Ky gol që tashmë është shpallur më i miri i sezonit, ishte emëruar si goli më i mirë i muajit nëntor, muaj kur ishte zhvilluar ndeshja mes Evertonit dhe Manchester United, që përfundoi me rezultat 0:3 në të mirë të ‘Djajve të Kuq’.

Bruno Fernandes ishte në mesin e kandidatëve falë super golit të shënuar me vollej goditje ndaj Burnleyt në muajin tetor, ndërsa pjesë e listës ishin edhe Kobbie Mainoo me golin e shënuar ndaj wolvesit në muajin shkurt si dhe Marcus Rashford me golin ndaj Manchester Cityt në ‘Etihad Stadium’ gjatë muajit mars.

Goli që kishte shënuar Garnacho ishte pothuajse i ngjashëm me atë që kishte shënuar wayne Rooney ndaj Manchester Cityt dhe që konsiderohet si goli më i mirë në histori të Ligës Premier.

Argjentinasi gjatë këtij edicioni në të gjitha garat me Manchesterin ka shënuar 10 gola, si dhe ka bërë pesë asistime.

OUT OF THIS W🌍RLD

❤️‍🔥 @AGarnacho7#MUFC || #PL pic.twitter.com/T6rQoB4DgN

— Manchester United (@ManUtd) May 26, 2024

The post VIDEO / Goli i Garnachos ndaj Evertonit shpallet më i miri i sezonit në Premier Ligë appeared first on Albeu.com.

Reprezentuesi argjentinas mund të ketë nevojë për dekada për të barazuar Lionel Messin, por paralelet e tij me kohën e Cristiano Ronaldos në ‘Old Trafford’ nuk janë aq të largëta.

Adoleshenti Garnacho është vetëm njëri nga gjërat e pakta pozitive të United në një sezon tejet dëshpërues për ‘Djajtë e Kuq’.

Në mënyrë më të përshtatshme, Garnacho pritet të thyejë e rekordin e Ronaldos (73) për më së shumti paraqitje për United si adoleshent, kur ata do të përballen me Liverpoolin të dielën.

Shënimi i golit gjithmonë është konsideruar si një dobësi e Garnachos, por në fakt ai ka shënuar më shumë gola se sa Ronaldo ka bërë deri në këtë pikë të sezonit gjatë asaj kohe.

Në 39 ndeshje si startues, Garnacho ka shënuar 12 gola dhe ka asistuar në shtatë të tjerë, në krahasim me dhjetë golat e shënuar nga Ronaldo dhe dhjetë asistimet në 51 ndeshje të luajtura para moshës 20-vjeçare.

Ka edhe më shumë statistika që sugjerojnë se Garnacho po zhvillohet shumë më shpejt se sa Ronaldo kishte bërë kur ishte fëmijë.

Ronaldo nuk ka startuar asnjëherë në më shumë se tetë ndeshje radhazi për ‘Djajtë e Kuq’ në vitet e tij të adoleshencës, ndërsa Garnacho është emëruar në formacionin startues në 23 ndeshjet e fundit në të gjitha garat. /Telegrafi/

The post Statistikat mbresëlënëse të Garnachos dëshmojnë se ai po zhvillohet më shpejt se Ronaldo appeared first on Albeu.com.

Vetëm si 19-vjeçar, Garnacho është në mesin e lojtarëve më të spikatur të Unitedit këtë sezon, ndërsa ndaj Evertonit të shtunën, ai u bë lojtari i parë i Unitedit në histori të Ligës Premier që ka fituar dy penallti brenda një ndeshje.

Reprezentuesi argjentinas ka shënuar shtatë gola në të gjitha garat këtë sezon, teksa ka kontribuar edhe me tri asistime.

Garnacho mund të jetë një nga shkëndijat e ndritura të ‘Djajve të Kuq’ këtë sezon, por klubi anglez e ka vëzhguar atë që prej moshës 14-vjeçare, para se të nënshkruanin një parakontratë me të dy vite më vonë, kur atë kohë ishte pjesë e Atletico Madridit.

Sipas asaj që raporton The Athletic, transferimi i Garnachos i kishte kushtuar Manchester Unitedit 150 mijë euro, ndërsa 50 mijë të tjera u paguan në formë bonusesh.

Atletico gjatë asaj kohe kishte shprehur dëshirën që ta mbante atë në ekip dhe i kishin ofruar një pagë pak a shumë të njëjtë si ajo e United: 70 mijë euro në vit, me mundësinë që kjo të rritet deri në 90 mijë.

Pas paraqitjes së tij mbresëlënëse ndaj Evertonit, Garnacho mori shumë lëvdata, ku në mesin e atyre që e përgëzuan argjentinasin për ndeshjen që bëri ishte edhe legjenda Rio Ferdinand. /Telegrafi/

The post Çmimi ‘qesharak’ që Manchester United ka paguar për transferimin e Garnachos appeared first on Albeu.com.