyer gjakun e familjarit të tyre me paratë e pushtetit, kur u lodhën duke pritur drejtësi, vendosën të bëjnë këtë zgjedhje. E para ta publikojmë, fakti që i kapëm gafil, që s’i dinte askush. Unë s’doja të njoftohej as qeveria, as mazhoranca se i kanë prishur hetimet prej 12 vjetësh”, tha Hoxha. /albeu.com

The post “Familja e Aleks Nikës nuk pranoi asnjë lekë”, Artan Hoxha: Berisha, Rama dhe Basha nuk u morën kurrë në pyetje për 21 janarin appeared first on Albeu.com.

Hoxha thotë se babai, nëna, bashkëshortja dhe fëmijët e Aleks Nikës presin ende drejtësi, pas ngjarjes së rëndë që çoi në vrasjen e njeriut të tyre të dashur.

“Babai i Aleks Nikes, Ndue Nika, duke degjuar në diktofon urdherat e drejtuesve të Gardes, qe çuan në vrasjet e protestuesve me 21 janar 2011.
Mes 4 te vrareve te asaj te premte te ftohte janari, ishte dhe djali i tij, Aleksi, qe kishte dale te protestonte kunder korrupsionit të pushtetit dhe keqeverisjes.
Disa dite pare, me shkova në shtepine e Aleks Nikes, në Lezhe, ku babai, nena, bashkeshortja dhe dy vajzat e tij, presin ende nje pergjigje për skuadren e pushkatimit në bulevardin “Deshmoret e Kombit”, shkruan Hoxha krah fotove.

/albeu.com

The post Artan Hoxha publikon fotot: Babai i Aleks Nikës dëgjon në diktofon urdhrat e drejtuesve të Gardës më 21 janar appeared first on Albeu.com.

Hoxha tha në emisionin “Kjo Javë” se familja e Aleks Nikës, njërit prej protestuesve të vrarë në bulevard para 12 vitesh, ka marrë një foto të vrasësit të djalit të tyre e cila u është dërguar në anonimat.

Për të prova e publikuar së fundmi është e pakundërshtueshme dhe se tregon që vrasjet nuk janë bërë si thotë gjykata apo si është thënë nga qeveria në atë kohë.

Megjithatë gazetari shprehu besimin se SPAK ka një mundësi të mirë për hetimin dhe zbardhjen e ngjarjes, që 21 janarin e ardhshëm të mund të jetë një realitet tjetër pas veprimit të drejtësisë.

“12 vite më pas problemi është që u bë ajo ceremonia që bëhet gjithmonë, unë nuk shkoj aty asnjëherë. Sivjet jam pak më i qetë se herët e tjera sepse pata mundësi që të paktën familjen e Aleks Nikës, vrasja e të cilit nuk ka ende autor. Familjes së Nikës i është dërguar fotoja e vrasësit të djalit të tyre. Në një moment kur nuk ka hetime ndodh kjo. Duhet të kishte një përgjigje për opinionin publik, si është e mundur që edhe 12 vite më pas nuk është bërë një hetim ku të deklarohet para gjykatës, duke filluar që nga presidenti, kryeministri e kreu i opozitës së asaj kohe. Unë kam gjetur një provë të re që është e pakundërshtueshme.

Në mbrëmjen e 21 janarit janë publikuar pamjet e vrasjes së Ziver Veizit, deri në atë moment në debate u tha se vrasjet u bënë nga protestuesit. Faktet që dolën nga News24 në mbrëmje ndryshoi rrjedhja e ngjarjes dhe hetimeve. Një industri e tërë u vu në detyrë për të fshehur provat dhe kjo kërkon një hetim. Ina Rama nuk ka treguar kurrë se çfarë ka ndodhur pas 21 janarit. Ajo që ka ndodhur është se janë fshirë provat, janë fshirë serverat. Kamerat e kryeministrisë nuk kishin asnjë pamje, gardistët komunikonin me radio dhe më pas nuk u gjet asgjë. Nuk u gjet asnjë urdhër as në sallën e tyre operative. Ndërkohë prova e re që kemi gjetur, e cila është e pakundërshtueshme. Kjo provë tregon që vrasjet nuk janë bërë si thotë gjykata apo si u tha nga qeveria në atë kohë. Kjo provë dëshmon se vrasjet janë bërë me urdhër.

Sot unë besoj se  SPAK ka gjithë mundësitë për të zbardhur ngjarjen. Besoj shumë se ndoshta 21 janarin e ardhshëm nuk do kemi sërish atë ceremoninë në bulevard për nderimin e viktimave por mund të kemi një realitet tjetër”, tha Hoxha. /albeu.com

The post “Janë fshirë provat për 21 janarin”, Artan Hoxha: Familjes së Aleks Nikës iu dërgua fotoja e vrasësit appeared first on Albeu.com.

Kanë kaluar më shumë se 11 vite nga ngjarja e 21 Janarit 2011, ku mbetet të vrarë në Bulevard 4 qytetarë, vrasja e njërit prej tyre, Aleks Nikës ka mbetur pa autor.

Bëhet me dije se predha që i mori jetën Nikës në rrugë diplomatike ka mbërritur në Itali, nëpërmjet oficerit të kontaktit të policisë shqiptare atje.

Ky laborator është shtetëror dhe do të ekzaminojë predhën për të identifikuar armën që e ka qëlluar protestuesin.

“Report tv” shkruan se më herët policia ka dërguar të gjitha tabelat fotografike të plumbit dhe ekzaminimet që janë bërë në Shqipëri dhe SHBA. Mirëpo Italia ka kërkuar që të dërgohet atje plumbi për të bërë ekzaminimin.

Hetimet po ndiqen nga prokurore Marjeta Zaimi. Vrasja e Nikës është ende duke u hetuar, pasi policia dhe prokuroria nuk kanë mundur të përcaktojnë se cila nga armët e Gardës që ka qëlluar në 21 janar I ka shkaktuar vdekjen protestuesit Aleks Nika.

The post Vrasja e Aleks Nikës në Bulevard ende pa autor, mbërrin në Itali plumbi që i mori jetën protestuesit në 21 janar appeared first on Albeu.com.

Në këtë 11 vjetor, gruaja e Aleksit, Rajmonda Nika dhe xhaxhai i tij Mark Nika kanë mbërritur në Tiranë ku do të zhvillohen homazhe në nderim të viktimave. Në një prononcim për gazetaren e abcnews.al Beklie Koltraka, Mark Nika thotë se me vete mbartin të njëjtat emocione si ditën kur plumbat i morën jetën Aleksit. Bashkë me dhimbjen edhe etja për drejtësi është shtuar. Në të njëjtën kohë, sipas xhaxhait të Aleksit, beteja bëhet më e vështirë edhe përballë atyre që duan ta mbyllin çështjen.

“Në vijmë në Tiranë për përkujtimin e Aleksit. Sot pas 11 vitesh janë të njëjtat emocione  si ditën kur u vra, s’ka asnjë zhvillim të ri në dosje. Dosja në prokuroi ende s’ka veprime. Kërkojnë ta mbyllin çështjen, por ne nuk do ta lejojmë. Kjo është përpjekja jonë për të rifilluar hetimin që vrasësit të shkojnë para drejtësisë. Sot ndiejmë të njëjtat emocione, dhimbja rëndon dhe vepron më shumë. Duhet të ishte prioritet i parë i drejtësisë kjo çështje. As fashizmi s’i ka bërë këto krime. Gjejnë justifikme. Ne duam vetëm drejtësi. Çështja t’i kaloje SPAK, SPAK të vihet në funksion”, tha Mark Nika për abcnews.al

“Kërkojmë atë që kemi kërkuar për 11 vjet dhe që s’ka ndodhur. Asgjë e re deri tani pas rihapjes se hetimeve“, shtoi Rajmonda Nika.

Pas 10 vitesh nga protesta ku humbi jetën Aleks Nika nisur nga fakti që vrasjet kanë mbetur pa autor, familjarët e tij iu drejtuan Gjykatës Europiane për të Drejtat e Njeriut ku kanë paditur shtetin shqiptar se nuk ka kryer hetime efektive. Gjykata Europiane e ka pranuar padinë ndërsa Mark Nika thotë se çështja është ende në gjykim.

“Çështja sipas informacioneve që kam është ende në gjykim. Dokumentet janë të plota por kanë procedura, ecin sipas procedurave”, shtoi ai, për abcnews.al

Drejtësia është dhe do të jetë kryefjalë e familjarëve të Aleks Nikës derisa ta arrijnë.

“Qeveria s’merret me hetime, por është angazhuar ta nxisë hetimin. Kemi kërkuar që çështja të kaloje në SPAK, sepse ka zvarritja nga prokuroria. Ajo ngelet përsëri te një oficer i policisë gjyqësore të Tiranës. Kryeministri na ka ftuar sot në ceremoninë përkujtimore dhe aty do të japim mendimet tona në lidhje me zvarritjen e hetimeve”, përmbylli Mark Nika.

Shënohet sot 11-vjetori i protestës. Gjithçka nisi rreth orës 14:00 , kur protestuesit përshkuan rrugën në këmbë nga sheshi “Skënderbej” deri para objektit të Kryeministrisë, pasi policia kishte ndërmarrë masat që të mos lejonte asnjë autobus të vazhdonte më tej. Turma nisi me thirrje kundër kryeministrit të atëhershëm, ndërkohë që vetëm pak minuta më vonë, filloi hedhja e gurëve dhe sendeve të forta në drejtim të forcave të rendit. Situata u tensionua pasi protestuesit tentuan të hynë në oborrin e kryeministrisë, ndërsa policia mbronte ambientin e brendshëm. Për një moment nisën të dëgjoheshin të shtëna armësh brenda territorit të Kryeministrisë, dhe këto të shtëna lanë të vdekur Hekuran Dedën, Ziver Veizin, Faik Myrtajn dhe Aleks Nikajn./acbews.al

The post 21 janari, familjarët e Aleks Nikës: Dhimbja rëndon, krimi pa autor, “beteja” për mbylljen e çështjes appeared first on Albeu.com.

I pyetur nëse shteti ka reaguar në kohë për këtë çështje, ai tha:Ky propozim për zgjidhjen e çështjeve me të holla na është bërë dy here nga Strasburgu, e kemi refuzuar si akt i shëmtuar për ne, vrasje nuk zgjidhet me para, i bie të shisnim gjakun e Aleksit. E kemi kërkuar që kjo të refuzohet nga avokatura shqiptare.

Kam një dyshim që Strasburgu ja faturon prokurorisë së Tiranës dhe pastaj ta mbyllë, se do penalistë dhe juristë të mirë, që prokuroria si ka prandaj duam të çohet në SPAK, se na ka thënë që si plotëson kushtet,

Unë akuzoj Berishën , Bashën, Prendin, prokurori i përgjithshëm që ka manipuluar hetimin, Llalla.

Ndryshe kjo çështje është e destinuar të varroset sërish. Plumbi i Aleksit sipas prokurorisë së Stambollit është dëmtuar në kokë, kurse në këtë të Tiranës thonë është i shtypur, se nuk ka laboratorë.

Tani këta duhet të hetojnë kush e prishi plumbin se kështu gjejnë fajtorin. Për të rifilluar hetimet SPAK do prova këto i ka prokuroria e Tiranës. /tch

The post 21 Janari/ Xhaxhai i Aleks Nikës: Na kanë ofruar lekë! Vrasja nuk lahet me para appeared first on Albeu.com.

Katër ditë më parë, u raportua se ka qenë gjykata Ndërkombëtare e Strasburgut që ka nisur shqyrtimin e çështjes së vrasjes së Nikës.

Padia është bërë në Gjykatën e Strasburgut nga familjarët e të ndjerit . Kujtojmë se Nika mbeti i vrarë në protestën e 21 janarit, në Bulevardin “Dëshmorët e Kombit”.

Kanë qenë familjarët e të ndjerit që ka ngritur padi kundër institucioneve të drejtësisë në Shqipëri, duke pretenduar se ata kanë vonuar hetimet.

The post Vrasja e Aleks Nikës në protestën e 21 janarit, prokuroria rifillon hetimet appeared first on Albeu.com.